News

POST TYPE

EDITORIAL

ဥပဒေနှင့်အညီ လိမ္မာပါးနပ်ထက်မြက်သော နည်းလမ်းဖြစ်စေချင် (Daily, Vol-6/No-253)
31-Jan-2019

ဥပဒေပြုလွှတ်တော်ဆိုသည်မှာ ဥပဒေနှင့်ပတ်သက်လျှင် အမြင့်ဆုံးအာဏာကို ကိုင်တွယ်ဆောင်ရွက်ခွင့်ရထားသည့် အင်စတီကျူးရှင်းတစ်ခုဖြစ်သည်။ ထို့ကြောင့် လွှတ်တော်အတွင်း တရားဝင်ဆောင်ရွက်သမျှ ကိစ္စရပ်အားလုံးမှာလည်း သတ်မှတ်ပြဋ္ဌာန်းထားသော ဥပဒေ၊ စည်းမျဉ်း၊ စည်းကမ်း၊ လုပ်ထုံးလုပ်နည်း၊ လက်စွဲ၊ လမ်းညွှန်များနှင့်အညီဖြစ်ရန် လိုအပ်သည်။

ဥပဒေပြုလွှတ်တော်မှတစ်ဆင့် မည်သည့်အရေးကိစ္စမဆို တင်ပြ၊ အဆိုပြု၊ ဆွေးနွေး၊ ထောက်ခံ၊ ကန့်ကွက်၊ အတည်ပြု စသည့်လုပ်ငန်းစဉ် အဆင့်ဆင့်တွင်လည်း လွှတ်တော်နာယက၊ လွှတ်တော်ဥက္ကဋ္ဌများမှအစ လွှတ်တော်ကိုယ်စားလှယ်များ၊ လွှတ်တော်ဝန်ထမ်းများအားလုံး အတိအကျ လိုက်နာရန် တာဝန်ရှိသည်။

လွှတ်တော်အရပ်ရပ်တွင် ဒီမိုကရေစီနည်းကျ ရွေးချယ်တင်မြှောက်ခြင်းခံထားရသည့် ပါတီအသီးသီးမှ လွှတ်တော်ကိုယ်စားလှယ်များအနေနှင့်လည်း လွှတ်တော်မှတစ်ဆင့် သို့မဟုတ် လွှတ်တော်အတွင်း ဆောင်ရွက်လုပ်ကိုင်ရသည့် ကိစ္စအရပ်ရပ်တွင်လည်း သက်ဆိုင်ရာပါတီ၏ သဘောထားများကို လွှတ်တော်ကို တင်ပြရာတွင်လည်း သတ်မှတ်ပြဋ္ဌာန်းထားသော ဥပဒေများနှင့်အညီဖြစ်ရသည်။

ဆိုလိုသည်မှာ ဥပဒေပြုလွှတ်တော် ခေါင်းစဉ်အောက်တွင်ရှိနေသော လွှတ်တော်နာယကမှသည် လွှတ်တော်ကိုယ်စားလှယ်များ၊ အဆင့်ဆင့်သော အောက်ခြေလွှတ်တော်ဝန်ထမ်းများ အားလုံးသည် အခြားနယ်ပယ်အသီးသီးနှင့် နှိုင်းယှဉ်လျှင် ဥပဒေ၊ စည်းကမ်း၊ လုပ်ထုံးလုပ်နည်းများကို ရှေ့ဆုံးမှ လေးစားလိုက်နာရမည့်သူများဖြစ်သည်ဟု ဆိုလိုသည်။

ထို့အတူ လွှတ်တော်တွင် တင်ပြဆွေးနွေးချက်များသည်လည်း ပေါ် ပြူလာဆန်သော သင်္ကြန်အမြောက်ဆန်ဆန် အငြင်းပွားဖွယ်ရာ ကိစ္စရပ်မျိုးထက် ရေရှည်ခံပြီး နောက်ဆက်တွဲ ဆိုးကျိုးအနည်းဆုံး ဖြစ်စေမည့် ကိစ္စရပ်များဖြစ်ရန် လိုအပ်လှသည်။

နိုင်ငံသားအများစု သဘောတူ၊ လက်ခံထားသော အရေးကိစ္စဖြစ်နေလျှင်ပင် တင်ပြသည့် နည်းလမ်း၊ ချဉ်းကပ်သည့်ပုံစံသည် အာဏာနိုင်ငံရေးသက်သက်ကို ဦးတည်လွန်းခြင်း၊ ထိပ်တိုက်အငြင်းပွားဖွယ်ရာ လမ်းကြောင်းဖြစ်ခြင်း၊ ရေတို၊ ရေရှည် မကွဲပြားဘဲ ယေဘုယျဆန်လွန်းခြင်း၊ ချမှတ်ထားသော ဥပဒေ၊ စည်းမျဉ်းစည်းကမ်း၊ လုပ်ထုံးလုပ်နည်းများနှင့် မညီညွတ်ခြင်း စသည့်အချက်များနှင့် ငြိစွန်းနေပါက အောင်မြင်နိုင်ခြေ နည်းပါးသွားနိုင်သည်။ အခန့်မသင့်လျှင် Backfire ခေါ် ပြောင်းပြန် ရလဒ်မျိုးထွက်ပေါ်လာတတ်သည်။

