POST TYPE

EDITORIAL

Red Dot ပြဿနာ အဖြေရှာ (Daily, Vol-6/No-260)
08-Feb-2019

Red Dot ကဲ့သို့ နိုင်ငံခြားသားများ ဦးစီးလုပ်ကိုင်သော အွန်လိုင်းနှင့် မိုဘိုင်းလ်တယ်လီဖုန်းမှတစ်ဆင့် ငွေကြေးဝန်ဆောင်မှုလုပ်ငန်းတစ်ခုသည် သန်းနှင့် ချီသော ငွေများအလွဲသုံးစားပြု ထွက်ပြေးခြင်းကြောင့် မြန်မာစားသုံးသူများ နစ်နာသွားရခြင်းမှာ ဗဟိုဘဏ်နှင့် မြန်မာနိုင်ငံ၏ တရားဥပဒေစိုးမိုးရေးတို့အပေါ် ကြီးစွာမေးခွန်းထုတ်စရာ ရှိပေသည်။

အတိတ်ကာလကလည်း ငွေစု၊ ငွေချေး ခေါင်းစဉ်အောက်တွင် အငြိမ်းစား ဝန်ထမ်းများအပါအဝင် သောင်းနှင့်ချီသော မြန်မာစားသုံးသူများ၏ စုဆောင်း ထည့်ဝင်ငွေများကို အတိုးနှုန်းမက်လုံးပေး၍ လိမ်လည်သွားခဲ့သည့် သာဓကများ ရှိခဲ့ပြီးဖြစ်သော်လည်း ယနေ့အချိန်အထိ ထိုသဘောဆန်ဆန် အလွဲသုံးစားပြု တိမ်းရှောင်မှုများ ရှိနေဆဲမှာ ဥပဒေအားနည်းချက်ရှိကြောင်း ပေါ်လွင်ထင်ရှားလှသည်။

မြန်မာနိုင်ငံတွင် ငွေကြေးဝန်ဆောင်မှုလုပ်ငန်းများ ဆောင်ရွက်မည်ဆိုပါက ဗဟိုဘဏ်၏ ခွင့်ပြုချက်ရရှိမှသာ ဆောင်ရွက်ခွင့်ရှိသော်လည်း Red Dot ကဲ့သို့ နိုင်ငံခြားသား ဦးစီးလုပ်ကိုင်သော ကုမ္ပဏီမျိုးကိုမူ မည်သည့် စိစစ်ကြပ်မတ်မှုမျှ မရှိဘဲ လုပ်ကိုင်ခွင့်ပြုခဲ့ခြင်းဖြစ်သည်။ 

စားသုံးသူများ၏ အခွင့်အရေးကို အကာအကွယ်ပေးရန် တာဝန်ရှိသည့် သက်ဆိုင်ရာ ဗဟိုဘဏ်၊ အစိုးရဌာန (ဝါ) အစိုးရတစ်ရပ်က တရားဝင် လုပ်ကိုင်ခွင့်ပြုခဲ့ခြင်းမျိုးမဟုတ်သော်ငြား ယင်းလုပ်ငန်းသည် အများပြည်သူမြင်ကွင်းတွင် လည်းကောင်း၊ မီဒီယာများမှတစ်ဆင့်လည်းကောင်း လူသိရှင်ကြား ကြော်ငြာများဖြင့် ဈေးကွက်အတွင်း တရားဝင် အသိပေး၊ မိတ်ဆက်လုပ်ကိုင်သွားခဲ့ခြင်းဖြစ်သည်။

ထိုအချက်သည် စိစစ်ကြပ်မတ်ခြင်းမရှိဘဲ ခွင့်ပြုပေးသည့်သဘော သက်ရောက် သွားခဲ့သောကြောင့် မူလကပင် ဥပဒေ၏ အကာအကွယ် မရရှိခဲ့ဘဲ ချွေးနှဲစာများ လိမ်လည်ခံခဲ့ရသလိုဖြစ်သွားခဲ့သော စားသုံးသူများ လွန်စွာ နစ်နာခဲ့ရသည်။

လက်ရှိ ပြည်တွင်းတွင် Small Loans ခေါ် အသေးစားချေးငွေလုပ်ငန်းများ လုပ်ကိုင်လိုလျှင်ပင် ဗဟိုဘဏ်က တင်းတင်းကျပ်ကျပ် သတ်မှတ်ထားသော စည်းမျဉ်း၊ စည်းကမ်း၊ လုပ်ထုံး၊ လုပ်နည်းများနှင့် ညီညွတ်မှသာ လုပ်ကိုင်ခွင့်ပြုနေချိန်တွင် Red Dot ကဲ့သို့ လုပ်ငန်းမျိုးက အနှောင်အဖွဲ့ကင်းကင်းဖြင့် ၎င်းတို့ စိတ်ကြိုက် ငွေကြေးပမာဏ အလွဲသုံးစားပြုသွားခြင်းမှာ ဥပဒေ၏ တစ်ဖက်စောင်းနင်းဖြစ်မှု သို့မဟုတ် ဥပဒေ၏ အားနည်းချက်ကို မီးမောင်းထိုးပြလိုက်သည့်သဘောဟု ဆိုနိုင်သည်။

အထူးသဖြင့် အွန်လိုင်းနှင့် မိုဘိုင်းလ်တယ်လီဖုန်း ကွန်ရက်သုံး ငွေကြေးဝန်ဆောင်မှု လုပ်ငန်းများနှင့်ပတ်သက်၍ အစိုးရ သို့မဟုတ် ဗဟိုဘဏ်ထံတွင် တိကျခိုင်မာသော စည်းမျဉ်း၊ စည်းကမ်း၊ လုပ်ထုံးလုပ်နည်းများ မွမ်းမံ၊ ပြင်ဆင်ရေးဆွဲ ထားခြင်းမရှိပါက နောက်ထပ် အလားတူပြဿနာများ ထပ်မံကြုံတွေ့ရဦမည်ဖြစ်သည်။

ထိုအခါ မြန်မာစားသုံးသူများသာ နစ်နာကြမည်ဖြစ်သောကြောင့် လက်ရှိ ပြဿနာအပေါ် သွေးအေးမနေသင့်ဘဲ ဆောလျင်စွာ အဖြေရှာခြင်း၊ Red Dot ကို နိုင်ငံတကာရဲတပ်ဖွဲ့နှင့် ချိတ်ဆက်၍ အမှုဖွင့်၊ ရှာဖွေဖမ်းဆီး အရေးယူခြင်းတို့ဖြင့် နိုင်ငံသားတို့၏ နစ်နာမှုကို အစိုးရအနေနှင့် အလေးထား၊ ဂရုစိုက်၊ လက်တွေ့ဖြေရှင်းပေးပါမည့်အကြောင်း တိုက်တွန်း အကြံပြုအပ်ပေသည်။

အယ်ဒီတာ ( ၇ - ၂ - ၂၀၁၉ )