News

POST TYPE

EDITORIAL

အကာနှင့် အနှစ် (Daily, Vol-5/No-265)
15-Feb-2018 tagged as

မြန်မာလူမှုပတ်ဝန်းကျင်တွင် လေးနက်မှု အားနည်းပြီး အပေါ်ယံ ဟန်ပြသဘော ဆောင်သောကိစ္စရပ်များကို အကာနှင့် နှိုင်းယှဉ်ပြောတတ်ကြပြီး လေးနက်ခိုင်ကျည်မှု၊ လက်တွေ့ကျမှုနှင့် အရည်အချင်း အစစ်အမှန်ဖြစ်မှုကို အနှစ်နှင့် ပမာပြုတတ်ကြသည်။

ဗုဒ္ဓ အပါအဝင် ကမ္ဘာပေါ်ရှိ အဓိက ဘာသာကြီး လေးမျိုးတွင်လည်း ဟောညွှန်ပြသခဲ့သော ဓမ္မ ခေါ် အဆုံးအမများကို တစ်ဆင့် ပြန်လည် ဖြန့်ဝေသူများ၊ ယုံကြည် သက်ဝင်သူ၊ နာယူ၊ လက်ခံသူများ၏ မိရိုးဖလာ ကိုးကွယ်မှု ဆန်သော မည်ကာမတ္တ ဘာသာဝင်များနှင့် လက်တွေ့လိုက်နာ၊ ကျင့်ကြံ၊ အားထုတ်သူများကိုလည်း အကာနှင့် အနှစ် သဘောဖြင့် ခွဲမြင်နိုင်သည်။

မြန်မာလူမှုအဖွဲ့အစည်း၏ ယေဘုယျ အားသာချက်မှာ လောကလုံးဆိုင်ရာ အမှန်တရားများ၊ နည်းမှန်၊ လမ်းမှန်သော အဆုံးအမများနှင့် လက်တွေ့ ကျင့်စဉ်များကို ပြသလမ်းညွှန်ပေးနိုင်သူများ ရှိနေခြင်းနှင့် အခက်အခဲ၊ ပြဿနာများကို ဟာသစွက်၍ ရင်ဆိုင်ကျော်လွှားနိုင်ခြင်းနှင့် လှူဒါန်းပေးကမ်းမှု ရက်ရောခြင်းတို့ဖြစ်သည်။

အများစုထံတွင် တွေ့ရတတ်သည့် အားနည်းချက်မှာ ဟုန်းခနဲ တောက်သည့် ကောက်ရိုးမီးဆန်ခြင်း သို့မဟုတ် ရေဆုံး၊ ရေဖျားစိတ် ရှေ့ဆောင်သော ဇွဲ မရှိခြင်း၊ ဝင်ရိုးစွန်းဆန်သော အချစ်၊ အမုန်းစိတ်ဖြင့် ပြဿနာများကို ချဉ်းကပ်ခြင်းနှင့် မနာလိုစိတ်များပြီး ဂိုဏ်းဂဏ၊ အုပ်စု ကွဲလွယ်ခြင်းတို့ ဖြစ်သည်။

မြန်မာနိုင်ငံတွင် ယနေ့ ကျင်းပနေသော ဘာသာရေး အခမ်းအနားများ၊ ပွဲတော်များနှင့် ခံယူကျင့်သုံးမှုများကို ကြည့်လိုက်လျှင် သက်ဆိုင်ရာ ဘာသာတရားတို့၏ အနှစ်နှင့်တူသော အစစ်အမှန် အဆုံးအမကို လက်တွေ့လေးစား လိုက်နာကျင့်ကြံကြခြင်းထက် အပေါ်ယံ အကာနှင့်တူသော အပေါ်ယံ ဗဟိဒ္ဓ ကိစ္စရပ်များ ဖြစ်နေသလော မေးခွန်းထုတ်စရာ ရှိနေပေသည်။

