News

POST TYPE

EDITORIAL

ငန်းနက်များနှင့် အသွင်ကူးပြောင်းရေး
10-Feb-2017

ယနေ့ခေတ် ကမ္ဘာကြီးတွင် မမျှော်လင့်သော ဖြစ်ရပ်များနှင့် သက်ရောက်မှု ပြင်းထန်သည့် ဖြစ်ရပ်များကို ‘ငန်းနက်’ ဟု အလင်္ကာမြောက် တင်စားခေါ်ဝေါ်လာကြသည်။ ငန်းနက်များတွင် နိုင်ငံတကာလုံးဆိုင်ရာ အကျုံးဝင်သည့် ငန်းနက်နှင့် နိုင်ငံတစ်နိုင်ငံချင်းသာ အကျိုးသက်ရောက် ဖြစ်ပွားသည့် ငန်းနက်ဟူ၍ နှစ်မျိုးရှိသည်။ တစ်ကမ္ဘာလုံး အကျိုးခံစားရနိုင်သည့် ငန်းနက်တွင် ရာသီဥတု ပြောင်းလဲဖောက်ပြန်မှု၊ အကြမ်းဖက်ဝါဒ၊ ရေနံဈေးနှုန်းနှင့် စားနပ်ရိက္ခာ ဖူလုံမှု စသည်တို့ ပါဝင်ပြီး မကြာမီက ရွေးကောက်တင်မြှောက်ခံရသည့် အမေရိကန်သမ္မတသစ် ထရမ့် ဦးဆောင်သော အစိုးရကိုလည်း ငန်းနက်အဖြစ် ရှုမြင်ကြသူများ ရှိကောင်းရှိနိုင်ပါသည်။ နိုင်ငံတစ်နိုင်ငံချင်းနှင့်သာ သက်ဆိုင်သည့် ငန်းနက်များတွင်မူ ဒေသတစ်ခုနှင့်တစ်ခု ရွေးချယ်ပုံ မတူညီကြပေ။ အချို့သော နိုင်ငံတို့က ရေကြီးခြင်း၊ မုန်တိုင်း၊ ငလျင်တို့ကို ငန်းနက်အဖြစ် ကောက်ယူသည်များ ရှိကြသည်။

ထို့အပြင် စားသောက်ကုန် ဈေးနှုန်းများ ကြီးမြင့်မှု၊ ပြည်သူ့ဝန်ဆောင်မှုဆိုင်ရာ အားနည်းခြင်းတို့ကိုလည်း ငန်းနက်အဖြစ် ယူဆကြသူများလည်း ရှိပါသည်။

မည်သို့ပင် ယူဆနေကြပါစေကာမူ ငန်းနက်များသည် နိုင်ငံတစ်နိုင်ငံ၏ အနာဂတ် အကောင်းအဆိုးများကို ဖန်တီးနိုင်စွမ်းပကား ရှိတတ်သည် ဖြစ်၍ အစိုးရတိုင်းက အလေးအနက်ထား ရှာဖွေပြင်ဆင်ထားသင့်သည်။ ငန်းနက်တစ်ကောင်ကြောင့် ပေါ်ပေါက်လာရမည့် သက်ရောက်မှုများကို  ပြည်သူအပေါင်းတို့ကသာ ခံစားရမည် ဖြစ်သောကြောင့် မည်သည့်အရာက ငန်းနက်ဖြစ်နိုင်မည်၊ မည်သို့ဖြေရှင်းကြမည် စသဖြင့် စဉ်းစားပုံများမှာ နိုင်ငံ့ခေါင်းဆောင်တို့အတွက် ခေါင်းစားစရာ ဖြစ်လာပါသည်။

ဤသို့ နိုင်ငံတကာ အခင်းအကျင်း၌ ငန်းနက်များ ထူပေါနေသည့် အချိန်အခါကာလတွင် မြန်မာနိုင်ငံ၏ ဒီမိုကရေစီ ကူးပြောင်းရေးခရီး စတင်လာခဲ့ခြင်း ဖြစ်သည်။ သို့အတွက် အကူးအပြောင်းခရီး အောင်မြင်ရေး အဆုံးအဖြတ်မှာ လမ်းခုလတ်တွင် ပေါ်လာမည့် ငန်းနက်များကို အဆင်ပြေပြေ ဖြေရှင်းရေးသာ ဖြစ်ပါလိမ့်မည်။ ငန်းနက်များကို ကြိုတင်သိရှိ၍ စီမံနိုင်လျှင် ကူးပြောင်းရေးခရီး မြန်ဆန်ချောမွေ့မည် ဖြစ်ပြီး ဤသို့မဟုတ်ပါက အီလည်လည် ကာလနှင့်သာ အချိန်အတန်ကြာ စခန်းသွားနေရမည်သာ ဖြစ်ပါသည်။

