News

POST TYPE

EDITORIAL

မိတ်ဆွေကောင်း အရေးကြီးသည် (Daily,Vol-6/No-106)
12-Aug-2018

လူတို့သည် ဆင်းရဲသည့်ဒဏ်ကို ခံနိုင်ရည် ရှိကြသော်လည်း ချမ်းသာသည့်ဒဏ်ကိုမူ ခံနိုင်ရည် မရှိကြဆိုသော စကားမှာ မြန်မာ လူ့အဖွဲ့အစည်းတွင် အများစု နားလည် လက်ခံထားသော ဆုံးမဆိုရိုးစကား တစ်ခုဖြစ်သည်။

ဆိုလိုသည်မှာ သာမန် သူလိုငါလို ဘဝ သို့မဟုတ် မထင်မရှား ဘဝတွင် လောကဓံကို ခံနိုင်ရည်ရှိကြသော်ငြား  များစွာ အဆင့်မြင့်မားသည့် ရာထူး၊ အာဏာ၊ ဥစ္စာတစ်ခုခု ပြည့်စုံသည့် ဘဝသို့ ရောက်ရှိသွားပါက လောကဓံကို ခံနိုင်ရည် မရှိသည့်သဘောကို ဆိုလိုသည်။

ထို့အပြင် လူ့သဘာဝအရ သာမန် အခြေအနေ တစ်ခုမှ ရာထူး၊ အာဏာ၊ ဥစ္စာ မြင့်မားသွားသည့် အနေအထားသို့ ရောက်ရှိသွားပါက မိတ်ဆွေကောင်း ရှားသွားတတ်ကြောင်း ရှေးပညာရှိများက လက်တွေ့ ဖြစ်ရပ်များနှင့် သာဓကပြု ပြောဆိုခဲ့ပြီးဖြစ်သည်။

အထူးသဖြင့် လုပ်ပိုင်ခွင့်၊ ဆုံးဖြတ်ပိုင်ခွင့်၊ အမိန့်ပေးပိုင်ခွင့် အထူးမြင့်မားသည့် နေရာသို့ ရောက်ရှိသွားပါက သက်ဦးဆံပိုင် ဘုရင်များအပေါ် စိတ်တော် သိ၊ ဗောင်းတော်ညိတ် အမတ်များသာ ခစားသကဲ့သို့ ကြံစည်၊ အားထုတ်၊ ပြောဆို၊ လုပ်ကိုင်သမျှ ထောက်ခံပေးသူများသာ ဝန်းရံနေတတ်သည်။

ပုထုဇဉ်အဆင့်သာ ရှိနေသေးသူ မည်သူမဆို အထက်ဆိုခဲ့ပါ “ချမ်းသာ”သည့်ဒဏ်ကို ခံနိုင်ရည် မရှိသောကြောင့် မိမိပြောသမျှ အရာရာ အကြိုက်လိုက်၊ ထောက်ခံ၊ မြှောက်ပင့်၊ ချီးပ၊ အမွှမ်းတင်၊ ဦးထိပ်ပန်ဆင်ကြသူများကိုသာ ပစား၊ ချီးမြှောက်၊ နေရာပေး၊ အသုံးချတတ်ကြသည်။

များသောအားဖြင့် အတွင်းပိုင်း အရည်အချင်း အားနည်းသူများသည် အာဏာရှိသူ၊ လုပ်ပိုင်ခွင့်ရှိသူ၊ ဩဇာကြီးသူများကို လိုသည်ထက်ပို၍ ခတွား၊ ဦးညွတ်ကာ ဒူးထောက်ဘုရားထူးပြီး ၎င်းတို့လိုချင်သည့် အခွင့်အရေးများ ဖန်တီးယူလေ့ ရှိတတ်သည်။

ထိုကဲ့သို့ မြှောက်ပင့်ချီးပမှုများကို ယစ်မူးသွားသည်နှင့် တစ်ပြိုင်နက် လွဲချော်တိမ်းစောင်းနေသည်များ၊ မှားယွင်းနေသည်များ၊ လိုအပ်ချက်၊ ချို့ယွင်းချက်ရှိသည်များကို စေတနာဖြင့် ဟန့်တား၊ ထိန်းသိမ်း၊ ဝေဖန်၊ အကြံပြု၊ ထောက်ပြသူ မိတ်ဆွေကောင်းများကို အလေးမထားတော့ဘဲ လျစ်လျူရှုထား တတ်သည်။

စင်စစ်အားဖြင့် လူပုဂ္ဂိုလ်တစ်ဦးဖြစ်စေ၊ အဖွဲ့အစည်းတစ်ရပ်ဖြစ်စေ ပြောဆို လုပ်ကိုင်သမျှ ထောက်ခံ၊ ခေါင်းညိတ်၊ လက်ခုပ်တီးပေးခြင်းသည် အောက်ခြေလွတ် ဘဝင်မြင့်သွားစေရန်၊ အခြေအနေ ပိုဆိုးသွားစေရန် အဆင်းကို ဘီးတပ်ပေးသည့် သဘောဆောင်သည်။ 

ခေါင်းညိတ်ထောက်ခံမှုများအပေါ် သာယာယစ်မူးလာသည်နှင့်အမျှ မိတ်ဆွေကောင်းတို့၏ မည်သို့သော ဝေဖန်၊ ထောက်ပြ၊ အကြံပေးချက်ကိုမဆို နားခါးလာတတ်ပြီး ထိုမိတ်ဆွေကောင်းတို့ကိုပင် ရန်သူသဖွယ် သဘောထား လာတတ်သည်။

အထူးသဖြင့် သေးငယ်သော ရပ်ကွက်၊ ကျေးရွာအဆင့်မှသည် နိုင်ငံ တစ်နိုင်ငံ၊ လူ့အဖွဲ့အစည်း တစ်ရပ်အထိ အဆင့်အလိုက် ရှိနေသော စီမံခန့်ခွဲ အုပ်ချုပ်ရသည့် နေရာများတွင် တာဝန်ရှိသူများ ဖြစ်သွားပါက အနားတွင် မိတ်ဆွေကောင်း နည်းသွားတတ်ခြင်းကြောင့် ကာယကံရှင် တစ်ဦးချင်းသာမက ကိုယ်စားပြု အဖွဲ့အစည်း နယ်ပယ်အထိပါ ဆိုးကျိုး သက်ရောက်စေကြောင်း သတိပေးလိုရင်း ဖြစ်သည်။

အယ်ဒီတာ (၁၂-၈-၂၀၁၈)

(လက်ရှိဖြစ်ပေါ်နေသော အခြေအနေနှင့်ကိုက်ညီနေသောကြောင့် ၂၄ - ၁ -၂၀၁၇ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်းဖြစ်ပါသည်။)