News

POST TYPE

EDITORIAL

လူမှန်နေရာမှန် (Daily, Vol.6/No.84)
17-Jul-2018

မည်သည့် နယ်ပယ်ကဏ္ဍတွင်မဆို လုပ်ငန်းများ စီမံခန့်ခွဲသည့်အခါတွင် လည်းကောင်း၊ ခေါင်းဆောင်မှု ပေးရာတွင် လည်းကောင်း သက်ဆိုင်ရာ နယ်ပယ်အလိုက် သင့်တော်၊ လိုက်ဖက်သူ၊ အပ်စပ်ဆီလျော်သူကို တာဝန်ပေးရသည် ဆိုခြင်းမှာ စီမံခန့်ခွဲမှု ပညာရပ်၏ အခြေခံသဘောတရား ဖြစ်သည်။

သင့်တော်လိုက်ဖက်သူ၊ အပ်စပ်ဆီလျော်သူဟု ဆိုရာတွင် နယ်ပယ်အလိုက် တစ်ဖက်ကမ်းခတ်သူ သို့မဟုတ် အထူးပြု ကျွမ်းကျင်သူ အဆင့်အမျိုးအထိ မဆိုလိုသော်ငြား တာဝန်ပေးအပ်မည့် ကဏ္ဍ၊ နယ်ပယ်ကို အနိမ့်ဆုံးအဆင့် အခြေခံကျကျ၊ သဘောသဘာဝနှင့်တကွ သိရှိနားလည်ထားသူ ဖြစ်ရန် လိုပေသည်။

သက်ဆိုင်ရာ နယ်ပယ်အလိုက် အခြေခံ နားလည်သဘောပေါက်ထားသူ သို့မဟုတ် လူမှန်နေရာမှန်များ ခန့်ထားတာဝန်ပေးခြင်းအားဖြင့် နယ်ပယ်အသီးသီးတွင် နည်းမှန်၊ လမ်းမှန် ဖွံ့ဖြိုးအားကောင်းလာနိုင်ပြီး ဆိုင်ရာအဖွဲ့အစည်းကိုလည်း ပို၍အားကောင်းသန်မာ စေနိုင်သည်။

သက်ဦးဆံပိုင် ဘုရင်များနှင့် အာဏာရှင်များသည် အိမ်နိမ့်စံဘဝ သို့မဟုတ် အဖိအနှိပ်ခံဘဝတွင် ဆေးပေးမီးယူလုပ်ခဲ့သူ၊ မိမိတာဝန် ထမ်းဆောင်သည့်အဖွဲ့၊ ရာထူးအဆင့်ဆင့်တွင် လက်အောက်ဝန်ထမ်းအဖြစ် အနီးကပ် ရှိခဲ့ဖူးသူများကို မိမိအာဏာရလာချိန်တွင် ချီးမြှောက်သည့်အနေနှင့် ကာယကံရှင်များ မအပ်စပ်၊ မဆီလျော်သော နေရာများတွင် ခန့်ထားတာဝန်ပေးခဲ့ခြင်းကြောင့် တိုင်းပြည်ဖွံ့ဖြိုးမှု မရှိခဲ့ဘဲ ပြဿနာ ရှုပ်ထွေးခဲ့သော သာဓကများ ရှိခဲ့ပြီး ဖြစ်သည်။ 

မိမိနိမ့်ပါးချိန်တွင် အကူအညီပေးခဲ့သူများ၊ အများပြည်သူအကျိုးအတွက် ကိုယ်ကျိုးစွန့် အနစ်အနာခံခဲ့သူများ ဖြစ်နေစေကာမူ ၎င်းတို့ထံတွင် သက်ဆိုင်ရာ နယ်ပယ်၊ ကဏ္ဍနှင့် ဆီလျော်အပ်စပ်သော အရည်အချင်း မရှိပါက ၎င်းတို့ကို ထိုနယ်ပယ်အတွက် တာဝန်မပေးဘဲ အခြားနည်းဖြင့်သာ ချီးမြှင့်မြှောက်စားရမည် ဖြစ်သည်။