အမှန်စင်စစ် မြန်မာတို့မှာ ၂၀၁၀ အလွန် အသွင်ကူးပြောင်းမှု မစတင်နိုင်သေးချိန် ကာလများကတည်းကပင် ငန်းနက်ဟူ၍ ဆိုနိုင်သည့် ပြဿနာများ ရှိနေခဲ့ပါသည်။ ငန်းနက်၏ အဓိပ္ပာယ် ဖွင့်ဆိုချက်၌ သက်ရောက်မှု ပြင်းထန်သော ဖြစ်ရပ်များဟုလည်း ဖွင့်ဆိုထားသည်လည်း ပါဝင်သည်။ ထို့အတွက် ရှေးမဆွကရှိခဲ့သည့် ပြည်တွင်းစစ်၊ ဆင်းရဲနွမ်းပါးမှု၊ ဗျူရိုကရေစီ စွမ်းရည်အားနည်းမှုတို့သည် မြန်မာ့ဒီမိုကရေစီခရီး၌ မွေးရာပါ အားနည်းချက်အဖြစ် တည်ရှိနေခဲ့ပါသည်။

ထို့နောက် ၂၀၀၈ အခြေခံဥပဒေအရ ထွက်ပေါ်လာခဲ့သည့် အရပ်သားတစ်ပိုင်း အစိုးရလက်ထက်တွင် ပြဿနာအသစ်များ ပေါ်လာပြန်သည်။ ရခိုင်အရေး၊ တရုတ်စီမံကိန်းများအပေါ် ငြင်းဆန်လာမှု၊ စစ်ဘက် အရပ်ဘက် ဆက်ဆံရေး စသည်တို့ ဖြစ်သည်။

အဆိုပါ ပေါ်ထွန်းလာသည့် ဖြစ်ရပ်အသစ်များ တန်းလန်းနှင့်ပင် ၂၀၁၅ နိုဝင်ဘာတွင် ရွေးကောက်ပွဲများ အောင်မြင်စွာ ကျင်းပနိုင်ခဲ့ပြီး  ပြည်သူတို့ ရွေးကောက်တင်မြှောက်သည့် အရပ်သားအစိုးရ ပေါ်ထွန်းလာခဲ့ပါသည်။ ဤတွင်လည်း မမျှော်လင့်သော ဖြစ်ရပ်ကြီးများ၊ သက်ရောက်မှု ပြင်းထန်လှသော ဖြစ်ရပ်ကြီးများကို ကြုံတွေ့လိုက်ရပြန်သည်။ ခေတ်အဆက်ဆက် တိုင်းပြည်၏ လူနေကျဲပါးသော တောထဲတောင်ထဲ ရွာထဲများတွင်သာ ဖြစ်ပွားခဲ့သည့် ပြည်တွင်းစစ် စစ်ရိပ်စစ်ငွေ့များမှာ မြို့ပြများဆီသို့ ကူးစက်လာပါသည်။ ယင်းသို့ တစ်မျိုးတစ်မည် ပြောင်းလဲသွားသည့် စစ်ပွဲများမှာ အရပ်သားအစိုးရ ရင်ဆိုင်လိုက်ရသော အမျိုးသားလုံခြုံရေးဆိုင်ရာ စိန်ခေါ်မှု ဖြစ်ရပ် ဖြစ်လာပါသည်။ ထိုမျှမက ယခုနောက်ပိုင်း ခပ်စိပ်စိပ် တွေ့မြင်လာရသည့် သတ်ဖြတ်မှုများသည်လည်း တရားဥပဒေစိုးမိုးရေးအား အကြီးအကျယ် စိန်ခေါ်၍ လာပါသည်။ ဤဖြစ်စဉ်များထဲတွင် လွန်ခဲ့သော ရက်အနည်းငယ်အတွင်း ကြုံတွေ့ခဲ့ရသည့် အာဏာရပါတီ၏ ဥပဒေအကြံပေး ရှေ့နေဦးကိုနီအား သေနတ်သမားတစ်ဦးက လုပ်ကြံသတ်ဖြတ်ခဲ့မှုမှာ နိုင်ငံတစ်ဝန်း ဟိုးလေးတကျော် ဖြစ်သွားခဲ့ရသည်။ NLD ပါတီ၏ ထိပ်တန်းခေါင်းဆောင်တစ်ဦး ရန်ကုန်မြို့ လူစည်ကားရာ အပြည်ပြည်ဆိုင်ရာလေဆိပ်၌ သေနတ်နှင့် အနီးကပ် လုပ်ကြံခံရခြင်းမှာ အများသူငါတို့ မျှော်လင့်မထားသော ဖြစ်ရပ်တစ်ခု ဖြစ်သလို အဆိုပါ သတ်ဖြတ်မှုကို အကြောင်းရင်းခံပြီး အခန့်မသင့်လျှင် ပဋိပက္ခ အမျိုးမျိုး အဖုံဖုံလည်း ဖြစ်ပျက်သွားနုိင်ပါသည်။

