News

POST TYPE

EDITORIAL

ဒေါ်လာဈေး နှုန်းရှင်မျှောချိန် တန်ပြီလော (Daily, Vol-6/No-109)
15-Aug-2018 tagged as

ဗဟိုဘဏ်က ဒေါ်လာဈေးကို ဈေးကွက်အတွင်း နှုန်းရှင်မျှောလိုက်ကြောင်း ကြေညာချက် ထွက်ပေါ်လာပြီးနောက် တစ်ဒေါ်လာလျှင် ကျပ် ၁၅၀၀ ကျပ်ကျော်အထိ မြင့်တက်သွားခဲ့ပြီးနောက် မြန်မာကျပ်ငွေတန်ဖိုး မည်မျှ ဆက်လက်ကျဆင်းသွားမည်နည်းဟု စိုးရိမ်ပူပန်မှုများ မြင့်တက်လာခဲ့သည်။

ဗဟိုဘဏ်၏ ဆုံးဖြတ်ချက်နှင့် မရှေးမနှောင်း မြန်မာအစိုးရ၏ စီးပွားရေးအကြံပေး ရှောင်တာနဲလ်ကမူ ယခုကိစ္စသည် အချို့လူများ တွေးနေသကဲသို့ တကယ့်ပြဿနာမဟုတ်ကြောင်း ဈေးကွက်၏သဘောအတိုင်း လွတ်လပ်စွာ ဆုံးဖြတ်ခွင့်ပေးခြင်းဖြင့် စိတ်အေးလက်အေးထား ရှေ့ဆက်သွားခြင်းသာ အကောင်းဆုံးဖြစ်ကြောင်း ၎င်း၏ အွန်လိုင်း လူမှုကွန်ရက်စာမျက်နှာတွင် ရေးသားဖော်ပြခဲ့သည်။

စင်စစ်အားဖြင့် မြန်မာနိုင်ငံသည် လက်ရှိအခြေအနေအရ ဈေးကွက်အတွင်းရှိနေသော အမေရိကန်ဒေါ်လာဈေး တည်ငြိမ်သွားစေရန် သို့မဟုတ် နိုင်ငံအတွင်း ဖြစ်သင့်ဖြစ်ထိုက်သော ဈေးနှုန်းရှိနေစေရန် ထိန်းညှိပေးရမည့် ဗဟိုဘဏ်တွင် နိုင်ငံခြားအရန်ငွေ အလုံအလောက် ရှိမနေခြင်းကြောင့် ဈေးကွက် ပေါက်ဈေးအတိုင်း နှုန်းရှင်လွှတ်ပေးခြင်းသည်သာ ဖြစ်နိုင်ခြေအရှိဆုံး ဖြေရှင်းနည်းဖြစ်သည်။

သို့သော် အခြားတစ်ဖက်တွင်လည်း နိုင်ငံ၏ပို့ကုန်နှင့် သွင်းကုန်အကြား ခြားနားချက်၊ ငွေကြေးဖောင်းပွမှုနှုန်း၊ တစ်ဦးချင်း ဝင်ငွေအချိုးအဆ၊ ဘဏ်တိုးနှုန်း၊ ဈေးကွက်အတွင်း လှည့်ပတ်စီးဆင်းနေသော နိုင်ငံခြားငွေပမာဏ စသည့် အခြေအနေများကို ဘက်စုံ၊ ထောင့်စုံမှ ထည့်သွင်းစဉ်းစားကာ စနစ်တကျ လက်တွေ့ကျကျ ကောက်ယူထားသော ကိန်းဂဏန်းအချက်အလက်များကို အခြေပြုကာ ဤကဲ့သို့ နှုန်းရှင်မျှောရန် ဆုံးဖြတ်ချက် ချလိုက်ခြင်းမျိုးမဖြစ်လျှင် ဈေးကွက်အတွင်း ကြီးမားသည့် ရိုက်ခတ်မှုများ ကြုံလာရနိုင်ပေသည်။

တစ်နည်းအားဖြင့်ပြောရလျှင် ဒေါ်လာဈေးကို နှုန်းရှင်မျှောရန် အခြေအနေ၊ အချိန်အခါ၊ အခွင့်အလမ်းများနှင့် ကိုက်ညီခြင်း ရှိ၊ မရှိ၊ မကိုက်ညီပါက မူလကပင် ကိုယ်ခံအားနည်းနေသော လူနာကို ဆေးပြင်းတိုက်၍ ကုသလိုက်ခြင်းကြောင့် ဆေးအတွက် လေးသွားမည်ကို စိုးရိမ်ပူပန်နေကြခြင်းဖြစ်သည်။

မည်သို့ပင်ဖြစ်စေ ရှောင်တာနဲလ်ကဲ့သို့ စီးပွားရေးပညာရှင်မျိုး၏ အကြံဉာဏ်ကိုရယူကာ နိုင်ငံ၏ငွေကြေးကဏ္ဍအတွက် အထူးအရေးကြီးလှသော နိုင်ငံခြား ငွေလဲလှယ်နှုန်းကို ဈေးကွက်အတွင်း အရှင်မျှောလိုက်ခြင်းသည် ငွေကြေးကဏ္ဍ ပြုပြင်ပြောင်းလဲမှု အရှိန်မြှင့်လိုက်ခြင်းဟု ယူဆစရာရှိပေသည်။

ထိုသို့ အရှိန်မြှင့်လိုက်ခြင်းကြောင့် ငွေကြေးနှင့် ဆက်စပ်နေသော မြန်မာဈေးကွက်အတွင်း ထိခိုက်သက်ရောက်မှုအချို့ ရှိလာနိုင်သောကြောင့် မူလကပင် မရှိမဖြစ်မဟုတ်သည့် ဇိမ်ခံပစ္စည်းများ တင်သွင်းခြင်းကို ကန့်သတ်ထိန်းချုပ်ခြင်း၊ ဗဟိုဘဏ်က ပုဂ္ဂလိကဘဏ်များထံ ရောင်းချပေးလိုက်သော အမေရိကန် ဒေါ်လာငွေများကို ကိုယ်ကျိုးအလို့ငှာ အသုံးမချစေရန် ဥပဒေ၊ စည်းကမ်းများဖြင့် ကန့်သတ်တားမြစ်ခြင်း စသဖြင့် ဈေးကွက်အပေါ် ထိခိုက်မှု နည်းနိုင်သမျှ နည်းစေရန် ကြိုတင်ပြင်ဆင် ကာကွယ်ထားသင့်သည်များ အဆင်သင့်ရှိနေမည်ဟု ယုံကြည်မျှော်လင့်အပ်ပေသည်။

အယ်ဒီတာ (၁၅-၈-၂၀၁၈)

  • TAGS