News

POST TYPE

EDITORIAL

ဘဏ်ကောလာဟလ မည်သို့ တုံ့ပြန်မည်နည်း (Daily,Vol-6/No-54)
13-Jun-2018 tagged as

အများပိုင်ကုမ္ပဏီကြီး ငါးခုနှင့် ပုဂ္ဂလိကဘဏ်ကြီးနှစ်ခု အခြေအနေမကောင်းကြောင်း အွန်လိုင်းလူမှုကွန်ရက်ပေါ်တွင် ကောလာဟလ သတင်းတက်သွားပြီးနောက် ပြည်သူအချို့အကြား စိုးရိမ်ပူပန်မှုများ ဖြစ်ပေါ်သွားခဲ့ပြီးနောက် တစ်ရက်အကြာတွင် ယင်းကိစ္စမဟုတ်မှန်ကြောင်း သက်ဆိုင်ရာက ပြန်လည်ရှင်းလင်းနိုင်ခဲ့ခြင်းကို အသိအမှတ်ပြုရမည်ဖြစ်သည်။

ယခင်က ယင်းကဲ့သို့ ကောလာဟလမျိုး ထွက်ပေါ်လာပါက အစိုးရ သို့မဟုတ် သက်ဆိုင်ရာဌာနတစ်ခုခုမှ အလျင်အမြန် တုံ့ပြန်ရှင်းလင်းနိုင်ခြင်းမရှိသဖြင့် လူထုအတွင်း ကောလာဟလ ပိုမိုပျံ့နှံ့ကာ မလိုလားအပ်သော ဘေးအကျိုးဆက်များကြောင့် ထိခိုက်နစ်နာမှုများ ရှိခဲ့သည်။

တုံ့ပြန်ရှင်းလင်းရာတွင်လည်း အချိန်နှောင့်နှေးမှုရှိပြီး နိုင်ငံပိုင်မီဒီယာကိုသာ အားကိုးခြင်းကြောင့် မရှင်းလင်းနိုင်မီ ကြားကာလအတွင်း ကောလာဟလနှင့် တိုက်ရိုက်ဆက်စပ်နေသော လုပ်ငန်းနယ်ပယ်များ သိက္ခာကျနစ်နာခြင်း၊ နာမည်ဂုဏ်သတင်းထိခိုက်ခြင်း၊ အများပြည်သူ၏ ယုံကြည်မှုကျဆင်းခြင်းတို့ အနည်းနှင့်အများဆိုသလို ဖြစ်ပေါ်စေခဲ့သည်။

ယခုတစ်ကြိမ်တွင်မူ ဗဟိုဘဏ်ညွှန်ကြားရေးမှူးချုပ်က ၎င်း၏ လူမှုကွန်ရက်စာမျက်နှာမှတစ်ဆင့် မဟုတ်မှန်ကြောင်း အလျင်အမြန် ရှင်းလင်းခဲ့ခြင်းကြောင့် ပြည်သူလူထု၏ စိုးရိမ်သောကကို လျှော့ချနိုင်ခဲ့ကာ နောက်ဆက်တွဲ အနုတ်လက္ခဏာ အကျိုးဆက်များကိုလည်း ရှောင်ကြဉ်နိုင်ခဲ့သည်။

သို့သော် နိုင်ငံပိုင်မီဒီယာများတွင်မူ အဆိုပါ ကောလာဟလသတင်းနှင့်ပတ်သက်၍ ဖြေရှင်းတုံ့ပြန်ချက် မတွေ့ရဘဲ အစိုးရ သို့မဟုတ် ဝန်ကြီးဌာနများ လုပ်ကိုင်ဆောင်ရွက်သမျှ မည်သည့်အခါမျှ မမှားကြောင်း၊ ပုဂ္ဂလိကလုပ်ငန်းများနှင့် အစိုးရနှင့်မသက်ဆိုင်သော နယ်ပယ်များကသာ အစိုးရအပေါ် အကောက်အယူလွဲချော်နေကြောင်း၊ အစိုးရတို့၏ စွမ်းဆောင်ရည်ကြောင့် နယ်ပယ်အလိုက် ဖွံ့ဖြိုးတိုးတက်ကာ နိုင်ငံအနှံ့ စည်ပင်ဝပြောလျက်ရှိကြောင်း ဖြေရှင်းတုံ့ပြန်ချက်၊ ရှင်းလင်းတင်ပြချက်များကိုသာ နေရာများစွာယူ၍ ဖော်ပြထားသည်ကို တွေ့ရသည်။

မြန်မာနိုင်ငံတွင် ဘဏ်များနှင့်ပတ်သက်သည့် ကောလာဟလများ မကြာခဏဆိုသလို ထွက်ပေါ်လေ့ရှိပြီး အဆိုပါ ကောလာဟလများ ထွက်ပေါ်တိုင်း နိုင်ငံတော်တွင် အခြားသော အခက်အခဲအကျပ်အတည်းများနှင့် ရင်ဆိုင်နေရချိန်နှင့် များစွာတိုက်ဆိုင်နေလေ့ရှိခြင်းမှာ အထူးသတိပြုမိစရာအချက်ဖြစ်သည်။

