News

POST TYPE

EDITORIAL

နိုင်ငံရေး ဂုဏ်သိက္ခာဆိုသည်မှာ (Daily, Vol-6/No-91)
25-Jul-2018 tagged as

နိုင်ငံတော် သံဃမဟာနာယက (မဟန)နှင့် ဗုဒ္ဓဓမ္မ ပရဟိတဖောင်ဒေးရှင်းအကြား ဖြစ်ပေါ်နေသော အငြင်းပွားမှု၊ ယင်းဖောင်ဒေးရှင်းအား အရေးယူမည့်သတင်း ထွက်ပေါ်မှုတို့နှင့်ပတ်သက်၍ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ထုတ်ပြန်သော ကြေညာချက်ထွက်ပေါ်လာခြင်းမှာ များစွာ အငြင်းပွားဖွယ် ဖြစ်သည်။

ဇူလိုင်လ ၂၄ ရက်နေ့စွဲဖြင့် ထုတ်ပြန်သော အဆိုပါထုတ်ပြန်ချက်တွင် မဟနနှင့် ဖောင်ဒေးရှင်းတို့အကြား တရားဝင်မှု အငြင်းပွားခြင်း၊ လုပ်ပိုင်ခွင့် အငြင်းပွားခြင်း၊ ရပ်တည်ပိုင်ခွင့် အငြင်းပွားခြင်းများ ဖြစ်ပေါ်နေသောကြောင့် သံဃာထုနှင့် ပြည်သူလူထုအတွင်း စိတ်ဝမ်းကွဲပြားမှုနှင့် စိုးရိမ်ကြောင့်ကြမှုများ ဖြစ်ပေါ်နေကြောင်း အစချီကာ ထိုအငြင်းပွားမှုမှတစ်ဆင့် သံဃာများဂိုဏ်းကွဲခြင်း၊ ပြည်သူလူထုအတွင်း စည်းလုံးညီညွတ်မှု ပြိုကွဲခြင်းနှင့် နိုင်ငံမတည်ငြိမ်မှုများ ဖြစ်ပေါ်လာမည်ကိုစိုးရိမ်သောကြောင့် နိုင်ငံသားအားလုံးက သတိပြု ကာကွယ်ပေးနိုင်ကြရန်ဟု နိဂုံးချုပ်ထားသည်။

အဆိုပါ ထုတ်ပြန်ချက်တွင် ဖော်ပြချက်များကိုကြည့်လျှင် ကြံ့ခိုင်ရေးပါတီ၏ အားပေးကူညီထောက်ပံ့မှုရှိကြောင်း ဝေဖန်သုံးသပ်မှုများရှိနေသည့် အမျိုးဘာသာသာသနာ စောင့်ရှောက်ကာကွယ်ရေးအဖွဲ့ကို အသွင်ပြောင်း ဖွဲ့စည်းထားသည့် ဗုဒ္ဓဓမ္မပရဟိတဖောင်ဒေးရှင်းကိစ္စကိုမူတည်ကာ ကြံ့ခိုင်ရေးပါတီ၏ စိုးရိမ်ချက်မှာ မထူးဆန်းဟု ဆိုနိုင်သည်။

တစ်ချိန်တည်းမှာပင် အဆိုပါကြေညာချက်သည် သာမန်စိုးရိမ်မှုကြောင့် ထုတ်ပြန်ခြင်းလော၊ ဖောင်ဒေးရှင်းကို အရေးယူမည့်သတင်းကြောင့် တန်ပြန်ခြိမ်းခြောက်သည့်သဘောလော မကွဲပြားကြောင်း ဝေဖန်မှုများလည်း ထွက်ပေါ်လာသည်။ အထူးသဖြင့် ကြေညာချက် အောက်ဆုံးအပိုဒ်ပါ စာသားများအနက် နိုင်ငံမတည်ငြိမ်မှုများ ဖြစ်ပေါ်လာမည်ကို စိုးရိမ်သောကြောင့်ဆိုသော စာသားသည် မဟနနှင့် ဖောင်ဒေးရှင်းအကြား သာမန်အငြင်းပွားမှုကိုပုံကြီးချဲ့ကာ ထိုသို့ ဖြစ်သွားချင်သလောဟူသည့် ခြိမ်းခြောက်မှုသဘော ဆန်နေပေသည်။

