News

POST TYPE

EDITORIAL

လူထုကျန်းမာရေး စောင့်ရှောက်မှု သို့မဟုတ် စီမံခန့်ခွဲမှု ပြဿနာ (Daily, Vol-6/No-12)
24-Apr-2018

အရေးပေါ်လူနာများမှအပ သာမန်ဆေးကုသမည့် လူနာများ ရန်ကုန်ဆေးရုံကြီးတွင် ကုသမှုခံယူလိုပါက သက်ဆိုင်ရာ မြို့နယ်အဆင့် ဒေသန္တရကျန်းမာရေးဌာန၏ လွှဲစာတင်ပြရမည့် အစီအစဉ်ကို မကြာမီ အကောင်အထည်ဖော်ရန် ပြင်ဆင်နေကြောင်း သက်ဆိုင်ရာ တာဝန်ရှိသူတစ်ဦးက ထုတ်ဖော်ပြောဆိုလာခြင်းနှင့်ပတ်သက်၍ ဝေဖန်ပြောဆိုမှုများ မြင့်တက်လျက်ရှိသည်။

ရန်ကုန်ဆေးရုံကြီးတွင် လူနာနှင့် ဆရာဝန်၊ ကျန်းမာရေး ဝန်ထမ်းအချိုး မမျှဖြစ်နေပြီး သာမန်ရောဂါများကိုပါ လက်ခံကုသပေးနေရသောကြောင့် မလိုလားအပ်သော နောက်ဆက်တွဲ ပြဿနာများ လျော့နည်းသွားစေရန် ထိုသို့စီစဉ်ခြင်းဖြစ်သော်လည်း လူနာများ၏လွတ်လပ်စွာ ရွေးချယ်ကုသခွင့်ကို ကန့်သတ်လိုက်သည့် သဘောဟုလည်း ရှုမြင်မှုများရှိသည်။

ပုံမှန်အားဖြင့် သာမန်ရောဂါများကို မြို့နယ်အဆင့် ဒေသန္တရ ဆေးခန်းများတွင် နိုင်နင်းစွာ စောင့်ရှောက်ကုသမှု ပေးနိုင်သော်ငြား ရန်ကုန်မြို့လယ်ရှိ ရန်ကုန်ဆေးရုံကြီးသို့သာ လာရောက်ကုသမှု ခံယူနေကြခြင်းမှာ ဆေးရုံကြီးကို မနိုင်ဝန်ထမ်းခိုင်းသကဲ့သို့ ဖြစ်နေသည့်အပြင် တန်းစီတိုကင်နေရာ ရောင်းစားခြင်း၊ လူအဝင်အထွက် များပြားခြင်းကြောင့် ခိုးမှု၊ လိမ်လည်မှု၊ ငွေကြေးတောင်းခံမှုကဲ့သို့ ပြဿနာများ ကြုံတွေ့နေရခြင်းမှာ အမှန်ဖြစ်သည်။

ထို့ကြောင့် လွှဲစာစနစ်ကျင့်သုံးရန် စီစဉ်ခြင်းမှာ ယေဘုယျအားဖြင့် ဆီလျော်သည်ဟု ဆိုနိုင်သည်။ သို့သော် ရန်ကုန်ဆေးရုံကြီးသို့ မည်သည့်အတွက်ကြောင့် သာမန်ရောဂါများ လာရောက် ကုသနေကြသနည်း၊ မိမိတို့နှင့် အနီးဆုံး ဒေသန္တရ ကျန်းမာရေးဌာနများကို မည်သည့်အတွက်ကြောင့် အားမကိုးကြသနည်းဆိုသော အကြောင်းအရင်းများကို ဦးစွာစေ့ငုလေ့လာကြည့်ရန် လိုပေမည်။

ဆိုလိုသည်မှာ အောက်ခြေရှိ ဒေသန္တရကျန်းမာရေးဌာနများ၊ ကျေးလက် ကျန်းမာရေးဌာနများ အပါအဝင် အခြေခံပြည်သူ့ကျန်းမာရေး စောင့်ရှောက်မှု နယ်ပယ်တွင် ဝန်ထမ်းကြောင့်ဖြစ်စေ၊ ဆေးဝါး၊ ဆေးပစ္စည်းဆိုင်ရာ ကိရိယာ တန်ဆာပလာများ၏ အရည်အသွေး၊ အာနိသင်၊ စံချိန်စံညွှန်းအရဖြစ်စေ၊ လူသိနည်း၍ဖြစ်စေ၊ အိမ်နှင့် အလုပ်ခွင် သီးခြားဖြစ်နေခြင်းကြောင့်ဖြစ်စေ အားနည်းချက်၊ လိုအပ်ချက်များ ရှိနေခြင်းကြောင့် ဆေးရုံကြီးများသို့သာ သွားရောက်ကုသလိုကြခြင်းပေလောဟု စုံစမ်းဖော်ထုတ်ရမည်ဟု ဆိုလိုရင်း ဖြစ်သည်။

