News

POST TYPE

EDITORIAL

တက္ကသိုလ်များကို လွတ်လပ်ခွင့်ပေးပါ (Daily, Vol-6/No-46)
03-Jun-2018

ပြီးခဲ့သော ရက်ပိုင်းအတွင်း ပညာရေးဝန်ကြီးဌာနက တက္ကသိုလ် ပရိဝုဏ်များအတွင်း ဟောပြော၊ ဆွေးနွေးပွဲများ ကျင်းပပြုလုပ်ခြင်းဆိုင်ရာ ကန့်သတ်ချက်များ ထုတ်ပြန်ခဲ့ခြင်းနှင့် ယင်းထုတ်ပြန်ချက်နှင့်ပတ်သက်ပြီး အွန်လိုင်းလူမှုကွန်ရက်ပေါ်တွင် ဝေဖန်ကန့်ကွက်သံများ ပြင်းထန်ဆူညံသွားခဲ့ပြီးနောက် ယင်းကြေညာချက် ပယ်ဖျက်ကြောင်း ထပ်မံ ထုတ်ပြန်လိုက်ရသည်။

ပြီးခဲ့သည့်လက ရန်ကုန်တက္ကသိုလ်အတွင်း လက်ဝဲဝါဒ၏ ခေါင်းကိုင်ဖခင်ကြီး ကားလ်မတ်ခ်၏ မွေးနေ့ အထိမ်းအမှတ် ဟောပြောဆွေးနွေးပွဲ ကျင်းပခဲ့ခြင်းကို ဝေဖန်ပြောဆိုမှုများ ကျယ်ကျယ်ပြန့်ပြန့် ထွက်ပေါ်လာခဲ့ပြီးနောက် အဆိုပါ ကြေညာချက်များ ထုတ်ပြန်ခဲ့ခြင်းဖြစ်သည်။

ယင်းသို့ ပညာရေးဝန်ကြီးဌာန၏ ပြဿနာအပေါ် ချဉ်းကပ်၊ သုံးသပ်၊ ဖြေရှင်းပုံ နည်းလမ်းနှင့်ပတ်သက်၍ အွန်လိုင်းလူမှုကွန်ရက်ပေါ်တွင် ပြင်းပြင်းထန်ထန် ဝေဖန်ကြသည့်အခါ ဒေါ်အောင်ဆန်းစုကြည် အာဏာမရခင်က ကျောင်းသားများ နိုင်ငံရေးလှုပ်ရှားမှုကို ထောက်ခံအားပေးခဲ့သောစကားကို ကိုးကား၍ မှတ်ချက်ပေးခဲ့ကြခြင်းက တစ်ရှက်က နှစ်ရှက် ဖြစ်သွားစေခဲ့သည်။

ယခုနောက်ပိုင်း လက်ရှိ အာဏာရအစိုးရ၏ စီမံခန့်ခွဲဆောင်ရွက်မှု အလွဲအချော်များ သို့မဟုတ် ယခင်အာဏာရှင်အစိုးနှင့် အရပ်သားတစ်ပိုင်း အစိုးရများ၏ လုပ်နည်းလုပ်ဟန်အတိုင်း ဗဟိုချုပ်ကိုင်မှုဆန်သော စီမံခန့်ခွဲမှုပုံစံများကို မြင်တွေ့တိုင်း ဒီမိုကရေစီခေါင်းဆောင်ဘဝ အာဏာမရခင်က ဒေါ်အောင်ဆန်းစုကြည် ပြောဆိုခဲ့သော မိန့်ခွန်းများ၊ စကားများနှင့် ဆန့်ကျင်ဘက်ဖြစ်နေခြင်းကို မကြာခဏဆိုသလို မီးမောင်းထိုးပြကာ နှိုင်းယှဉ်လာကြသည်။

ထိုအချက်သည်ပင်လျှင် ထိုကဲ့သို့ နှိုင်းယှဉ်ခံရစေရန် အလွဲအချော် သို့မဟုတ် ဗဟိုချုပ်ကိုင်မှုဆန်သော ဝန်ကြီးဌာနများ၊ ယင်းတို့ကို အုပ်ချုပ်စီမံ ခန့်ခွဲနေသည့် အစိုးရအဖွဲ့ သို့မဟုတ် နိုင်ငံတော် အတိုင်အပင်ခံကို တစ်နည်းတစ်ဖုံ သိက္ခာချသကဲ့သို့ ဖြစ်နေပေသည်။