သို့ပါ၍ အစိုးရအနေနှင့် မတူကွဲပြားသော အကြောင်းတရားများကို အခြေတည်၍ ပေါက်ဖွားလာခဲ့ရသည့် ငန်းနက်များအား ရင်ဆိုင်ဖြေရှင်းဖို့ စီမံထားသင့်သလို လာနိုင်ဖွယ် ရှိသေးသည့် ငန်းနက်များကိုလည်း အမြော်အမြင်ရှိရှိ တွက်ချက်ပြီး ကြိုတင် စဉ်းစားထားသင့်ပါသည်။

အင်စတီကျူးရှင်း တည်ဆောက်ရေး

အကျိုးသက်ရောက်မှု ပြင်းထန်လှသည့် ငန်းနက်တို့၏ ဒဏ်သင့်မှုအတွက် အဆိပ်ဖြေဆေးမှာ ပညာရှင်များ စဉ်ဆက်မပြတ် ထောက်ပြနေ သည့် အင်စတီကျူးရှင်း တည်ဆောက်ရေးပင် ဖြစ်ပါသည်။

အင်စတီကျူးရှင်းများ ခိုင်မာလျှင် ငန်းနက်များ ပေါ်ထွက်မလာအောင် ကာကွယ်တားဆီးနိုင်မည် ဖြစ်ပြီး အကယ်၍ အခိုင်အမာ ပေါ်ထွန်းလာလျှင်လည်း သက်ရောက်မှုဒဏ်ကို အနည်းဆုံးဖြစ်အောင် ခုခံပေးနိုင်ပါလိမ့်မည်။ ယခုဖြစ်ပျက်ခဲ့ရသည့် ဦးကိုနီ လုပ်ကြံသတ်ဖြတ်ခံခဲ့ရခြင်း အရေးတွင် လုံခြုံရေးအင်စတီကျူးရှင်းများသာ အားကောင်းသန်မာနေမည် ဆိုပါက ဖြစ်စဉ်မပေါ်ပေါက်အောင် ကာကွယ်နိုင်မည် ဖြစ်သလို မလွှဲမရှောင်သာ ကြုံခဲ့ရရင်လည်း ထိခိုက်နစ်နာမှု အသက်သာဆုံး ဖြစ်အောင် စောင့်ရှောက်ပေးနိုင်ပါလိမ့်မည်။ သို့သော်လည်း နယ်ပယ်အသီးသီးတွင် ဖြတ်သန်းခဲ့ရသည့် ပကတိ အနေအထားများကြောင့် နိုင်ငံအတွင်းရှိ အင်စတီကျူးရှင်း အသီးသီး ချည့်နဲ့နေ၍ အတော်များများ ဝေဖန်နေကြသလို လုံခြုံရေးတပ်ဖွဲ့ကိုသာ တစ်ဖက်သတ် အပြစ်ပုံချပါက နည်းလမ်းမှန်သည်ဟု မဆိုနိုင်ပေ။ နိုင်ငံရေးခေါင်းဆောင်တို့ အနေနှင့် ဖြစ်ရပ်တစ်ခု ကြုံတွေ့လာရသည့်အခါ တရားခံရှာ လက်ညှိုးထိုးသည်ထက် အင်စတီကျူးရှင်းများ အားကောင်းလာအောင် ဘယ်လိုပုံ တည်ဆောက်ကြမလဲဟု အမြင်ပြောင်း စဉ်းစားဖို့ လိုပါသည်။

