POST TYPE

EDITORIAL

ဗီဇနှင့် ပတ်ဝန်းကျင် ( Daily, Vol-4/No-288)
12-Mar-2017 tagged as

လူသားတစ်ဦး မွေးဖွားလာသည်မှစ၍ အရွယ်ရောက် သေဆုံးသွားသည်အထိ ထိုလူသား၏ ဘဝအခြေအနေကို အဓိက ပဲ့ကိုင် ပြုပြင်ပေးသည်မှာ ဗီဇစိတ်နှင့် ပတ်ဝန်းကျင်တို့ဖြစ်ပြီး မည်သည့်အချိုးဖြင့် ဖွဲ့စည်းနေသည်မှာမူ ယနေ့ အချိန်အထိ တိကျသောအဖြေ မထုတ်နိုင်သေးပေ။

ထို့အတူ ဗီဇနှင့် ပတ်ဝန်းကျင် မည်သည့်အရာက လူကို ပြုပြင်ပြောင်းလဲရာတွင် အဓိက ကျသည်၊ ပိုအရေးကြီးသည် ဆိုခြင်းမှာလည်း လက်တွေ့ စမ်းသပ်မှု များစွာ ရှိနေသော်ငြား ယတိပြတ် ပြောဆိုရန် ခက်ခဲနေဆဲ ဖြစ်သည်။

ဗီဇစိတ် ဆိုသည်မှာ မိခင်၊ ဖခင်တို့ထံမှ ရရှိသော မျိုးရိုးနှင့် ပဋိသန္ဓေသတ္တိ ဖြစ်ပြီး ပတ်ဝန်းကျင် ဆိုသည်မှာ ဗီဇစိတ် မဟုတ်ဘဲ လူကို ပြုပြင် ဖန်တီးပေးသည့် အခြားအကြောင်းအရာ အားလုံးကို ခေါ်သည်။

လေ့လာမှုများအရ ဗီဇစိတ်နှင့် ပတ်ဝန်းကျင်မှာ မိခင်ဝမ်းအတွင်း ပဋိသန္ဓေ တည်စကပင် ထိုသန္ဓေသားလောင်း ဖွံ့ဖြိုးကြီးထွားလာစေရန် မိခင်က ဖြည့်တင်းပေးရသော အစာ၊ အာဟာရမှာ ပတ်ဝန်းကျင်ပင်ဖြစ်၍ ဗီဇနှင့် ပတ်ဝန်းကျင်မှာ မူလကပင် တွဲလျက်ရှိနေသည့် သဘောဟု ဆိုနိုင်သည်။

လူမှုဗေဒ ပညာရှင် အများစုကမူ လူသားတစ်ဦး၏ အရည်အချင်းနှင့် ကိုယ်ရည်ကိုယ်သွေးအတွက် ဗီဇစိတ်က ပို၍ အဓိကကျပြီး ပတ်ဝန်းကျင် အဆိုး၊ အကောင်းအပေါ် မူတည်ကာ အလွန် ထူးချွန်ထက်မြက်သူ၊ သာမန် ထူးချွန်သူ၊ သာမန်အဆင့်အတန်းရှိသူ၊ အရည်အချင်း နိမ့်ပါးသူ စသဖြင့် အမျိုးမျိုး ကွဲပြားသွားတတ်ဟု ဆိုကြသည်။

ဤနေရာတွင် ပြောလိုသည်မှာ လူသားဖြစ်တည်မှု သဘောမဟုတ်ဘဲ ယနေ့ မျက်မှောက် လူ့အဖွဲ့အစည်းတွင် ရှိနေကြသူ လူသားတို့၏ အရည်အချင်း၊ စွမ်းဆောင်ရည်၊ ခံယူချက်၊ စိတ်ထားတို့ကို မည်သည့်အရာက ပြုပြင်ပြောင်းလဲပေးသနည်း ဆိုသောအချက်ကို အတန်ငယ် မီးမောင်းထိုးပြလိုခြင်း ဖြစ်သည်။

ဗီဇစိတ်နှင့် ပတ်ဝန်းကျင်နှင့် ပတ်သက်လျှင် ထိတွေ့မှုများသော ပတ်ဝန်းကျင်၏ ဩဇာ သက်ရောက်မှုက ပိုအရေးကြီးကြောင်း ဥပမာများစွာ အနက် “ကျေးညီနောင်” ပုံပြင်မှာ အထင်ရှားဆုံး ဖြစ်သည်။

