News

POST TYPE

EDITORIAL

မူလပထမ ဗိုလ်ချုပ် အမှတ်တရတွေကို ပစ်မထားကြပါနဲ့ (Daily, Vol-5/No-267)
19-Feb-2018

ရန်ကုန်သူ၊ ရန်ကုန်သား အများစုက စကော့ဈေးလို့ အရင်အခေါ်အဝေါ်အတိုင်း အသိများတဲ့ ဗိုလ်ချုပ်အောင်ဆန်းဈေးက ရန်ကုန်မှာ ကမ္ဘာလှည့်ခရီးသည် အလာအများဆုံး နေရာတစ်ခုလို့ ဆိုရမယ်။ 

ဒီဈေးကိုလာတဲ့ ကမ္ဘာလှည့် ခရီးသွား အများစုက မြန်မာမှုပစ္စည်းနဲ့ မြန်မာပြည်မှာပဲရနိုင်တဲ့ ကျောက်စိမ်း၊ ကျောက်မျက်ရတနာတချို့ ဝယ်ချင်ခြမ်းချင်တဲ့အပြင် ကိုလိုနီခေတ် ဗြိတိသျှတွေရဲ့ ၁၉ ရာစုအစောပိုင်း ဗိသုကာလက်ရာ ဈေးအဆောက်အအုံကြီးကို လေ့လာချင်တာလည်း ပါတယ်။

၁၉၂၆ ခုနှစ်မှာ ရန်ကုန်မြူနီစီပယ်မင်းကြီးရဲ့ စီမံအုပ်ချုပ်မှုအောက်မှာဖွင့်ခဲ့ပြီး မြန်မာပြည်ကို ဘောလုံး အားကစား စပြီး မိတ်ဆက်ပေးခဲ့တဲ့ ဗြိတိသျှ အစိုးရ အုပ်ချုပ်ရေးအရာရှိ James George Scott, ဂျိမ်းစ်ဂျော့ခ်ျ စကော့တ် နာမည်ကို အစွဲပြုပြီး စကော့တ်ဈေးလို့ နာမည်ပေးခဲ့တယ်။ ၁၉၄၈ ခုနှစ် လွတ်လပ်ရေးရတော့ ဗိုလ်ချုပ်အောင်ဆန်းဈေးလို့ နာမည်ပြောင်းခဲ့တယ်။

တကယ်တော့ ဗိုလ်ချုပ်ဈေးက ရန်ကုန်မှာတော့ ရွှေတိဂုံဘုရားပြီးရင် ဒုတိယမြောက် ကမ္ဘာလှည့်ခရီးသည် အစည်ကားဆုံးနေရာလို့ ပြောနိုင်တယ်။ ထိုင်းလို ကမ္ဘာလှည့်ခရီးသည် တစ်နှစ် ၂၅ သန်းကနေ သန်းသုံးဆယ်လောက်အထိ လာနေတဲ့နိုင်ငံမျိုးမှာတောင် ဒီလိုဈေးမျိုး မရှိဘူး။ ရှိများရှိရင် ဘယ်လောက်များ ရှေးမူမပျက် မွမ်းမံခြယ်သပြီး ဆွဲဆောင်လိုက်မလဲလို့ တွေးမိတယ်။

မြန်မာပြည်မှာတော့ အာဏာရှင် အဆက်ဆက် ဗိုလ်ချုပ်ကို မှေးမှိန်ချင်တာနဲ့ ဗိုလ်ချုပ်နာမည်နဲ့ ဈေးကို ပစ်စလက်ခတ်နီးပါး ထားခဲ့တယ်။ ဗိုလ်ချုပ်ရုပ်တု အသစ်တွေသာ တစ်နိုင်ငံလုံး အုန်းအုန်းထအောင် တည်နေကြတာ အင်းစိန်က အောင်ဆန်းမြို့သစ်က တီဘီဆေးရုံဝင်းထဲမှာရှိတဲ့ ဗိုလ်ချုပ်ထိုင်လျက် ကြေးရုပ်တုကိုတော့ အလေးထား မွမ်းမံဖို့ မေ့နေကြတယ်။

ဒီနေရာမှာ ပြောချင်တာက အမြင်မတော်လောက်အောင်ကို ရုပ်ပျက်ဆင်းပျက် ဖြစ်နေတဲ့ ဗိုလ်ချုပ်ဈေးအကြောင်းကိုပါ။ မြို့တော်စည်ပင်သာယာရေး ကော်မတီရဲ့ စီမံခန့်ခွဲမှုအောက်မှာရှိတဲ့ ဈေးတွေထဲမှာ သမိုင်းတန်ဖိုး အကြီးမားဆုံး၊ တန်ဖိုးအထားသင့်ဆုံး ဈေးဖြစ်ပေမယ့် မြင်ရတဲ့အခြေအနေက အတော်ကို အကျည်းတန်နေတယ်။

