POST TYPE

EDITORIAL

ဒီမိုကရေစီနည်းကျ လွတ်လပ်ခွင့် (Daily, Vol-4/No-230)
03-Jan-2017 tagged as

အချုပ်အနှောင်၊ အတားအဆီး၊ အပိတ်အကာ မရှိခြင်း သဘောဆောင်သည့် လွတ်လပ်မှုဆိုသော မြန်မာဝေါဟာရကို အကြောင်းအရာအပေါ် မူတည်၍ အသုံးအနှုန်း ကွဲပြားသည့်နည်းတူ အင်္ဂလိပ်ဘာသာတွင်လည်း Freedom, Independence, Liberty စသဖြင့် ဆင်တူသော်လည်း အသုံး ကွာခြားသော စကားလုံးများ ရှိသည်။

ကမ္ဘာတစ်ဝန်းတွင်မူ လွတ်လပ်ခွင့်နှင့် ပတ်သက်လျှင် ကမ္ဘာ့ကုလသမဂ္ဂ၏ လူ့အခွင့်အရေး ကြေညာစာတမ်းပါ လူသားတိုင်း၏ အခြေခံရပိုင်ခွင့်၊ လွတ်လပ်ခွင့် တို့ကို အကိုးအကားပြု၊ လက်ခံ၊ လိုက်လျော၊ ကျင့်သုံးကြသည်။

ဗြိတိသျှကိုလိုနီဘဝဖြင့် အနှစ်တစ်ရာကျော် သို့မဟုတ် အတိအကျ ပြောရလျှင် ၁၂၅ နှစ် နေလာခဲ့ရပြီး ဖက်ဆစ်ဂျပန် လက်အောက်တွင် လေးနှစ်ခန့် ကျရောက်ခဲ့သော မြန်မာနိုင်ငံသည် လွတ်လပ်ရေး ရရှိရန် ရဟန်း၊ ရှင်၊ လူ ပြည်သူများစွာ၏ အသက်၊ သွေး၊ ချွေးပေါင်း များစွာ ရင်းနှီးပေးဆပ်ခဲ့ရသည်။

လွတ်လပ်ရေး ရရှိပြီးနောက်တွင်လည်း ပါလီမန် ဒီမိုကရေစီစနစ်ကို ဆယ်နှစ်ခန့် အမြည်းသဘော ရှိနေစဉ် ၁၉၆၂ခုနှစ် တပ်မတော်က အာဏာ သိမ်းယူပြီးနောက်ပိုင်း တစ်ပါတီ အာဏာရှင်စနစ်၊ စစ်အာဏာရှင်စနစ်တို့ဖြင့် နှစ်ပေါင်း ခြောက်ဆယ်ခန့် အရာရာ ပိတ်ပင်ကန့်သတ်၊ ချုပ်ချယ်၊ ဖိနှိပ်ခံခဲ့ရသည်။

ပြောရလျှင် လွတ်လပ်ခွင့်ကို နှစ်ပေါင်းများစွာ ပိတ်ပင်ကန့်သတ်ခံ ထားခဲ့ရသော မြန်မာနိုင်ငံသားများသည် အခြားဒေသတွင်း နိုင်ငံများနှင့်ယှဉ်လျှင် လွတ်လပ်ခွင့်ကို ပို၍ ပြင်းပြင်းပြပြ လိုလားတောင့်တကြခြင်း ဖြစ်သည်။

သို့သော် အခြား တစ်ဖက်တွင်လည်း နှစ်ပေါင်းများစွာ ကင်းကွာနေသော လွတ်လပ်ခွင့်ကို တန်ဖိုးရှိရှိ စနစ်တကျ၊ စည်းကမ်းတကျ အသုံးချရမည်ကိုမူ သိရှိနားလည်သူ နည်းပါးနေပေသည်။

ထို့ကြောင့် နိုင်ငံရေး၊ စီးပွားရေး၊ လူမှုရေး၊ ဘာသာရေး နေရာတိုင်း၊ နယ်ပယ်တိုင်းတွင် စည်းကမ်းမဲ့မှု၊ ဥပဒေ ချိုးဖောက်ခြင်း၊ အများထက် အခွင့်အရေး ပိုရယူခြင်း၊ ယင်းသို့သော အမှုကိစ္စများကို ဥပဒေနှင့်အညီ ထိန်းသိမ်း၊ ကြီးကြပ်၊ အရေးယူမှု မရှိခြင်းများသည် လွတ်လပ်ခွင့်ကို အလွဲသုံးသည့်သဘော တစ်နည်းဆိုရသော် ဗိုလ်ချုပ်အောင်ဆန်း ပြောခဲ့သည့် လမ်းပေါ်တက် ဆေးရိုး လှန်းသည့်သဘော သက်ရောက်နေပေသည်။

ထို့အတူ ပြည်သူက ရွေးချယ် တင်မြှောက်ထားသော ပြည်သူ့ကိုယ်စားလှယ်များ အပါအ၀င် အာဏာသုံးရပ်အောက်ရှိ အရာထမ်း၊ အမှုထမ်းများမှ အစပြုကာ အောက်ခြေ အဆင့်ဆင့်ရှိ လူထု၊ လူတန်းစား အသီးသီးတွင်လည်း ဖွဲ့စည်းပုံ အခြေခံဥပဒေ၊ လွှတ်တော်ဆိုင်ရာ ဥပဒေနှင့် တည်ဆဲ ဥပဒေများနှင့်အညီ ကိုယ်စီ လွတ်လပ်ခွင့် အသီးသီး ရှိကြခြင်းကိုလည်း သက်ဆိုင်ရာ နယ်ပယ်အလိုက် အကြီးအမှူး တာဝန်ယူထားသူများ မဖြစ်မနေ သိထားရမည်ဖြစ်သည်။

ပြည်သူ့ကိုယ်စားလှယ်များက ရေးဆွဲပြဋ္ဌာန်းထားသည့် ဥပဒေနှင့်အညီ ပြည်သူလူထုက ဆန္ဒမဲပေး ရွေးချယ်တင်မြှောက်ထားသော အစိုးရက အုပ်ချုပ်သော ဒီမိုကရေစီစနစ်နှင့် လွတ်လပ်ခွင့်တို့မှာ ဒင်္ဂါးတစ်ပြား၏ ခေါင်းနှင့်ပန်း ကဲ့သို့ ရှိနေသည်။

ယနေ့ ပြည်သူက ရွေးချယ် တင်မြှောက်သော ပြည်သူ့ ကိုယ်စားလှယ်များ အာဏာ သုံးရပ်တွင် အများစု နေရာယူထားသော အချိန်မျိုးတွင် နှစ်ပေါင်း များစွာ ရင်းနှီးပေးဆပ် ရယူထားခဲ့သော လွတ်လပ်ခွင့်ကို တစ်နည်းမဟုတ် တစ်နည်း ပိတ်ပင်တားမြစ်ရန်၊ ကန့်သတ် ချုပ်ချယ်ရန် ကြိုးစားလာခြင်းသည် တစ်နည်းအားဖြင့် ဒီမိုကရေစီ စနစ်ကို မထီမဲ့မြင်ပြုခြင်း သို့မဟုတ် ဖျက်ဆီးခြင်းပင် ဖြစ်ကြောင်း သိစေအပ်ပေသည်။

အယ်ဒီတာ (၃-၁-၂၀၁၇)

  • TAGS