News

POST TYPE

EDITORIAL

ပီအာကို သုံးတတ်ပါစေ (Vol-6/No-176)
02-Nov-2018

နိုင်ငံတကာဖိအားနှင့် ပြည်တွင်းဖိအားများ ညှပ်ပူးညှပ်ပိတ်ခံနေရသော လက်ရှိအစိုးရထံတွင် အခက်အခဲများစွာ ရှိနေနိုင်သည်။ အဆိုပါဖိအားများသည် တစ်နည်းအားဖြင့် ပြဿနာများ၊ စိန်ခေါ်မှုများဟု အဓိပ္ပာယ်ကောက်နိုင်သည်။ 

အခြားတစ်ဖက်မှကြည့်လျှင်မူ ပြဿနာ၊ အခက်အခဲ၊ စိန်ခေါ်မှုများကြောင့် မိမိတို့တွင် ရှိနေသော တစ်နည်းအားဖြင့် ပုန်းအောင်းနေသော ကိုယ်စွမ်းကိုယ်စ၊ အရည်အချင်းများ ထွက်လာတတ်သည်။ ထိုသို့ ထွက်လာစေရန်လည်း ကြံစည်၊ အားထုတ်၊ အလုပ်လုပ်ရန် လိုသည်။

နိုင်ငံတကာဖိအားသည် ရခိုင်ပြဿနာကိုအခြေခံကာ တပ်မတော်ခေါင်းဆောင် အချို့နှင့် သဘောထားတင်းမာသော အင်အားစုအချို့၏ သဘောထား၊ ရပ်တည်ချက်တို့ အပေါ်မူတည်ပြီး အရှိန်မြှင့်လာခြင်းဖြစ်သည်။

ပြည်တွင်းဖိအားဟုဆိုရာတွင် လက်ရှိအာဏာရပါတီကို အဓိက အတိုက်အခံပြုနေသော အာဏာလက်လွှတ်ပါတီနှင့် လက်ယာစွန်းဆန်သော အမျိုးသားရေး၊ ဘာသာရေးခေါင်းစဉ်အောက်မှ အင်အားစုများ၏ တွန်းတိုက်မှုများက အဓိကနေရာတွင်ရှိသည်။ 

အခြားဖိအားများများမှာမူ အာဏာရပါတီကိုယ်တိုင် အရည်အချင်းလိုအပ်ချက်ကြောင့် စီမံခန့်ခွဲမှု အလွဲအချော်၊ အမှားအယွင်းများမှတစ်ဆင့် ထွက်ပေါ်လာသော ပြဿနာများ၊ မကျေနပ်မှုများ၊ ကန့်ကွက်ထောက်ပြမှုများ၊ မျှော်လင့်ချက်ကြီးကြီးထားခဲ့သော မဲဆန္ဒရှင် ပြည်သူအချို့၏ စိတ်ပျက်အားလျော့မှုများဖြစ်သည်။

ယင်းပြဿနာများကို ကိုင်တွယ်ဖြေရှင်းပုံ၊ ဖြေရှင်းနည်း၊ တုံ့ပြန်ပုံ နည်းနာများကိုမူတည်ကာ ဖိအားများ အရှိန်လျော့သွားခြင်း၊ နည်းသွားခြင်းနှင့် ပြေလည်မှု ရသွားခြင်းအပြင် အစိုးရ၏အရည်အချင်းနှင့် စွမ်းဆောင်ရည်များလည်း တက်လာတတ်သည်။ 

နိုင်ငံတကာဖိအားဖြစ်စေ၊ ပြည်တွင်း ဖိအားဖြစ်စေ မြင်သာထင်သာရှိသည်မှာ ယင်းဖိအားများ၏ ရင်းမြစ်အကြောင်းအရာ၊ ပြဿနာများ၊ လူပုဂ္ဂိုလ်၊ အဖွဲ့အစည်းများ၊ သတင်းမီဒီယာများကို ပီအာခေါ် အများရှေ့မှောက်တွင် ပွင့်လင်းမြင်သာစွာ ပြောဆို၊ ဆွေးနွေး၊ ထိတွေ့ဆက်ဆံမှုဖြစ်သည်။

