News

POST TYPE

EDITORIAL

၂၀၁၈ ကြားဖြတ်ရွေးကောက်ပွဲ သို့မဟုတ် ၂၀၂၀ တစ်ကြိုစာမေးပွဲ (Daily, Vol-6/No-179)
06-Nov-2018

လက်ရှိအာဏာရပါတီ လက်ထက်တွင် ကြားဖြတ်ရွေးကောက်ပွဲ နှစ်ကြိမ်ကျင်းပခဲ့ရာ နှစ်ကြိမ်စလုံး အာဏာရပါတီက ပြတ်သားစွာအနိုင်မရဘဲ ပြိုင်ဘက်ပါတီများကို မဲခွဲပေးခဲ့ရခြင်းမှာ မြန်မာနိုင်ငံ၏ လက်ရှိနိုင်ငံရေးအခြေအနေကို မီးမောင်းထိုးပြလိုက်ခြင်းဖြစ်သည်။

၁၉၉၀ ပြည့်နှစ် အထွေထွေရွေးကောက်ပွဲ၊ ၂၀၁၂ ခုနှစ် ကြားဖြတ်ရွေးကောက်ပွဲနှင့် ၂၀၁၅ ခုနှစ် အထွေထွေရွေးကောက်ပွဲတို့တွင် မြန်မာပြည်သူတစ်ရပ်လုံးက တစ်ခဲတနက် မဲပေးရွေးချယ်ပေးခဲ့သည့် ပါတီတစ်ရပ်အတွက် လက်ရှိရလဒ်များက မိမိတို့ ပကတိအခြေအနေကို ဆင်ခြင်သုံးသပ်ရန် သတိပေးခေါင်းလောင်းထိုးလိုက်ခြင်းဟုလည်း ဆိုနိုင်သည်။

၂၀၁၇ ခုနှစ် ကြားဖြတ်ရွေးကောက်ပွဲတွင် ၁၉ နေရာယှဉ်ပြိုင်ခဲ့ရာ ၉ နေရာသာ အနိုင်ရခဲ့ပြီး ယခု ၂၀၁၈ ကြားဖြတ်ရွေးကောက်ပွဲတွင်မူ ၁၃ နေရာယှဉ်ပြိုင်ခဲ့ရာ ၇ နေရာသာ အနိုင်ရရှိခဲ့ခြင်းတို့ကိုကြည့်လျှင် ပါတီ၏ အမြော်အမြင်၊ စွမ်းဆောင်ရည်၊ အရည်အချင်း၊ လက်ဆင့်ကမ်းလေ့ကျင့်ပျိုးထောင်နိုင်မှု၊ ပါတီက ဖွဲ့စည်းတာဝန်ပေးထားသည့် အစိုးရအဖွဲ့၏ ပြည်သူ့ဆန္ဒအကောင်အထည်ဖော်နိုင်မှု၊ ကြုံတွေ့ရင်ဆိုင်နေရသော ပြဿနာအခက်အခဲများအား ချဉ်းကပ်၊ သုံးသပ်၊ ဖြေရှင်းသည့် နည်းနာနိဿယများ စသည့်အခြေအနေများအပေါ်တွင် မူတည်သည်။

လူကို မကြည့်နှင့်၊ ပါတီကိုကြည့်ပြီး မဲပေးပါဟု ၂၀၁၅ ရွေးကောက်ပွဲမတိုင်မီက ပါတီခေါင်းဆောင် ပြောခဲ့သော စကားကို လက်ရှိကြားဖြတ်ရွေးကောက်ပွဲနှစ်ရပ်၏ ရလဒ်များနှင့် ချိန်စက်ကြည့်လျှင် ပါတီအပေါ်တွင် ယုံကြည်မှုကျဆင်းသွားသည့် သဘောဟု ယေဘုယျကောက်ချက်ချနိုင်သည်။

