News

POST TYPE

EDITORIAL

အချိန်မီ ပြုပြင်ပြောင်းလဲပါ (Daily, Vol-6/No-78)
10-Jul-2018

ယနေ့ မြန်မာနိုင်ငံ၏ နယ်ပယ် အသီးသီးတွင် အဓိက တာဝန်ရှိနေကြသူများ အပါအဝင် အများစုသော နိုင်ငံသားများမှာ နိုင်ငံတော်တစ်ခုလုံးအတွက်၊ မိမိတို့ သက်ဆိုင်ရာ နယ်ပယ်ကဏ္ဍအတွက်၊ မိမိတို့အဖွဲ့အစည်းအတွက်၊ မိမိတို့၏ ကိုယ်ပိုင်မိသားစုနှင့် မိမိတို့တစ်ဦးချင်းစီအတွက် အဓိက အရေးကြီးသော ကိစ္စရပ်များထက် အရေးမပါသော သာမည ကိစ္စများဖြင့်သာ အချိန်ကုန်နေကြသလောဟု ဆန်းစစ်သုံးသပ်ဖွယ် ဖြစ်လာသည်။

ဒီမိုကရေစီနည်းကျ ပြည်သူ့ဆန္ဒ အစစ်အမှန်ဖြင့် ရွေးကောက်တင်မြှောက်ခံထားရသူ အများစု ပါဝင်သော ဥပဒေပြုလွှတ်တော်က အတည်ပြု ဖွဲ့စည်းပေးထားသည့် အစိုးရအဖွဲ့၊ ဒီမိုကရေစီ ခေါင်းစဉ်ဖြင့် အာဏာရလာသော ပါတီတို့အနေနှင့်လည်း အာဏာရလာသည့်အခါ ဗဟိုချုပ်ကိုင်မှုကဲသော အာဏာရှင် အငွေ့အသက် မကင်းသည့် လုပ်နည်းလုပ်ဟန်များဖြင့်သာ အရာအားလုံးကို ချဉ်းကပ်၊ ပုံဖော်၊ လက်တွေ့ စီမံခန့်ခွဲနေခြင်းက အများဆန္ဒကို လျစ်လျူရှုနေခြင်းလောဟု ဝေဖန်စရာဖြစ်လာသည်။

ဥပဒေပြုလွှတ်တော်များသည် အဓိက တာဝန်များဖြစ်သည့် ဥပဒေပြုခြင်း၊ ဥပဒေ၊ ပုဒ်မများ ပြင်ဆင်၊ ဖြုတ်ပယ်၊ ဖြည့်စွက်၊ ပယ်ဖျက်ခြင်းကဲ့သို့ အဓိက တာဝန်များကို အနည်းအကျဉ်းသာ ထမ်းဆောင်နိုင်ပြီး အရေးမကြီးသော၊ ပြည်နယ်နှင့် တိုင်းဒေသကြီးအဆင့် လွှတ်တော်များတွင်သာ ပြီးပြတ်ရမည်ဖြစ်သော၊ လွှတ်တော်တွင် တင်သွင်းဆွေးနွေးရန်ပင် မသင့်ဘဲ ဒေသခံ ပြည်သူများ ဆန္ဒအတိုင်းသာ ဆုံးဖြတ်လုပ်ကိုင်ခွင့်ပြုသင့်သော အသေးအဖွဲကိစ္စရပ်များဖြင့်သာ အချိန်ကုန်နေသည်ကများကြောင်း ဝေဖန်မှုများရှိနေပေသည်။

ပြည်ထောင်စု အစိုးရ အပါအဝင် ပြည်နယ်နှင့် တိုင်းဒေသကြီး အစိုးရအဖွဲ့များအနေနှင့်လည်း အုပ်ချုပ်ရေး တာဝန်များထက် အမျိုးသား ပြန်လည် သင့်မြတ်ရေးနှင့် ဖီလာပြုနေသော အခမ်းအနားအချို့ကို ဦးဆောင်ကျင်းပခြင်း၊ စည်ပင်သာယာ အလုပ်များ ဝင်လုပ်ခြင်း၊ စီးပွားရေးလုပ်ရန် ကုမ္ပဏီထောင်ခြင်းနှင့် ပြဿနာကြုံပါက ယခင်အာဏာရှင်အစိုးရများ သုံးခဲ့သည့် နည်းလမ်းဟောင်းများဖြင့်သာ ဖြေရှင်းနေခြင်း၊ ဆန်စဉ်ရာ ကျည်ပွေ့ လိုက်သကဲ့သို့ အဖျားအနား ကိစ္စရပ်များဖြင့်သာ အချိန်ကုန်၊ ငွေကုန်၊ လူပန်းဖြစ်နေခြင်း၊ ဗဟိုချုပ်ကိုင်မှု ကဲနေခြင်းစသည့် ခေါက်ရိုးကျိုးပုံစံဟောင်းအတွင်းမှ ရုန်းမထွက်နိုင်ဘဲ ရှိနေသည်။

