News

POST TYPE

EDITORIAL

စိတ်ဓာတ်ကောင်းဖို့ လိုနေပါပြီ (Daily, Vol-7/No-110)
17-Aug-2019

ဗုဒ္ဓဘာသာဝင် မြန်မာလူမျိုးတွေ အတော်များများသိကြတဲ့ တောင်မြို့က မဟာဂန္ဓာရုံဆရာတော်ကြီးက သူ့ရဲ့စာသင်တိုက်အတွင်း “ဤကျောင်းတွင် စိတ်ကောင်းရှိဖို့က ပထမ”ဆိုပြီး စာသင်သားရဟန်းတော်များ လိုက်နာရမယ့် စည်းကမ်း ၁၀ ချက်အနက် စိတ်ကောင်းရှိရမယ့်ကိစ္စကို ပထမနေရာမှာထားပြီး သတိပေးထားတာကို အားလုံးသိကြမှာပါ။

အသိပညာတွေ၊ အတတ်ပညာတွေ ဘယ်လိုပဲတတ်မြောက်ထားပါစေ၊ ပရိယတ္တိစာတွေကို ဘယ်လိုပဲခဲရာခဲဆစ်သင်ယူနိုင်ပါစေ စိတ်ထားကောင်းမရှိဘူးဆိုရင် မိမိ ကောင်းကျိုးရော၊ လောကကောင်းကျိုးရော သယ်ပိုးနိုင်မှာမဟုတ်ဘူးဆိုတာကို သတိပေးခဲ့တာပါ။

နောက်ပြီး စိတ်ကောင်းဆိုတဲ့ကိစ္စမှာ ဗုဒ္ဓဘာသာဝင်ဖြစ်စေ၊ အခြားဘာသာတစ်ခုခုကို ယုံကြည်သက်ဝင်သူဖြစ်စေ ဘယ်သူပဲဖြစ်ဖြစ်ထားလို့ရတဲ့ကိစ္စဆိုလည်း မမှားပါဘူး။ တခြားဘာသာရေး အဆုံးအမတွေကို ကြည့်မယ်ဆိုရင်လည်း လောကကောင်းကျိုးသယ်ပိုးနိုင်ဖို့၊ တစ်မျိုးပြောရရင် စိတ်ကောင်းရှိထားဖို့ ဆုံးမကြတာချည်းပဲဆိုတာကို တွေ့ရပါလိမ့်မယ်။

အဲဒီတော့ စိတ်ကောင်းထားရမယ့်ကိစ္စဟာ ဘယ်လိုအသားအရောင်ပဲရှိရှိ၊ ဘယ်လိုဘာသာတရားပဲ ကိုးကွယ် ကိုးကွယ် လူတိုင်းနဲ့သက်ဆိုင်တယ်လို့ပဲ ဆိုရတော့မှာပါပဲ။ ကိုယ်ချင်းစာနာစိတ်၊ သနားညှာတာစိတ်၊ မေတ္တာစိတ်စတာတွေဟာ ဘာသာတရားဆိုတဲ့ သတ်မှတ်ချက်နဲ့မဆိုင်ပါဘူး။ ကောင်းတဲ့စိတ်ထားရှိ၊ မရှိနဲ့ပဲ သက်ဆိုင်တာပါ။

ဟုတ်တယ်လေ။ ကမ္ဘာ့သမိုင်းကိုကြည့်မယ်ဆိုရင်လည်း ဘယ်လောက်ထူးချွန်တဲ့ ခေါင်းဆောင်ပဲဖြစ်ဖြစ် စိတ်ထားကမကောင်းဘူးဆိုရင် လူတွေကို ထောင်နဲ့၊ သောင်းနဲ့၊ သန်းနဲ့ ချီပြီး သတ်ဖြတ်ပစ်ကြတဲ့အထိ ရှိခဲ့ကြတယ်မဟုတ်လား။ အဲဒီတော့ ဒီမိုကရေစီချန်ပီယံကြီးပဲဖြစ်ဖြစ်၊ မျိုးချစ်အာဏာရှင်ကြီးပဲဖြစ်ဖြစ် စိတ်ထားကောင်းရှိပါမှ သမိုင်းကြောင်းလှမယ်ဆိုတာကိုလည်း သိထားရပါမယ်။