ဤနေရာတွင် ရဲသင်တန်းကျောင်း တစ်ကျောင်းတွင် ပြောဆိုခဲ့သော နိုင်ငံတော်အတိုင်ပင်ခံ၏ စကားမှာ မှတ်သားဖွယ် ကောင်းလှပါသည်။

ဒေါ်အောင်ဆန်းစုကြည်က “ရဲသင်တန်းသားတွေရဲ့ လိုအပ်ချက်တွေ၊ မျှော်လင့်ချက်တွေကို မဖြည့်ဆည်းပေးနိုင်ရင် အဖိုးတန်တဲ့ရဲတွေ မွေးထုတ်ပေးတဲ့ နေရာမှာ ပြဿနာ ရှိနိုင်ပါတယ်။ ရဲသင်တန်းကို အကောင်းဆုံးဖြစ်အောင် မြှင့်တင်ပေးချင်ပါတယ်။ နေ့ချင်းညချင်း ဖြစ်နိုင်ဖို့ ဆိုတာတော့ မလွယ်ပါဘူး။ ကိုယ့်နိုင်ငံရဲ့ ဘဏ္ဍာရေး အခြေအနေအရ လုပ်ပေးရမှာပါ။ သင်တန်းသားတွေ အနေနဲ့လည်း ဆရာတွေနဲ့ ဆွေးနွေးတင်ပြပြီး အတ္တမပါဘဲ မြန်မာနိုင်ငံ ရဲတပ်ဖွဲ့ကြီး တစ်ခုလုံး အဆင့်မြင့်မားလာဖို့ အကြံပြုသင့်တယ်” လို့ ပြောပါတယ်။

ယင်းမိန့်ခွန်းကို ကြည့်ခြင်းအားဖြင့် ဒေါ်အောင်ဆန်းစုကြည်သည် အင်စတီကျူးရှင်းများ၏ သဘောသဘာဝကို နားလည်ပြီး မည်ကဲ့သို့ တည်ဆောက်ရမည်ကိုပါ လက်တွေ့ကျကျ နားလည်ထားသူ တစ်ယောက်ဟု ကောက်ချက်ချနိုင်ပါလိမ့်မည်။

ထို့အပြင် အင်စတီကျူးရှင်းများသာ ခေတ်စနစ်နှင့်အညီ ထူထောင်ပေးနိုင်ပါက ရင့်ကျက်သော ဒီမိုကရေစီစနစ်သို့ သွားရာလမ်း၌ ဖြတ်သန်းရမည် ဖြစ်သည့် ကူးပြောင်းရေးအဆင့်ကို အထိအခိုက် အဆုံးအရှုံး နည်းပါးစွာဖြင့် ကျော်ဖြတ်နိုင်မည် ဖြစ်ပါသည်။

ငန်းနက်နှင့် ခေတ်မီဒီမိုကရက်တစ်နိုင်ငံ

အထက်တွင် ရေးသားခဲ့ပြီးသည့် ငန်းနက်များတွင် ထူးခြားချက်များလည်း ရှိပါသေးသည်။ ယင်းမှာ ငန်းနက်၏ အကျိုးသက်ရောက်မှုထဲတွင် အဆိုးများ ရှိနေသလို ကောင်းကျိုးများလည်း ရောနှောပါဝင်နေခြင်း ဖြစ်ပါသည်။ လတ်တလော ကြုံတွေ့ခဲ့ရသည့် လုပ်ကြံသတ်ဖြတ်မှုတွင်ပင် အသေအချာ ကြည့်လိုက်ပါ။ ဦးကိုနီ သတ်ဖြတ်ခံရမှု ပြီးလျှင်ပြီးချင်း မတရားမှုကို ခေါင်းရှောင်မသွားသည့် ဦးနေဝင်းလို သူရဲကောင်းမျိုးကို မြင်ခွင့်ရလိုက်သည်။

တစ်ဖန် ထိုသူရဲကောင်းမျိုးကို ချစ်မြတ်နိုးသည့် လူ့အဖွဲ့အစည်းကို ထပ်မံတွေ့ရှိလိုက်ရပြန်သည်။ အရောင်အသွေး မရွေးဘဲ ဦးနေဝင်း၏ မိသားစုကို ကူညီလှူဒါန်း ဖေးမနေပုံမှာ ဝမ်းနည်းဖွယ်ရာ အမှောင်အမည်းများကြားတွင် တဖျပ်ဖျပ်လင်းလျက် ရှိနေပါသည်။ ထိုထက် မြန်မာလူ့အဖွဲ့အစည်းတွင် အမြဲတစေ ဝေဖန်ခံနေရသည်မှာ ပြည်သူတို့၏ အသိပညာ ရေချိန်နှင့် စပ်လျဉ်း၍ ဖြစ်သည်။

