News

POST TYPE

EDITORIAL

မြန်မာတွေ ခွဲခြားနှိမ်ချစိတ် များလာသလား (Daily, Vol-6/No-285)
09-Mar-2019

ဒီကနေ့ မြန်မာလူမှုပတ်ဝန်းကျင်ကို လေ့လာကြည့်ရင် ဘယ်အကြောင်းကိစ္စမျိုးမှာမဆို မြန်မာတွေအများစုရဲ့ ချဉ်းကပ်ပုံ၊ ရှုမြင်ပုံ၊ သုံးသပ်ချက်ပေးပုံတွေက ခွဲခြားနှိမ်ချစိတ် များလာသလားဆိုတဲ့မေးခွန်း မေးစရာရှိလာတယ်။

ဒီလိုမေးရလောက်အောင်လည်း အွန်လိုင်းလူမှုကွန်ရက်ပေါ်မှာဖြစ်ဖြစ်၊ လက်ဖက်ရည်ဆိုင် စကားဝိုင်းမှာဖြစ်ဖြစ် လူအများ စိတ်ဝင်စားနေတဲ့ အကြောင်းအရာ၊ အဖြစ်အပျက်နဲ့ အဲဒီအထဲမှာ ပါဝင်ပတ်သက်နေသူတွေအပေါ် ပေးတဲ့နစ်နစ်နာနာ မှတ်ချက်စကားတွေ၊ ရင့်ရင့်သီးသီး ဝေဖန်အကဲဖြတ်မှုတွေက သက်သေပြသလို ဖြစ်နေတယ်။

အနီးစပ်ဆုံး ဥပမာပေးရရင် တစ်လောက အမျိုးသမီးများနေ့ အထိမ်းအမှတ်အတွက် ရည်ရွယ်ပြီး လုပ်တဲ့ စကားဝိုင်းဆွေးနွေးပွဲတစ်ခုက ပေးထားတဲ့ခေါင်းစဉ်နဲ့ ဆွေးနွေးတဲ့အကြောင်းအရာကို ဝေဖန်တဲ့မှတ်ချက်တွေပဲ။ အဲဒီအထဲက မှတ်ချက်တချို့ကို ကြည့်ရင် အံ့သြစရာကောင်းလောက်အောင် နှိမ်ချခွဲခြားစိတ်၊ လှောင်ပြောင် သရော်စိတ်တွေ ပြည့်နေတယ်။

အဲဒီအထဲမှာ နာမည်ကြီး၊ နာမည်ကျော် ပုရိသတွေ ပါနေတာ တွေ့လိုက်ရတယ်။ သူ့နယ်ပယ်နဲ့သူ၊ သူ့အတိုင်းအတာနဲ့သူ သြဇာသက်ရောက်မှုရှိနေတဲ့ နာမည်ကျော်တွေ ဖြစ်နေတဲ့အတွက် သူတို့ရဲ့ မှတ်ချက်စကားတွေက အများပြည်သူကို ထင်ယောင်ထင်မှား ဖြစ်စေတာပေါ့။

တခြားအဖြစ်အပျက်၊ အကြောင်းအရာ၊ အမှုကိစ္စတွေနဲ့ပတ်သက်ရင်လည်း သိပ်မကွာလှဘူး။ တစ်ခါတစ်ရံမှာ နစ်နာသူ၊ အစွပ်စွဲခံရသူအပေါ် ပေးတဲ့မှတ်ချက်တွေကတော့ သိပ်ကို ကြမ်းတမ်းနေတယ်။

ပညာအရည်အချင်း၊ ဉာဏ်ပညာ အဆင့်အတန်း၊ ကျင်လည်ကြီးပြင်းခဲ့တဲ့ ပတ်ဝန်းကျင် အခြေအနေကိုလိုက်ပြီး ခွဲခြား၊ နှိမ်ချစိတ် များကြတယ်ဆိုတာ လက်သင့်ခံချင်စရာ ဖြစ်ပေမယ့် တချို့ မထင်မှတ်ထားတဲ့ အသိုင်းအဝိုင်းတွေမှာတောင် ဒီလိုစိတ်မျိုးတွေ အင်မတန် နက်နက်ရှိုင်းရှိုင်း အမြစ်တွယ်နေတယ်။

တချို့ဆို ပညာတတ် အသိုင်းအဝိုင်းက ဖြစ်နေပေမယ့် ပြောတဲ့ ဆိုတဲ့ ပေးတဲ့ မှတ်ချက်တွေက ထင်ရက်စရာ မရှိလောက်အောင် တော်တော် ကို အရုပ်ဆိုး အကျည်းတန်လွန်းတယ်။ ဘယ်လောက်အထိလဲဆိုတော့ တစ်ဖက်သားအပြင် ကိုယ့်ကိုယ်ကိုယ်တောင် နစ်နစ်နာနာ တိုင်းတာပြီး ပြောတဲ့အထိပဲ။

