News

POST TYPE

EDITORIAL

ငါးပိသည်ကိုယ်တိုင် ခွေးမောင်းပါ (Daily, Vol-6/No-49)
06-Jun-2018

မလေးရှားနိုင်ငံတွင်မြန်မာနိုင်ငံမှပို့လိုက်သော မူးယစ်ဆေးဝါးများ ဖမ်းဆီးရမိပြီးနောက် ဘင်္ဂလားဒေ့ရ်ှနှင့် မလေးရှားရဲတပ်ဖွဲ့တို့၏ စုံစမ်းဖော်ထုတ်မှုများအရ ရှမ်းပြည်နယ်တွင် မူးယစ်ဆေးဝါး ထုတ်လုပ်နေသည့် စခန်း ၃၇ ခုရှိကြောင်း သတင်းများ ထွက်ပေါ်လာခြင်းမှာ မြန်မာနိုင်ငံမှ မူးယစ်ဆေးဝါး နှိမ်နင်းတိုက်ဖျက်ရေး တာဝန်ရှိသူများအား မေးခွန်းထုတ်စရာ ဖြစ်သွားစေခဲ့သည်။

မူးယစ်ဆေးဝါး နှိမ်နင်းတိုက်ဖျက်ရေးနှင့် ပတ်သက်လျှင် ကယ်ရီခေါ် အခကြေးငွေယူ၍ သယ်ဆောင်ပေးသူနှင့် ကိုယ်တိုင် သုံးစွဲစရိတ်ရရှိရန် မဖြစ်စလောက် ပမာဏ ရောင်းချသူ အနည်းငယ်ခန့်ကိုသာ ဖမ်းဆီးရမိပြီး လက်ကြီးသမား မူးယစ်ကုန်သည်ကြီးများကို လွှတ်ပေးထားသကဲ့သို့ဖြစ်နေကြောင်း ဝေဖန်မှုများ ရှိနေသည်။

ထို့အတူမူးယစ်ဆေးဝါး သယ်ယူ၊ ရောင်းချ၊ သုံးစွဲသူများကိုသာ အင်တိုက်အားတိုက် ဖမ်းဆီးနေသော်လည်း မူးယစ်ဆေးဝါး ထုတ်လုပ်ဖြန့်ချိနေသည့် ပင်ရင်းဌာနများကိုမူ အသားပေး ထုတ်ပြန်ခြင်း၊ စုံစမ်း၊ ဖော်ထုတ်နေကြောင်း ထုတ်ဖော်ပြောဆိုခဲ့ခြင်းတို့ မည်သည့်အခါမျှ မရှိခဲ့ပေ။

နှစ်စဉ် ဖမ်းဆီးရမိသော မူးယစ်ဆေးဝါး တန်ချိန်များစွာကို မီးရှို့ဖျက်ဆီး ပြနေလင့်ကစား မူးယစ်ဆေးဝါး ထုတ်လုပ်၊ ဖြန့်ချိ၊ ရောင်းချမှုက လျော့သွားသည်မရှိဘဲ နှစ်စဉ် မီးရှို့ဖျက်ဆီးသည့် ပမာဏသာ နှစ်စဉ် တိုးလာနေခဲ့ကြောင်း နိုင်ငံတကာ စောင့်ကြည့်လေ့လာမှု စစ်တမ်းများက ဖော်ပြကြသည်။

ယခင်ကမူမြန်မာနိုင်ငံ၏ ဒေါ်လာဈေး အတက်အကျသည် ဘိန်းထွက် ရာသီနှင့် ချိတ်ဆက်ပတ်သက်နေလေ့ရှိပြီး ယနေ့ကာလတွင်မူ ကွန်တိန်နာ အသေးစား အရွယ်အစားသာရှိသည့် ဓာတ်ခွဲခန်းတစ်ခုဖြင့် ယာဘခေါ် မက်ဖက်အက်တမင်းဆေးပြား သန်းချီထုတ်လုပ်နိုင်ပြီး ယင်းမူးယစ်ဆေးဝါး ရောင်းချရရှိသော ငွေကြေးများဖြင့် လောက်လောက်လားလား စီးပွားရေးဖွံ့ဖြိုးမှု မရှိသော မြန်မာဈေးကွက်ကို ကျားကန်ထားခြင်းဖြစ်သည်ဟူသော သုံးသပ်ခန့်မှန်းမှုများလည်း ရှိသည်။

မူးယစ်လက်ကားကုန်သည်ကြီးများ သို့မဟုတ် မူးယစ်ရာဇာကြီးများသည် ငွေကိုရေလိုသုံးကာ ၎င်းတို့၏ ဩဇာအင်ပါယာကို ချဲ့ထွင်တည်ဆောက်ထားသောကြောင့် လက်ရှိ အခြေအနေအရ ၎င်းတို့ကိုဖမ်းမိရန်မှာ မည်သို့မျှ မဖြစ်နိုင်သေးဘဲ မဖြစ်မနေ အရေးအကြောင်း ပေါ်လာပါက ၎င်းတို့ကိုယ်စား အစိတ်အပိုင်း၊ လမ်းကြောင်းတစ်ခုစီကို တာဝန်ယူ စီမံနေသူအချို့ကိုသာ ထိုးကျွေး အဖမ်းခံလေ့ရှိသည်။

