News

POST TYPE

EDITORIAL

ဆိတ်ကွယ်ရာမရှိ ဖြစ်လာသော လူ့အဖွဲ့အစည်း (Daily, Vol-6/No-71)
02-Jul-2018

 တော်လှန်ရေး ပန်းခြံဂိတ်ပေါက်တွင် ဈေးရောင်းနေသူ အမျိုးသမီးတစ်ဦး ရေမြောင်းအတွင်း အမှိုက်သွန်နေသည့် ဗီဒီယိုဖိုင် အွန်လိုင်းလူမှုကွန်ရက်ပေါ်တွင် ပျံ့နှံ့သွားပြီးနောက် ထိုအမျိုးသမီး၏ခင်ပွန်းကို သက်ဆိုင်ရာက ခေါ်ယူ အသိပညာပေးသည့်အဆင့်အထိ ရောက်ရှိသွားခဲ့ခြင်းမှာ မီဒီယာ၏ အစွမ်းကြောင့်ဟုဆိုနိုင်သည်။

အင်တာနက် မီဒီယာ၏ အစိတ်အပိုင်း တစ်ခုဖြစ်သော အွန်လိုင်းလူမှုကွန်ရက်သာမရှိလျှင်၊ ထိုကွန်ရက်ပေါ်တွင် မြန်မာနိုင်ငံသား အများအပြားသာ သုံးစွဲမနေလျှင် ရန်ကုန်မြို့တော်တစ်ဝန်းရှိ ရေမြောင်းများအတွင်း ထိုကဲ့သို့ စည်းကမ်းမဲ့ အမှိုက်ပစ်နေခြင်းများကို သက်ဆိုင်ရာက သိရှိဖြေရှင်းနိုင်ဖွယ် မရှိပေ။

အခြားတစ်ဖက်တွင်လည်း ပုံနှိပ်မီဒီယာများတွင် ရန်ကုန်မြို့ပြဖွံ့ဖြိုးရေး၊ အမှိုက်စနစ်တကျ စွန့်ပစ်ရေး၊ နိုင်ငံသားများ၏ ဥပဒေ၊ စည်းကမ်း လေးစား လိုက်နာရေး၊ ကျင့်ဝတ်နီတိများ သင်ကြားမှု ပြန်လည် ဖော်ထုတ်ရေးဆိုင်ရာ အကြောင်းအရာများကို မကြာခဏ ဆိုသလို ထုတ်ဖော်ရေးသား တင်ပြနေသော်ငြား နိုင်ငံသားများရော သက်ဆိုင်ရာကပါ အလေးထားမှု မရှိခဲ့ပေ။

ပုံနှိပ်မီဒီယာအပါအဝင် Mainstream ဟုခေါ်သည့် ရေဒီယို၊ ရုပ်သံကဲ့သို့ ပင်မမီဒီယာများသည် ယင်းတို့ ဖော်ပြ၊ ထုတ်လွှင့်တင်ဆက်သမျှကို ပရိသတ်က ကြိုက်၊ မကြိုက်၊ သဘောတူ၊ မတူ ချက်ချင်း ပြန်လည်တုံ့ပြန်ကန့်ကွက်၊ ထောက်ခံဆွေးနွေးခွင့်မရှိခြင်းက အကြောင်းတစ်ချက်ဖြစ်သည်။

အင်တာနက်မီဒီယာကမူ အွန်လိုင်းပေါ်တွင် တင်သမျှ အကြောင်းအရာ အားလုံးကို လူပေါင်းများစွာက ၎င်းတို့တစ်ဦးချင်းစီ၏ ထောက်ခံ၊ ကန့်ကွက်၊ သဘောတူ၊ သဘောကွဲလွဲ၊ အကြံပြု၊ ထောက်ပြလိုသည်များကို အချိန်နှင့်တစ်ပြေးညီ ချက်ချင်း ကိုယ်တိုင်ဝင်ရောက်ပါဝင် တုံ့ပြန်ဆွေးနွေး၊ ငြင်းခုံခွင့်ရှိနေခြင်းက အဓိက အားသာချက်ဖြစ်သည်။

ထို့ကြောင့် ကမ္ဘာပေါ်ရှိ အစိုးရ အသီးသီးအနေနှင့်လည်း အွန်လိုင်းလူမှုကွန်ရက်များပေါ်တွင် တရားဝင် အကောင့်များဖွင့်ကာ လူထုအသံကို နားထောင်ခြင်း၊ အစိုးရအဖွဲ့နှင့် အစိုးရ အကြီးအကဲတို့၏ သဘောထား၊ ဆောင်ရွက်ချက်များကို လူထုထံ တိုက်ရိုက် အသိပေးခြင်းတို့ဖြင့် အင်တာနက်မီဒီယာကို အကျိုးရှိရှိ အသုံးချလျက်ရှိကြသည်။

အွန်လိုင်းကို ထိရောက်စွာ အသုံးပြုသူ နိုင်ငံတကာမှ အစိုးရ အကြီးအကဲများအနက် လူသိ အများဆုံးပုဂ္ဂိုလ်မှာ အမေရိကန်သမ္မတ ဒေါ်နယ်လ်ထရမ့် ဖြစ်သည်။ ထရမ့်သည် ၎င်း၏ ဘွင်းဘွင်းရှင်းရှင်း အမြင်သဘောထားများ၊ တစ်ခါတစ်ရံ အံ့အားသင့် စိတ်ပျက်ဖွယ်၊ အငြင်းပွားဖွယ် မှတ်ချက်စကားများကို တွစ်တာ အကောင့်မှတစ်ဆင့် ပုံမှန်ထုတ်ပြန်ကာ ဒစ်ဂျစ်တယ်လှိုင်းကို ကျကျနန ထိုင်စီးနေသူဖြစ်သည်။

