News

POST TYPE

EDITORIAL

ကင်ဂျုံအန်းကို ကြည့်ပါ (Daily, Vol-6/No-20)
03-May-2018 tagged as

လတ်တလော ကချင်ပြည်နယ်တွင် ဖြစ်ပေါ်နေသော တိုက်ပွဲများနှင့်ပတ်သက်၍ သဘောမတူ ကန့်ကွက်သူများနှင့် ထောက်ခံ၊ သဘောတူသူတို့အကြား အငြင်းပွားမှုများ ဖြစ်ပေါ်လျက်ရှိသည်။

ကချင်ပြည်နယ်အတွင်း ကေအိုင်အေခေါ် ကချင်လွတ်မြောက်ရေးတပ်နှင့် မြန်မာ့တပ်မတော်တို့အကြား ဖြစ်ပွားနေသော တိုက်ပွဲများကြောင့် ဒေသခံ အပြစ်မဲ့ပြည်သူများ အတိဒုက္ခ ရောက်နေကြရသောကြောင့် စစ်ပွဲများ ရပ်တန့်ပေးရန် ဆန္ဒပြပွဲများ၊ စစ်ဘေးရှောင်များအပေါ် အကူအညီပေးနိုင်ရန် အလှူငွေ ကောက်ခံမှုများ တွေ့မြင်ရသည်။

ထိုအခြေအနေတွင် ယေဘုယျအားဖြင့် စစ်ကိုလိုလားသူနှင့် မလိုလားသူ အုပ်စုနှစ်စုအကြား ပြင်းထန်သော စကားလုံး တိုက်ပွဲများလည်း အွန်လိုင်း လူမှုကွန်ရက်ပေါ်တွင် ဖြစ်ပေါ်လျက်ရှိသည်။ 

စစ်ကိုလိုလားသူများသည် ကေအိုင်အေတို့၏ မရိုးဖြောင့်သော လုပ်ရပ်ကြောင့် တပ်မတော်က ထိုးစစ်ဆင်နွှဲရခြင်းမှာ တရားသည်၊ ကေအိုင်အေကို အမြစ်ပြတ် ချေမှုန်း သင့်သည်ဟူသော ရှုထောင့်မှ ရပ်ခံကြသည်။ ထိုအုပ်စုတွင် အများအားဖြင့် တပ်မတော်ကို ပုံမှန် ထောက်ခံလာခဲ့သူ အများစုနှင့် အမျိုးသားရေးခေါင်းစဉ်အောက်မှ ကြမ်းရှသော စကားလုံးများဖြင့် တင်းတင်းမာမာ ရှိသူများ ပါဝင်သည်။

ထို့အပြင် နိုင်ငံရေးပါတီ အလံအချို့အောက်မှ လက်ရှိအာဏာရပါတီနှင့် သဘောထား ကွဲလွဲသူများ၊ ယခင်က တပ်မတော်နှင့် ထိပ်တိုက်တွေ့လာခဲ့သူများ ဖြစ်လင့်ကစား လက်ရှိတွင် တပ်မတော်၏ အားကိုယူကာ နိုင်ငံရေး အသက်ဆက်ရန် ကြိုးစားနေသူများလည်း ဤအုပ်စုတွင် ပါဝင်သည်။

စစ်ကို မလိုလားသူအုပ်စုတွင်မူ ကချင်ပြည်နယ်တွင် ကေအိုင်အေ လက်နက်ကိုင်တပ်ကို နိုင်ငံရေးအရ ဦးဆောင်၊ ပံ့ပိုး၊ ကူညီနေသည်ဟု ယူဆဖွယ်ရာ ရှိသည့် အဖွဲ့အစည်းတစ်ခု၏ စည်းရုံးမှုအောက်မှ ယခင် စစ်အစိုးရ လက်ထက် က ဖိနှိပ်၊ ရက်စက်မှုများ၊ ခွဲခြားဆက်ဆံမှုများ၊ မူးယစ်မှိုင်းတိုက် ဖျက်ဆီးမှုများကို ခါးခါးသီးသီး ခံခဲ့ရသောကြောင့် နာကြည်းမုန်းတီးမှုတို့ လက်ဆင့်ကမ်း ခံလာရသူများ၊ မည်သည့်ဒေသ၊ လူမျိုး၊ ဝါဒ၊ ကိုးကွယ်မှု ခေါင်းစဉ်အောက်မျှမရှိဘဲ စစ်ဝါဒနှင့် စစ်ပွဲများကို ဆန့်ကျင်သူများနှင့် နိုင်ငံရေး ရည်မှန်းချက် သို့မဟုတ် နိုင်ငံရေး ပယောဂမကင်းသော စစ်ဆန့်ကျင်သူများ စသည်ဖြင့် ပါဝင်သည်။

