News

POST TYPE

EDITORIAL

အုပ်ချုပ်ရေး ယန္တရား အရေးကြီးသည် (Daily, Vol-6/No-203)
04-Dec-2018

နိုင်ငံတစ်ခုကို စီမံခန့်ခွဲအုပ်ချုပ်ရာတွင် အဓိကအကျဆုံးနှင့် အရေးအကြီးဆုံးမှာ စနစ်တကျ လေ့ကျင့်ဖွဲ့စည်းထားသော အုပ်ချုပ်ရေးယန္တရား၏ စွမ်းဆောင်ရည်နှင့် အရည်အချင်းဖြစ်သည်။ နိုင်ငံများစွာတို့တွင် အုပ်ချုပ်ရေးဆိုင်ရာအရည်အချင်းကို သီးခြားဘာသာရပ်တစ်ခုဖြင့် စနစ်တကျ လေ့ကျင့်ပေးလျက်ရှိသော်ငြား မြန်မာနိုင်ငံတွင် ယနေ့အချိန်အထိ အုပ်ချုပ်စီမံခန့်ခွဲရေးကို သီးခြားလေ့ကျင့်ပေးထားခြင်းမျိုး မရှိပေ။

ဗဟိုဝန်ထမ်းတက္ကသိုလ်အမည်ဖြင့် ဖောင်ကြီးနှင့်၊ ပြင်ဦးလွင်တွင် ဖွင့်လှစ်ထားသော်လည်း ဌာနဆိုင်ရာအသီးသီးရှိ လက်ရှိတာဝန်ထမ်းဆောင်နေသော အရာရှိ၊ ကြီးငယ်များကို မွမ်းမံသင်တန်းမျှသာပေးနိုင်သည်။ များသောအားဖြင့် ထိုသင်တန်းများမှာလည်း အုပ်ချုပ်ရေးအတတ်ပညာပိုင်းထက် လက်ရှိအစိုးရ၏ မူဝါဒရေးရာများ သွတ်သွင်းခြင်းက ပိုများနေတတ်သည်။ 

မြန်မာနိုင်ငံတွင် ဗြိတိသျှကိုလိုနီလက်ထက်တွင်သာ အုပ်ချုပ်ရေးယန္တရားကို စနစ်တကျဖွဲ့စည်းပြီး အုပ်ချုပ်ရေးအရာရှိများကို အင်္ဂလန်အထိစေလွှတ်ပညာသင်ကြားပေးကာ တစ်နိုင်ငံလုံးကို နှစ်တစ်ရာကျော် နိုင်နင်းစွာ အုပ်ချုပ်စီမံခန့်ခွဲနိုင်ခဲ့သည်။

လွတ်လပ်ရေးရပြီးနောက်ပိုင်း ကိုလိုနီစနစ်၏ ဆိုးမွေများစွာရှိခဲ့လင့်ကစား စနစ်တကျလေ့ကျင့်သင်ကြားပေးထားခဲ့သော ဗျူရိုကရေစီယန္တရားနှင့် ဗျူရိုကရက် (ဝါ) အုပ်ချုပ်ရေးစနစ်နှင့် အုပ်ချုပ်ရေးအရာရှိများက ကောင်းမွေဟု ဆိုနိုင်သည်။ 

ထိုစနစ်နှင့် ယန္တရားကို ပါလီမန်ဒီမိုကရေစီခေတ်တစ်လျှောက်လုံး အသုံးချနိုင်ခဲ့ပြီး အတွေ့အကြုံရှိသော အုပ်ချုပ်ရေးအရာရှိများကို လက်ဆင့်ကမ်းပေးနိုင်ခဲ့သည်။ ၁၉၆၂ ခုနှစ် အာဏာသိမ်းစဉ်မှစပြီး ထိုအုပ်ချုပ်ရေးယန္တရားအတွင်းသို့ အရပ်ဘက်စီမံခန့်ခွဲ အုပ်ချုပ်မှုအတတ်ပညာကို နားမလည်သူများ တိုက်ရိုက်ခန့်ထားခဲ့ရာမှစပြီး အုပ်ချုပ်ရေးယန္တရား၏ အရည်အချင်းနှင့် စွမ်းဆောင်ရည် စတင်ကျဆင်းသွားခဲ့ခြင်းဖြစ်သည်။

ယနေ့အချိန်အထိ အုပ်ချုပ်ရေးယန္တရား၏ စွမ်းဆောင်ရည်ကို မြှင့်တင်ရန် စနစ်တကျပြင်ဆင်ရေးဆွဲထားသော စီမံကိန်း၊ စီမံချက်တစ်စုံတစ်ရာမတွေ့ရဘဲ ယေဘုယျဆန်သော ပြောဆိုမှုများဖြင့်သာ စခန်းသွားနေကြောင်း ဝေဖန်မှုများရှိနေသည်။