အထူးသဖြင့် ယခုကဲ့သို့ အလွဲအချော် လုပ်ရပ်များ၊ ဗဟိုချုပ်ကိုင်မှု သို့မဟုတ် အာဏာရှင်ဆန်သော စီမံဆောင်ရွက်မှုများက ဒီမိုကရေစီ ခေါင်းစဉ်အောက်တွင် ပြည်သူလူထုကို ဒီမိုကရေစီရရှိရေးအတွက် ကိုယ်ကျိုးစွန့် အနစ်နာခံလာခဲ့ကြသော ခေါင်းဆောင်နှင့်ပါတီအပေါ် တစ်နေ့တခြား ပို၍ အထင်လွဲစရာ ဖြစ်လာနေခြင်းကို အထူးသတိပြုသင့်လှသည်။

ပညာရေးဝန်ကြီးဌာန၏ လတ်တလော ကြုံတွေ့ခဲ့ရသော ပြဿနာသည် အရည်အချင်း ကိုက်ညီမှုမရှိသော လူပုဂ္ဂိုလ်များကို တာဝန်ပေးခြင်း၏ နောက်ဆက်တွဲ ပြဿနာတစ်ခုဟု အပေါ်ယံအားဖြင့် ဆိုနိုင်သော်လည်း သေချာတွေးကြည့်လျှင် ပညာရေးလောကကို ယနေ့အချိန်အထိ ဒီမိုကရေစီစံနှုန်းနှင့်ညီသော ပြုပြင်ပြောင်းလဲရေး မစတင်နိုင်သေးခြင်းက အဓိက ပြဿနာဖြစ်သည်။

မြန်မာနိုင်ငံတွင် ယနေ့အချိန်ထိ နိုင်ငံတစ်ဝန်းရှိ တက္ကသိုလ်၊ ကောလိပ်၊ သိပံ္ပများအားလုံး အစိုးရဝန်ကြီးဌာနများအောက်တွင် ရှိနေခြင်းမှာ ဖွံ့ဖြိုးပြီး နိုင်ငံများ အပါအဝင် အခြားသော ဒီမိုကရေစီနိုင်ငံများနှင့် အဓိက ကွာခြားနေသော အချက်ဖြစ်သည်။

အစဉ်အလာ ကြီးမားခဲ့သော ရန်ကုန်တက္ကသိုလ်သည် ယခင်က အရှေ့တောင်အာရှဒေသတွင် သာမက အာရှနှင့် နိုင်ငံတကာ တက္ကသိုလ် အသိုင်းအဝိုင်းကပါ အသိအမှတ်ပြုခံခဲ့ရခြင်းမှာ လွတ်လပ်၍ အမှီအခိုကင်းသော တက္ကသိုလ်ကောင်စီက စီမံခန့်ခွဲအုပ်ချုပ်ခဲ့ခြင်း၏ အကျိုးရလဒ်အဖြစ် ဗိုလ်ချုပ်အောင်ဆန်း၊ ဦးနုတို့ကဲ့သို့ မြန်မာ့ခေါင်းဆောင်များအပြင် ဦးသန့်ကဲ့သို့ ကမ္ဘာ့ခေါင်းဆောင်များပါ မွေးထုတ်ပေးနိုင်ခဲ့သည်။

နိုင်ငံတော် အတိုင်ပင်ခံ အပါအဝင် နိုင်ငံတကာရှိ လွတ်လပ်သော တက္ကသိုလ်များတွင် ပညာသင်ကြားခဲ့သော ပညာတတ်များ ထိပ်ပိုင်းစီမံခန့်ခွဲမှု နေရာတွင် ရောက်ရှိနေသော ယနေ့ကာလမျိုးတွင် ယခင်အာဏာရှင် စနစ်အတိုင်း တက္ကသိုလ်များကို ဗဟိုချုပ်ကိုင်ထားသောစနစ်မှ လွတ်လပ်ခွင့် ပေးလိုက်ခြင်းဖြင့် အထက်ဆိုခဲ့ပါ ပြဿနာများ ကင်းလွတ်သွားနိုင်ကြောင်း မီးမောင်းထိုး ဖော်ပြလိုရင်းဖြစ်သည်။

အယ်ဒီတာ (၃-၆-၂၀၁၈)