News

POST TYPE

EDITORIAL

ညှိနှိုင်းအဖြေရှာ အစိုးရနှစ်ရပ် ပြဿနာ (Daily, Vol-6/No-34)
20-May-2018 tagged as

မြန်မာနိုင်ငံတွင် အစိုးရနှစ်ဖွဲ့ရှိနေသကဲ့သို့ အခြေအနေများကြောင့် ပြည်တွင်း၊ ပြည်ပ ရင်းနှီးမြှုပ်နှံသူများ၊ နိုင်ငံတကာ အဖွဲ့အစည်းများအပြင် လူသားချင်းစာနာမှု အထောက်အပံ့ အကူအညီပေးသူများပါ အခက်အခဲများရှိနေကြောင်း ဝေဖန်ပြောဆိုမှုများ မြင့်တက်လျက် ရှိနေသည်။ ယင်းအချက်သည် ဖိအားများအောက်တွင် အသည်းအသန် ရုန်းကန်နေရသော နိုင်ငံတစ်ခု ဖွံ့ဖြိုးတိုးတက်ရေး မဆိုထားနှင့် လုပ်ငန်းများ ပုံမှန်အတိုင်း လည်ပတ်နိုင်ရေးအတွက်ပင် အဟန့်အတား ဖြစ်သွားနိုင်ပေသည်။

ဖွဲ့စည်းပုံ အခြေခံဥပဒေအရမူ နိုင်ငံတော် သမ္မတသည် အစိုးရအဖွဲ့၏ အကြီးအကဲဖြစ်ပြီး နိုင်ငံတော် အုပ်ချုပ်စီမံခန့်ခွဲမှု အားလုံးကို တာဝန်ယူထားသည့်အပြင် လွှတ်တော်ကိုလည်း တာဝန်ခံထားသူဖြစ်သည်။ သို့သော်လက်တွေ့အားဖြင့်မူ အုပ်ချုပ်ရေးဆိုင်ရာ ကိစ္စအဝဝကို ပြည်ထဲရေး ဝန်ကြီးဌာနအောက်ရှိ အထွေထွေ အုပ်ချုပ်ရေးဦးစီးဌာနက တာဝန်ယူ စီမံခန့်ခွဲလျက် ရှိနေသည်။

ထို့အတူ နယ်စပ်ဒေသနှင့် တိုင်းရင်းသားများ နေထိုင်ရာ ပြည်နယ်အချို့တွင် ဖြစ်ပေါ်နေသော တပ်မတော်နှင့် တိုင်းရင်းသား လက်နက်ကိုင်အဖွဲ့များအကြား ဖြစ်ပွားနေသော တိုက်ပွဲများကိုလည်း ကာကွယ်ရေး ဝန်ကြီးဌာန သို့မဟုတ် တပ်မတော် ကာကွယ်ရေး ဦးစီးချုပ်က အမိန့်ပေး ကွပ်ကဲလျက်ရှိသည်။

ပြည်ထဲရေး ဝန်ကြီးဌာနအောက်ရှိ မြန်မာနိုင်ငံ ရဲတပ်ဖွဲ့၏ ယနေ့ ဆောင်ရွက်လုပ်ကိုင်မှု အားလုံးသည် ပြည်ထောင်စုအဆင့်မှသည် သက်ဆိုင်ရာ ပြည်နယ်နှင့် တိုင်းဒေသ အသီးသီးရှိ အစိုးရအဖွဲ့၏ စီမံခန့်ခွဲမှုအောက်တွင် ရှိနေသလော၊ တပ်မတော် ကာကွယ်ရေး ဦးစီးချုပ်က အဆိုပြုခန့်ထားသည့် ပြည်ထဲရေးဝန်ကြီး၏ အမိန့်အာဏာကို လိုက်နာနေရသလော ကွဲပြားမှုမရှိပေ။

ထိုသို့ ဝိဝါဒဖြစ်စရာ အခြေအနေနှင့်ပတ်သက်၍ ဝေဖန်ထောက်ပြမှုများ ရှိလာခြင်းကြောင့် တည်ဆဲ ဖွဲ့စည်းပုံ အခြေခံဥပဒေအရ တပ်မတော်နှင့် ပြည်ထဲရေးဝန်ကြီးဌာနသည် နိုင်ငံတော်သမ္မတ၏ စီမံခန့်ခွဲမှုအောက်တွင်ရှိနေကြောင်း တပ်မတော်ကာကွယ်ရေးဦးစီးချုပ် ကိုယ်တိုင် ထုတ်ဖော်ပြောဆိုလာရသည်အထိ ဖြစ်သွားခဲ့သည်။ 

