News

POST TYPE

EDITORIAL

ဗ.က.သ ကျောင်းသား ဆန္ဒပြမှုက ပြောသော နိုင်ငံသားတို့၏ အဆင့်အတန်း (Daily, Vol-5/No-251)
ပညာရေး အသုံးစရိတ် တိုးမြှင့်ပေးရေး ဆန္ဒပြသည့် တက္ကသိုလ် အသီးသီးမှ ဗကသ ခေါ် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် အဖွဲ့ဝင် ကျောင်းသား ၃၆ ဦးကို ကျောင်းထုတ်လိုက်ခြင်းနှင့်ပတ်သက်၍ ယခုရက်ပိုင်းအတွင်း ပွဲဆူသွားခဲ့သည်။ 

ယင်းသို့ ကျောင်းထုတ်လိုက်ခြင်းပေါ် အမြင်အမျိုးမျိုးဖြင့် ဆွေးနွေး၊ ငြင်းခုံ၊ ဝေဖန်၊ ထောက်ပြမှုများကို ဆန်းစစ်ကြည့်လျှင် ထောက်ခံသူ၊ ကန့်ကွက်သူနှင့် ခွဲခြမ်းစိတ်ဖြာ သုံးသပ်သူဟူ၍ ယေဘုယျအားဖြင့် အုပ်စု သုံးခုတွေ့ရသည်။

ထောက်ခံသူများမှာ လူပုဂ္ဂိုလ်၊ အဖွဲ့အစည်းစွဲစိတ်ဖြင့် လက်ရှိအစိုးရ လုပ်ကိုင်ဆောင်ရွက်သမျှ တစ်ဖက်သတ် မှန်ကန်၊ ထောက်ခံကြောင်း ပြသ၊ ပြောဆိုရန် အသင့်ရှိနေသူများ ဖြစ်ကြသည်။ အချို့က ဗကသ ကျောင်းသားများနှင့် ၎င်းတို့ နောက်ကွယ်မှ လှုံ့ဆော်စေခိုင်းသူများကို အပြစ်တင်ထားကြသည်။

အချို့မှာ လက်ရှိ အစိုးရသည် အကျပ်အတည်းများ၊ စိန်ခေါ်မှုများနှင့် အခက်အခဲများ ရှိနေသည့်အတွက် လက်ရှိ ဗကသ ကျောင်းသားများ ဆန္ဒပြခြင်းမှာ သွေးရိုးသားရိုး မဟုတ်ဘဲ အစိုးရကို တမင် ရည်ရွယ်ချက်ဖြင့် တစ်ပူပေါ် နှစ်ပူဆင့်စေလိုခြင်းဟု စွပ်စွဲကြသည်။

ဒုတိယအုပ်စုမှာ အာဏာလက်လွှတ်ထားသူများ အပါအဝင် လက်ရှိအစိုးရကို စိတ်ပျက်လက်ပျက် ဖြစ်နေသူများဖြစ်ပြီး အစိုးရ လုပ်ကိုင်ဆောင်ရွက်သမျှ အတိုက်အခံပြု၊ ကန့်ကွက်၊ ရှုတ်ချ၊ အပြစ်တင်နေသူများဖြစ်သည်။ 

အချို့က အစိုးရသည် အတိုက်အခံဘဝက ပြောခဲ့သော စကားများနှင့် လက်ရှိ ဆောင်ရွက်ချက်များ ဆန့်ကျင်ဘက်ဖြစ်နေကြောင်း အထောက်အထားဖြင့် ထောက်ပြကန့်ကွက်ကြသည်။ 

အချို့မှာ လက်ရှိ အာဏာရပါတီနှင့် အစိုးရအပေါ် ပုဂ္ဂိုလ်ရေး အာဃာတ မကင်းသော စိတ်ခံစားချက်များဖြင့် အာဏာရှင် အစိုးရများနှင့်ပါ ခိုင်းနှိုင်းဝေဖန် အပြစ်တင်ကြသည်။

အချို့မှာမူ တစ်စုံတစ်ရာ ရည်ရွယ်ချက်ဖြင့် လက်ရှိအစိုးရကို အစွန်းရောက်သော အမြင်သဘောထားများဖြင့် သဲကြီးမဲကြီး ဆဲဆို၊ ပုတ်ခတ်၊ တိုက်ခိုက်နေကြသူများဖြစ်သည်။

မြန်မာနိုင်ငံတွင် ပထမအုပ်စုနှင့် ဒုတိယအုပ်စုဝင်က အများဆုံးဖြစ်ပြီး ၎င်းတို့၏ လက်ရှိ ဗကသ ကျောင်းသား ပြဿနာကို ချဉ်းကပ်မှုတွင် အနည်းနှင့်အများ ပုဂ္ဂိုလ်စွဲ၊ ဝါဒစွဲ၊ အာဏာစွဲ၊ အငြိုးအာဃာတ မကင်းသည့် ပြင်းပြသော အချစ်၊ အမုန်း မီးတောက်များ ရောယှက်နေပေသည်။

