News

POST TYPE

EDITORIAL

စောင့်ကြည့်ရမည့် သမ္မတအသစ် (Daily, Vol-5/No-301)
28-Mar-2018 tagged as

နိုင်ငံတော်သမ္မတ ရွေးချယ်တင်မြှောက်ပွဲတွင် အများကြိုတင် မျှော်လင့်ထားသည့်အတိုင်း နိုင်ငံတော်သမ္မတဟောင်း ဦးထင်ကျော် နုတ်ထွက်သည့်နေ့တွင်ပင် ပြည်သူ့လွှတ်တော်ဥက္ကဋ္ဌ တာဝန်မှ နုတ်ထွက်စာတင်ခဲ့သူ ဦးဝင်းမြင့်ကို မဲအများစုဖြင့် တင်မြှောက်ခဲ့သည်။

ယင်းအခမ်းအနားကို တာဝန်ရှိသူများ တက်ရောက်လေ့လာကြသည်ဆိုသော်လည်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့ခြင်းမှာ ပို၍သေချာသော မဲများရရှိစေရန် မျက်နှာလာပြခြင်းဖြစ်သည်ဆိုသော သုံးသပ်မှုများလည်းရှိသည်။

ယခင် ၂၀၁၅ ခုနှစ် သမ္မတရွေးကောက်တင်မြှောက်စဉ်က မဲပေးသူ စုစုပေါင်း ၆၅၂ ဦး မဲပေးခဲ့ကြပြီး ဦးထင်ကျော်က ၃၆၀ မဲ၊ ဦးမြင့်ဆွေက ၂၁၃ မဲနှင့် ဦးဟင်နရီဗန်ထီးယူက ၇၉ မဲရရှိခဲ့သော်လည်း ယခုကျင်းပသော သမ္မတရွေးချယ်တင်မြှောက်ပွဲတွင်မူ မဲပေးသူ ၆၃၆ ဦးမဲပေးခဲ့ကြပြီး ဦးဝင်းမြင့်က ၄၀၃မဲ၊ ဦးမြင့်ဆွေက ၂၁၁ မဲနှင့် ဦးဟင်နရီဗန်ထီးယူက ၁၈ မဲ ရရှိခဲ့ခြင်းကိုကြည့်လျှင် အာဏာရပါတီက ဦးဝင်းမြင့်ကို ပုံအောမဲပေးခဲ့ခြင်းမှာ ထူးခြားချက်ဖြစ်သည်။

ထိုအချက်ကိုကြည့်ခြင်းအားဖြင့် သမ္မတရာထူးအတွက် ကြိုတင်လျာထားသော ဦးဝင်းမြင့် သမ္မတဖြစ်လာခြင်းသည် အစိုးရအဖွဲ့အတွင်း အပြောင်းအလဲများ ဖြစ်ပေါ်လာရန် သို့မဟုတ် အစိုးရအဖွဲ့ကို ယခင်ထက်ပို၍ ဖိဖိစီးစီးကိုင်တွယ်ရန် ကနဦး ခြေလှမ်းဟု မျှော်လင့်စရာ ရှိပေသည်။

အကြောင်းမှာ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ နိုင်ငံတော်သမ္မတ အသစ်တစ်ဦး ရွေးကောက်တင်မြှောက်ပြီးပါက ယခင်သမ္မတဟောင်းက ရွေးချယ်ခန့်အပ်ထားသော အစိုးရအဖွဲ့ဝန်ကြီးများ နေရာတွင် သမ္မတအသစ်က ၎င်း၏လူများဖြင့် အစားထိုး ခန့်အပ်နိုင်သောကြောင့်ဖြစ်သည်။

အခြားတစ်ဖက်တွင်လည်း မူလက လုပ်ငန်းတာဝန် အများအပြားကို နိုင်နင်းစွာ ကိုင်တွယ်ထမ်းဆောင်နိုင်မည်ဟု အထင်ဖြင့် နိုင်ငံတော်အတိုင်ပင်ခံ ရာထူးနှင့် နိုင်ငံခြားရေးဝန်ကြီးဌာန ဝန်ကြီးရာထူး အပါအဝင် မျိုးစုံထွေပြားသော ကော်မတီ၊ ကော်မရှင်များတွင် နာယက၊ ဥက္ကဋ္ဌ တာဝန်များစွာ ရယူထားသူ ဒေါ်အောင်ဆန်းစုကြည်သည် သက်တမ်း ၂ နှစ်ခွဲကို လက်တွေ့ ဖြတ်သန်းကြည့်သည့်အခါ ပြဿနာ၊ အခက်အခဲ၊ စိန်ခေါ်မှုများနှင့် ပြည်တွင်း၊ ပြည်ပ ဖိအား များစွာ ရင်ဆိုင်လာရသည့်အခါ အသက်အရွယ်အရ ကြီးစွာ ပင်ပန်းလာခြင်းကလည်း သမ္မတအသစ်ကို ၎င်း၏လုပ်ငန်း တာဝန်အချို့ လွှဲအပ်ဖွယ်ရှိမည့် အရိပ်အခြေ ရှိနေပေသည်။