စည်ပင်သာယာဥပဒေ ပြုပြင်၊ ပြောင်းလဲခြင်းနှင့် မြို့တော် စည်ပင်သာယာရေး ကော်မတီ ဖွဲ့စည်းခြင်းကဲ့သို့ ကိစ္စများသည် ဖွဲ့စည်းပုံ အခြေခံဥပဒေ ပြင်ဆင်ခြင်းကဲ့သို့ များစွာ ခက်ခဲနက်နဲသော လုပ်ငန်းမျိုးမဟုတ်ဘဲ ပြည်နယ်နှင့် တိုင်းဒေသကြီးအဆင့် လွှတ်တော်များတွင်ပင် ပြီးပြတ်ကာ မြို့တော်ဝန် အပါအဝင် စည်ပင်ကော်မတီဝင်များကို ဒီမိုကရေစီနည်းဖြင့် ရွေးချယ်တင်မြှောက် ခွင့်ရှိနေလင့်ကစား ယနေ့အချိန်ထိ ဗဟိုက တိုက်ရိုက်ခန့်ထား တာဝန်ပေးသော အာဏာရှင်နည်းလမ်းအတိုင်း ဆက်လက် ကျင့်သုံးနေခြင်းမှာ နားမလည်နိုင်စရာဖြစ်သည်။

အစိုးရအဖွဲ့က လုပ်ငန်းဆောင်ရွက်မှုများ အောင်မြင်မှု မရရှိခြင်း၊ အခက်အခဲများ ရှိခြင်းတို့နှင့်ပတ်သက်လျှင် ယခင်အစိုးရလက်ထက်က ရည်ရွယ်ချက်ရှိရှိ ခန့်ထားခဲ့သော မိုးကျရွှေကိုယ်များကိုသာ လက်ညှိုးထိုး အကြောင်းပြ၍ မိမိတို့ အစိုးရအဖွဲ့၏ လူမှန် နေရာမှန် မဖြစ်မှု၊ အတွေ့အကြုံ၊ အရည်အချင်း နည်းပါးမှု၊ အသေးအဖွဲ ကိစ္စများတွင် အချိန်၊ ငွေ၊ အင်အား ဖြုန်းတီးနေမှုကဲ့သို့ အားနည်းချက်များကို ကာကွယ်နေခြင်းက အစိုးရသက်တမ်း ၂ နှစ်ကျော် သုံးနှစ်အတွင်း ဝင်ရောက်လာသည့်အခါ ဝေဖန်စရာ ဖြစ်လာသည်။

ထိုအခြေအနေတွင် ပေါ်လာသော အားနည်းချက်များကို မီးမောင်းထိုးကာ ပိုကြီးသော အားနည်းချက်များ ဖြစ်သွားစေရန် တမင် ရည်ရွယ်ချက်ဖြင့် ပုံဖော်၊ ဘေးတီး၊ ချောက်တွန်း၊ သွေးထိုး၊ လှုံ့ဆော်သူများ အကြိုက်ဖြစ်စေမည့် ခေါက်ရိုးကျိုး ပုံစံဟောင်းနည်းလမ်းများ ဆက်လက် သုံးစွဲနေခြင်းမှာလည်း မဲဆန္ဒရှင်ပြည်သူများ ပို၍ အထင်လွဲလာစေနိုင်သည်။

အချိန်ကြာလာသည်နှင့်အမျှ တစ်ပါးသူ၊ ဆန့်ကျင်ဘက် သို့မဟုတ် ပြိုင်ဘက်အဖွဲ့အစည်း၏ အနှောင့်အယှက်၊ ပိတ်ပင်တားဆီးမှုများကြောင့်ဆိုသော အကြောင်းပြချက်မှာ တဖြည်းဖြည်း ပြည်သူများက ယုံကြည်ရန် ခက်ခဲလာနိုင်သောကြောင့် မိမိကိုယ်တိုင်နှင့် မိမိအဖွဲ့အစည်းကို အမှန်အတိုင်း ရှုမြင်သုံးသပ်ကာ ကျန်ရှိသော သက်တမ်းတွင် အချိန်မီ ပြင်ဆင်ပြောင်းလဲစေနိုင်ကြောင်းနှင့် နောက်လာမည့် သက်တမ်းအသစ်အတွက် အဆင်သင့် ဖြစ်နေစေကြောင်း အကြံပြု တိုက်တွန်းလိုပေသည်။

အယ်ဒီတာ (၁၀-၇-၂၀၁၈)