များသောအားဖြင့် လိင်တိမ်းညွတ်မှုကွဲပြားတာ၊ ကိုးကွယ်ယုံကြည်မှု၊ လူမျိုး၊ ဒေသ၊ အသားအရောင် ခြားနားတာ၊ နိုင်ငံရေး ခံယူချက်၊ အတွေးအခေါ်၊ အယူအဆ မတူညီတာ၊ ရိုးရာယဉ်ကျေးမှု ဓလေ့စရိုက်တွေ ခြားနားတာမျိုးတွေအပေါ် အထင်သေးစိတ်၊ ရှုတ်ချစိတ်၊ နှိမ်ချစော်ကားလိုစိတ်နဲ့ ပေးတဲ့မှတ်ချက်မျိုးတွေ တွေ့ရတယ်။ 

တချို့ကျတော့လည်း အွန်လိုင်းမှာ ကိုယ်ပြောသမျှ ထောက်ခံသင်္ကေတ များများရအောင် ခပ်စူးစူး၊ ခပ်ရှရှ မှတ်ချက်တွေ၊ အငြင်းပွားဖွယ် အတွေးရိုင်းရိုင်းတွေ၊ လက်ခုပ်သံမျှော်တဲ့ ဆဲစာဆန်ဆန်တွေ၊ ရန် ငါ စည်းခြား အဆိုးမြင် မှတ်ချက်တွေနဲ့ ကိုယ့်ကို ထောက်ခံမယ့်သူတွေကို ဖျော်ဖြေရင်း ခွဲခြား၊ နှိမ်ချသူ ဖြစ်မှန်းမသိ ဖြစ်နေကြတယ်။

တချို့ဆို အာဏာနိုင်ငံနဲ့ ဆက်စပ်နေတဲ့ ရယ်ဒီကယ်အုပ်စုတွေရဲ့ ကြိုးဆွဲရာကနေတဲ့ဘဝကိုတောင် ရောက်သွားတယ်။ အကြောင်းက ကိုယ်တိုင်လည်း အွန်လိုင်းမှာ ပေါ်ပြူလာဖြစ်ချင်၊ ထောက်ခံအားပေးသူများများရချင်စိတ် တစ်နည်းပြောရရင် လူရာဝင်ချင်စိတ်ကြောင့်ပဲ။

အထူးသဖြင့် အာဏာရှင်စနစ်ဆိုးကြောင့် လူတိုင်းမှာ စိတ်ဒဏ်ရာ အနာရွက် ကိုယ်စီရှိနေတဲ့ လူ့အဖွဲ့အစည်းမျိုးမှာ ကိုယ်တစ်နေနေနေရာမှာ ခံခဲ့တာတွေကို တခြားတစ်နေရာမှာ ပြန်ပြီး မသိစိတ်က လက်စားချေချင်စိတ်၊ စိတ်ထွက်ပေါက်ပေး၊ စိတ်ဖြေသိမ့်ရာ ရှာနေကြသူတွေ များနေတာကလည်း အကြောင်းတစ်ခုပဲ။

အဲဒီအတွက် ကိုယ့်စိတ်နဲ့ အယူအဆနဲ့ အမြင်သဘောထားနဲ့ မကိုက်ညီတာတွေ ကြုံလာတဲ့အခါ စကားလုံးကြမ်းကြမ်းတွေနဲ့ ပစ်ပေါက်ပြီး ကိုယ့်ရဲ့ အထွေထွေ မကျေနပ်စိတ်ကို ထွက်ပေါက်ပေးရင်း ခွဲခြား၊ နှိမ်ချတဲ့ စကားလုံးတွေ ရေလဲသုံးလာကြတာ။ ဒါကို ထောက်ခံအားပေးတဲ့သူတွေ ရှိတဲ့အခါ ကြာလာတော့ အဲဒီစိတ် ဝင်သွားရော။ 

စနစ်ဆိုးရဲ့ ခါးသီးတဲ့ဖိနှိပ်မှုတွေ အတင်းအကျပ် တွန်းအားပေး စေခိုင်းမှုတွေကြောင့် အတွင်းပိုင်း စိတ်သန္တာန်တွေမှာ ကြမ်းတမ်းတဲ့ အမြင်အတွေးတွေ ကိန်းအောင်နေကြတဲ့ လူ့အဖွဲ့အစည်းမှာ နှိမ်ချခွဲခြားမှုတွေ ရှိနေတာ သိပ်တော့မဆန်းဘူး။ ဒါကို ဘယ်လို ကာကွယ်ဟန့်တားကြမလဲ၊ ကုစားကြမလဲဆိုတာ ဝိုင်းပြီး ကူညီစဉ်းစား အဖြေထုတ်ပေးကြဖို့လိုမယ်။ အနိမ့်ဆုံးအဆင့် တစ်ဦးချင်စီက ကိုယ့်စိတ်အတွင်းမှာ ရှိတဲ့ စိတ်ရိုင်ေးတွကို ဆင်ခြင်ဉာဏ်သတိချွန်းနဲ့ အုပ်ထိန်းကြဖို့ပါ။

အယ်ဒီတာ (၉-၃-၂၀၁၉)