အာဏာရှင်စနစ်၏ ဆိုးမွေဖြစ်သော အာဏာအလွဲသုံးခြင်း၊ အကျင့်ပျက်ခြစားခြင်းတို့သည် အုပ်ချုပ်ရေးယန္တရားအတွင်း အမြစ်တွယ်နေရာ နေ့ချင်း၊ ညချင်း ပပျောက်သွားစေရန် မဖြစ်နိုင်သောကြောင့် အရည်အချင်းမြှင့်တင်ခြင်းနှင့်အတူ အရည်အချင်းနှင့်လျော်ညီစွာ ရာထူး၊ လုပ်ပိုင်ခွင့်၊ အဆောင်အယောင်၊ ခံစားခွင့်များ ထိုက်သင့်သလို တိုးမြှင့်ပေးခြင်းကိုလည်း တစ်ဆက်တည်းဆောင်ရွက်ရမည်ဖြစ်သည်။

ထို့အတူ မိုးကျရွှေကိုယ်ခေါ် ပြည်သူ့ရေးရာ စီမံခန့်ခွဲအုပ်ချုပ်မှု၊ ဝန်ဆောင်မှုကို နားမလည်သူများ ဝင်ရောက်နေခြင်းကိုလည်း ချက်ချင်းပိတ်ပင်ရန် မလွယ်ကူသောကြောင့် ရှိနေပြီးသားနှင့် လာလတ္တံ့သော မိုးကျရွှေကိုယ်များကိုလည်း ဝင်ရောက်နေရာယူမည့် ရာထူးနှင့် လျော်ညီသော အရည်အချင်းမြှင့်တင်မှု၊ လေ့ကျင့်မှုဆိုင်ရာသင်တန်းများ ဦးစွာ တက်ရောက်စေခြင်း၊ ဌာနတွင်းမှ သန္ဓေဝန်ထမ်းများနှင့်အတူ ရာထူးတိုးစစ်ဆေးမှု တန်းတူရည်တူ ခံယူစေခြင်းတို့ဖြင့် ဖြေရှင်းနိုင်သည်။

ထိုအတွက် လက်ရှိ ဗဟိုဝန်ထမ်းတက္ကသိုလ်နှစ်ခု၏ သင်ရိုးညွှန်းတမ်း၊ ပြဋ္ဌာန်းချက်ဘာသာရပ်များကို အာဏာနိုင်ငံရေးနယ်ပယ်နှင့် သီးခြားလွတ်ကင်းသော ပြည်သူ့ရေးရာစီမံခန့်ခွဲမှု၊ ပြည်သူ့အုပ်ချုပ်ရေးစနစ်၊ ပြည်သူ့ရေးရာမူဝါဒ၊ ပြည်သူ့ရေးရာဝန်ဆောင်မှု၊ မနုဿဗေဒ၊ လူမှုရေးသိပ္ပံ၊ အခြေခံနိုင်ငံရေးသိပ္ပံ သဘောတရားစသည်တို့ကိုသာ စာတွေ့၊ လက်တွေ့ ဦးစားပေးသင်ကြားပေးသည့် အကယ်ဒမီများအဖြစ် ပြုပြင်ပြောင်းလဲရမည်ဖြစ်သည်။

အုပ်ချုပ်ရေးယန္တရား၏ စွမ်းဆောင်ရည် မြင့်မားလာသည်နှင့်အမျှ မည်သည့်ပါတီ၊ မည်သည့်အစိုးရအာဏာရသည်ဖြစ်စေ အုပ်ချုပ်ရေးနယ်ပယ်ဆိုင်ရာ ပြဿနာများ လျော့ပါးကာ နိုင်ငံကို တည်ငြိမ်စွာ အုပ်ချုပ်စီမံခန့်ခွဲလာနိုင်သည့်အပြင် စီးပွားရေး၊ ပညာရေး၊ ကျန်းမာရေးကဲ့သို့ နယ်ပယ်များ ဖွံ့ဖြိုးအားကောင်းလာစေရန် ပို၍ အထူးပြု၊ အာရုံစိုက်လာနိုင်မည်ဖြစ်ကြောင်း အကြံပြုလိုရင်းဖြစ်သည်။

အယ်ဒီတာ (၃-၁၂-၂၀၁၈)

(၈-၁၁-၂၀၁၈ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)