နိုင်ငံသားအားလုံးနှင့် နိုင်ငံတော် ဖွံ့ဖြိုးတိုးတက်ရေး၊ ဒီမိုကရေစီ ရေခံမြေခံများ အားကောင်းစည်ပင်လာစေရေး၊ ဒီမိုကရေစီ ကျင့်စဉ်၊ စံနှုန်းများ ခိုင်မာလာစေရေး၊ ငြိမ်းချမ်းမှုတည်ဆောက်ရေးကို အထောက်အကူပြုရေးကို အမှန်တကယ်ဦးစားပေး ထည့်သွင်းစဉ်းစားပါက ဘေးထွက်ဆိုးကျိုးအနည်းဆုံးဖြစ်စေမည့် ပါးနပ်လိမ္မာ ထက်မြက်သည့် နည်းလမ်းမျိုးကို ရွေးချယ်ရမည်ဖြစ်သည်။

အာဏာနိုင်ငံရေးသည် အများပြည်သူကို ထုတ်ဖော်အသိပေး၍ ဆောင်ရွက်လုပ်ကိုင်ရသည်များ (ဝါ) အများပြည်သူ ထောက်ခံသဘောကျမည့် ကိစ္စရပ်များ ရှိသလို တစ်ခါတစ်ရံ အများပြည်သူကို အသိမပေးဘဲ တိတ်တဆိတ် နှစ်ကိုယ်ကြား၊ နှစ်ဖွဲ့ကြား တွေ့ဆုံ၊ ညှိနှိုင်း၊ အသိပေး၊ အလျှော့အတင်း၊ အပေးအယူလုပ်ဆောင်ရွက်ရသည်များ (ဝါ) အများပြည်သူ မနှစ်မြို့၊ သဘောမတွေ့နိုင်သည့် ကိစ္စရပ်များလည်း ရှိသည်။

ဒီမိုကရေစီ ဆိုသော ခေါင်းစဉ်ပေးလိုက်လျှင် မိမိကိုယ်တိုင် သို့မဟုတ် မိမိအဖွဲ့အစည်းကိုယ်တိုင် လက်တွေ့တွင် ဒီမိုကရေစီစံနှုန်းများနှင့် မည်မျှညီညွတ်မှု ရှိ၊ မရှိ မည်သို့ဆောင်ရွက်လုပ်ကိုင်ထားခြင်း ရှိ၊ မရှိ ဦးစွာ ဆန်းစစ်သုံးသပ်ရန် တာဝန် ရှိသည်။ ဥပမာအားဖြင့် ဒီမိုကရေစီစနစ်၏ အခြေခံသဘောတစ်ခုဖြစ်သည့် အာဏာကို ဗဟိုချုပ်ကိုင်မှု လျှော့ချကာ ပြည်နယ်နှင့် တိုင်းဒေသကြီး အသီးသီးသို့ လုပ်ပိုင်ခွင့်များ ခွဲဝေပေးခြင်းမျိုးကို မိမိတို့ကိုယ်တိုင် လက်တွေ့ မည်မျှ အကောင်အထည်ဖော်ထားသနည်းဆိုသော အချက်မျိုးဖြစ်သည်။

အထူးသဖြင့် နိုင်ငံတကာ ဖိအားများ မည်သည့်နှစ်ကာလနှင့်မျှမတူအောင် များပြားလွန်းလှသည့် ယနေ့အချိန်အခါသမယမျိုးတွင် ပြည်တွင်းရှိ နိုင်ငံရေး အင်အားစုအသီးသီးအပါအဝင် မည်သူ၊ မည်သည့်အဖွဲ့အစည်းမျိုးနှင့်မဆို ဘုံသဘော တူညီချက်တစ်ခု ရှာဖွေ၍ ပေါင်းစည်းညီညွတ်မှုအား တစ်ခုရရှိရန် ကြံဆဆောင်ရွက်ရမည့်အစား ပါဝါအမာကို အထိုင်ပြုကာ အပေါ်စီးယူထားသူများကို ထိပ်တိုက်တွေ့မည့် နည်းလမ်းများဖြင့် ရန်စသကဲ့သို့ ပြုမူရန်မသင့်ဘဲ ပိုမိုကောင်းမွန်သော၊ Smart Approch ခေါ် လိမ္မာပါးနပ်ထက်မြက်သော နည်းလမ်းမျိုးကို စဉ်းစားသင့်ကြောင်း အကြံပြုထောက်ပြလိုရင်းဖြစ်သည်။

အယ်ဒီတာ (၃၀-၁-၂၀၁၉)