တိုင်းရင်းသားအများစုနေထိုင်သည့် ပြည်နယ်ဒေသများတွင် ဒေသခံတစ်သီးပုဂ္ဂလနှင့် တိုင်းရင်းသားပါတီများ အနိုင်ရသွားခြင်းမှာ မထူးဆန်းလှသော်လည်း ရန်ကုန်တိုင်းဒေသကြီး ဆိပ်ကမ်းမြို့နယ်၊ စစ်ကိုင်းတိုင်းဒေသကြီး တမူးမြို့နယ်နှင့် ကချင်ပြည်နယ်၊ မြစ်ကြီးနားတို့တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အနိုင်ရရှိသွားခြင်းမှာမူ အာဏာရပါတီအတွက် ကြီးမားသည့် ဆုံးရှုံးမှုဖြစ်သည်။ 

အထူးသဖြင့် ကချင်ပြည်နယ်ကဲ့သို့ ကချင်အပါအဝင် အခြားတိုင်းရင်းသား အတော်များများစုဝေးနေထိုင်သည့် ဒေသမျိုးတွင် ဒေသခံတိုင်းရင်းသားပါတီရော အာဏာရပါတီပါ အနိုင်မရဘဲ ကြံ့ခိုင်ရေးပါတီက အနိုင်ရသွားခြင်းသည် အာဏာရပါတီ၏ မဟာဗျူဟာအမှားကြောင့်ဟု သုံးသပ်နိုင်သည်။

အကြောင်းမှာ ၂၀၁၅ ခုနှစ်ရွေးကောက်ပွဲကာလမတိုင်မီကပင် တိုင်းရင်းသားဒေသများရှိ ဒေသခံတိုင်းရင်းသားပါတီများနှင့် အာဏာခွဲဝေမှုဆိုင်ရာ ကြိုတင်တွေ့ဆုံညှိနှိုင်းကာ မိတ်ဖက်အဖြစ် မစည်းရုံးဘဲ နေရာအားလုံးတွင် ဝင်ပြိုင်ခဲ့သောကြောင့် မဲများကွဲပြန့်သွားပြီး မဲရှုံး၊ ချစ်ကြည်ရေးရှုံး၊ နိုင်ငံရေးရှုံးခဲ့သော သာဓကကို သင်ခန်းစာမယူနိုင်ခဲ့ခြင်းကြောင့်ဖြစ်သည်။

ဆိုလိုသည်မှာ ကချင်ပြည်နယ်တွင် ကြံ့ခိုင်ရေးပါတီ မဲနိုင်သွားခဲ့ခြင်းသည် အာဏာရပါတီရော ဒေသခံတိုင်းရင်းသားပါတီပါ မိမိကိုယ်ကို အထင်ကြီးခဲ့ခြင်း သို့မဟုတ် ပြိုင်ဘက်ကို လျှော့တွက်ခဲ့ခြင်းနှင့် မဲဆန္ဒရှင် ပြည်သူလူထုအပေါ် အလေးမထားခြင်း၏ အကျိုးဆက်အဖြစ် အဘက်ဘက်က အရှုံးရလဒ်ကို ရင်ဆိုင်လိုက်ရသည့် သဘောဖြစ်သည်။ 

မဲနိုင်ခြင်း၊ ရှုံးခြင်းသည် ယှဉ်ပြိုင်ခဲ့သည့် ကိုယ်စားလှယ်လောင်း၏ အရည်အချင်းအပြင် သက်ဆိုင်ရာပါတီ၊ ပါတီခေါင်းဆောင်များ၏ အရည်အချင်း၊ စွမ်းဆောင်ရည်၊ အမြော်အမြင်တို့နှင့်လည်း တိုက်ရိုက်အချိုးကျသည်။ အထူးသဖြင့် အတိုက်အခံပါတီများထက်ပို၍ အားသာချက်များရှိနေသည့် အာဏာရပါတီက နေရာအချို့ လက်လွှတ်ဆုံးရှုံးရခြင်းမှာ ပါတီ၏ ဆောင်ပုဒ်များအရ ပါတီအပေါ်တွင် ပို၍တာဝန်ရှိသည်။ ပါတီဟုဆိုရာတွင်လည်း ပါတီကို အဓိကစီမံခန့်ခွဲနေသူများကို ဆိုလိုသည်။

