News

POST TYPE

EDITORIAL

ရွေးကောက်ပွဲ ကတိကို ဖြည့်ဆည်းပါ (Daily, Vol-6/No-44)
31-May-2018 tagged as ရွေးကောက်ပွဲ

လက်ရှိအစိုးရအနေနှင့် ရွေးကောက်ပွဲမတိုင်မီက ပြည်သူလူထုထံ တရားဝင် အသိပေးကြေညာထားသော ကတိကဝတ်များကို အဘယ်မျှ ဖြည့်ဆည်းပေးနိုင်ပြီနည်းဟု မေးစရာရှိသည်။ ထိုမေးခွန်းကို လက်တွေ့ ကြိုးစား အကောင်အထည် ဖော်နေလင့်ကစား အခက်အခဲ၊ ပြဿနာ၊ အနှောင့်အယှက်များစွာ ရှိနေကြောင်း ဖြေကြားမည်ဖြစ်သည်။

အစိုးရတာဝန်ဆိုသည်မှာ လွယ်လွယ်ဖြင့် ထမ်းဆောင်နိုင်သည့် အလုပ်မျိုး မဟုတ်သည့်အတွက် ဖော်ပြပါ အခြေအနေများကို မည်သည့် အစိုးရတက်လာသည်ဖြစ်စေ အနည်းနှင့် အများဆိုသလို ကြုံရမည်ဖြစ်သည်။ ထိုသို့ကြုံသည့်အခါ ရင်ဆိုင်ကျော်လွှာနိုင်ရေး အသုံးပြုမည့် နည်းလမ်းနှင့် ဗျူဟာမှာ များစွာအဓိက ကျသည်။

စနစ်ဟောင်းနှင့် အသားကျနေသော အုပ်ချုပ်ရေး ယန္တရားအတွင်း ဆယ်စုနှစ်များစွာ အမြစ်တွယ် လှိုက်စားနေသော အဂတိလိုက်စားမှု ပြဿနာ နောက်ကွယ်တွင် များစွာ ထုထည်ကြီးမားလှသည့် နိုင်ငံရေးပြဿနာများ ရှုပ်ထွေးလျက် ရှိနေခြင်းကြောင့် လွန်စွာ အကဲဆတ်လှသည်။ ထို့ကြောင့် အရေးယူ ကိုင်တွယ်ရာတွင်လည်း သတိကြီးကြီးထားရသောကြောင့် ပြည်သူအများ၏ အားမလို အားမရ ဖြစ်မှုများနှင့် ကြုံရတတ်သည်။

အထူးသဖြင့် အစိုးရပါးဝသော ဒီမိုကရေစီ အစိုးရများသည် ရွေးကောက်ပွဲ နီးလာသည်နှင့်အမျှ မဲဆန္ဒရှင် ပြည်သူများ ကျေနပ်မှုရရှိစေရန် မည်သို့ နေရာချ၊ ကစားကွက်ဖော် ကစားရသနည်းဆိုသောအချက်ကို ပိုင်နိုင်စွာ သိထားကြသည်။ အစိုးရ အတွေ့အကြုံ နုနယ်သေးသူနှင့် ပြည်သူ့ဆန္ဒကို အလေးမထားတတ်သော အစိုးရတို့မှာမူ အရေးကိစ္စများကို မပါးမနပ်၊ ကြမ်းကြမ်းတမ်းတမ်း ကိုင်တွယ်တတ်ကြသည်။

ကြားဖြတ် ရွေးကောက်ပွဲကာလ နီးလာသော်လည်း လက်ရှိ အာဏာရ အစိုးရအနေနှင့် ပြည်သူလူထုထံမှ ထောက်ခံဆန္ဒမဲများ ထပ်တိုးရရှိစေမည့် စီစဉ် ပြောဆိုမှု၊ လုပ်ကိုင်ဆောင်ရွက်မှု သိသိသာသာ မတွေ့ရဘဲ ယင်းနှင့် ဆန့်ကျင်ဘက်ဖြစ်နေသော ဆောင်ရွက်မှုအချို့ကိုသာ တွေ့ မြင်ရခြင်းမှာ ထူးခြားချက်ဖြစ်သည်။

ပြည်ထောင်စုအဆင့်မှသည် အောက်ခြေ အဆင့်ဆင့်အထိ လာဘ်ပေး၊ လာဘ်ယူမှု၊ အကျင့်ပျက်ခြစားမှု၊ အဂတိ လိုက်စားမှုများ တင်းကျမ်းပြည့်နေသောကြောင့် အာဏာရှင် အစိုးရအဆက်ဆက်၏ ဆိုးမွေသဖွယ် ဖြစ်နေသော အုပ်ချုပ်ရေးယန္တရားကို မြန်မာပြည်သူလူထု တစ်ရပ်လုံးက အမြင်မကြည်လင်ကြပေ။