စင်စစ်အားဖြင့် မည်သည့်ခေါင်းစဉ်အောက်တွင် ရှိနေသည်ဖြစ်စေ၊ လက်နက်ကိုင်အဖွဲ့တစ်ဖက်ဖက်တွင် မည်သို့သော မရိုးမသား ရည်ရွယ်ချက်၊ ကြံစည်မှုများ ရှိနေသည်ဖြစ်စေ ငြိမ်းချမ်းရေးနှင့် ဆန့်ကျင်ဘက် ဖြစ်နေသည့် စစ်ပွဲများကို အားပေးထောက်ခံခြင်းမှာ ယဉ်ကျေးသော လူ့အဖွဲ့အစည်း၏ စရိုက်လက္ခဏာ မဟုတ်ပေ။

ကိုရီးယားကျွန်းဆွယ် ပြဿနာအပြီး နှစ်ပေါင်းများစွာ ရန်သူတော်များအဖြစ် တံစောင်းစေးနှင့် မျက်ချေးဖြစ်လာခဲ့သည့်အပြင် မနေ့တစ်နေ့ကအထိ အပြန်အလှန် စစ်ပြင်၊ ရန်စောင်နေခဲ့ကြသော တောင်၊ မြောက် ကိုရီးယား နှစ်နိုင်ငံအကြားတွင်ပင် ချစ်ကြည်ရင်းနှီးသော ဆက်ဆံရေး ပြန်လည် ထူထောင်နေချိန်တွင် မြန်မာနိုင်ငံအတွင်းရှိ တိုင်းရင်းသား အချင်းချင်းအကြား သူသေ၊ ကိုယ်သေ တိုက်ခိုက်သတ်ဖြတ်နေကြခြင်း၊ ယင်းကို အားပေးထောက်ခံနေကြခြင်းမှာ ရှက်စရာ ကောင်းလှသည်။ 

ကမ္ဘာ့အဆိုးရွားဆုံး အာဏာရှင်နိုင်ငံ စာရင်းဝင် မြောက်ကိုရီးယားနိုင်ငံနှင့် နာမည်ဆိုးဖြင့် ကျော်ကြားနေသော ကင်ဂျုံအန်းကဲ့သို့ အရက်စက်ဆုံး အာဏာရှင် တစ်ဦးသည်ပင်လျှင် ၎င်း၏ နိုင်ငံရေး အကျိုးအမြတ်အတွက်သော်လည်းကောင်း၊ မြောက်ကိုရီးယား ပြည်သူများ အေးချမ်းသာယာရေးအတွက်သော်လည်းကောင်း ငြိမ်းချမ်းရေးကို ရှေးရှုသော အပေါင်းလက္ခဏာ အပြောင်းအလဲများ ဆောင်ကြဉ်းနိုင်သေးလျှင် မြန်မာနိုင်ငံအတွင်းမှ ကေအိုင်အေ အပါအဝင် တိုင်းရင်းသား လက်နက်ကိုင်အဖွဲ့များ အားလုံးနှင့် မြန်မာ့တပ်မတော်တို့အနေနှင့် မည်သည့်အတွက်ကြောင့် စစ်ပွဲမပါသော အပြောင်းအလဲ မဆောင်ကြဉ်းနိုင်ရသနည်းဟု မေးစရာရှိပေသည်။

မည်သို့ပင်ဖြစ်စေ စစ်သည်အင်အား၊ စစ်လက်နက်အင်အား များစွာ တောင့်တင်းကာ နျူကလီးယား လက်နက်ပိုင်ဆိုင်ထားသည်ဟုပင် ယူဆစရာ ရှိသည့် ကမ္ဘာ့ဆိုးသွမ်းလူမိုက်စာရင်းဝင် ကင်ဂျုံအန်းကို ပမာပြုကာ နှစ်ပေါင်း ခုနစ်ဆယ်ခန့် ကြာလာခဲ့သည့် ပြည်တွင်းစစ်ကိုလည်း တိုက်ပွဲဆင်နွှဲနေကြသူ လက်နက်ကိုင်အဖွဲ့အစည်း အသီးသီးအနေနှင့်လည်း ဒေသအကျိုး၊ ဒေသခံ ပြည်သူများ အကျိုးနှင့် မြန်မာနိုင်ငံသူ၊ နိုင်ငံသားအားလုံး အကျိုးအလို့ငှာ ပြဿနာများကို ရိုးသားဖြောင့်မတ်စွာ၊ ငြိမ်းချမ်းသော နည်းလမ်းဖြင့် ဖြေရှင်းကြပါမည့်အကြောင်း အကြံပြု တိုက်တွန်းအပ်ပေသည်။

အယ်ဒီတာ (၃-၅-၂၀၁၈)

  • TAGS