News

POST TYPE

EDITORIAL

ဝေလေလေ
05-Jan-2017 tagged as

မြန်မာလူမှု ပတ်ဝန်းကျင်တွင် မည်သို့သော သတင်း အချက်အလက်ဖြစ်စေ သတင်းကို လုံးစေ့ပတ်စေ့ မသိဘဲ တစ်ဆင့်စကား ပြန်ကြားရခြင်း၊ အွန်လိုင်း လူမှုရေး ကွန်ရက်ပေါ်တွင် တင်ထားသည့် အပေါ်ယံ သုံးလေးကြောင်းခန့်သာ ဖတ်ရခြင်း၊ မိမိ လေးစားအားကျသူ တစ်ဦးဦးက လက်ခံခြင်း သို့မဟုတ် ဆန့်ကျင်ခြင်း စသော အကြောင်းများကြောင့် ပြင်းပြင်းထန်ထန် ထောက်ခံ၊ ဆန့်ကျင်တတ်ကြသူ များစွာတွေ့ရသည်။

ထိုသူတို့အနက် အချို့မှာ အဖွဲ့အစည်း၊ အင်အားစု တစ်ခုက တာဝန်ပေးထားသဖြင့် ရည်ရွယ်ချက်ရှိရှိ ဆန့်ကျင်၊ ထောက်ခံ၊ ဆဲဆို၊ မြှောက်ပင့်ပေးကြသူများ ဖြစ်သည်။ အချို့မှာ မိမိနှင့် အသွေးတူ၊ အရောင်တူ၊ အဖွဲ့အစည်းတူဘက်မှ မျက်စိစုံမှိတ် ထောက်ခံကာ ယင်းနှင့်မတူခြားနား အမြင်ရှိသူများကို မျက်စိမှိတ် ဆန့်ကျင်တတ်သူများ ဖြစ်သည်။ အချို့မှာမူ အဖျားအနားလောက်သာ သိသော သတင်း အချက်အလက်မျှဖြင့် ဝေဖန်၊ ပြစ်တင်၊ ထောက်ခံ၊ ချီးကျူးတတ်သူများ ဖြစ်သည်။

ထိုအမျိုးအစား သုံးစုစလုံးတွင် တူညီသော အချက် တစ်ချက်မှာ ၎င်းတို့ ဖြတ်သန်းလာခဲ့သော ရုပ်နှင့် စိတ်ပတ်ဝန်းကျင်၊ ပညာရေး ရေချိန်တို့ကြောင့် ပြဿနာ သို့မဟုတ်၊ အဖြစ်အပျက်နှင့် ပတ်သက်၍ ခြေခြေမြစ်မြစ်၊ တိတိကျကျ၊ ပိုင်းပိုင်းဆစ်ဆစ် သိမထားခြင်း တစ်နည်းအားဖြင့် လုံးစေ့ပတ်စေ့ နားမလည်ခြင်း ဖြစ်သည်။ ထိုသို့ နားလည်နိုင်အောင်လည်း လေ့လာသင်ယူမှု မရှိသူ အသုံးချခံများလည်းဖြစ်သည်။

အဆိုပါ အသုံးချခံတို့သည် မည်သည့် နယ်ပယ်တွင်မှ ကျွမ်းကျင်ပိုင်နိုင်သော အသိပညာ၊ အတတ်ပညာ မရှိသောကြောင့် တစ်စုံတစ်ယောက် သို့မဟုတ် အဖွဲ့အစည်း တစ်ခုက ရည်ရွယ်ချက်ဖြင့် အရေးကိစ္စ တစ်ခုကို ဖန်တီးသည့်အခါတိုင်း နောက်လိုက်အဖြစ် စေခိုင်းခံရသူ အရပ်စကားဖြင့် ဝေလေလေ သမားများဟု ဆိုရမည် ဖြစ်သည်။