အကယ်၍သာ လက်ရှိအစိုးရအနေနှင့် အဂတိလိုက်စားမှုများကို ထိရောက်စွာ ဖော်ထုတ်၊ အရေးယူနိုင်ပါလျှင် ပြည်သူလူထု၏ အားပေးထောက်ခံမှုများ အလိုအလျောက် ရလာနိုင်စရာ ရှိသည်။ ထို့အပြင် ထိုသို့ အရေးယူဆောင်ရွက်ခြင်းသည် ရွေးကောက်ပွဲမတိုင်မီ ပြည်သူလူထုကို ပေးအပ်ထားသော ကတိကဝတ်များ လက်တွေ့ အကောင်အထည်ဖော်ပေးသည့် သဘောလည်းဆောင်သည်။

သို့သော် အုပ်ချုပ်ရေးယန္တရားအတွင်းရှိ ဌာနဆိုင်ရာ အသီးသီးတွင် ထိပ်ဆုံး ရာထူးနေရာ အားလုံးနီးပါးကို ကိုင်တွယ်စီမံခန့်ခွဲနေကြသူများမှာ အရပ်သား၊ ပညာရှင်များ မဟုတ်ကြသည့်အတွက် ၎င်းတို့အား အစိုးရက တည်ဆဲနိုင်ငံ့ဝန်ထမ်းဆိုင်ရာ ဥပဒေများနှင့် ဝန်ထမ်း စည်းကမ်း၊ စည်းမျဉ်းများအတိုင်း ထိထိရောက်ရောက် ကြီးကြပ်ထိန်းမတ်ရမည်ဖြစ်သည်။

အထူးသဖြင့် နောက်ကွယ်ရှိ သူ့ဘက်၊ ကိုယ့်ဘက် အုပ်စုနိုင်ငံရေးများ၊ မရိုးမသား အောက်လမ်းနည်း နိုင်ငံရေးများ၊ လူပုဂ္ဂိုလ် နိုင်ငံရေးများ၊ လုပ်ပိုင်ခွင့် ရလိုမှုဆိုင်ရာ အခုအခံများ၊ ကိုယ်ကျိုးစီးပွား ကာကွယ်မှုများနှင့် လွတ်ကင်းနိုင်သမျှ ကင်းစေရန် ပါးနပ်လိမ္မာမှု အထူးလိုအပ်လှသည်။

များစွာရိုးရှင်းသော နည်းလမ်းမှာ မိမိလူယုံ၊ လူရင်းများကို ဗွေဆော်ဦး ခပ်စပ်စပ် ကိုင်တွယ်ဆောင်ရွက်လိုက်ခြင်းအားဖြင့် အခြား မည်သူ့ကိုမဆို ဥပဒေနှင့်အညီ၊ ကျူးလွန်ထားသော ပြစ်မှုအတိုင်းအတာ၊ ပမာဏ၊ အမျိုးအစားနှင့်အညီ ထိုက်တန်သော ပြစ်ဒဏ်ဖြင့် အရေးယူနိုင်မည်ဖြစ်သည်။ 

များစွာ အရေးကြီးသည့်အချက်မှာ အစိုးရအနေနှင့် သို့မဟုတ် နိုင်ငံတော် သမ္မတအနေနှင့် လက်ရှိ ဖွဲ့စည်းပုံအခြေခံဥပဒေပါ ပေးထားချက်အတိုင်း သို့မဟုတ် ပေးအပ်ထားသော အခွင့်အာဏာအတိုင်း မည်သူ့ကိုမဆို၊ မည်သည့်အဖွဲ့အစည်း၊ ဌာန၊ အရာထမ်း၊ အမှုထမ်းကိုမဆို ကျောသား၊ ရင်သား မခွဲခြားဘဲ ရဲရဲတင်းတင်း၊ ပြတ်ပြတ်သားသား ဆောင်ရွက်ခြင်းအားဖြင့် အနိမ့်ဆုံးအဆင့် ရွေးကောက်ပွဲကတိကို ဖြည့်ဆည်းရာရောက်ကြောင်း သိစေလိုရင်းဖြစ်သည်။

အယ်ဒီတာ (၃၁-၅-၂၀၁၈)