News

POST TYPE

EDITORIAL

ပြိုင်ဘက်ကောင်း လိုနေပြီလော(Weekly, Vol-13/No-8)
19-Mar-2017 tagged as

မြန်မာနိုင်ငံတွင် အတိုက်အခံပါတီ ဆိုသော စကားမှာ အင်္ဂလိပ်ဘာသာ Opposition Party ကို မြန်မာဘာသာပြန် အနေနှင့် တွင်ကျယ်စွာ သုံးနေကြခြင်း ဖြစ်သည်။ အတိုက်အခံပါတီ ဆိုသည်မှာ ရွေးကောက်ပွဲတွင် ဒုတိယ မဲအများဆုံး ရရှိပြီး လွှတ်တော်တွင် ဒုတိယ အင်အားအကောင်းဆုံးပါတီဟု ယေဘုယျအားဖြင့် သတ်မှတ်နိုင်သည်။

သို့သော် ဒုတိယ အင်အားအကောင်းဆုံး ဖြစ်နေလင့်ကစား အတိုက်အခံပါတီ တာဝန်များ မထမ်းဆောင်နိုင်ပါက အတိုက်အခံပါတီဟု မခေါ်ဆိုနိုင်ဘဲ ယင်းပါတီထက် အင်အားနည်းသော်လည်း အင်အားအကောင်းဆုံး ပါတီကို အတိုက်အခံအနေနှင့် ဝေဖန်၊ ထောက်ပြ၊ ထိန်းညှိပေးနိုင်လျှင် အတိုက်အခံပါတီဟု ဆိုနိုင်သည်။

အတိုက်အခံဆိုသော စကားလုံးကို အာဏာရပါတီနှင့် အစိုးရ လုပ်သမျှ အပြစ်တင်၊ ဝေဖန်၊ ထောက်ပြနေခြင်းကို ရည်ညွှန်းသည့် အနုတ်လက္ခဏာ သက်သက်ဆောင်သော စကားလုံး ဖြစ်သည့်အတွက် ယင်းထက်ပို၍ ကျယ်ပြန့်ထိရောက်သည့် အသုံးအနှုန်း ဖြစ်သင့်ကြောင်း ထောက်ပြသူများလည်း ရှိသည်။

အတိုက်အခံပါတီ၏ အလုပ်သည် အာဏာရပါတီ ကြီးစိုးထားသော လွှတ်တော်နှင့် အစိုးရ လုပ်သမျှကို ဝေဖန်၊ တိုက်ခိုက်နေရုံမျှမက နိုင်ငံတော်နှင့် ပြည်သူလူထုအတွက် အကျိုးဖြစ်ထွန်းစေသော ကိစ္စရပ်များ ရှိပါကလည်း အသိအမှတ်ပြုခြင်း၊ လိုအပ်ပါက တတ်နိုင်သည့်နေရာမှ တတ်စွမ်းသမျှ ဝင်ရောက်အားဖြည့်ကူညီခြင်း၊ ပိုကောင်းသော နည်းလမ်းရှိပါက အကြံပြုခြင်းကဲ့သို့ လုပ်ငန်းများ ထမ်းဆောင်ပေးရန် တာဝန်ရှိသည်။

ထိုအတွက် ယင်းတာဝန်များအားလုံး လွှမ်းခြုံပါဝင်စေမည့် အမည်နာမမျိုး မပေးသင့် ပါသလောဟု စောကြောမှုများ ရှိနေသော်လည်း အတိုက်အခံပါတီ အသုံးအနှုန်းမှာ ပါလီမန် ဒီမိုကရေစီခေတ်ကပင် သုံးစွဲလာခဲ့ခြင်းကြောင့် ရုတ်တရက် ပြင်ဆင်သုံးနှုန်းရန် ခက်ခဲမည် ဖြစ်သည်။

အခြားတစ်ဖက်တွင်မူ မြန်မာ့နိုင်ငံရေးသမိုင်းကို ကြည့်လျှင် အခေါ်အဝေါ်၊ အသုံးအနှုန်း၊ နာမည်၊ နေရာ၊ ဒေသ စသည်တို့နှင့် ပတ်သက်၍ အချေအတင် ငြင်းခုံနေခြင်းဖြင့် တန်ဖိုးရှိသော အချိန်၊ ငွေ၊ အင်အားများ ဖြုန်းတီးကာ နိုင်ငံနှင့် နိုင်ငံသားများ ဖွံ့ဖြိုးတိုးတက်ရေးအတွက် ကြံစည်၊ အားထုတ်၊ ဆွေးနွေး၊ ညှိနှိုင်း အလုပ်လုပ်ရမည့် အချိန်များ အချည်းအနှီးဖြစ်ခဲ့သည့် သာဓကများစွာ ရှိခဲ့ခြင်းကို သင်ခန်းစာယူရမည် ဖြစ်သည်။

လက်ရှိ မြန်မာ့နိုင်ငံရေး အခြေအနေအရ သို့မဟုတ် လက်ရှိ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်က အင်အားသုံးကာ အာဏာရယူခြင်း နည်းလမ်းနှင့် နိုင်ငံရေးပါတီ တစ်ရပ်က ပြည်သူလူထု၏ ထောက်ခံမှုအရ ရွေးကောက်ပွဲ အနိုင်ရသည့် နည်းလမ်းတို့ဖြင့် အာဏာကို ရေရှည်ထိန်းချုပ်သွားနိုင်သည့် အခြေအနေရှိနေရာ ယင်းအခြေအနေကို ထိန်းညှိရန် အင်အားကောင်းသော အတိုက်အခံပါတီ သို့မဟုတ် ယှဉ်ပြိုင်ဘက် ပါတီကောင်း သို့မဟုတ် ပြိုင်ဘက်ကောင်းပါတီ တစ်ရပ် လိုအပ်နေပေသည်။

