News

POST TYPE

EDITORIAL

ကင်ဂျုံအန်းကိုကြည့် (Daily,Vol-6/No-55)
14-Jun-2018

နှစ်ပေါင်းများစွာ တစောင်းစေးနှင့် မျက်ချေး ဖြစ်နေခဲ့သည့် မြောက်ကိုရီးယားနှင့် အမေရိကန်တို့အကြား ပထမဦးဆုံးအကြိမ် နှစ်နိုင်ငံခေါင်းဆောင်များ မျက်နှာချင်းဆိုင် တွေ့ဆုံစကားပြောကာ သဘောတူညီမှုအချို့ လက်မှတ်ရေးထိုးနိုင်လိုက်ခြင်းမှာ စစ်ရေးတင်းမာနေသော ကိုရီးယားကျွန်းဆွယ်တွင် ငြိမ်းချမ်းရေးချိုးငှက် အတောင်ပံခတ်သံ ကြားလိုက်ရခြင်းဟု ဆိုနိုင်သည်။

၁၉၅၀ခုနှစ် ဇွန်လမှ ၁၉၅၃ခုနှစ် ဇူလိုင်လအထိ ၃ နှစ်ကြာ ဖြစ်ပွားခဲ့သော ကိုရီးယားစစ်ပွဲကာလမှတွက်ကြည့်လျှင် သာမန် လူ့သက်တမ်းတစ်ခုစာမျှ ရှည်ကြာခဲ့သော နှစ်ဖက်အကြား ရန်စောင်၊ စစ်ပြင်မှုများ နိဂုံးချုပ်ရန် အစပျိုး လိုက်ခြင်းဖြစ်သည့်အတွက် ကိုရီးယားကျွန်းဆွယ် တင်းမာမှုနှင့် ဆက်စပ်နေသောနိုင်ငံများ ငြိမ်းချမ်းရေးအတွက်သာမက ကမ္ဘာ့ငြိမ်းချမ်းရေးအတွက်ပါ အပေါင်းလက္ခဏာဆောင်သွားခဲ့သည်။

ဤနေရာတွင် ချီးကျူးရမည့်သူမှာ အလွန်တရာ နာမည်ဆိုးဖြင့် ကျော်ကြားသော မြောက်ကိုရီးယားခေါင်းဆောင် ကင်ဂျုံအန်းပင်ဖြစ်သည်။ အဘိုးဖြစ်သူနှင့် ဖခင်ဖြစ်သူတို့ အမွေချန်ထားပေးခဲ့သော သက်ဦးဆံပိုင်ဆန်ဆန် ကွန်မြူနစ်အာဏာရှင်စနစ် ဆက်ခံကျင့်သုံးသူ ဖြစ်သော်ငြား မည်သူမျှ မျှော်လင့်မထားသည့် ဆုံးဖြတ်ချက်၊ မူဝါဒမျိုးဖြင့် အပြောင်းအလဲကို စတင်လိုက်ခြင်းကြောင့် ၎င်းနှင့်ပတ်သက်သည့် ရှိရင်းစွဲအမြင်များ ရုတ်ခြည်းပြောင်းသွားစေခဲ့သည်။

အလုံးစုံသောအာဏာကို တစ်ဦးတည်း ချုပ်ကိုင်စေစားနိုင်သူဖြစ်သည့်အတွက် မကြာသေးခင် နှစ်ပိုင်းအတွင်းက ၎င်း၏ အာဏာခိုင်မြဲရေးအတွက် ဦးလေးအရင်းနှင့် အစ်ကိုအရင်းဖြစ်သူတို့ကိုပင် မညှာမတာ ရက်စက်စွာ ရှင်းလင်းဖယ်ရှားခဲ့သူ၊ အမေရိကအထိ ရောက်အောင်ပစ်လွှတ်နိုင်သော နျူကလီးယား ထိပ်ဖူးတပ်ဒုံးကျည် စမ်းသပ်၍ ကမ္ဘာကိုစိန်ခေါ်ခဲ့သူတစ်ဦး၏ ရပ်တည်ချက်နှင့် မူဝါဒအပြောင်းအလဲက ကမ္ဘာ့ရေးရာ လေ့လာသုံးသပ်သူများရော၊ ကိုရီးယားရေးရာ ကျွမ်းကျင်သူများပါ အံ့ဩမှင်တက်သွားစေခဲ့သည်။

