News

POST TYPE

EDITORIAL

အနာဂတ် လူ့အဖွဲ့အစည်းကို မြှင့်တင်ပါ (Daily, Vol-5/No-266)
17-Feb-2018

မကြားဝံ့ မနာဖွယ် အမှုအခင်းအချို့ ယခုရက်ပိုင်းအတွင်း ထွက်ပေါ်လာခြင်းမှာ မြန်မာလူ့အဖွဲ့အစည်း၏ လက်ရှိရောက်နေသော အဆင့်အတန်းကို မီးမောင်းထိုးပြနေသကဲ့သို့ ရှိသည်။ 

အထူးသဖြင့် အရွယ်မရောက်သေးသည့် ကလေးသူငယ်များနှင့် သက်ဆိုင်သော အမှုအခင်းများ ဖြစ်နေခြင်းက ယဉ်ကျေးသော လူ့အဖွဲ့အစည်းတစ်ရပ်နှင့် များစွာ သွေဖည်ကာ များစွာ အရုပ်ဆိုးလှသည်။ 

စင်စစ်အားဖြင့် မြန်မာနိုင်ငံသည် ကလေးသူငယ်များနှင့် ပတ်သက်၍ အလေးအနက်ထားမှုတွင် အခြားနိုင်ငံများနှင့်ယှဉ်ပါက အတော်ပင် နိမ့်ကျနေကြောင်း ကလေးသူငယ် ထိခိုက်၊ နာကျင်၊ သေဆုံးမှုဆိုင်ရာ အချက်အလက် ကိန်းဂဏန်းများက သက်သေပြနေပေသည်။ 

ကလေးစစ်သားဘဝ အတွေ့အကြုံကို အများသိစေရန် ထုတ်ဖော်ပြောဆိုခဲ့သူ တရားရုံးအထုတ်တွင် လူသတ်မှုထက် ပို၍အစောင့်အကြပ်ထူပြော၊ တင်းကျပ်ခြင်းတို့မှာ ကလေးသူငယ် အခွင့်အရေး ဆုံးရှုံးခဲ့သူတစ်ဦး၏ အမှုကို ကိုင်တွယ်သည့် ရဲတပ်ဖွဲ့၊ လုံခြုံရေးတပ်ဖွဲ့နှင့် တရားရုံးများ၏ ပစ္စက္ခ အခြေအနေပင် ဖြစ်သည်။ 

အာဏာရှင်စနစ် သက်ဆိုးရှည်ခဲ့ခြင်း၊ စီးပွားရေး မဖွံ့ဖြိုးခြင်းတို့က ဆင်းရဲခြင်း၊ ပညာရေးရေချိန် နိမ့်ပါးခြင်းတို့ကို ဖြစ်ပေါ်စေသည်။ ယင်းနှင့်တစ်ဆက်တည်း အကျင့်ပျက်ခြစားမှုများခြင်း၊ တရားဥပဒေ မစိုးမိုးခြင်းတို့က ဒုစရိုက်မှုများထူပြောကာ နိုင်ငံသားတို့၏ လုံခြုံအေးချမ်းရေးကို ခြိမ်းခြောက် လျက်ရှိသည်။ 

ဖော်ပြပါ အခြေအနေတို့မှာ အာဏာသုံးရပ်ကို တပေါင်းတည်း ကိုင်တွယ်ထိန်းချုပ်ခဲ့စဉ် ကာလအခြေအနေ အကြောင်းအရင်း အမျိုးမျိုးကြောင့် နောက်ဆက်တွဲ ပေါ်ပေါက်လာရခြင်းဖြစ်သော်ငြား ယနေ့ အသွင်ကူးပြောင်းကာလရောက်ရှိနေချိန်တွင်မူ ထိုက်သင့်သလောက် လျော့ကျသင့်နေပြီဖြစ်သည်။ 