အင်တာနက်မီဒီယာက မွေးဖွားပေးလိုက်သည့် အွန်လိုင်းလူမှုကွန်ရက်သည် မည်သည့် နိုင်ငံ၊ လူ့အဖွဲ့အစည်းတွင်မဆို သုံးတတ်လျှင်ဆေး၊ မသုံးတတ်လျှင် ဘေးဆိုသကဲ့သို့ သက်ဆိုင်ရာ နိုင်ငံသားများ၏ အသိပညာရေချိန်နှင့် ကျင့်ဝတ် စံနှုန်းလေးစား လိုက်နာမှု အနိမ့်အမြင့်အပေါ် မူတည်ကာ အကျိုးရလဒ် အနည်းနှင့်အများ ကွာခြားသွားသည်။

ရေမြောင်းအတွင်း အမှိုက်ပစ်သော ကိစ္စမျိုးကို ကုန်ခဲ့သည့် ဆယ်စုနှစ်တစ်ခုကျော်ကဆိုလျှင် ယခုကဲ့သို့ အရေးတယူ ဖြစ်လာစရာ အကြောင်းမရှိပေ။ နှစ်ပေါင်းများစွာ မိမိအာဏာနှင့် စည်းစိမ်၊ ဥစ္စာ တည်တံ့ခိုင်မြဲ၊ တိုးပွားရေးကိုသာ အာရုံစိုက်လာခဲ့သူများကြောင့် နိုင်ငံတော်နှင့် နိုင်ငံသားတို့၏ စိတ်နှင့် ရုပ် ဖွံ့ဖြိုးတိုးတက်ရေးကို လျစ်လျူရှုခံခဲ့ရသည်။

ရေမြောင်းအတွင်း စည်းကမ်းမဲ့ အမှိုက်စွန့်ပစ်ခြင်းမှသည် ရန်ကုန်မြို့တော်တစ်ဝန်းရှိ နေရာအနှံ့အပြားတွင် အခြားသော စည်းကမ်းမဲ့မှု၊ ဥပဒေ ချိုးဖောက်မှု၊ အလွဲသုံးစားမှု၊ ခြိမ်းခြောက်အနိုင်ကျင့်မှု၊ လာဘ်မျှော်ကိုး ပညာပြမှု၊ အာဏာအလွဲသုံးမှု၊ အများအကျိုးဗန်းပြ ကိုယ်ကျိုးရှာမှုများ အားလုံးလည်း တစ်နေ့ မဟုတ် တစ်နေ့ အွန်လိုင်းလူမှုကွန်ရက်မှတစ်ဆင့် သက်ဆိုင်ရာကို အသိပေး၊ နှိုးဆော်လာတော့မည်ဖြစ်သည်။

ဆိုလိုသည်မှာ အိုင်စီတီ အပါအဝင် ဆက်သွယ်ရေး နည်းပညာများ၊ ဖွံ့ဖြိုးလာခြင်း၊ ဒစ်ဂျစ်တယ် ရေစီးကြောင်း အရှိန်အဟုန် မြန်လာခြင်း၊ စမတ်မိုဘိုင်းလ် ဖုန်းပိုင်ဆိုင်ထားသူတိုင်း အင်တာနက် မီဒီယာကို အသုံးပြုကာ မိမိပတ်ဝန်းကျင်တွင် ဖြစ်ပျက်သမျှကို စက္ကန့်မဆိုင်း တစ်ကမ္ဘာလုံးသို့ အသိပေးနိုင်ခြင်းတို့က သမားရိုးကျ မီဒီယာလောကကို တစ်မုဟုတ်ချင်း အသွင်ပြောင်းသွားစေခဲ့ပြီး ကမ္ဘာကြီး၏ မည်သည့် အစိတ်အပိုင်းတွင်မဆို ဆိတ်ကွယ်ရာ မရှိဖြစ်လာတော့မည်ဖြစ်သည်။ 

ဆိတ်ကွယ်ရာမရှိဖြစ်လာသော အခြေအနေကို သာမန်နိုင်ငံသားများထက်စာလျှင် ဥပဒေပြုရေး၊ အုပ်ချုပ်ရေး၊ တရားစီရင်ရေး၊ နိုင်ငံတော် ကာကွယ်ရေး တာဝန်ယူထားကြသူများ ပို၍ အလေးထား ဂရုပြုသင့်လှသည်။ အထူးသဖြင့် မိမိတို့ ကြံစည်၊ တွေးတော၊ လက်တွေ့ ဆောင်ရွက်ချက်များ အားလုံး ကောင်းလျှင် ကောင်းသည့်အတိုင်း၊ ဆိုးလျှင်ဆိုးသည့်အတိုင်း သက်ဆိုင်ရာနိုင်ငံမှ ပြည်သူလူထုအပြင် ကမ္ဘာ့ပြည်သူ တစ်ရပ်လုံးက သိရှိနေပြီ ဆိုသည့်အချက်ကို သတိပြု ဆင်ခြင်နိုင်ခြင်းအားဖြင့် အဆိုးနည်းနိုင်သမျှ နည်းနည်းဖြင့် အကောင်းများနိုင်သမျှ များစေရန် စိတ်ကောင်းစေတနာဖြင့် ကြိုးစားနိုင်ကြစေကြောင်း အကြံပြု ထောက်ပြလိုရင်း ဖြစ်သည်။

အယ်ဒီတာ (၂-၇-၂၀၁၈)