News

POST TYPE

EDITORIAL

ဝန်ကြီးချုပ်၊ သမ္မတညွှန်ကြားချက်နှင့် အခွင့်ထူးခံဒီမိုကရေစီလော (Vol-6/No-173)
30-Oct-2018

ရန်ကုန်တိုင်းဒေသကြီးအစိုးရအဖွဲ့ဝန်ကြီးချုပ် ဦးဖြိုးမင်းသိန်းသည် နိုင်ငံတော်သမ္မတ၏ ညွှန်ကြားချက်များကို လေးစားလိုက်နာခြင်းမရှိဘဲ ၎င်း၏ ကိုယ်ပိုင်ဆုံးဖြတ်ချက်ဖြင့် စီမံခန့်ခွဲသည့်သဘော သက်ရောက်နေကြောင်း ဝေဖန်ပြောဆိုမှုများ မြင့်တက်လာခြင်းမှာ လက်ရှိအစိုးရအဖွဲ့အနေနှင့်များစွာ စဉ်းစားသုံးသပ်သင့်လှသည်။

တိုင်းဒေသကြီးစာရင်းစစ်ချုပ်၏ အစီရင်ခံစာကို မူတည်ကာ လွှတ်တော်တွင် သက်ဆိုင်ရာ ပြည်သူ့ကိုယ်စားလှယ်များ၏ မေးမြန်းစုံစမ်းမှုများ၊ ကန့်ကွက်မှုများတစ်နည်းအားဖြင့် လွှတ်တော်၏ ထိန်းညှိမှုကို လျစ်လျူရှုနေကြောင်း သုံးသပ်ရှုမြင်မှုများ ရှိနေသည့်ကြားက ယခုကဲ့သို့ ဝေဖန်မှုများ ထွက်ပေါ်လာခြင်းဖြစ်သည်။

စာရင်းစစ်ချုပ်၏ အစီရင်ခံစာကို အခြေခံ၍ ဆောင်းပါးရေးသားဖော်ပြခဲ့သော အလဲဗင်းဂျာနယ်မှ အယ်ဒီတာနှစ်ဦးနှင့် ဆောင်းပါးရေးသားသူကို ရန်ကုန်တိုင်းဒေသကြီးအစိုးရက နိုင်ငံတော်အကြည်ညိုပျက်စေမှုဆိုင်ရာ ဥပဒေပုဒ်မ ၅၀၅ (ခ) ဖြင့် တရားစွဲဆိုထားခြင်းအပေါ် ပြင်းထန်သည့် ကန့်ကွက်ဝေဖန်မှုများထွက်ပေါ်လာပြီးနောက် နိုင်ငံတော်သမ္မတက သတင်းမီဒီယာ ကောင်စီကို တိုင်ကြားခြင်းအပါအဝင် အဆင့်လိုက် ဥပဒေနှင့်အညီ ဆောင်ရွက်ရန်ညွှန်ကြားချက်ထုတ်ပြန်ခဲ့သည်။

ယင်းညွှန်ကြားချက်အရ တိုင်းအစိုးရအနေနှင့် သတင်းသမားသုံးဦးကို တရားစွဲဆိုထားခြင်းကို ရုပ်သိမ်းကာ သတင်းမီဒီယာကောင်စီသို့ တိုင်ကြားရမည်ဖြစ်သော်လည်း အမှုကို မရုပ်သိမ်းဘဲ သတင်းမီဒီယာကောင်စီကို တိုင်ကြား ခြင်း၊ ပုံမှန်အားဖြင့် အာမခံပေး၍မရသော ပုဒ်မဖြင့် စွဲဆိုထားသော သတင်းသမားသုံးဦးကို အာမခံပေးခြင်းကြောင့် သမ္မတညွှန်ကြားချက်ကို အတိအကျ မလိုက်နာသည့်သဘောသက်ရောက်သည်။

သတင်းမီဒီယာကောင်စီအနေနှင့် ဥပဒေ၊ လုပ်ထုံးလုပ်နည်းအရ တရားရုံးတွင် စွဲဆိုထားပြီးသော အမှုကိစ္စကို စေ့စပ်ညှိနှိုင်းပေးရန် မဖြစ်နိုင်သည့်အတွက် အမှုကို ရုပ်သိမ်းပြီးမှသာ စေ့စပ်ဖျန်ဖြေပေးနိုင်ကြောင်း အတိအလင်းအကြောင်း ပြန်ထားသော်ငြား အာမခံပေးရုံသာ ပေးလိုက်ခြင်းမှာ သတင်းသမားသုံးဦးကို မဖြစ်မနေအရေးယူရန်  ပြင်ဆင်ထားပုံရသည်။ တစ်နည်းအားဖြင့် သမ္မတညွှန်ကြားချက်ကို အများမြင်ကောင်းစေရန် အပေါ်ယံလိုက်နာပြခြင်းသာဖြစ်ကြောင်း ထောက်ပြဝေဖန်မှုများ ရှိနေသည်။