ဥရောပနိုင်ငံတွေမှာသာ တွေ့ရနိုင်တဲ့ စဥ့်ပြာသုတ် အုတ်စီလမ်းကိုလည်း ရှေးမူမပျက် ထိန်းသိမ်းရကောင်းမှန်းမသိဘဲ ပေါက်တဲ့ ပြဲတဲ့နေရာတွေမှာ အင်္ဂတေတွေနဲ့ ဖာထေးထားတယ်။ မဖာရသေးတဲ့ နေရာတချို့နဲ့ ချိုင့်ခွက်ဖြစ်နေတဲ့ နေရာတွေမှာ ကွမ်းတံတွေးတွေ ရဲရဲနီလို့။

အပေါ်ထပ်ကိုတက်တဲ့ လှေကားထစ်တွေ ပေါက်ပြဲနေတာလည်း နှစ်ပေါင်း မနည်းတော့ဘူး။ မီးကြိုးတွေ သွယ်တန်းထားပုံကလည်း ဗြုတ်စဗျင်းတောင်းနဲ့။ ပင်မ ဈေးရုံ အောက်ခင်းကြွေပြား တချို့လည်း အက်ကွဲ၊ ပေါက်ပြဲနေတယ်။ ဈေးရုံကြီးရဲ့ ပင်မမျက်နှာစာ ဝင်ပေါက်မှာ ဗိုလ်ချုပ်မွေးနေ့ အထိမ်းအမှတ် ပိုစတာကို ကားတာယာနဲ့ ပီနံအိတ် အစုတ်ထုပ်နဲ့ ကျားကန်ထားရတယ်။ 

ပြောရရင် ဗိုလ်ချုပ်ဈေးရဲ့ သန့်ရှင်းလှပရေးအတွက် မြို့တော်စည်ပင်ရဲ့ စီမံခန့်ခွဲမှုက တစ်သိန်းတန် ရွှေခွက်ကို လမ်းဘေးသောက်ရေအိုးစင်မှာ တင်ထားသလိုပဲ။ အဲဒီဈေးက ရတဲ့အခွန်ငွေတွေကို ဘယ်လိုသုံးနေသလဲ မသိဘူး။ 

တကယ်တော့ ရန်ကုန်မြို့တော်ရဲ့ အထင်ကရနေရာ၊ မြို့တော်ရဲ့ အထိမ်းအမှတ် သင်္ကေတတစ်ခု၊ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း အမှတ်တရ ဒီလိုတန်ဖိုးရှိတဲ့ ဈေးကြီး ဒီလိုပုံစံဖြစ်နေတာ ဝမ်းနည်း စိတ်မကောင်းစရာတောင် ကောင်းတယ်။

စစ်အစိုးရခေတ်ကတော့ ဆင်ဖြူမျက်နှာ ဆင်မည်း မကြည့်ဝံ့လို့ပဲဖြစ်ဖြစ်၊ ဗိုလ်ချုပ်ကိုမြင်ရင် ဗိုလ်ချုပ်သမီးကို လူတွေ အာရုံပိုစိုက်မှာ စိုးလို့ပဲဖြစ်ဖြစ် ဗိုလ်ချုပ်နဲ့ ပတ်သက်တာ မှန်သမျှ မှေးမှိန်ထားခဲ့တာ လက်မခံချင်ပေမယ့် အထိုက်အလျောက် နားလည်ပေးလို့ ရသေးတယ်။

ဒီနေ့၊ ဒီကာလမျိုးမှာတော့ ဗိုလ်ချုပ်အောင်ဆန်းဈေး ဒီလောက် ရုပ်ပျက် ဆင်းပျက်ဖြစ်နေတာ ကြည့်မကောင်းဘူး။ ဗိုလ်ချုပ်ရုပ်တု အသစ်တွေလည်း ထုကြ၊ တည်ကြပါ၊ မူလရှိနေပြီးသား ဗိုလ်ချုပ် အမှတ်တရတွေကိုလည်း တလေးတစား တန်ဖိုးထားပြီး ထိန်းသိမ်းကြပါလို့ ပြောချင်တယ်။

အယ်ဒီတာ (၁၇-၂-၂၀၁၈)