မူလက အမြင့် နှစ်ပေကျော် ခုန်နိုင်သည့် နှံကောင်ကို ခြောက်လက်မခန့်သာရှိသော ဘူးခွံတစ်ခုဖြင့် အချိန်ကြာမြင့်စွာ အုပ်ထားလိုက်ပြီး ထိုဘူးခွံကို ဖယ်လိုက်သည့်အခါ နှံကောင်သည် ခြောက်လက်မခန့်သာ ခုန်နိုင်တော့သည့် စမ်းသပ်ချက်မှာ ဗီဇစိတ်က မည်သို့ပင် ရှိစေကာမူ ပတ်ဝန်းကျင်ကို ထိန်းချုပ်လိုက်ခြင်းဖြင့် မူလ ပင်ကိုစွမ်းရည်များ ကျဆင်းသွားကြောင်း လက်တွေ့ ပြသခြင်းဖြစ်သည်။

လူတစ်ဦး၏ စိတ်ကို ပျော်ရွှင်စေခြင်း၊ ဝမ်းနည်းစေခြင်း သို့မဟုတ် လူတစ်ဦးတစ်ယောက်၏ ဘဝ အောင်မြင်ခြင်း၊ ရှုံးနိမ့်ခြင်းတို့မှာလည်း မည်သူ တစ်ဦးတစ်ယောက်ကမျှ စေစားခိုင်းစေ၍ မရဘဲ ကာယကံရှင် မိမိကိုယ်တိုင်၏ စိတ်နှလုံး ခံယူဆုံးဖြတ်မှုနှင့် လက်တွေ့ ကြိုးစားအားထုတ်မှု သို့မဟုတ် ဗီဇနှင့် ပတ်ဝန်းကျင် ဟန်ချက်ညီ ပေါင်းစပ်မှုတို့အပေါ် မူတည်ပေသည်။

ဗီဇစိတ်နှင့် အလားသဏ္ဌာန် တူသော မြတ်ဗုဒ္ဓ အဆုံးအမများ မည်သို့ပင် ရှိနေစေကာမူ မြတ်ဗုဒ္ဓ သာသနာတော်အတွင်း ရှိနေသူ ပုဂ္ဂိုလ်အချို့၏ အစစ်အမှန် ဓမ္မများနှင့် ဖီလာပြုနေသော အပြုအမူ၊ အပြောအဆို၊ လှုပ်ရှားမှုများ၊ မြတ်ဗုဒ္ဓ၏ ဓမ္မကို မိမိလိုဘ၊ အတ္တများ ရောစွက်၍ ဟုတ်ယောင်ယောင် အဓမ္မဝါဒ မှိုင်းတိုက်မှုများကဲ့သို့  ပတ်ဝန်းကျင်ဆိုးများကသာ သာသနာတော်နှင့် သာသနာ ထွန်းကားရာ ဒေသကို သိက္ခာတက်စေခြင်း၊ ကျစေခြင်းတို့ ဖြစ်ပေါ်စေနိုင်သည်။

ပါတီ၊ အဖွဲ့အစည်း၊ အသင်းအပင်းတို့၏ အရည်အချင်း၊ စွမ်းဆောင်ရည်၊ ဂုဏ်သိက္ခာ အဆင့်အတန်းတို့သည်လည်းကောင်း၊ ကိုးကွယ် ယုံကြည်မှုဆိုင်ရာ ဘာသာ အယူဝါဒတို့သည်လည်းကောင်း ပါဝင် ပတ်သက်နေကြသူ လူပုဂ္ဂိုလ် တစ်ဦးချင်းစီ၏ ဗီဇနှင့် ပတ်ဝန်းကျင်အပေါ် မူတည်ကာ စွမ်းဆောင်ရည် မြင့်မားခြင်း၊ နိမ့်ကျခြင်း၊ ရေရှည် တည်တံ့ခိုင်မြဲခြင်း၊ ပျောက်ကွယ် ပျက်စီးခြင်းတို့ ကြုံရမည်ဖြစ်ကြောင်း သိစေလိုရင်းဖြစ်သည်။
  
အယ်ဒီတာ (၁၂-၃-၂၀၁၇)

  • TAGS