စင်စစ်အားဖြင့် လက်ရှိ ဖွဲ့စည်းပုံအခြေခံဥပဒေ၏ ပြဋ္ဌာန်းချက်အရ အလွယ်ပြောရလျှင် တိုင်းဒေသကြီးအစိုးရအဖွဲ့ ဝန်ကြီးချုပ်အပါအဝင် တိုင်းအစိုးရအဖွဲ့တစ်ခုလုံးကို နိုင်ငံတော်သမ္မတကခန့်ထားသည့်သဘောဖြစ်သည့်အတွက် ဥပဒေအရ ဝန်ကြီးချုပ်လုပ်ကိုင်ဆောင်ရွက်၊ စီမံခန့်ခွဲသမျှ နိုင်ငံတော်သမ္မတက တာဝန်ခံရသည်။ တိုင်းဒေသကြီးနှင့် ပြည်နယ်ဝန်ကြီးချုပ်များအားလုံး ပြည်ထောင်စုအစိုးရ၏ ညွှန်ကြားချက်ကို လိုက်နာရပြီး အပြန်အလှန်တာဝန်ခံရသည်။ ယခင်ကလည်း ဒလမြို့နယ်တွင် အကောင်အထည်ဖော်မည့် ရန်ကုန်မြို့သစ် စီမံကိန်းကို လိုအပ်မှသာ အကောင်အထည်ဖော်ရန် ဝန်ကြီးချုပ်ကို သမ္မတက သတိပေးစကားပြောဆိုခဲ့ဖူးပြီး ယခုတစ်ကြိမ်မှာမူ တရားဝင် စာထုတ်၍ ညွှန်ကြားခြင်းဖြစ်သည်။ ထို့အပြင် ယမန်နေ့က ဧရာဝတီတိုင်းဒေသကြီးသို့ ရောက်ရှိနေသော သမ္မတက တိုင်းအစိုးရများကို ဗဟိုအစိုးရက ချမှတ်ထားသော မူဝါဒများ၊ ညွှန်ကြားချက်များကို မလိုက်နာခြင်းသည် ပြည်ထောင်စုအစိုးရကို ဆန့်ကျင်ခြင်း၊ နိုင်ငံတော်နှင့် နိုင်ငံသားအကျိုးကို မကြည့်ဘဲ ကိုယ်လုပ်ချင်ရာလုပ်ခြင်းဖြစ်ကြောင်း သတိပေးခဲ့သည်။

လက်တွေ့တွင်မူ ရန်ကုန်တိုင်းဒေသကြီးအစိုးရအဖွဲ့သည် ဒေသဆိုင်ရာ ဥပဒေပြုလွှတ်တော်၏ ထိန်းညှိမှုကို လျစ်လျူရှုသည့်သဘော သက်ရောက်သည့် စီမံကိန်း၊ စီမံချက်၊ ငွေချေးယူမှုများ ရှိနေသည့်အပြင် နိုင်ငံတော်သမ္မတ၏ လမ်းညွှန်ချက်၊ ညွှန်ကြားမှုကိုပါ လေးလေးစားစားလိုက်နာသည့်သဘော မတွေ့ရခြင်းမှာ လိုက်နာစရာမလိုလောက်သည်အထိ အခွင့်အရေးပိုရနေ၍လောဟု စောကြောစရာဖြစ်လာခဲ့သည်။

ထို့အပြင် ရန်ကုန်တိုင်းအစိုးရ အကောင်အထည်ဖော်ဆောင်ရွက်ခဲ့သမျှ စီမံကိန်း၊ စီမံချက်၊ လုပ်ငန်းအများစု ပွင့်လင်းမြင်သာမှုအားနည်းခြင်း၊ စ၊ လယ်၊ အဆုံး သုံးပါးစလုံး ထည့်သွင်းစဉ်းစား တွက်ချက်မှုမရှိခြင်း၊ နောက်ဆက်တွဲပြဿနာများခြင်း၊ လွှတ်တော်၏ ခွင့်ပြုချက်၊ လွှတ်တော်အားအသိပေးမှုမရှိခြင်း၊ လွှတ်တော်က ခွင့်ပြုမထားသော်ငြား ရှေ့တိုးဆောင်ရွက်ခြင်း၊ ပြည်ထောင်စုအဆင့်က ဆောင်ရွက်ရမည့်လုပ်ငန်းများ ဘောင်ကျော်လုပ်ဆောင်ခြင်း၊ အစိုးရအဖွဲ့၊ ပါတီနှင့် ဒီမိုကရေစီတန်ဖိုးများ သိက္ခာကျစေမည့် လုပ်ရပ်များအဖြစ် ဝေဖန်ခံရခြင်းတို့ ရှိနေလင့်ကစား ယနေ့အထိ ယင်းလုပ်ရပ်များနှင့်ပတ်သက်၍ အာဏာရပါတီနှင့် အစိုးရအဖွဲ့၏ ထိပ်ဆုံးတာဝန်ရှိသူထံမှ မည်သည့်မှတ်ချက်စကားမျှ ထွက်ပေါ်မလာခြင်းမှာ ထူးဆန်းလှသည်။

မည်သို့ပင်ဖြစ်စေ ဖွဲ့စည်းပုံအခြေခံဥပဒေပါ ပေးထားချက်များအရ ရွေးကောက်ပွဲပါဝင်ယှဉ်ပြိုင်ကာ ပြည်သူလူထု၏ ထောက်ခံဆန္ဒမဲများဖြင့် လက်ရှိနိုင်ငံကို စီမံခန့်ခွဲအုပ်ချုပ်ခွင့်ရရှိလာသော အာဏာရပါတီနှင့် အာဏာရအစိုးရအနေနှင့် ၎င်းတို့အဖွဲ့အစည်းအဝန်းအဝိုင်းအတွင်းရှိ အာဏာခွဲဝေမှုများ မည်သို့ပင်ရှိစေကာမူ တစ်စုံတစ်ဦး တစ်ဖွဲ့အပေါ် အထူးအခွင့်အရေးပေးသကဲ့သို့ ဖြစ်နေလျှင် ဒီမိုကရေစီခေါင်းစဉ်နှင့် လွဲချော်ကာ ပြည်သူလူထု၏ အထင်အမြင်လွဲမှားမှုနှင့် ကြုံရနိုင်ကြောင်း သတိပြုမိစေလိုရင်းဖြစ်သည်။

အယ်ဒီတာ (၂၉ - ၁၀ - ၂၀၁၈)