၂၀၁၂ ခုနှစ်က စနစ်တကျ အကွက်ချထားသည့် ရခိုင်ပြည်နယ်၊ ကျောက်နီမှော် အရေးအခင်းကိုအစပြုကာ နိုင်ငံတစ်ဝန်းရှိ မြို့ကြီး၊ မြို့ငယ်များသို့ ဘာသာရေး၊ လူမျိုးရေးအယောင်ပြ အကြမ်းဖက်၊ လူသတ်၊ မီးရှို့မှုများ ကူးစက်သွားခဲ့သော ဝမ်းနည်းမနှစ်မြို့ဖွယ် ခါးသီးလှသော အတွေ့အကြုံကို အခြေခံကာ ပြည်သူလူထုထံတွင် ဘာသာရေး၊ လူမျိုးရေးကိုအသုံးချ၍ ပဋိပက္ခနှင့် မငြိမ်မသက်မှုများ နောက်ထပ် ဖြစ်ပေါ်လာမည်ကို များစွာ စိုးရိမ်ကြောင့်ကြမှုရှိနေသည့်အလျောက် များစွာ သတိထား ဆင်ခြင်မှုရှိနေကြပြီဖြစ်သည်။

ထို့အပြင် ကြံ့ခိုင်ရေးပါတီ၏ စိုးရိမ်မှုလော၊ ခြိမ်းခြောက်မှုလော မကွဲပြားသည့် ကြေညာချက်ပါ အငြင်းပွားမှုသည် သံဃာလောကအတွင်းဖြစ်ပေါ်နေသော သံဃာတော်များနှင့်သာ အဓိက သက်ဆိုင်သော ကိစ္စဖြစ်နေသည့်အတွက် တိုက်ရိုက်တာဝန်ရှိသူ နိုင်ငံတော်သံဃမဟာနာယကအနေနှင့် ကောင်းစွာ ဖြေရှင်းနိုင်လိမ့်မည်ဟု ယုံကြည်ရပေသည်။

ကြားဖြတ်ရွေးကောက်ပွဲ နီးကပ်လာသည်နှင့်အမျှ စွမ်းဆောင်ရည်ပိုင်းဆိုင်ရာ အားနည်းချက်များရှိနေသော အစိုးရအပေါ် နိုင်ငံရေးနည်းလမ်းအရ နည်းမျိုးစုံဖြင့် ဖိအားပေးမှုများ၊ ဝေဖန်ထောက်ပြမှုများ၊ အပြစ်တင် အဆိုးပြောမှုများ ရှိလာနိုင်ခြင်းမှာ သာမန်ဖြစ်ရိုးဖြစ်စဉ် သို့မဟုတ် သဘာဝကျသောဖြစ်စဉ်ဟု ဆိုနိုင်သည်။

သို့သော် ထိုအားနည်းချက်များကို အကြောင်းပြုကာ မရိုးသားသောပုံစံဖြင့် ခြိမ်းခြောက်၊ အကျပ်ကိုင်သောနည်းလမ်း၊ သိမ်ဖျင်းသောနည်းလမ်းနှင့် အကုသိုလ်ကဲသော နည်းလမ်းများကိုသုံး၍ နိုင်ငံရေးအာဏာကို မျက်စောင်းထိုးလာပါက အာဏာနိုင်ငံရေး နယ်ပယ်အတွင်းမှ အရည်အချင်းနိမ့်ကျသူ အချို့ထက် နိုင်ငံရေး အတွေ့အကြုံ ရင့်ကျက်နေသော မဲဆန္ဒရှင်ပြည်သူများက ဒဏ်ခတ် အရေးယူခြင်းကို ခံရမည်ဖြစ်ကြောင်း သတိပေးလိုရင်းဖြစ်သည်။

အယ်ဒီတာ (၂၅-၇-၂၀၁၈)

  • TAGS