ပြည်ပနိုင်ငံအသီးသီးမှ အစိုးရအဖွဲ့ ထိပ်တန်းပုဂ္ဂိုလ်များ၊ ကုလသမဂ္ဂလက်အောက်ခံ အဖွဲ့အစည်းအသီးသီးမှ အထူးကိုယ်စားလှယ်များ၊ နိုင်ငံတကာ အဖွဲ့အစည်းများမှ တာဝန်ရှိ ပုဂ္ဂိုလ်များ၏ မြန်မာနိုင်ငံ ခရီးစဉ်တွင်လည်း အစိုးရအကြီးအကဲများအပြင် တပ်မတော်ကာကွယ်ရေးဦးစီးချုပ်နှင့်ပါ သီးသန့် တွေ့ဆုံမှုများ ရှိနေခြင်းမှာလည်း ပုံမှန်မဟုတ်သော ပရိုတိုကောလ်ခေါ် နိုင်ငံရေး၊ သံတမန်ရေး ဆက်ဆံမှု အဆင့်အတန်းကို ပြသနေသကဲ့သို့ ရှိသည်။

တပ်မတော်တွင် ဗိုလ်ချုပ်ကြီး အဆင့်အထိ တာဝန်ထမ်းဆောင်ခဲ့သူ ဦးသိန်းစိန် နိုင်ငံတော်သမ္မတအနေနှင့် ဦးဆောင်သော အစိုးရလက်ထက်က အစိုးရအဖွဲ့ နှစ်ဖွဲ့ရှိနေကြောင်း ဝေဖန်ပြောဆိုမှုမရှိခဲ့ဘဲ အရပ်သားစစ်စစ် သမ္မတဖြစ်လာချိန်မှ အသံထွက်လာခြင်းမှာလည်း များစွာ စဉ်းစားသုံးသပ်ဖွယ် ဖြစ်သည်။

စင်စစ်အားဖြင့် တပ်မတော် ကာကွယ်ရေး ဦးစီးချုပ် ပြောဆိုသကဲ့သို့ လက်ရှိ ဖွဲ့စည်းပုံ အခြေခံဥပဒေအရ နိုင်ငံတော်သမ္မတသည် တပ်မတော်ကို အမိန့်ပေးနိုင်သည်ဟု ဆိုသော်ငြား အကျိုးစီးပွားများ၊ ပုဂ္ဂိုလ်ရေးကဲသော နိုင်ငံရေးများ၊ ခွဲခြားဆက်ဆံမှုများ၊ မိမိတို့ကိုယ်ကို တံတိုင်းခတ်သီးခြားနေမှုများ၊ အာဏာခွဲဝေမှုနှင့် သယံဇာတ ခွဲဝေမှုဆိုင်ရာ ပြဿနာ များစွာ၊ ရှုပ်ထွေးမှုများစွာဖြင့် ၁၉၄၈ ခုနှစ်မှ လက်ရှိ အချိန်အထိတိုင် သေနတ်သံ မစဲသေးသော ပြည်တွင်းစစ် တိုက်ပွဲများကို မည်သူ အမိန့်ပေးနေသနည်းဆိုခြင်းမှာ ပြောရခက်လှသည်။

ထို့အတူ ပြည်ထဲရေး ဝန်ကြီးဌာန၏ အချို့သော ကိစ္စရပ်များအပေါ် ကိုင်တွယ်ဆောင်ရွက်မှုများမှာလည်း နိုင်ငံတော်သမ္မတ ဦးဆောင်သော အစိုးရအဖွဲ့၏ သဘောတူညီချက်ဖြင့်လော၊ ပြည်ထဲရေးဝန်ကြီး သို့မဟုတ်၊ ရဲချုပ် သို့မဟုတ် တပ်မတော်ထံမှ အမိန့် ညွှန်ကြားချက်ဖြင့်လော အငြင်းပွား၊ စဉ်းစားသုံးသပ်ဖွယ် ဖြစ်နေပေသည်။

မည်သို့ပင်ဖြစ်စေ အစိုးရနှစ်ရပ် ရှိနေသလောဟူသည့် အငြင်းပွားဖွယ်၊ သို့လော၊ သို့လော စဉ်းစားဖွယ် ဖြစ်နေခြင်းသည် ဒီမိုကရေစီ အသွင်ကူးပြောင်းစ နုနုနယ်နယ်နိုင်ငံတစ်ခု၊ ရခိုင်ပြဿနာကြောင့် ပြည်တွင်း၊ ပြည်ပ ဖိအားများဖြင့် ရင်ဆိုင်နေရသော နိုင်ငံတစ်ခု၊ နိုင်ငံသား အချင်းချင်းအကြား စည်းလုံးညီညွတ်မှု မရနိုင်သေးသော နိုင်ငံတစ်ခုအတွက် အပေါင်းလက္ခဏာ မဆောင်ခြင်းကြောင့် အဓိက ခေါင်းဆောင်များ၊ အင်အားစုများအကြား ရိုးသားဖြောင့်မတ်မှုရှိရှိ၊ ပွင့်လင်းမြင်သာမှုရှိရှိ ညှိနှိုင်း အဖြေရှာကြပါမည့်အကြောင်း တိုက်တွန်း အကြံပြုအပ်ပေသည်။

အယ်ဒီတာ (၂၀-၅-၂၀၁၈)

  • TAGS