၂၀၁၂ခုနှစ်က သမ္မတအိုဘားမား၏ ဒုတိယသက်တမ်းအတွက် မဲဆွယ်စည်းရုံး နေစဉ်ကာလက ဟာရီကိန်းမုန်တိုင်း ရုတ်တရက်ဝင်ရောက်ခဲ့သောကြောင့် မဲဆွယ် ဟောပြောပွဲအစီအစဉ်ကို ဖျက်သိမ်းကာ မုန်တိုင်းသင့်ဒေသခံ ပြည်သူများထံ ကိုယ်တိုင်ကိုယ်ကျ သွားရောက် နှစ်သိမ့်အားပေးခဲ့သည့်ပုံရိပ်များ မီဒီယာများမှတစ်ဆင့် ထွက်ပေါ်လာပြီးနောက် ပြိုင်ဘက် ရီပါပလစ်ကန်သမ္မတလောင်း မစ်ရွန်နေကို အသည်းအသန်ယှဉ်ပြိုင်ရမည့် ရီပါပလစ်ကန် အမာခံ ပြည်နယ်အချို့တွင် မဲအပြတ် ဖြင့် အနိုင်ရသွားခဲ့သည့် သာဓကရှိခဲ့သည်။

အိုဘားမားသည် မဲဆွယ်ခရီးစဉ် ဖျက်သိမ်းပြန်လာစဉ် မိုးရေထဲတွင် ဟယ်လီကော်ပတာပေါ်မှ ထီးမဆောင်းဘဲဆင်းလာပုံ၊ မုန်တိုင်းသင့် ပြည်သူများကို ဖက်လှဲတကင်း နှစ်သိမ့်အားပေးနေပုံ စသည့် လူသားဆန်၍ လူပီသသော၊ ဒုက္ခရောက်နေသူများအပေါ် အလေးထား၊ စာနာထောက်ထားသော စရိုက်သဘာဝ ပေါ်လွင်စေသည့် ဓာတ်ပုံများ မီဒီယာစာမျက်နှာများပေါ်တွင် ပလူပျံသွားခဲ့ခြင်းကြောင့် အမေရိကန်ပြည်သူများ၏ အူလှိုက်သည်းလှိုက် ထောက်ခံမှု ရသွားခဲ့ခြင်းဖြစ်သည်။ 

ယင်းမှာ ပီအာကို စနစ်တကျသုံးတတ်ခြင်းကြောင့် ပြိုင်ဘက်ပါတီအမာခံ နယ်မြေတွင်ပင် အနိုင်ရခဲ့ခြင်းဖြစ်သည်။ ယနေ့ မြန်မာနိုင်ငံတွင် လက်ရှိရင်ဆိုင်နေရ သောဖိအားများ၊ ပြဿနာ၊ အခက်အခဲများအနက် အချို့မှာ ပီအာနည်းလမ်းဖြင့် ဖြေရှင်းလိုက်လျှင် အတိုင်းအတာတစ်ခုအထိ အရှိန်လျော့သွား၊ သဘောထား ပြောင်းသွားနိုင်ခြေရှိသည်။

ဥပမာ- ကချင်ပြည်နယ် စစ်ရှောင်စခန်းများရှိ စစ်ဘေးသင့် ပြည်သူများ၊ ကလေးငယ်များကို ကိုယ်ထိလက်ရောက် စိတ်ပါလက်ပါ သွားရောက်နှစ်သိမ့် အားပေးခြင်း၊ ဘာသာရေး၊ လူမျိုးရေးအရ ပြင်းထန်သည်ဟု ယူဆရသည့် အင်အားစု အကြီးအကဲများထံ လေးလေးစားစား သွားရောက်တွေ့ဆုံခြင်း၊ ရခိုင် ပြည်နယ်ရှိ နှစ်ဖက်ဒုက္ခသည်စခန်းများသို့ သွားရောက်ကာ စာနာထောက်ထားကြောင်း လက်တွေ့ပြသခြင်းတို့ဖြစ်သည်။ 

နိုင်ငံတော်အဆင့်မှသည် အောက်ခြေအဆင့်ဆင့်ရှိ သက်ဆိုင်ရာ အစိုးရ တာဝန်ရှိသူများ၊ လွှတ်တော်ကိုယ်စားလှယ်များအနေနှင့်လည်း အနိမ့်ဆုံးအဆင့် လိမ္မာပါးနပ်ထက်မြက်စွာ၊ စိတ်ရင်းစေတနာပါပါဖြင့် ပီအာကို သုံးတတ်လျှင်ပင် ပြဿနာအချို့ ပြေလည်နိုင်ကြောင်း သတိပေးထောက်ပြလိုရင်းဖြစ်သည်။

အယ်ဒီတာ (၁-၁၁-၂၀၁၈)