နိုင်ငံအနှံ့အပြားတွင် စေတီပုထိုးများ၊ ဆင်းတုတော်များ အသစ်တည်၊ ထုလုပ် ကိုးကွယ်နေကြသောကြောင့် လက်ညှိုးထိုးမလွဲ စေတီပုထိုးများ ဖူးတွေ့ရနိုင်သော်လည်း ဗုဒ္ဓ၏ အစစ်အမှန် ဓမ္မများအတိုင်း လက်တွေ့စိတ်ကူး၊ လိုက်နာကျင့်ကြံ၊ နေထိုင်နိုင်သူမှာမူ များစွာ နည်းပါးလှသည်။

ထို့အတူ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းကို အမှတ်တရ ရှိစေရန် အလို့ငှာ နိုင်ငံအနှံ့အပြားတွင် ဗိုလ်ချုပ် ရုပ်တုများ ထုလုပ် စိုက်ထူကြခြင်း၊ ဗိုလ်ချုပ်မွေးနေ့တွင် ဗိုလ်ချုပ် ကြိုက်နှစ်သက်စွာ စားသုံးခဲ့သော ပဲပြုတ်နှင့် နံပြားကို စတုဒိသာ ကျွေးမွေးကြခြင်းမှာ ဗိုလ်ချုပ်ကို လေးစား ချစ်ခင်၊ ကြည်ညိုစိတ်၊ သတိရတမ်းတစိတ်ဖြင့် ဆောင်ရွက်ကြခြင်းဖြစ်သောကြောင့် အသိအမှတ်ပြုရမည်ဖြစ်သည်။

သို့သော် လက်ရှိမြန်မာ့နိုင်ငံရေး၊ စီးပွားရေး၊ လူမှုရေးနယ်ပယ်တွင် ဗိုလ်ချုပ်ကို ရောင်းတမ်းဝင်၊ ရာသီစာပစ္စည်း တစ်နည်းအားဖြင့် အကာသဘောမျိုးဖြင့် ဗန်းတင်ကာ ဈေးပေါ၊ တန်ဖိုးကျသွားစေသလော၊ ဗိုလ်ချုပ်၏ တစ်ချောင်းတည်းသော စိတ်ဓာတ်၊ ပြတ်သားရဲရင့်သော ခံယူချက်၊ ခြွင်းချက် မရှိ ရိုးသားမှု၊ နိုင်ငံအပေါ် ထားရှိသော စေတနာ၊ တုနှိုင်းမမီနိုင်သော အနစ်နာခံမှု၊ အငြင်းပွားဖွယ်မရှိသော ခေါင်းဆောင်မှု အရည်အချင်း စသည့် အနှစ်သဘောတို့ကို လက်တွေ့ အတုယူလိုက်နာရာ ရောက်သလော ဆန်းစစ်ကြည့်သင့်လှသည်။

ဘာသာရေးတွင်လည်း အပေါ်ယံ အကာဆန်သော ကိစ္စရပ်များဖြင့်သာ အချိန်ကုန်နေပါက စစ်မှန်သော ငြိမ်းချမ်းမှု အနှစ်ကို မရနိုင်သကဲ့သို့ ဗိုလ်ချုပ်နှင့်ပတ်သက်၍လည်း လက်ခုပ်သံရနိုင်သော ပေါ်ပြူလာဆန်ဆန် အပေါ်ယံအကာ များဖြင့်သာ အလုပ်ရှုပ်နေပါလျှင် ဗိုလ်ချုပ် မျှော်မှန်းခဲ့သော ပန်းတိုင်သို့ အလှမ်း ကွာဝေးနေဦးမည်ဖြစ်ကြောင်း သတိပေး ထောက်ပြလိုရင်း ဖြစ်သည်။

အယ်ဒီတာ (၁၄-၂-၂၀၁၈)

(၁၃ -၂ -၂၀၁၇ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)

  • TAGS