စစ်စစ်အားဖြင့် မြန်မာနိုင်ငံ၏ ပြည်သူ့ကျန်းမာရေးစောင့်ရှောက်မှု နယ်ပယ်သည် စနစ်ဆိုး၊ စည်းမျဉ်း၊ စည်းကမ်း၊ ဥပဒေအားနည်းချက်၊ ဥပဒေ ဘောင်ကျော်လုပ်ဆောင်မှု၊ အကျင့်ပျက်ခြစားမှု ဆက်ဆံရေးမပြေပြစ်မှု၊ နောက်ဆုံးပေါ် ဆေးပညာ၊ ကုထုံး၊ အကူကိရိယာပစ္စည်းဆိုင်ရာ ပုံမှန် အဆင့်မြှင့်တင်နိုင်မှု မရှိခြင်းတို့ကြောင့် ဆင်းရဲနွမ်းပါးသော ပြည်သူအချို့က မတတ်သာသည့်အဆုံး အားကိုးနေရသည့်အသွင် ဆောင်နေပေသည်။

ထို့ကြောင့် အစိုးရဆေးရုံများမှ ပင်စင်စားနှင့် လက်ရှိထမ်းဆောင်ဆဲ အထူးကုဆရာဝန်ကြီးများ၊ အစိုးရဆေးရုံများ၏ ခေါက်ရိုးကျိုးဝန်ဆောင်၊ ကုသမှုကိုသာ ထိတွေ့သင်ယူလာခဲ့သူ အဆင့်အလိုက် ရှိနေသော ကျန်းမာရေး လောကသားများပင် တာဝန်ယူ စောင့်ရှောက်ကုသပေးနေပြီး အစိုးရဆေးရုံများထက် အနည်းငယ်သာလွန်သယောင်ရှိသည့် ပုဂ္ဂလိကဆေးရုံများတွင်ပါ ဝန်နှင့်အား မမျှသည်အထိ  သွားရောက်ကုသမှု ခံယူနေကြခြင်းဖြစ်သည်။

မြန်မာ့ကျန်းမာရေးလောကတွင် ယနေ့ ကြုံတွေ့နေရသော အခက်အခဲ နှင့် ပြဿနာများကို လေ့လာကြည့်ပါက ကုသရေး၊ ဆေးဝါးနှင့် အထောက်အကူပြု ကိရိယာချို့တဲ့မှုများအပြင် ဘက်စုံထောင့်စုံ လေ့လာသုတေသန ပြုထားသော အချက်အလက်များကို အခြေခံသည့် စီမံခန့်ခွဲမှုဆိုင်ရာ ပြဿနာတစ်ရပ် အဖြစ်လည်း တွေ့မြင်ရမည်ဖြစ်သည်။

ထိုအတွက် ကြုံတွေ့လာရသည့် ပြဿနာ အခက်အခဲများကို ခေတ်နောက်ကျနေသော အစဉ်အလာ စဉ်းစားနည်းများဖြင့် ကြိုးနီစနစ် တိုးလာသကဲ့သို့ ချဉ်းကပ်ဖြေရှင်းခြင်းထက် အောက်ခြေအထိ ထဲထဲဝင်ဝင် ကွင်းဆင်းလေ့လာ သုတေသနပြုချက်များ၊ လူထုသဘောထားအမြင် စုဆောင်းခြင်းများ၊ နိုင်ငံတကာမှ ပြည်သူ့ကျန်းမာရေး စီမံခန့်ခွဲမှု ပညာရှင်များ၏ အကြံပြုချက် ရယူခြင်းများ၊ ကျန်းမာရေးအရာထမ်း၊ ဝန်ထမ်းများ၏ အတတ်ပညာ၊ ခံစားခွင့်၊ ရပိုင်ခွင့်၊ အဆောင်အယောင် မြှင့်တင်ပံ့ပိုးမှုများဖြင့် ခေတ်နှင့်အညီ လက်တွေ့ကျကျ ဖြစ်နိုင်ခြေရှိရှိ နည်းလမ်းများ အသုံးပြုဖြေရှင်းစေလိုကြောင်း အကြံပြု တိုက်တွန်းလိုရင်းဖြစ်သည်။

အယ်ဒီတာ (၂၄-၄-၂၀၁၈)