နိုင်ငံတော်ကို စီမံခန့်ခွဲ အုပ်ချုပ်ရသော အစိုးရအဖွဲ့မျိုးဆိုလျှင် သက်ဆိုင်ရာ ဝန်ကြီးဌာန တစ်ခုချင်းအတွက် သာမက နိုင်ငံတော်တစ်ရပ်လုံး ဖွံ့ဖြိုးရေး၊ နိုင်ငံတကာ အသိုင်းအဝိုင်းတွင် ဂုဏ်သိက္ခာ၊ အဆင့်အတန်းရှိရှိ ဆက်ဆံရပ်တည်နိုင်ရေးအထိ တာဝန်ကြီးလှသောကြောင့် လူမှန်၊ နေရာမှန်များ ခန့်ထားတာဝန်ပေးရန် အထူးအရေးကြီးလှသည်။ 

ဥပမာအားဖြင့် အတွက်အချက် ကျွမ်းကျင်သူကို မွေးမြူရေး၊ စိုက်ပျိုးရေး တာဝန်ခံ၊ စိုက်ပျိုးရေး ဘောဂဗေဒ တတ်မြောက်သူကို မြို့ပြစည်ပင် ဖွံ့ဖြိုးရေးအဖွဲ့ ခေါင်းဆောင်၊ ဆေးပညာ တတ်ကျွမ်းသူကို လက်နက်ကိုင် ပဋိပက္ခ စေ့စပ်ညှိနှိုင်းရေး တာဝန်ခံ၊ အာဏာရှင်စနစ်အောက်တွင် အာဏာရှင်ဆန်သော ဗျူရိုကရက်အဖြစ် အတွေ့အကြုံများခဲ့သူကို ဒီမိုကရေစီ အစိုးရအဖွဲ့၏ အထူးအရေးကြီးသော ရာထူးနေရာတွင် တာဝန်ပေးထားခြင်းမျိုးမှာမူ လူမှန်နေရာမှန်ဟု မခေါ်ဆိုထိုက်ပေ။

အာဏာရှင်အစိုးရ အဆက်ဆက်ကြောင့် အာဏာရှင်ခေါက်ရိုးကျိုးကာ အကျင့်ပျက်ခြစားမှုများ၊ အထက်ဖားအောက်ဖိ၊ အလိမ်အညာ ကိန်းဂဏန်းများ၊ ရာထူးထက် ဌာနန္တရကို မှီခိုမှုများ အထူးများပြားကာ အဖွဲ့အစည်း၊ ပုဂ္ဂိုလ်ရေးဆန်လွန်းသော နိုင်ငံရေးများဖြင့် များစွာ ရှုပ်ထွေးပွေလီလှသော အုပ်ချုပ်ရေးယန္တရားသည် ထိပ်ပိုင်းအစိုးရ ခေါင်းဆောင်များက ချမှတ်သော မူဝါဒ၊ ရည်မှန်းချက်၊ ရည်ရွယ်ချက်များကို လွဲချော်ညံ့ဖျင်းသော အကောင်အထည်ဖော် လုပ်ဆောင်ချက်များဖြင့် လမ်းလွဲပို့နိုင်သည့် အန္တရာယ် ရှိနေပေသည်။

အထူးသဖြင့် စနစ်ဆိုးကြောင့် အစစ အရာရာ ယိုယွင်းယိုင်နဲ့နေသော နိုင်ငံကို ပြန်လည်ထူထောင်ရေ၊ ပြုပြင်ပြောင်းလဲရေး အထူးအားထည့် ဆောင်ရွက်ရမည့် ယနေ့ကာလမျိုးတွင် ကိုယ့်လူ၊ သူ့လူ ခွဲခြားကာ မိမိပြောသမျှ ခေါင်းညိတ်ထောက်ခံမည့် သူများထက် အနိမ့်ဆုံးအဆင့် လူမှန်နေရာမှန် ခန့်ထားတာဝန် ပေးနိုင်မှသာ ပြောင်းလဲချိန်တန် ဆောင်ပုဒ်နှင့် ကတိကဝတ်များကို လက်တွေ့ကျကျ ဆောင်ရွက်ဖြည့်ဆည်းနိုင်မည် ဖြစ်ကြောင်း ထောက်ပြအကြံပြုလိုရင်း ဖြစ်သည်။

အယ်ဒီတာ (၁၇-၇- ၂၀၁၈)

(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၁-၂-၂၀၁၇ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်းဖြစ်ပါသည်။)