News

POST TYPE

EDITORIAL

ပုဂ္ဂလိက မီဒီယာများ ရှင်သန်ဖွံ့ဖြိုးရေး (Daily,Vol-6/No-205)
05-Dec-2018

ယခုရက်ပိုင်းအတွင်း အပတ်စဉ်ထုတ်ဂျာနယ်နှင့် လစဉ်ထုတ် မဂ္ဂဇင်းအချို့ ရပ်နားသွားခြင်းမှာ မီဒီယာလောကအတွက် သတင်းဆိုးဖြစ်ပြီး စာဖတ်ပရိသတ်၊ ပြည်သူများနှင့် နိုင်ငံအတွက်လည်း ကောင်းသည့် လက္ခဏာ မဟုတ်ပေ။

အွန်လိုင်း ဆိုရှယ်မီဒီယာများ အရှိန်အဟုန်ဖြင့် ကျယ်ပြန့်လာခြင်း၊ လူအများစု၏ မီဒီယာစားသုံးမှု ဓလေ့အသွင်ပြောင်းလာခြင်းတို့ကြောင့် ကမ္ဘာနှင့်အဝန်း ပုံနှိပ်မီဒီယာများ တဖြည်းဖြည်း ကျဆင်း၊ ပိတ်သိမ်းနေသည့်နည်းတူ မြန်မာနိုင်ငံတွင်လည်း ထိုနည်းတူစွာ ရင်ဆိုင်လာရခြင်းဖြစ်သော်ငြား မြန်မာနိုင်ငံ၏ လက်ရှိအခြေအနေမှာ နိုင်ငံတကာနှင့်ယှဉ်လျှင် မတူခြားနားသော အချက်များ ရှိနေသည်။

ဆယ်စုနှစ်များစွာ အာဏာရှင်စနစ်အောက် ကျရောက်ခဲ့ပြီး တစ်ဖက်သတ် ဝါဒဖြန့်သော မီဒီယာမျိုးနှင့်သာ ယဉ်ပါးလာခဲ့သော နိုင်ငံတစ်ခုအတွက် လွတ်လပ်သော ပုဂ္ဂလိကမီဒီယာများ ယခုထက်ပို၍ ရှည်ကြာတည်တံ့ရန် လိုအပ်နေသေးသည်။

လွတ်လပ်စွာ ရွေးကောက်တင်မြှောက်ခံထားရသည့် ပြည်သူ့ကိုယ်စားလှယ် အများစု ပါဝင်သော လွှတ်တော်၊ ယင်းက ရွေးချယ်ခန့်အပ် တာဝန်ပေးသော သမ္မတနှင့် အစိုးရအဖွဲ့က စီမံခန့်ခွဲအုပ်ချုပ်နေသော အချိန်အခါမျိုးတွင် ပုဂ္ဂလိက မီဒီယာများ သူ့သဘာဝအရ ရပ်နားသွားခြင်းဟု ယေဘုယျအားဖြင့် ပြောနိုင်သော်လည်း အစိုးရ၏ သဘောထားကလည်း အရေးကြီးသည့် အခန်းကဏ္ဍတွင် ပါဝင်နေသည်။

နိုင်ငံ၏ စီးပွားရေးတုံ့ဆိုင်း လေးကန်နေခြင်း၊ နိုင်ငံသားတို့၏ ဝယ်ယူသုံးစွဲနိုင်အား ကျဆင်းနေခြင်း၊ နိုင်ငံသားတို့၏ ဝင်ငွေနှင့်နှိုင်းယှဉ်ပါက လူသုံးကုန်၊ စားသောက်ကုန်ဈေးနှုန်းများ ကြီးမြင့်နေခြင်း၊ အခွန်အခများစွာ ထမ်းပိုးထားရခြင်း၊ လုပ်ငန်းအသစ်များအတွက် အစိုးရ၏ ကူညီပံ့ပိုးမှု မရှိခြင်းတို့ကလည်း ပုံနှိပ်မီဒီယာများ အပါအဝင် အခြားနယ်ပယ်မှ အသေးစားနှင့် အလတ်စားလုပ်ငန်း အားလုံးနီးပါး အကျပ်အတည်းနှင့် ကြုံနေကြရသည်။

ပုဂ္ဂလိက မီဒီယာများသည် နိုင်ငံပိုင် အစိုးရအာဘော် မီဒီယာများနှင့် မတူညီသော တင်ပြပုံ၊ ချဉ်းကပ်ပုံမျိုးဖြင့် မြန်မာပြည်သူလူထုနှင့် နိုင်ငံအတွက် တစ်ထောင့်တစ်နေရာမှ တာဝန်ထမ်းဆောင်ပေးနေကြသူများ တစ်နည်းဆိုရသော် အမှောင်ဖုံးနေခဲ့သော မြန်မာလူ့အဖွဲ့အစည်းကို တတ်စွမ်းသမျှ အလင်းရောင် ပေးနေကြသူများဖြစ်သည်။

စင်စစ်အားဖြင့် မြန်မာနိုင်ငံ၏ ဒီမိုကရေစီ အသွင်ကူးပြောင်းရေး လုပ်ငန်းစဉ်များသည် ပုဂ္ဂလိက သတင်းမီဒီယာများ၏ ပါဝင်ကူညီပံ့ပိုးမှု မရှိလျှင် ယခု အခြေအနေအထိ ရောက်ရှိလာစရာ အကြောင်းမရှိပေ။ ထို့အတူ ဒီမိုကရေစီ နိုင်ငံတစ်ခု တည်ဆောက်ရာတွင် လွတ်လပ်သော ပုဂ္ဂလိကမီဒီယာများ ရှင်သန်ဖွံ့ဖြိုးရေးမှာ အဓိကကျသော ရေခံမြေခံ လိုအပ်ချက်ဖြစ်သည်။

အရွေးကောက်ခံ အစိုးရအနေနှင့် ဝေဖန်မှုများကိုဂရုမထားဘဲ ပုဂ္ဂလိက မီဒီယာများ တဖြည်းဖြည်း ယုတ်လျော့ကျဆင်းနေခြင်းကို ကူညီစောင့်ရှောက်နိုင်ခြင်းမရှိနိုင်လျှင်ပင်၊ သီအိုရီအရ ဈေးကွက်တွင် ပုဂ္ဂလိက မီဒီယာများနှင့် ယှဉ်ပြိုင်နေသည့် နိုင်ငံပိုင် အစိုးရအာဘော် မီဒီယာများ၏ အခန်းကဏ္ဍ လျှော့ချပြောင်းလဲနိုင်ခြင်း မရှိနိုင်လျှင်ပင် ပုဂ္ဂလိကမီဒီယာများကို ဖိစီးနှိပ်စက်သကဲ့သို့ ဖြစ်နေသော လုပ်ထုံးလုပ်နည်းများ ဖြေလျှော့ပေးခြင်း၊ အခွန်အခများ ကာလ သတ်မှတ်ချက်ဖြင့် လျှော့ချ၊ ကင်းလွတ်ခွင့်ပြုခြင်းတို့ဖြင့် အနိမ့်ဆုံး ကူညီပေးနိုင်ကြောင်း အကြံပြု ထောက်ပြလိုရင်းဖြစ်သည်။

အယ်ဒီတာ (၅.၁၂.၂၀၁၈)

(၅-၇-၂၀၁၈ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)