ဝေလေလေဆိုသည်မှာ “သူများယောင်လို့ လိုက်ယောင်၊ အမောင် တောင်မှန်း မြောက်မှန်းမသိ” ဆိုသကဲ့သို့ ပြဿနာ တစ်ခု၊ အဖြစ်အပျက် တစ်ခု၊ အမှုကိစ္စ တစ်ရပ်ကို လုံးစေ့ပတ်စေ့ နားမလည်၊ မသိရှိဘဲ အများက အမှန်ဆိုက အမှန်၊ အမှားဆိုက အမှား သံယောင်လိုက်တတ်သူများကို ကင်ပွန်းတပ်ထားခြင်း ဖြစ်သည်။

များသောအားဖြင့် မြန်မာနိုင်ငံတွင် ဖြစ်ပေါ်ခဲ့သော ဘာသာရေး၊ လူမျိုးရေး အရေခြုံ အကြမ်းဖက် လှုံ့ဆော်မှုများ၊ ကောလာဟလများမှာ အဆိုပါ ဝေလေလေများကြောင့် ပိုကျယ်ပြန့်သွားခဲ့ခြင်း ဖြစ်သည်။

ဒီမိုကရေစီ အသွင်ပြောင်းနိုင်ငံတိုင်းတွင် ဖြစ်ပေါ်နေကျ မဏ္ဍိုင် အချင်းချင်းအကြား ပွတ်တိုက်မှုများ၊ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ ပညာရေး ပြဿနာများကို အလွဲပုံဖော်၊ ပုံကြီးချဲ့ကာ မြန်မာနိုင်ငံသည် ဒီမိုကရေစီနှင့် မထိုက်တန်သေးကြောင်း အောက်လမ်းနည်းဖြင့် နှောင့်ယှက်လိုသူများက ဝေလေလေများကို ခုတုံးလုပ်သွားတတ်သည်။

လက်ရှိ အရပ်သား အများစု ပါဝင်သော အစိုးရနှင့် ခေါင်းဆောင်များ လုပ်ကိုင်ဆောင်ရွက်သမျှ မှားသည်ဖြစ်စေ၊ မှန်သည်ဖြစ်စေ အလွန်အကျွံ မြှောက်ပင့်ချီးပနေသူများ၊ အစိုးရနှင့် ဆန့်ကျင်ဘက်ရှိသူ မှန်သမျှအပေါ် ပြင်းပြင်းထန်ထန် နှိမ်ချကန်ကျောက်နေသူများကိုလည်း သဘောတရား အသိမပါဘဲ ထောက်ခံ၊ ဆန့်ကျင်နေကြသည့် ဝေလေလေများ ရှိနေပေသည်။

ထို ဝေလေလေ အမျိုးအစားရှိသူတို့ကို အသုံးချကာ လက်ရှိ မြန်မာနိုင်ငံတွင် အကောင်အထည် ဖော်နေသော ဒီမိုကရေစီ အသွင်ကူးပြောင်းရေး လုပ်ငန်းစဉ်များကို ဟန့်တား နှောင့်ယှက်နိုင်ပေရာ ခိုင်လုံ၊ တိကျမှုနှင့် လက်တွေ့ မကျသော ကောလာဟလဆန်ဆန် သတင်းများကို အကြားဖြင့် သို့မဟုတ် အပေါ်ယံဆန်သော သတင်းစကားမျှဖြင့် တစ်ဆင့်ပြန်လည် မျှဝေ ဖြန့်ချိမိပါက မိမိကိုယ်တိုင် ဝေလေလေ ဖြစ်သွားကာ ဝေလေလေ လူ့အဖွဲ့အစည်း ဖြစ်စေရန် အားကူပေးသူလည်း  ဖြစ်သွားနိုင်ကြောင်း သတိပေးလိုရင်း ဖြစ်သည်။ 

အယ်ဒီတာ (၅-၁-၂၀၁၇)

(၂၀၁၄ ခုနှစ် ဇူလိုင်လ ၆ ရက်နေ့ထုတ် The Voice Daily သတင်းစာပါ အယ်ဒီတာ့အာဘော်ကို အနည်းငယ် ပြင်ဆင်ဖြည့်စွက်၍ ပြန်လည်ဖော်ပြလိုက်ခြင်း ဖြစ်ပါသည်။)

  • TAGS