News

POST TYPE

EDITORIAL

နိုင်ငံတည်ဆောက်ရေးမှာ မင်းသားလုပ်မလား၊ ဗီလိန်လုပ်မလား (Daily, Vol-6/No-258)
06-Feb-2019

ယခင်အာဏာရ ပြည်ခိုင်ဖြိုးပါတီ၏ ဥက္ကဋ္ဌဟောင်းလည်းဖြစ်၊ ယခင် ပြည်သူ့လွှတ်တော် ဥက္ကဋ္ဌဟောင်းလည်းဖြစ်သည့် သူရဦးရွှေမန်း ဦးဆောင်သည့် နိုင်ငံရေးပါတီက ပြည်ထောင်စုရွေးကောက်ပွဲ ကော်မရှင်သို့ ယနေ့ နံနက်ပိုင်းတွင် ပါတီထူထောင်ခွင့် လျှောက်ထားခဲ့ကြောင်း ကြားသိရပါသည်။ မြန်မာ့ဒီမိုကရေစီ အသွင်ကူးပြောင်းရေးခေတ်ဦးတွင် ဥပဒေပြုလုပ်ငန်းစဉ် အတွေ့အကြုံများကို ဦးစွာရရှိသွားသူများထဲတွင် သူရဦးရွှေမန်းလည်း ပါဝင်ပေသည်။ 

နိုင်ငံရေးအရ “ဘက်” ဟူသည့် ရှုထောင့်မှကြည့်မည် ဆိုပါက ၎င်းသည် ယခင် စစ်အာဏာရှင်လက်ထက်က ဗိုလ်ချုပ်ကြီးဟောင်းတစ်ဦး၊ ခရိုနီအသိုင်း အဝိုင်းထဲက စစ်ယူနီဖောင်းချွတ်တစ်ဦးဟု အဆိုးမြင်သည့်သဘောဖြင့် ပြော၍ ရပေမည်။ ဒီမိုကရေစီနိုင်ငံထူထောင်ရေးဟူသည့် ရှုထောင့်ကကြည့်မည်ဆိုလျှင် ၎င်းသည် ဝါရင့်စစ်မှုထမ်းနှင့် နိုင်ငံရေးသမားတစ်ဦးဟု ဆို၍ရမည် ထင်ပေသည်။ 

အမှန်တွင် ဤနေရာ၌ ပြောချင်သည်မှာ သူရဦးရွှေမန်းလည်း မဟုတ်သလို ၎င်း၏ ပါတီသစ်အကြောင်းလည်း မဟုတ်ပေ။ ယနေ့ မြန်မာနိုင်ငံ ရင်ဆိုင် ကြုံတွေ့နေရသော ပဋိပက္ခများနှင့် ပြဿနာများ ပြေလည်ရေး၊ တစ်နည်းအားဖြင့် ဒီမိုကရေစီနိုင်ငံတော်သစ် တည်ဆောက်ရေးအတွက် ထူးချွန်ထက်မြက်မှုလည်းရှိ၊ စေတနာလည်း ရှိကြသူများပေါင်းစည်း လုပ်ကိုင်နိုင်ရေးပင်ဖြစ်ပါသည်။ ပို၍ ပွင့်ပွင့်လင်းလင်း ပြောရမည်ဆိုပါက တပ်ဘက်ကလာသည်ဖြစ်စေ မလာသည်ဖြစ်စေ၊ နိုင်ငံရေး အကျဉ်းသားဖြစ်ဖူးသည်ဖြစ်စေ မဖြစ်ဖူးသည်ဖြစ်စေ နိုင်ငံတည်ဆောက်ရေးကို စေတနာမှန်မှန်ဖြင့် ကိုယ်ကျိုးမကြည့်ဘဲ လုပ်ကိုင်ပေးသူများ ထွက်ပေါ်လာရေးက အရေးကြီးပါသည်။ 

လက်ရှိအချိန်တွင် အာဏာရပါတီအပါအဝင် အခြားပါတီများမှ အရပ်သားနိုင်ငံရေးသမားများနှင့် စစ်ဘက်မှ ပုဂ္ဂိုလ်များ (တပ်မတော်သား ကိုယ်စားလှယ်များ)အကြား ဆက်ဆံရေးကောင်းတစ်ရပ်၊ ယုံကြည်မှုတစ်ရပ် ထူထောင်လာနိုင်ပြီဖြစ်သော်လည်း “ဘက်” ဟူသည့် အရိပ်နှင့် ပါတီစွဲ၊ အုပ်စုစွဲအမြင်များကြောင့် နှစ်ဖက်စလုံးမှ ပုဂ္ဂိုလ်များအနေနှင့် ပြည်သူလူထု၏အရေး ကိစ္စများကိုဆောင်ရွက်ရာတွင် ထင်သလောက်ခရီးမပေါက်ဘဲ ဖြစ်နေသည်ကို တွေ့ရပေသည်။ 

အထူးသဖြင့် သမိုင်းတွင်မည့် မှတ်တမ်းထဲ၌ မိမိတို့နှင့် မိမိတို့ ပါတီ သို့မဟုတ် အဖွဲ့အစည်း၏ အမည်စာရင်းဝင်နိုင်ရေးအတွက် အသားပေးကြိုးပမ်း နေကြသည့်သဘောမျိုးများ တွေ့ရပေရာ ဒီမိုကရေစီနိုင်ငံတော်သစ် မဆိုထားနှင့်၊ ပြည်တွင်းစစ်အဆုံးသတ်ရေးပင် လွယ်ကူမည်မဟုတ်ဟု ဆိုရပေမည်။ မိမိသည် မင်းသားဖြစ်ပြီး မိမိနှင့်မတူသည့် အင်အားစုသည် ဗီလိန်ဖြစ်သည် ဟူသည့် သဘောထားအမြင်မျိုး မြန်မာ့နိုင်ငံရေးတွင် အရေးပါသောအင်အားစုများအကြား ရှိနေမည်ဆိုပါက သိကြားမင်း ဆင်းကယ်သည့်တိုင် ပန်းတိုင် ရောက်နိုင်မည် မဟုတ်ပေ။ 

သို့အတွက်ကြောင့် လတ်တလောအရေးတကြီး မေတ္တာရပ်ခံလိုသည်မှာ မည်သည့်အင်အားစုဘက်က လာသည်ဖြစ်စေ မြန်မာ့ဒီမိုကရေစီရေး ခရီးလမ်းမှန်ပေါ်မှ ချော်ထွက်မသွားစေရေးအတွက် တစ်ဦးနှင့် တစ်ဦး၊ တစ်ဖက်နှင့် တစ်ဖက် ယုံကြည်နားလည်မှုများ တည်ဆောက်ကာ ပူးပေါင်းလုပ်ဆောင်နိုင်မည်ဆိုပါက အားလုံးကို ပြည်သူလူထုက ဇာတ်လိုက်မင်းသားများအဖြစ်သာ ရှုမြင်ကြလိမ့်မည်ဖြစ်ကြောင်း ဖော်ပြလိုရင်းဖြစ်ပေသည်။ 

အယ်ဒီတာ ( ၅ - ၂ - ၂၀၁၉ )