နောက်ပြီး စိတ်ထားကောင်းရှိတယ်ဆိုတဲ့ သဘောတရားဟာ မိမိတစ်ကိုယ်ရေ ကောင်းကျိုးတစ်ခုတည်းကိုသာမက မိမိပတ်ဝန်းကျင်မှာရှိတဲ့ မိသားစု၊ မိတ်ဆွေ အပေါင်းအသင်း၊ လုပ်ဖော်ကိုင်ဖက်တွေနဲ့ မိမိနဲ့ထိစပ်ပတ်သက်နေတဲ့ လူ့အဖွဲ့အစည်းတစ်ခုလုံးရဲ့ ကောင်းကျိုးကို လိုလားတဲ့စိတ်ကိုလည်း ရည်ညွှန်းတာဖြစ်ပါတယ်။

အရာရာဟာ စိတ်ကဆောင်တယ်ဆိုတာ အားလုံး သိကြပါတယ်။ လူတစ်ယောက်ရဲ့ အပြုအမူ အပြောအဆိုနဲ့ လုပ်ရပ်တွေကိုကြည့်မယ်ဆိုရင် အဲဒါတွေအားလုံးရဲ့ ဆရာသခင်ဟာ သူ့စိတ်ပဲဆိုတာ အထူးပြောစရာတောင်မလိုဘူး ထင်ပါတယ်။ အဲဒါကြောင့် အနောက်နိုင်ငံသားတွေက Beware of Your Mind and Thoughts ဆိုပြီး သတိပေးလေ့ရှိကြတာပါ။

စိတ်ဖိစီးမှုတွေနဲ့ စိန်ခေါ်မှုတွေ သိပ်ကိုများလွန်းတဲ့ သည်ကနေ့ခေတ်ကြီးမှာ စိတ်ထားကောင်းလေးတွေ မွေးထားနိုင်ပါမှ တစ်ဦးနဲ့တစ်ဦး ဆဲဆိုတာကအစ လူသတ်မှုကြီး ကျူးလွန်ကြတဲ့အဆုံးထိ ဖြစ်ရပ်မျိုးတွေကို ရှောင်ထားနိုင်မှာပါ။ မော်တော်ကားမောင်းရာမှာလည်း ကားတစ်စီးနဲ့တစ်စီး စာနာစိတ်ထားပြီး နေရာလေးဖယ်ပေး၊ လမ်းဖယ်ပေးတာကအစ ကိုယ့်ရဲ့စိတ်စေတနာကောင်းလေးတွေကို ပြလို့ရနိုင်တာပဲမဟုတ်လား။ ကိုယ်က ဘာရမလဲဆိုတာထက် ကိုယ်ကဘာပေးနိုင်မလဲလို့ အမြဲတွေးနေတတ်တာမျိုးဟာလည်း စိတ်ထားကောင်းရှိခြင်းရဲ့ လက္ခဏာကောင်းတစ်ခုပါပဲ။

တစ်ခုတော့ရှိတာပေါ့။ စိတ်ထားကောင်းဆိုတာ ဒီခေတ်စကားနဲ့ပြောရရင် ဘလိုင်းကြီး (အသားလွတ်ကြီး) ပေါ်လာတဲ့အရာတော့ မဟုတ်ဘူးလေ။ လေ့ကျင့်မွေးမြူထားတတ်မှ ကိုယ့်ဆီမှာ ကပ်တွယ်နေတတ်တဲ့အရာပါ။ သတိလေးထားပြီး သူမကွယ်ပျောက်သွားအောင် အရိပ်တကြည့်ကြည့်နဲ့ ကြည့်နေမှ ရှင်သန်နိုင်တာပါ။

The Voice Daily အနေနဲ့ကတော့ ပိုမိုကောင်းမွန်တဲ့ မြန်မာ့လူ့ပတ်ဝန်းကျင်နဲ့ နိုင်ငံသစ် ထူထောင်ရာမှာ စိတ်ဓာတ်အဆင့်အတန်း မြင့်မားတဲ့သူတွေ များပြားပါမှ လွယ်ကူချောမွေ့မယ်ဆိုတာကို ယုံကြည်တဲ့အတွက် မြန်မာ့လူ့အဖွဲ့အစည်းစိတ်ဓာတ် ဖွံ့ဖြိုးရေးကိစ္စကို တတ်စွမ်းသလောက် ကူညီပံ့ပိုးသွားမှာဖြစ်တယ်လို့ ပြောချင်ပါတယ်။

အယ်ဒီတာ (၁၇-၈-၂၀၁၉)