တတိယအုပ်စုမှာမူ အစိုးရကို ချစ်ခြင်း၊ မုန်းခြင်းထက် ဖြစ်စဉ်ကို ယထာဘူတကျကျ လေ့လာသုံးသပ်ကာ အစိုးရကို ဝေဖန်၊ ထောက်ပြ၊ အကြံပြုကြသူများ ဖြစ်သည်။ ပထမနှင့် ဒုတိယ အုပ်စုထက်စာလျှင် တတိယအုပ်စုမှာ လူအင်အား အနည်းဆုံးဖြစ်သည်။

တတိယအုပ်စုသည် ဆန္ဒပြသော ဗကသ ကျောင်းသားများသည် ယေဘုယျ ဆန်လွန်းလှသော ခေါင်းစဉ်နှင့် လွန်ကဲသော တောင်းဆိုမှုများကို သဘောမတူကြသလို အစိုးရ၏ ကျောင်းထုတ် အရေးယူ ဆောင်ရွက်မှုကိုလည်း လက်မခံကြပေ။ 

ရခိုင်ပြဿနာကို အခြေခံကာ ဖြစ်ပေါ်နေသော ကုလသမဂ္ဂ၏ ဖိအား၊ အနိုင်ကျင့်မှုဆန်ဆန် နိုင်ငံတကာ အသိုင်းအဝိုင်း၏ တောင်းဆိုချက်၊ ပြည်တွင်းရှိ အစွန်းရောက်များ၏ မီးထိုးမှုတို့ ကြုံနေရသည့်ကြားက စွမ်းဆောင်ရည် ညံ့ဖျင်းသော သို့မဟုတ် တမင် ပွဲဆူသွားစေလိုသော တာဝန်ရှိသူများ၏ လုပ်ရပ်မှာ လက်ရှိ အစိုးရကြုံနေရသည့် အကျပ်အတည်း ပိုဆိုးသွားစေနိုင်ကြောင်း နားလည်ကြသည်။

ထို့ကြောင့် နှစ်ဖက်စလုံးကို ကျိုးကြောင်းဆီလျော်စွာ၊ ယထာဘူတကျစွာ ဝေဖန်ကာ ပြဿနာကို ခြေခြေမြစ်မြစ် ဆန်းစစ်၊ သုံးသပ်၍ ရှေ့ နောက် ညီညွတ်စွာ၊ ဒီမိုကရေစီဆန်စွာ ဖြေရှင်းသင့်ကြောင်း အကြံပြုကြသည်။

ပြဿနာ၊ အခက်အခဲ ကြုံရပါက မလိုလားအပ်သော ကောလာဟလများ ပျံ့နှံ့မသွားစေရန် မြန်မြန်ဆန်ဆန် တုံ့ပြန်ဆောင်ရွက်ရမည် မှန်သော်လည်း ရခိုင်ပြဿနာ ကြုံရစဉ်က နှောင့်နှေးခဲ့ပြီး ဒေသခံပြည်သူများနှင့် ကျောင်းသားများ ဆန္ဒပြသည့်အခါတွင်မှ လျင်မြန်စွာ တုံ့ပြန်အရေးယူခြင်း၊ ထိုသို့ အရေးယူခြင်းကိုလည်း ဥပဒေနှင့်အညီ ဆောင်ရွက်ခြင်းဖြစ်ကြောင်း ထုတ်ပြန်ရှင်းလင်းခြင်းတို့မှာမူ မဲဆန္ဒရှင်ပြည်သူများ နားလည်ရ ခက်သွားစေနိုင်သည်။

မည်သို့ပင်ဖြစ်စေ မြန်မာနိုင်ငံတွင် ယနေ့ ကြုံတွေ့နေရသော အခက်အခဲ၊ ပြဿနာ၊ အကျပ်အတည်းများသည် လက်ရှိအစိုးရ၏ အရည်အချင်းနှင့် စွမ်းဆောင်ရည်ကို စမ်းသပ်သည့် စိန်ခေါ်မှုများ ဖြစ်ရုံသာမက မြန်မာပြည်သူ တစ်ရပ်လုံး၏ အသိဉာဏ်ပညာ၊ စစ်မှန်သော အဆုံးအမ တရားများအပေါ် လက်တွေ့ နာယူ လိုက်နာနိုင်မှုတို့ကိုလည်း သွေးတိုးစမ်းသည့်သဘော ဖြစ်သောကြောင့် ယင်းတို့ကိုဖြေရှင်းသော နည်းလမ်းများသည် ဖြေရှင်းသူများ၏ အဆင့်အတန်းနှင့် ဂုဏ်သိက္ခာတို့ကို တိုက်ရိုက် အချိုးကျကြောင်း သိစေအပ်ပေသည်။

အယ်ဒီတာ (၂၉-၁-၂၀၁၈)