ဘဏ်နှင့်ပတ်သက်သော ကောလာဟလမျိုးသည် နိုင်ငံတော်၏ ဘဏ္ဍာရေးစနစ်၊ ဘဏ်စနစ်၊ ယင်းစနစ်နှင့် ချိတ်ဆက်နေသော ပြည်တွင်းလှည့်ပတ် သုံးစွဲငွေကြေးအပါအဝင် ငွေကြေးလောကနှင့် ပြည်တွင်းစီးပွားရေးနယ်ပယ်တစ်ခုလုံးအထိပါ ကသောင်းကနင်းဖြစ်ပြီး ပြည်သူလူထု၏ စိုးရိမ်သောကကြီးမှုနှင့်အတူ ဒိုမီနိုသီအိုရီသဘောအရ နိုင်ငံ၏ စီးပွားရေးအုတ်မြစ်ကိုပါ ယိုင်နဲ့သွားနိုင်သည်အထိ အန္တရာယ်ကြီးလှသည်။

ထိုမျှအန္တရာယ်ကြီးလှသော ကောလာဟလမျိုး မည်သည့်ရည်ရွယ်ချက်ဖြင့် မည်သည့်အဖွဲ့အစည်း၊ မည်သည့် လူပုဂ္ဂိုလ်မျိုးက လွှင့်သနည်းဟု မေးစရာရှိသည်။ ယခင်ကမူ ပုဂ္ဂလိကဘဏ်များ အချင်းချင်းအကြား ပြိုင်ဆိုင်မှု ပြင်းထန်လွန်းအားကြီးသောကြောင့် မကောင်းစိတ်အခံ ရှိသူအချို့က ထိုကဲ့သို့ ကောလာဟလမျိုးဖြင့် ခြေထိုးတိုက်ခိုက်လေ့ရှိသည်။ အချို့ကမူ သတင်းဦး၊ သတင်းထူးကို မိမိသာ ဦးစွာသိရှိကြောင်း အများသိရှိစေရန် ဝါကြွားလိုစိတ်ဖြင့် ရှေ့နောက်မချင့်ချိန်ဘဲ ဖြန့်ချိလေ့ရှိတတ်သည်။

ယခုနောက်ပိုင်းတွင်မူ တည်ဆဲအစိုးရတို့၏ အုပ်ချုပ်စီမံခန့်ခွဲမှုကို အနှောင့်အယှက်ပေးလိုခြင်း၊ ငွေကြေးကောလာဟလအပေါ်မူတည်ကာ နောက်ဆက်တွဲ ဝရုန်းသုန်းကား အခြေအနေများကို မျှော်မှန်းထားခြင်း၊ ဘဏ်စနစ်အပေါ် ပြည်သူက အယုံအကြည်နည်းသွားခြင်းဖြင့် တစ်ဆက်တည်း အစိုးရအပေါ် ပြစ်တင်ဝေဖန်မှု များလာစေရန်ရည်ရွယ်ခြင်း စသည့်ဦးတည်ချက်များလည်း ရှိတတ်သည်။

သို့ဆိုလျှင် အဆိုပါ ကောလာဟလ ဖြန့်ချိသူ၊ အဖွဲ့အစည်း၏ လက်ရှိရပ်တည်ချက်၊ ဆောင်ရွက်ချက်၊ နောက်ကြောင်းရာဇဝင်တို့ကို စုံစမ်းလေ့လာကြည့်လျှင် ကောလာဟလ ဖြန့်ချိရခြင်း၏ အဓိကရည်ရွယ်ချက်ကို အနည်းနှင့်အများ ခန့်မှန်းရနိုင်သည်။ ဘာသာရေး၊ လူမျိုးရေး အစွန်းရောက်ဝါဒများ၊ အမုန်းစကားများသုံး၍ ကောလာဟလမျာဖြန့်ကာ နိုင်ငံကိုဆူပူမှုဖြစ်စေရန် လှုံ့ဆော်ခြင်းကိုမူ မြန်မာပြည်သူလူထုက အတိုင်းအတာတစ်ခုအထိ ရိပ်စားမိနေသောကြောင့် ယခုကဲ့သို့ ဘဏ်နှင့်ပတ်သက်သော ကောလာဟလမျိုး အသုံးပြုလာခြင်းဖြစ်ရာ အစိုးရအနေနှင့် ယခုကိစ္စကို လေးလေးနက်နက်စဉ်းစား၍ ထိရောက်စွာ ကိုင်တွယ်အရေးယူသင့်ကြောင်း အကြံပြုတိုက်တွန်းအပ်ပေသည်။

အယ်ဒီတာ ( ၁၂ - ၆ -၂၀၁၈ )


  • TAGS