News

POST TYPE

EDITORIAL

အကျင့်ပျက်ခြစားမှု တိုက်ဖျက်ရေး အရေးယူဆောင်ရွက်မှု မျှတပါ၏လော (Daily, Vol-6/No-40)
27-May-2018 tagged as

သမ္မတသစ် ပြောင်းလဲပြီးနောက် ၎င်း၏ ပထမဦးဆုံး မိန့်ခွန်းပါအတိုင်း အုပ်ချုပ်ရေး ယန္တရားအတွင်း အကျင့်ပျက်ခြစားမှုများကို ကိုင်တွယ် အရေးယူလာခဲ့ရာ လူသိထင်ရှား ကိစ္စရပ်နှစ်ခု ပေါ်ပေါက်လာခဲ့သော်လည်း သို့လော၊ သို့လော ဝေဖန်ပြောဆိုမှုများလည်း ထွက်ပေါ်လျက်ရှိသည်။

ထို့အတူ ယခင်အစိုးရလက်ထက်နှင့် ပြီးခဲ့သော သမ္မတဦးထင်ကျော်လက်ထက်က ငြိမ်ချက်သား ကောင်းနေခဲ့သော အဂတိလိုက်စားမှု တိုက်ဖျက်ရေး ကော်မရှင် သိသာစွာ အလုပ်လုပ်လာခဲ့သော်လည်း သူ့လူ၊ ကိုယ့်လူ ခွဲခြား အရေးယူ ဆောင်ရွက်မှုများ ရှိနေသလောဟူသည့် ဝေဖန်မှုနှင့် ရင်ဆိုင်နေရပေသည်။

အားလုံးသိကြသည့်အတိုင်း FDA ခေါ် အစားအသောက်နှင့် ဆေးဝါးကွပ်ကဲရေး ဦးစီးဌာန ညွှန်ကြားရေးမှူးချုပ်ကို လာဘ်ပေး၊ လာဘ်ယူမှု ခေါင်းစဉ်ဖြင့် ဖမ်းဆီးကာ ရုံးတင်စစ်ဆေးလျက် ရှိသော်လည်း ထိုခေါင်းစဉ်အောက်တွင်ပင် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးကိုမူ ရာထူးမှ နုတ်ထွက်စေခြင်းဖြင့်သာ အရေးယူခြင်းကိုနှိုင်းယှဉ်ကာ ဝေဖန်မှုများ ထွက်ပေါ်နေခြင်း ဖြစ်သည်။

ဒီမိုကရေစီစနစ်သို့ အသွင်ကူးပြောင်းရာတွင် အစိုးရ၏ရည်ရွယ်ချက်၊ ရည်မှန်းချက်များ လက်တွေ့ အကောင်အထည်ဖော်ရာတွင် အဓိကနေရာ၌ ရှိနေသည်မှာ အုပ်ချုပ်ရေး ယန္တရားဖြစ်သည်။ ယင်းယန္တရား၏ အရည်အချင်း၊ စွမ်းဆောင်ရည်နှင့် ဖြောင့်မတ်ရိုးသားမှုရှိရေးကို ကြီးစွာ အနှောင့်အယှက်ပေးနေသည်မှာ အကျင့်ပျက်ခြစားမှုဖြစ်သည်။

သမ္မတသစ်က အကျင့်ပျက်ခြစားမှု တိုက်ဖျက်ရေး လက်တွေ့လုပ်ငန်းစဉ်များ အကောင်အထည် ဖော်လာခြင်းကြောင့် ဝန်ကြီးအဆင့်သာမက အောက်ခြေအဆင့်ဆင့်ရှိ အရာထမ်း၊ ဝန်ထမ်းကြီးငယ် အားလုံး သတိပေးလိုက်သကဲသို့ဖြစ်ပြီး ဌာနဆိုင်ရာ အများစုတွင် လုပ်ငန်းဆောင်ရွက်မှုများ ယခင်ထက် လျင်မြန်အဆင်ပြေလာသည်ကို တွေ့ရသည်။

သို့သော် အရေးယူဆောင်ရွက်မှုသည် သူ့လူ၊ ငါ့လူ၊ အုပ်စုမတူသူများ အကြား ခွဲခြားဆက်ဆံမှု၊ အလေး အပေါ့ အရေးယူမှု၊ မျက်နှာသာပေးမှုများရှိနေ ကြောင်း ဝေဖန်ပြောဆိုမှုများ မဟုတ်မမှန်ကြောင်း သို့မဟုတ် လုပ်ငန်းဆောင်ရွက်မှု သဘောသဘာဝများကို အများပြည်သူသိရှိစေရန် ပွင့်လင်းမြင်သာစွာ ထုတ်ပြန် ရှင်းလင်းရန် တာဝန်ရှိပေသည်။

ညွှန်ကြားရေးမှူးချုပ်အဆင့် နိုင်ငံ့ဝန်ထမ်းတစ်ဦးနှင့် ပြည်ထောင်စု ဝန်ကြီးအဆင့် နိုင်ငံရေး ရာထူးတာဝန်ရှိသူ တစ်ဦးအကြား အကျင့်ပျက်ခြစားမှု ခေါင်းစဉ်ဖြင့် အရေးယူ ဆောင်ရွက်ရာတွင် လုပ်ထုံး၊ လုပ်နည်းအရ ကွာခြားချက်ရှိနိုင်သော်လည်း အများပြည်သူ မသိရှိနိုင်သဖြင့် ယခုကဲ့သို့ ဝေဖန်မှုများ ထွက်ပေါ်နေခြင်းဖြစ်သည်။

ဆိုလိုသည်မှာ နိုင်ငံတော်သမ္မတက တိုက်ရိုက်ခန့်ထားနိုင်သော ညွှန်ချုပ်တစ်ဦးကို အရေးယူရာတွင် တိုက်ရိုက်ဖမ်းဆီးနိုင်သော်ငြား လွှတ်တော်၏အတည်ပြုချက်ဖြင့် ခန့်ထားတာဝန်ပေးထားသည့် ပြည်ထောင်စုအဆင့် ဝန်ကြီးတစ်ဦးကို အရေးယူရာတွင်မူ သီးခြားလုပ်ငန်းစဉ်များ ရှိနေသည့်အတွက် ပထမဦးစွာ နုတ်ထွက်ခွင့်ပြုခြင်းကို အများပြည်သူက တွေ့မြင်ရသည့်သဘောကို ဆိုလိုသည်။

အဆိုပါကိစ္စကို အရေးယူ ကိုင်တွယ်ဆောင်ရွက်နေသော အဂတိလိုက်စားမှု တိုက်ဖျက်ရေးကော်မရှင် အနေနှင့်သော်လည်းကောင်း နိုင်ငံတော်သမ္မတရုံး အနေနှင့်သော်လည်းကောင်း မည်သို့အဆင့်ဆင့် အရေးယူ ဆောင်ရွက်နေကြောင်း အများပြည်သူကို ထုတ်ပြန်ရှင်းလင်းနိုင်ခြင်း မရှိပါက အချိန်ကြာလာသည်နှင့်အမျှ နိုင်ငံရေး အင်အားစုများအကြား၊ နိုင်ငံတော်၏အဓိက ပလေယာများအကြား၊ အများပြည်သူများအကြား နားလည်မှုလွဲစရာ၊ အထင်မြင်မှားစရာများ လှိုင်းထကာ စေတနာမှ ဝေဒနာဖြစ်သွားနိုင်ကြောင်း သတိပေး ထောက်ပြလိုရင်းဖြစ်သည်။

အယ်ဒီတာ (၂၇-၅-၂၀၁၈)

  • TAGS