များစွာ အရေးအကြီးဆုံး အချက်မှာ ပြည်ထောင်စု အစိုးရအဖွဲ့ဝင် ဝန်ကြီးအချို့၊ ပြည်နယ်နှင့် တိုင်းဒေသကြီး ဝန်ကြီးချုပ်အချို့၏ အခြေခံ အသိပညာ၊ လေ့လာသင်ယူမှု၊ အတွေ့အကြုံ၊ အရည်အချင်း၊ စွမ်းဆောင်ရည်နှင့် Political Will ခေါ် နိုင်ငံရေး စိတ်စေတနာတို့အပေါ် သက်ဆိုင်ရာ နယ်ပယ်နှင့် ပြည်သူလူထုက အားမလို အားမရ စိတ်ပျက်စပြုလာခြင်းဖြစ်သည်။

ထို့အပြင် အုပ်ချုပ်ရေး ယန္တရားအတွင်းမှ နှစ်ပေါင်းများစွာ ခေါက်ရိုးကျိုးနေခြင်းကြောင့်သော်လည်းကောင်း၊ တမင်ရည်ရွယ်ချက်ဖြင့် ကန့်လန့်တိုက်လို၍သော်လည်းကောင်း အစိုးရ၏ ပြည်သူလူထုအပေါ် ပေးအပ်ရမည့် ပြည်သူ့ရေးရာ ဝန်ဆောင်မှုများ၊ အချိန်ဆွဲမှု၊ နှောင့်နှေးကြန့်ကြာမှု၊ အကျင့်ပျက်ခြစားမှု၊ ပြည်သူအပေါ် မောက်မာခက်ထန်မှု၊ အခွင့်အာဏာ အလွဲသုံးမှု၊ မလျော်ဩဇာ အသုံးပြုမှုများ ရှိနေဆဲ ဝန်ထမ်း၊ အရာထမ်းဆိုးများကိုလည်း ကိုင်တွယ်၊ ပြုပြင်၊ အစားထိုး၊ ဖြုတ်ပယ်ခြင်းကဲ့သို့ ပြုပြင်ပြောင်းလဲမှုများကို ပြည်သူ အများစုက မြင်တွေ့လိုကြသည်။

ရွေးကောက်ပွဲမတိုင်ခင်က ပေးအပ်ထားသော ကတိကဝတ်များ ဖြည့်ဆည်းပေးခြင်း အပါအဝင် အစိုးရ၏ စွမ်းဆောင်ရည်ကို မြင်သာထင်သာ ရှိလာစေရန် ပြသနိုင်မည့် အစိုးရအကြီးအကဲမျိုး တစ်နည်းအားဖြင့် “ပြောင်းလဲချိန်တန်ပြီ”ဆိုသော ရွေးကောက်ပွဲကြွေးကြော်သံနှင့် လျော်ညီစွာ စစ်မှန်သော အပြောင်းအလဲများ မြင်တွေ့လိုကြသည့် ပြည်သူလူထုအနေနှင့် သမ္မတတာဝန်ကို အပြည့်အဝ ထမ်းဆောင်ခွင့်မရခဲ့သော ဦးထင်ကျော်နေရာတွင် အစားထိုး ဝင်ရောက်လာသူ ဦးဝင်းမြင့်အပေါ် ယခင်သမ္မတကဲ့သို့ အဆောင်အယောင်ဖြစ်လာမည်လော၊ အရည်အချင်း ပြသခွင့်ရမည်လော ဒွိဟစိတ်ဖြင့် မျှော်လင့်ကာ စောင့်ကြည့်နေကြမည်ဖြစ်ကြောင်း သိစေလိုရင်းဖြစ်သည်။

အယ်ဒီတာ (၂၈-၃-၂၀၁၈)

  • TAGS