လွန်ခဲ့သည့်နှစ်ပေါင်း နှစ်ဆယ့်ငါးနှစ်ခန့်အတွင်း နိုင်ငံရေးမှလွဲ၍ အခြားကိစ္စများကို အာဏာပိုင်များနှင့် ပိုင်လျှင်ပိုင်သလို အဆီးအတားမရှိ စိတ်ကြိုက် ထင်ရာလုပ်နိုင်ခွင့်ရှိခဲ့သည်။ အကျိုးဆက်အနေနှင့် မူးယစ်ရာဇာကြီးများ၏ ဓနဥစ္စာများနှင့်၎င်းတို့၏ ဩဇာလက်တံများ ခန့်မှန်း၍ မရနိုင်လောက်သည် အထိကြီးမားကျယ်ပြန့်လာရာ အာဏာအဝန်းအဝိုင်းနှင့်ပါ မကင်းရာ မကင်း ကြောင်းဖြစ်လာသောကြောင့်နှိမ်နင်းဖမ်းဆီး၍ မရနိုင်လောက်သည့်အခြေအနေ အထိဆိုက်ရောက်လာခဲ့သည်ဟူသော ခန့်မှန်းသုံးသပ်မှုများလည်း ရှသည်။ိ

ထိုအခြေအနေတွင် လက်ရှိနိုင်ငံတော်သမ္မတသစ် ဦးဝင်းမြင့်သည် မူးယစ်ဆေးဝါး နှိမ်နင်းကာကွယ်တားဆီးရေးကို ၎င်း၏ ပထမဦးဆုံး နိုင်ငံတော် အခြေပြမိန့်ခွန်းတွင်ပင် အထူးပြု ထည့်သွင်းပြောဆိုထားသည့်အပြင် လိုအပ်ပါက ပြည်ထောင်စုအဆင့် မူးယစ်ဆေးဝါး တိုက်ဖျက်နှိမ်နင်းရေး အထူးတပ်ဖွဲ့ ဖွဲ့စည်းကာ အရေးယူ ဆောင်ရွက်မည်ဟု ဆိုထားခြင်းမှာ မြန်မာပြည်သူလူထုအတွက် အပေါင်းလက္ခဏာ ဆောင်သော မျှော်လင့်ချက်ဖြစ်သည်။

သို့သော် မူးယစ်ဆေးဝါး နှိမ်နင်းတိုက်ဖျက်ရေးနှင့် ပတ်သက်လျှင် များစွာ တက်ကြွကာ အကူအညီ အထောက်အပံ့များ အချိန်မဆိုင်း ပေးလေ့ရှိသည့် အမေရိကန်အစိုးရသည်ပင်လျှင် ယခုနောက်ပိုင်း အသံတိတ်နေခြင်းက သမ္မတဦးဝင်းမြင့်၏ အဓိက ဦးစားပေး လုပ်ငန်းများ အကောင်အထည်ဖော်ရာတွင် မိမိတို့ပြည်တွင်းအင်အားကိုသာ အားကိုးရမည့်သဘောဟု ဆိုနိုင်သည်။

မည်သို့ပင်ဖြစ်စေ ပြည်ပနိုင်ငံများတွင် မူးယစ်ဆေးဝါး အလုံးအရင်း ဖမ်းဆီးရမိသည့်အခါမှ မြန်မာနိုင်ငံအတွင်းမှ မူးယစ်ဆေးဝါး ထုတ်လုပ်နေသော နေရာများကို မြေပုံတွင် အတိအကျ ဖော်ပြ၍ ထွက်ပေါ်လာခြင်းသည် တစ်နည်းအားဖြင့် ငါးပိသည်က အိပ်နေပြီး ဆားသည်က ခွေးမောင်းသကဲ့သို့ဖြစ်နေသောကြောင့် မြန်မာနိုင်ငံမှ ငါးပိသည်နှင့်တူသော မူးယစ်ဆေးဝါး နှိမ်နင်းကာကွယ်ရေးနှင့် ဆက်စပ်အဖွဲ့အစည်းများ၏ အရည်အချင်း၊ စွမ်းဆောင်ရည်နှင့် တာဝန်ယူ၊ တာဝန်ခံ၊ တာဝန်သိစိတ်ကို ပြန်လည် ဆန်းစစ်သုံးသပ်ကာ အချိန်မီ ပြုပြင်နိုင်စေကြောင်း ယုံကြည်မျှော်လင့်အပ်ပေသည်။

အယ်ဒီတာ (၆-၆-၂၀၁၈)