မဲနိုင်သည်ဖြစ်စေ၊ ရှုံးသည်ဖြစ်စေ ဘာကြောင့်နိုင်သည်၊ ဘာ့ကြောင့် ရှုံးရသည် ဆိုခြင်းကို ယှဉ်ပြိုင်ခဲ့သည့် ပါတီများကိုယ်တိုင် မိမိတို့ဘာသာ ပြန်လည်ဆန်းစစ်သုံးသပ်ရမည်ဖြစ်သော်လည်း သတင်းမီဒီယာများနှင့် နိုင်ငံရေးလေ့လာသုံးသပ်သူများက ကိုယ့်ထမင်းကိုယ်စား၍ နှိုင်းယှဉ်၊ ဖော်ထုတ်၊ သုံးသပ်၊ အဖြေရှာ၊ အကြံပြု၊ ထောက်ပြပေးနေကြသည့်အတွက် အလိုက်သင့်ကောက်ယူသုံးစွဲနိုင်ခြင်းမှာ ရှုံးသူအတွက်ရော နိုင်သူအတွက်ပါ အမြတ်ဟု ဆိုနိုင်သည်။

လက်ရှိ အစိုးရသက်တမ်းအတွင်း ကျင်းပခဲ့သည့် ကြားဖြတ်ရွေးကောက်ပွဲ နှစ်ရပ်၏ ရလဒ်များကိုမူတည်ကာ တွက်ချက်ကြည့်ပါက လာမည့် ၂၀၂၀ အထွေထွေရွေးကောက်ပွဲ၏ ရလဒ်များကို အကြမ်းဖျင်းခန့်မှန်းနိုင်သည်။ ၂၅ ရာခိုင်နှုန်း တပ်မတော်သားလွှတ်တော်ကိုယ်စားလှယ်များကို ဖယ်၍ ၇၅ ရာခိုင်နှုန်းကို စဉ်းစားကြည့်ပါက အာဏာရပါတီအနေနှင့် လက်ရှိအနိုင်ရရှိမှုရာခိုင်နှုန်းမျိုးဖြင့် အစိုးရအဖွဲ့ဖွဲ့ရန် အသည်းအသန် ရုန်းကန်ရနိုင်ကြောင်း ပေါ်လွင်ထင်ရှားလှသည်။

ထိုအခြေအနေမျိုးတွင် ဆန္ဒမဲပေးသူပြည်သူများ၏ ပျက်ကွက်မှုကြောင့် လက်ရှိကြားဖြတ်ရွေးကောက်ပွဲ ရာနှုန်းပြည့် အနိုင်မရခဲ့ခြင်းဖြစ်ကြောင်း အာဏာရပါတီ၏ ပြောခွင့်ရပုဂ္ဂိုလ်က မှတ်ချက်ပြုထားခြင်းသည် လက်ရှိအာဏာရပါတီ၏ စီမံခန့်ခွဲမှု၊ လူမှန်၊ နေရာမှန် တာဝန်ပေးနိုင်မှု၊ အရည်အချင်း၊ စွမ်းဆောင်ရည်၊ ပြည်သူလူထုအပေါ် သဘောထားနှင့် မိမိပါတီ၏ အခြေအနေအပေါ် မြင်နိုင်စွမ်းချို့တဲ့ခြင်းကို ထင်းလင်းစွာ ညွှန်ပြသကဲ့သို့ဖြစ်နေရာ ဤအခြေအနေကို အချိန်မီမပြုပြင်နိုင်ပါက ၂၀၂၀ ရွေးကောက်ပွဲ တွင် ယခုထက်ပို၍ အရှုံးတွေ့နိုင်ကြောင်း သတိပေးထောက်ပြလိုရင်းဖြစ်သည်။

အယ်ဒီတာ (၅ - ၁၁ - ၂၀၁၈)