News

POST TYPE

EDITORIAL

ကိုယ့်တာကိုယ်လုံသူ အုတ်တစ်ချပ်သဲတစ်ပွင့်ကောင်း များစွာလိုပါသည် (Daily, Vol-7/No-73)
04-Jul-2019

စက်ရုံအလုပ်ရုံ လုပ်ငန်းခွင်တစ်ခုမှသည် အဖွဲ့အစည်းကြီးတစ်ခု၊ ဝန်ကြီးဌာနကြီးတစ်ခုအထိ သဘောတရားမတူညီသောအလုပ်များ၊ နယ်ပယ်များ ပေါင်းစပ်လုပ်ကိုင်ကြရသော အနေအထားမျိုးတွင် မိမိတို့သွားလိုသော ပန်းတိုင် သို့မဟုတ် ရလိုသော ရလဒ်ပေါ်ပေါက်ရန် ကြိုးပမ်းကြရာ၌ “ကိုယ့်တာကိုယ်လုံဖို့ အရေးကြီးတယ်”ဆိုသည့် သတိပေးချက်ကို တစ်ဖက်နှင့်တစ်ဖက် အပြန်အလှန်ပေးလေ့ရှိသည် ကို စာဖတ်သူများ ကြားဖူးပါလိမ့်မည်။
 
အခြားသူများ တော်သည်၊ ညံ့သည်ဆိုခြင်းကို အာရုံစိုက်နေ၊ ဝေဖန်နေခြင်းထက် မိမိလုပ်ဆောင်ရမည့် တာဝန်နှင့် ဝတ္တရားကို အကောင်းဆုံးဖြစ်အောင် ထမ်းဆောင်နိုင်ရေးသည်သာ နံပါတ် ၁ အရေးအကြီးဆုံးဖြစ်သည်ဟု သတိပေးသည့်သဘောပင် ဖြစ်ပေသည်။

အမှန်တွင် နိုင်ငံတစ်နိုင်ငံ တည်ဆောက်ရာတွင်လည်း ထိုနည်းအတိုင်းပင် ကိုယ့်တာကိုယ်လုံရန် အထူး အရေးကြီးလှပေသည်။ မဏ္ဍိုင်အသီးသီးနှင့် ဝန်ကြီးဌာန အသီးသီးတွင် ကိုယ့်တာကိုယ်မလုံ၊ ကိုယ့်တာဝန်ကိုယ်မကျေပွန်သူများ ဒုနဲ့ ဒေးရှိနေသည့် တိုင်းပြည်တစ်ခုအနေနှင့် နိုင်ငံတော်သစ် ထူထောင်ရေးဟူသည်မှာ လေထဲ တိုက်အိမ်ဆောက်သည့် သဘောမျိုးပင်ဖြစ်နေမည်မှာ သေချာပေသည်။

လူနာ၏ရောဂါပျောက်ကင်းအောင် ဆေးကုသပေးရေးသည် ဆရာဝန်၏တာဝန်ဖြစ်ပြီး စစ်သားသည် နိုင်ငံတော်နှင့် ပြည်သူများ၏ အသက်အိုးအိမ်စည်းစိမ်များကို အကာအကွယ်ပေးနိုင်ပါမှ တာဝန်ကျေသော စစ်သားကောင်းဖြစ်ပေမည်။ လူထုသိသင့်သိထိုက်သည့်သတင်းများကို ဘက်လိုက်မှုကင်းစွာဖြင့် ရေးသားဖော်ပြခြင်း၊ ယထာဘူတကျကျ ဝေဖန်ထောက်ပြခြင်းတို့လုပ်ဆောင်နိုင်ပါမှ တာဝန်ကျေသော သတင်းစာဆရာကောင်းဖြစ်ပေလိမ့်မည်။

နိုင်ငံရေးသမားသည် လူထုအကျိုးကို နိုင်ငံရေးဖြင့်သယ်ပိုးနိုင်မှသာ နိုင်ငံရေးသမားကောင်းဖြစ်ပေမည်။ ရဲတပ်ဖွဲ့ဆိုသည်မှာ ပြစ်မှုကျူးလွန်သူများကို မှန်မှန်ကန်ကန် စုံစမ်းဖော်ထုတ် အရေးယူနိုင်ရေး၊ ဒုစရိုက်သမားများ နှိမ်နင်းရေးသာ သူ့အတွက်အရေးကြီးပေမည်။ 

ယင်းသို့ ဆိုင်ရာ ဆိုင်ရာအလိုက် ကိုယ့်တာဝန်ကို အကောင်းဆုံးဖြစ်အောင် ထမ်းဆောင်နိုင်ကြပြီဆိုလျှင် ကိုယ့်အလုပ်ကိုယ်လုပ်ရုံသက်သက်မျှသာမကဘဲ နိုင်ငံတည်ဆောက်ရေးတွင်လည်း အုတ်တစ်ချပ် သဲတစ်ပွင့်အဖြစ်ပါဝင်နေပြီဟု ဆို၍ရပါမည်။

သာမန်ကာလျှံကာ အလုပ်ဖြစ်ရုံမျှ၊ တာဝန်ကျေရုံမျှ လုပ်ကိုင်ခြင်းထက် ကိုယ့်တာဝန်ကို အကောင်းဆုံးဖြစ်အောင် ဆောင်ရွက်နိုင်သူများလေ နိုင်ငံတည်ဆောက်ရေး ကိစ္စအရှိန်ရလေပင်ဖြစ်မည်ဟု ဆိုလိုပေသည်။ 

သို့သော်လည်း လက်ရှိခေတ်ကာလ ကျွန်ုပ်တို့၏ လူ့အဖွဲ့အစည်းထဲတွင် တာဝန်ကျေပွန်ရုံမျှ အလုပ်လုပ်တတ်သူပင်ရှားပါးနေရာ ယင်းသို့ တာဝန်ကျေရုံ လုပ်တတ်သူများကိုပင် အုတ်တစ်ချပ် သဲတစ်ပွင့်ကောင်းများအဖြစ် ကြံဖန်ချီးမြှောက်ရမည့်သဘောမျိုးဖြစ်နေသည်မှာ စိုးရိမ်စရာကောင်းလှပေသည်။

မည်သို့ပင်ဖြစ်စေ ဒီမိုကရေစီခေတ် မြန်မာနိုင်ငံကို နယ်ပယ်အသီးသီးမှနေ၍ ရှေ့ဆုံးမှ ဦးဆောင်နေသူ (ဦးဆောင်မည့်သူ) များသည် သာမန်ကာလျှံကာ တာဝန်ကျေရုံ လုပ်တတ်ရုံ၊ ပြောဆိုတတ်ရုံထက် အဆပေါင်းများစွာပိုလွန်အောင် စိတ်စေတနာကောင်းဖြင့် စွမ်းဆောင်နိုင်ရန်အထူးအရေးကြီးသလို နောက်လိုက်များကလည်း ကိုယ့်တာဝန်ကိုယ် အကောင်းဆုံးဖြစ်အောင်လုပ်ဆောင်ကြရန် အရေးကြီးကြောင်း ဖော်ပြလိုရင်းဖြစ်ပေသည်။

အယ်ဒီတာ (၄-၇-၂၀၁၉)