News

POST TYPE

EDITORIAL

တိုးတက်ရေးအတွက် အနိမ့်ဆုံး ဖြစ်နိုင်ခြေ (Daily, Vol-6/No-112)
19-Aug-2018

မြန်မာလူမှု ပတ်ဝန်းကျင်တွင် အသုံးများတွင်ကျယ်နေသော “သင်ကောင်းလျှင် ကျွန်ုပ် မဆိုးပါ”ဆိုသော ဆောင်ပုဒ်သည် အပေါ်ယံအမြင်ဖြင့် ကြည့်ပါက လက်ခံနိုင်ဖွယ် ဟုတ်ယောင်ယောင် သဘောရှိသည်။

သေချာတွေးကြည့်ပါမူ သူကောင်းမှ ကိုယ်ကောင်းမည်၊ သူဆိုးလျှင် ကိုယ်လည်း ဆိုးမည်၊ တုတ် တုတ်ချင်း၊ ဓား ဓားချင်းဆိုသည့် အဓိပ္ပာယ် ဖြစ်နေသောကြောင့် ငြိမ်းချမ်းသည့်သဘော မဆောင်လှပေ။

မြန်မာလူမှု ပတ်ဝန်းကျင်တွင် ယနေ့ ရင်ဆိုင်ကြုံတွေ့နေရသော ပြဿနာ အများစုကိုကြည့်လျှင် သင်ကောင်းလျှင် ကျွန်ုပ်မဆိုးပါ ဆိုသော ဆောင်ပုဒ်အတိုင်း မိမိကြုံနေရသည်များကို တုံ့ပြန်နေကြခြင်း ဖြစ်သည်။

ထို့ကြောင့် တရားရုံး၊ ရဲစခန်း အစရှိသည်တို့တွင် ဦးတိုက် လျှောက်ထားချက်၊ အမှုရင်ဆိုင်မှုနှင့် တိုင်တန်း၊ အမှုဖွင့်လှစ်မှု အများစုမှာ သင်ဆိုး၍ ကျွန်ုပ် ဆိုးရသည်ဆိုသော ပြဿနာတို့၏ အကျိုးဆက်များ ဖြစ်သည်။

ထို့အတူ မိသားစု၊ ဆွေမျိုးသားချင်း၊ မိတ်ဆွေ၊ လုပ်ဖော်ကိုင်ဖက်၊ သူငယ်ချင်းများ အကြားတွင်ရှိသော လူမှုရေး အဖုအထစ်နှင့် မပြေလည်မှု အများစု၏ ရင်းမြစ် အကြောင်းရင်းမှာ သင်ကောင်းလျှင် ကျွန်ုပ် မဆိုးပါဆိုသော သဘောတရားဖြင့် ဆက်ဆံနေခြင်းဖြစ်ကြောင်း တွေ့ရသည်။

အလားတူ နိုင်ငံရေး၊ စီးပွားရေး၊ ငြိမ်းချမ်းရေး၊ ဒီမိုကရေစီအရေးများတွင်လည်း သင်ကောင်းလျှင် ကျွန်ုပ်မဆိုးပါ ဆိုသော ခံယူချက်ဆန်ဆန် သဘောထားများ ရှိနေသောကြောင့် ပြဿနာ အခက်အခဲများ၊ မယုံမကြည် သံသယများ၊ နားလည်မှု အလွဲများဖြင့် ရှေ့မရောက်ဖြစ်နေခြင်းဟု သုံးသပ်ရသည်။

ဤနေရာတွင် အရေးကြီးလာသည်မှာ ယုံကြည်သက်ဝင်မှုဆိုင်ရာ အဆုံးအမများ၏ ဩဇာ သက်ရောက်မှု၊ ဆင့်ပွား ဖြန့်ချိဝေငှသူများ၏ ကျင့်ဝတ် သီလ လုံခြုံမှု၊ ကိုယ်တိုင်အားထုတ် ကြိုးပမ်းမှု၊ နာယူ လက်ခံသူများ၏ စိတ်အခံနှင့် လက်တွေ့ ကျင့်သုံးနိုင်မှုတို့ပင် ဖြစ်သည်။

အခြားတစ်ဖက်တွင် သက်ဆိုင်ရာ လူ့အဖွဲ့အစည်းတို့၏ ကျောင်းတွင်းနှင့် ကျောင်းပြင်ပ ပညာရေးရေချိန် အနိမ့်၊ အမြင့်အပေါ် မူတည်၍လည်း ခံယူ၊ ကျင့်သုံး၊ လိုက်နာ၊ ဆောင်ရွက်ချက်များ ကွာခြားသွားတတ်သည်။ 

ကိုးကွယ်ယုံကြည်ရာ အဆုံးအမနှင့် ပညာရေးတို့အပြင် အုပ်ချုပ်စီမံခန့်ခွဲသည့် စနစ်သည်လည်း သက်ဆိုင်ရာ လူ့အဖွဲ့အစည်းအတွင်းရှိ နိုင်ငံနှင့် နိုင်ငံသားတို့၏ အတွင်း၊ အပြင်တန်ဖိုးများ၊ အရည်အချင်းများ၊ အဆင့်အတန်းနှင့် ဂုဏ်သိက္ခာ အနိမ့်၊ အမြင့် ပြဋ္ဌာန်းပေးသည်။

အေးမြ သာယာသော၊ ငြိမ်းချမ်း တည်ငြိမ်သော လူ့ဘောင်တစ်ခု ဖြစ်လိုပါက “သင်ကောင်းလျှင် ကျွန်ုပ် မဆိုးပါ”ဆိုသော ဆောင်ပုဒ်နေရာတွင် “သင်ကောင်းသည်ဖြစ်စေ၊ မကောင်းသည်ဖြစ်စေ ကျွန်ုပ် ကောင်းပါမည်” ဆိုသော သူတော်ကောင်းတို့ ကျင့်သုံးနိုင်သည့် ဆောင်ပုဒ်ဖြင့် အစားထိုး လဲလှယ် ကျင့်သုံးရမည်ဖြစ်သည်။

သို့သော် လူအမျိုးမျိုး၊ စိတ်အထွေထွေ ရှိတတ်သည့် သဘာဝ၊ အတ္တကို ရှေ့တန်း တင်တတ်သည့် လူ့သဘောတို့ကြောင့် သူတော်ကောင်းများသာ ကျင့်သုံးနိုင်သော ထိုဆောင်ပုဒ်မျိုး ကျင့်သုံးရန် မလွယ်ကူပေ။

အနိမ့်ဆုံးအားဖြင့် “သင်ဆိုးတိုင်း ကျွန်ုပ်မဆိုးပါ”၊ “သင်မကောင်းလျှင် ကျွန်ုပ် ကောင်းအောင် ကြိုးစားမည်”ဆိုသော ဆောင်ပုဒ်မျိုး ကျင့်သုံးနိုင်လျှင်ပင် ထိုလူ့အဖွဲ့အစည်း နောက်တစ်ဆင့်တက်ရန် သေချာကြောင်း အကြံပြုလိုရင်း ဖြစ်သည်။

အယ်ဒီတာ (၁၉-၈-၂၀၁၈)
(၈-၂-၂၀၁၇ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)