နိမ့်ကျလှသည့် ပညာရေး၊ ဆင်းရဲတွင်း နက်ခဲ့ရသည့် စီးပွားရေးတို့ကြောင့် နိုင်ငံအတွင်းရှိ နိုင်ငံသူ၊ နိုင်ငံသား အတော်များများသည် ကြိုးဆွဲရာ ပါတတ်သည်။ မှိုင်းသွင်းရာ လိုက်ပါတတ်သည်ဟု အကဲခတ်အချို့က ဝေဖန်ကြပါသည်။ သူတို့ဆိုသလိုပင် သမ္မတဦးသိန်းစိန် လက်ထက်၌ ဘာသာရေးမှိုင်းများနှင့် လူမျိုးရေး အစွန်းရောက် စွဲလမ်းမှုများကြောင့် မြို့ကြီးများတွင် ပဋိပက္ခမီး လောင်မြိုက်ခဲ့ရပါသည်။ ယခုတစ်ကြိမ်တွင်မူ  ဤကဲ့သို့ ပဋိပက္ခမီးကို ပါးနပ်စွာ ရှောင်ရှားနိုင်ခဲ့ပါသည်။ နိုင်ငံတော်ဘက်မှ စဉ်ဆက်မပြတ် ဘာသာရေး၊ လူမျိုးရေး သွေးထိုးမှုများကို သတိကြီးကြီးထား ရှောင်ရှားကြဖို့ ဆော်သြော်နေသလို ပြည်သူတို့ကလည်း အပြည့်အဝ  ပူးပေါင်း ဆောင်ရွက်နေကြသည်ကို ကြည့်ခြင်းအားဖြင့် ပြည်သူတို့သည် ဒီမိုကရေစီ ခရီးအတွက် ရှေ့သို့တစ်လှမ်းတိုးခဲ့ပြီဟု အားတက်ဖွယ် ဆိုနိုင်ပါလိမ့်မည်။ ဤအချက်တို့ကို ပေါင်းရုံး၍ ဆိုရလျှင် မြန်မာ့လူ့အဖွဲ့အစည်းတွင် အကောင်းဘက်ကဲသည့် လူမှုနိုးကြားလှုပ်ရှားမှု ပုံပေါ်လာနေပြီဟု နိမိတ်ဖတ်နိုင်ပါလိမ့်မည်။ လူမှုနိုးကြား လှုပ်ရှားမှုသည် ခေတ်မီဒီမိုကရေစီနိုင်ငံ တည်ဆောက်ရေး အတွက် မရှိမဖြစ် လိုအပ်ချက်လည်း ဖြစ်ပါသည်။

နာမည်ကျော် နိုင်ငံရေးသိပ္ပံပညာရှင် ဖရန်စစ် ဖူကူယားမားက ဆင်းရဲသည့် အာဏာရှင်နိုင်ငံ တစ်နိုင်ငံမှ ခေတ်မီဒီမိုကရက်တစ် နိုင်ငံဆီသို့ ကူးပြောင်းရေးတွင် ဒေါက်တိုင်ငါးခု လိုသည်ဟု အညွှန်းပေးထားပါသည်။ ယင်းတို့မှာ 
၁။ စီးပွားရေး တိုးတက်မှု
၂။ နိုင်ငံတည်ဆောက်ရေး
၃။ တရားဥပဒေစိုးမိုးရေး
၎။ ဒီမိုကရေစီ
၅။ လူမှုနိုးကြားလှုပ်ရှားမှု စသည်တို့ ဖြစ်သည်။

ဤသို့ ဖွံ့ဖြိုးရေး ဒေါက်တိုင်များသည်လည်း သူချည်း သီးသန့် သဘောဆောင်နေသည် မဟုတ်ဘဲ အပြန်အလှန် ကျေးဇူးပြုတတ်သည့် သဘောရှိသည်ဟု ဆိုပါသည်။

နိုင်ငံရေးဖွံ့ဖြိုးမှု (နိုင်ငံတည်ဆောက်ရေး၊ တရားဥပဒေစိုးမိုးရေးနှင့် ဒီမိုကရေစီ) တုိ့ကြောင့် စီးပွားရေး ဖွံ့ဖြိုးမှု တိုးတက်လာနိုင်သည်။ ထို့အတူ စီးပွားရေး ဖွံ့ဖြိုးမှုကြောင့်လည်း နိုင်ငံရေး မျက်နှာစာဘက်၌ ပိုမိုအားကောင်းလာနိုင်သည်။ ဥပမာ- ဥရောပတွင် စီးပွားရေး ရှေးဦးစွာ ဖွံ့ဖြိုးလာပြီးမှ နိုင်ငံရေးဒေါက်တိုင်များက ပါလာသည်။