ကင်ဂျုံအန်းကို မည်သည့်အကြောင်းအရင်းများက ပြောင်းလဲစေခဲ့ သနည်းဟု မေးစရာရှိသည်။ ဖြစ်နိုင်ခြေ အကြောင်းရင်းအနည်းငယ်သာရှိသည့်အနက် ပထမဖြစ်နိုင်ခြေမှာ ၎င်းထက်ပို၍ အင်အားကြီးမားပြီး၊ ၎င်းထက်ပို၍ ထင်ရာပြော၊ ထင်ရာလုပ်တတ်သူအဖြစ် နာမည်ကျော်လာသည့် လက်ရှိ အမေရိကန်သမ္မတ ဒေါ်နယ်ထရမ့်ကို ကြောက်လန့်ခြင်းကြောင့်လည်း ဖြစ်နိုင်သည်။ 

ဒုတိယ တစ်ချက်မှာ လက်တွေ့အားဖြင့် အမေရိကန်နှင့် စီးပွားရေးအရ ဆက်ဆံမှုကြီးမားသည်ထက် ကြီးမားလာသော တရုတ်နိုင်ငံ၏ မြောက်ကိုရီးယားအပေါ် အတိတ်တစ်ချိန်လုံး အသိအမှတ်ပြု ပံ့ပိုး၊ ကူညီပေးလာခဲ့သော တရုတ်နိုင်ငံ၏ ရပ်တည်ချက် သဘောထားပြောင်းလဲလာခြင်းနှင့် ကူညီထောက်ပံ့မှု လျော့နည်းလာခြင်းတို့ကြောင့်လည်း ဖြစ်နိုင်သည်။

တတိယအချက်အနေနှင့် ကိုရီးယားနှစ်နိုင်ငံပေါင်းစည်းရေးနှင့် ကိုရီးယားကျွန်းဆွယ် ငြိမ်းချမ်းရေးကို နှလုံးသားခံစားချက်ရင်းကာ ပြင်းပြသော စိတ်ဆန္ဒဖြင့် ကြိုးစားဆောင်ရွက်နေသော လက်ရှိ တောင်ကိုရီးယားသမ္မတနှင့် တောင်ကိုရီးယားပြည်သူတို့၏ ရိုးရှင်းစစ်မှန်သော စိတ်ရင်းစေတနာကို ခံစားထိတွေ့မိခြင်းကြောင့်လည်း ဖြစ်နိုင်သည်။

စတုတ္ထဖြစ်နိုင်ခြေမှာ ပြောင်းနေသော ကမ္ဘာကြီး၏ အခြေအနေကိုသော်လည်းကောင်း၊ မြောက်ကိုရီးယားနိုင်ငံ၏ ပကတိအခြေအနေမှန်ကိုသော်လည်းကောင်း သိရှိပြီး ယင်းအခြေအနေတို့နှင့် လိုက်လျောညီထွေဖြစ်ရန် သို့မဟုတ် နိုင်ငံ၏ အကောင်းဆုံး၊ သိက္ခာအရှိဆုံး ထွက်ပေါက်အဖြစ် အသုံးပြုရန် ဆုံးဖြတ်ချက် မြန်မြန်ဆန်ဆန် ချတတ်သည့် အသက်အရွယ်ရှိသူ ကင်ဂျုံအန်း၏ ပါးနပ်ထက်မြက်မှု ဖြစ်သည်။

မည်သို့ပင်ဖြစ်စေ မြောက်ကိုရီးယား၏ အပြောင်းအလဲသည် အပြောင်းအလဲကို စတင်အကောင်အထည်ဖော်သူ ကင်ဂျုံအန်းအတွက်သာမက နှစ်ပေါင်းများစွာ ရက်စက်ကြမ်းတမ်းသည့် အာဏာရှင်စနစ်အောက်တွင် ဆင်းရဲပင်ပန်းကြီးစွာ ဒုက္ခခံနေရသော မြောက်ကိုရီးယားပြည်သူများအတွက် မင်္ဂလာရှိလှသည်။ 

သို့ဆိုလျှင် အနှစ် ၇၀ တိုင် ငြိမ်းချမ်းရေးအလို့ငှာ တွေ့ဆုံဆွေးနွေးညှိနှိုင်းအဖြေရှာ မရနိုင်သေးသော မြန်မာနိုင်ငံတွင် အပြောင်းအလဲကို ရဲရဲဝံ့ဝံ့ စတင်သော မြောက်ကိုရီးယားခေါင်းဆောင် ကင်ဂျုံအန်းကို နမူနာယူကာ မိမိတို့၏အတ္တ၊ လိုဘများ၊ အာဏာလက်မလွှတ်ရေး ကိုယ်ကျိုးစီးပွားကာကွယ်ရေး အခုအခံများကို လျှော့ချကြရန် အချိန်တန်ပြီဖြစ်ကြောင်း သိစေလိုရင်းဖြစ်သည်။

အယ်ဒီတာ (၁၃ - ၆ - ၂၀၁၈)