စစ်အာဏာရှင်အစိုးရ လက်ထက်ကပင် အာဏာကို ရေရှည်ကိုင်စွဲထားရန် ရည်ရွယ်ချက်ဖြင့် နိုင်ငံတော်ဘဏ္ဍာငွေများစွာ သုံးစွဲကာ လူမှုရေးအသင်းအဖြစ် စတင်ထူထောင်ပြီး  ၂၀၁၀ ရွေးကောက်ပွဲမတိုင်မီ ပါတီအဖြစ် အသွင်ပြောင်းလိုက်သော ယခင်အာဏာရ ကြံ့ခိုင်ရေးပါတီမှာမူ အသင်းအဖြစ် ရှိခဲ့စဉ်ကရော၊ အာဏာရပါတီ ဖြစ်ခဲ့စဉ်ကပါ အာဏာအလွဲသုံးစားမှုများ၊ မရသင့် မယူထိုက်သော အခွင့်အရေး အလွန်အကျွံ ရယူခဲ့ခြင်းများ၊ အာဏာရှင်ဆန်သော ပြုမူ၊ ပြောဆိုမှုများကြောင့် ပြည်သူလူထု၏ ယုံကြည်လေးစားမှု ပြန်လည်ရရှိရန်နှင့် အတိုက်အခံပါတီနေရာ ရရှိရန် မလွယ်ကူတော့ပေ။

ဒေါ်အောင်ဆန်းစုကြည်ကဲ့သို့ ပြည်တွင်းရော ပြည်ပတွင်ပါ သြဇာကြီးမားလှသည့် ခေါင်းဆောင်မျိုး ဦးဆောင်နေသည့် ပါတီမှာ လတ်တလောအရ အားသာချက်များစွာ ရှိနေသော်လည်း ယနေ့ အသက် ၇၃ နှစ်အရွယ် ရှိနေပြီ ဖြစ်သော ခေါင်းဆောင်အလွန် လာမည့် ၂၀၂၀ ပြည့်နှစ်တွင် မည်သူကို မည်သို့ ခေါင်းဆောင်နေရာ တာဝန်လွှဲအပ်မည် ဆိုခြင်းမှာ များစွာသိမ်မွေ့နက်နဲကာ များစွာ အခက်အခဲတွေ့စေနိုင်ပြီး  ယင်းအချက်သည် အားနည်းချက် အဖြစ်သို့လည်း ကူးပြောင်းသွားနိုင်ပေသည်။

ဗိုလ်ချုပ်ဆောင်ဆန်း ကွယ်လွန်သွားသည့်အခါ ပ.ဆ.ပ.လ အဖွဲ့ချုပ် ဦးဆောင်သူအဖြစ် ဦးနုကဲ့သို့ လူတော်မျိုး အဆင်သင့် ရှိနေသည့်အပြင် ဖ.ဆ.ပ.လ ပါတီဝင် အများစု ကြီးစိုးထားသည့်  လွှတ်တော်တွင် မကြာခဏ ဆိုသလို အများစုမဲဖြင့် အာဏာရပါတီ အလိုကျ ဖန်တီးသွားသော ကိစ္စရပ်များစွာ ရှိနေသောကြောင့် အခြားပါတီများ စုပေါင်းကာ ပ.မ.ည.တ ဖွဲ့စည်းပြီး  အတိုက်အခံပါတီအဖြစ် အင်အားကောင်းစွာ ရပ်တည်နိုင်ခဲ့သည့် သာဓက သမိုင်းတွင် ရှိခဲ့ပြီး ဖြစ်သည်။ 

ယနေ့ မြန်မာ့နိုင်ငံရေးတွင် ဗိုလ်ချုပ်အောင်ဆန်းနှင့် သမီးဖြစ်သူ ဒေါ်အောင်ဆန်းစုကြည်တို့ထက် ပုဂ္ဂိုလ်ရေး အားကောင်းသူ၊ ပြည်သူအများစု၏ လေးစားချစ်ခင်မှု ရရှိထားသူမျိုး မထွက်ပေါ်နိုင်သောကြောင့် လက်ရှိ ဒေါ်အောင်ဆန်းစုကြည် ဦးဆောင်နေသော NLD ပါတီကို ယှဉ်ပြိုင်နိုင်မည့် အတိုက်အခံပါတီ သို့မဟုတ် အာဏာရပါတီကို နိုင်ငံတော်နှင့် နိုင်ငံသားများအကျိုး ရှေးရှုကာ စိတ်ကောင်းစေတနာဖြင့် ထိန်းညှိ၊ ထောက်ပြ၊ ဝေဖန်၊ အကြံပေး၊ ကူညီနိုင်မည့် ပြိုင်ဘက်ကောင်းပါတီတစ်ရပ် လိုအပ်နေပြီ ဖြစ်ကြောင်း ပြောလိုရင်းဖြစ်သည်။ 

အယ်ဒီတာ (၁၅-၃-၂၀၁၇)

  • TAGS