အမေရိကန်တွင် စီးပွားရေး နိမ့်ကျနေသည့် အချိန်မှာပင် နိုင်ငံရေး ဖွံ့ဖြိုးမှုက ရှေ့တန်းရောက်နေပြီ ဖြစ်သည်။ လက်ရှိအနေအထားအရ မြန်မာကို အကဲဖြတ်ရလျှင် နိုင်ငံရေး ဖွံ့ဖြိုးမှု တစ်စုံတစ်ရာ ရှိလာသည်။

ကန့်သတ်မှုများ ရှိနေသည့်တိုင် လူထုရွေးချယ်တင်မြှောက်ထားသော အစိုးရတစ်ရပ်က အာဏာအတော်များများကို ချုပ်ကိုင်ထားနိုင်သည်။ သို့သော် ပြည်တွင်းစစ်ကြောင့် နိုင်ငံတည်ဆောက်ရေးတွင် စိတ်သွားတိုင်း ကိုယ်မပါသလို ဖြစ်နေရသည်။ စီးပွားရေး မျက်နှာစာမှာလည်း ယနေ့ထိ ကျေနပ်စရာ အခြေအနေ မရှိသေးပေ။

ထိုသို့ အခက်အခဲများကြားမှ ဖွံ့ဖြိုးရေး၏ အရေးပါသော ဒေါက်တိုင်တစ်တိုင် ဖြစ်သည့် လူမှုနိုးကြားလှုပ်ရှားမှုက ဇန်နဝါရီ ၂၉ ရက်နေ့ ဖြစ်ပွားခဲ့သည့် ငန်းနက်ကြောင့် သိသိသာသာ တိုးထွက်လာပါသည်။

ဖွံ့ဖြိုးရေး ဒေါက်တိုင်များသည် အပြန်အလှန် ကျေးဇူးပြုတတ်သည့် သဘောရှိသည်ဖြစ်၍ မြန်မာတို့ ခေတ်မီဒီမိုကရက်တစ်နိုင်ငံမှာ အောက်ပါပုံစံဖြင့် ထွက်ပေါ်လာနိုင်ပါသည်။

ဇန်နဝါရီ ၂၉ ရက်အလွန် ရရှိခဲ့သည့် လူမှုနိုးကြားလှုပ်ရှားမှုကြောင့် ရောက်ရှိနေဆဲ ဒီမိုကရေစီ ပို၍အားဖြည့်ပေးသလို ရှိလာနိုင်သည်။ တစ်ဖက်တွင် ဆိုခဲ့ပါ ဒေါက်တိုင်ကြောင့်ပင် တရားဥပဒေစိုးမိုးရေးနှင့် နိုင်ငံတည်ဆောက်ရေးများကိုလည်း ကျေးဇူးပြု၍ နိုင်ငံရေးမျက်နှာစာ ဖွံ့ဖြိုးလာနိုင်ပါသည်။ နိုင်ငံရေး ဖွံ့ဖြိုးလာသည်နှင့်အမျှ နိမ့်ကျနေသည့် စီးပွားရေးကုိလည်း ဆွဲတင်သွားနိုင်ပါသည်။

ယင်းသို့ ဒေါက်တိုင်ငါးခု ဟန်ချက်ညီညီ ဖွံ့ဖြိုးလာမည်ဆိုလျှင် နိုင်ငံသားအားလုံး မျှော်လင့်နေကြသည့်ပန်းတိုင်ကို မှန်းဆပုံဖော်နိုင်ပါလိမ့် မည်။

အထူးအရေးကြီးသည်မှာ ဖွံ့ဖြိုးစ ပြုလာသည့် လူမှုနိုးကြားလှုပ်ရှားမှု ဒေါက်တိုင်ကို အားကောင်းသထက် အားကောင်းလာအောင် တည်ဆောက်ကြရေးပင် ဖြစ်ပါသည်။

နုိုင်စိုး
မှိီငြမ်း- January.TheWaves|
မောင်စူးစမ်း -ငန်းနက်များနှင့် တြိမြတ်တို့အကြောင်း