များသောအားဖြင့် နိုင်ငံအတွင်း ပြဿနာ၊ အကျပ်အတည်းများ ပေါ်ပေါက်လာတိုင်း အစိုးရတွင် အဓိက တာဝန်ရှိကြောင်း ပြောဆိုလေ့ရှိကြသည်။ ယင်းအချက်မှာ မှန်သင့်သလောက် မှန်သော်လည်း ဥပဒေပြု လွှတ်တော်များတွင် လည်း အစိုးရနီးပါး တာဝန်ရှိပေသည်။ 

နိုင်ငံတစ်ဝန်းဖြစ်ပေါ်နေသော တုန်လှုပ်အံ့ဩဖွယ်၊ စက်ဆုပ်ထိတ်လန့် ဖွယ်၊ မကြားဝံ့မနာဖွယ်ရာ အမှုအခင်းများနှင့် ပတ်သက်၍ အဓိက တိုက်ရိုက်တာဝန်ရှိသည်မှာ ရဲတပ်ဖွဲ့၊ လုံခြုံရေးတပ်ဖွဲ့နှင့် တရားရုံးများဖြစ်သည်။ 

ယင်းနေရာများတွင် ခေတ်နှင့် မလျော်ညီသော အခက်အခဲ၊ အဟန့်အတားများ၊ လုပ်ထုံးလုပ်နည်းများ၊ အကျင့်ပျက်ခြစားမှုများ ရှိနေပါက မှုခင်းလျော့နည်းကျဆင်းရန် မဖြစ်နိုင်ပေ။ 
အနိမ့်ဆုံးအားဖြင့် ရဲတပ်ဖွဲ့နှင့် တရားရုံးများဆိုင်ရာ ဥပဒေ၊ လုပ်ထုံးလုပ်နည်းများကို ဥပဒေပြုလွှတ်တော်က ခေတ်နှင့်အညီ ဒီမိုကရေစီ နိုင်ငံတစ်ခုနှင့်အညီ ပြင်ဆင်၊ ပြောင်းလဲ၊ ဖြုတ်ပယ်၊ ဖျက်သိမ်း၊ အသစ်ရေးဆွဲခြင်းတို့ဖြင့် နိုင်ငံသားများကို အကာအကွယ်ပေးနိုင်ပေသည်။ 

လူ့အဖွဲ့အစည်းတိုင်းတွင် အင်အား အနည်းဆုံးနှင့် အကာအကွယ်အမဲ့ဆုံးမှာ ကလေးသူငယ်များဖြစ်သည်။ ထို့ကြောင့် ယဉ်ကျေးသော လူ့အဖွဲ့အစည်းတိုင်း ကလေးသူငယ်များဆိုင်ရာ အရေးကိစ္စမှန်သမျှ အထူးအလေးအနက်ထား၍ ဂရုတစိုက် ဖြည့်ဆည်း အကာအကွယ်ပေးလျက် ရှိသည်။ 

ယနေ့ ကလေးသူငယ်များကို ပျော်ရွှင်၊ အေးချမ်း၊ လုံခြုံစေခြင်း၊ ထူးချွန်ထက်မြက်၊ လိမ္မာယဉ်ကျေးစေရန် လေ့ကျင့်ပြုစု၊ ပျိုးထောင်ပေးခြင်းမှာ အနာဂတ် နိုင်ငံတော် သို့မဟုတ် လူ့အဖွဲ့အစည်းကို အရောင်တင်ခြင်း မည်ပေသည်။ 

မြန်မာလူ့အဖွဲ့အစည်းအနေနှင့်လည်း အပေါ်ယံဆန်သော သာမည ကိစ္စများနှင့် အချိန်ကုန်မနေစေဘဲ ယနေ့မှစ၍ အနှစ်သာရပါသော အဓိကကိစ္စရပ်များကို အလေးအနက်ထား ဆောင်ရွက်ဖြည့်ဆည်းပေးခြင်းဖြင့် အနာဂတ် လူ့အဖွဲ့အစည်း၏ အဆင့်အတန်းနှင့် အရောင်အဝါကို မြှင့်တင်ထွန်းတောက်နိုင်စေကြောင်း အကြံပြု တိုက်တွန်းအပ်ပေသည်။ 

အယ်ဒီတာ (၁၅-၂-၂၀၁၈)