News

POST TYPE

EDITORIAL

လမ်းခုလပ် ရန်ပွဲများဖြင့် အချိန်မကုန်စေလို (Daily, Vol-5/No-250)
29-Jan-2018 tagged as

မြန်မာနိုင်ငံသည် ပြည်တွင်း လက်နက်ကိုင် ပဋိပက္ခများ ပြေလည်မှု ရရှိကာ မှန်ကန်သော စီးပွားရေးမူဝါဒဖြင့် တွန်းတင်လိုက်ပါက အရှေ့တောင်အာရှ ဒေသတွင် သာမက အာရှတိုက်၏ အလားအလာ အကောင်းဆုံး ထွန်းသစ်စနိုင်ငံ တစ်နိုင်ငံ ဖြစ်လာနိုင်သော အခြေအနေ ရှိပေသည်။

သို့သော် ထိုသို့ အလားအလာ ကောင်းများ ရှိနေသည့် မြန်မာနိုင်ငံ၏ ဒီမိုကရေစီ အသွင်ကူးပြောင်းမှု လုပ်ငန်းစဉ်များ ချောမွေ့ အဆင်ပြေကာ အောင်မြင် ကြီးပွား တိုးတက်သွားမည်ကို အကြောင်း အမျိုးမျိုးကြောင့် မလိုလားသူများ ပြည်တွင်းတွင်ရော ပြည်ပတွင်ပါ ရှိနေနိုင်ပေသည်။

အခြားတစ်ဖက်တွင်လည်း တတိယစစ်အေး ကာလအသွင် ဖြစ်လာသောကြောင့် အင်အားကြီး နိုင်ငံများအကြား မဟာဗျူဟာကျကျ တည်ရှိနေသော မြန်မာနိုင်ငံကို အုပ်စုတစ်ဖက်ဘက်သို့ ပါမသွားစေရေး သို့မဟုတ် မိမိဩဇာခံအဖြစ် ဆက်ရှိနေစေရေး အပြိုင်ဆွဲဆောင်ရန် ကြိုးစားကြမည် ဖြစ်သည်။

ထိုသို့ အပြိုင်ကြိုးပမ်းကြရာတွင် အကူအညီ၊ အထောက်အပံ့၊ ချေးငွေများပေးသည့် နည်းလမ်း၊ သံတမန် နည်းလမ်းတို့အပြင် ပြည်တွင်းရှိ အရပ်ဘက် လူ့အဖွဲ့အစည်းများမှတစ်ဆင့် တိုက်တွန်း၊ ဖိအားပေးသော နည်းလမ်းနှင့် အခြား သံတမန်မဆန်သော နည်းလမ်းများကိုလည်း အသုံးပြုနိုင်ဖွယ် ရှိပေသည်။

ထို့အပြင် အကဲဆတ်သော ရခိုင်ဒေသ ပြဿနာကို အကြောင်းပြုကာ အမျိုးသားရေးဝါဒီများ ခေါင်းထောင်လာစေရန် ပြည်တွင်း၊ ပြည်ပ အခြေစိုက် နှစ်ဖက်စလုံးမှ အစွန်းရောက် အုပ်စုများက ဘာသာရေး၊ လူမျိုးရေး ပဋိပက္ခ လှုံ့ဆော် ဖန်တီးမှုများမှတစ်ဆင့် မြန်မာနိုင်ငံကို မတည်မငြိမ် ဖြစ်စေရန် ကမ္ဘာ့ အသိုင်းအဝိုင်းက ရှုတ်ချကန့်ကွက်သယောင် ဇာတ်ကွက်၊ ဇာတ်လမ်းများ ဆင်လာနိုင်သော အန္တရာယ်ရှိပေသည်။

တစ်ဖက်တွင်လည်း နိုင်ငံ၏ အရေးကြီးသော အင်စတီကျူးရှင်း အချို့သည် မိမိ၏ အရေးပါ အရာရောက်မှုကို ဒီမိုကရေစီ သဘော သဘာဝများ၊ စံနှုန်းများ သို့မဟုတ် ပါဝါအပျော့ဖြင့် ပြသခြင်းထက် စိုးရိမ်ကြောင့်ကြမှု ကဲသောစိတ်ဖြင့် ပါဝါအမာကိုသာ အဓိက အားပြုထားခြင်းကြောင့် မလိုလားအပ်သော ဘေးထွက် ဆိုးကျိုးများ ဖြစ်ပေါ်နိုင်ပေသည်။

ပဋိပက္ခဖြစ်ပေါ်တိုင်း သံတူကြောင်းကွဲ ပုံစံမျိုးဖြင့် ချဉ်းကပ်ခြင်း၊ အွန်လိုင်း လူမှုရေးကွန်ရက်တွင်ရော လက်တွေ့ မြေပြင်တွင်ပါ ဒေါသ ထွက်နေသော လူတစ်စု၏ ဗုဒ္ဓအဆုံးအမနှင့် ဖီလာပြု ရုန့်ရင်းကြမ်းတမ်း အသုံးအနှုန်းများ၊ ဟန်ပန် အမူအရာများ ထုတ်ဖော်ပြသကာ ပြဿနာကို ဖြေရှင်းရန်လော၊ မီးထိုး ရန်လော မကွဲပြားသည့် ပုံစံများဖြင့် ဖြေရှင်းခြင်းမျိုးမှာ ပြဿနာ ဇာစ်မြစ်၊ မည်သူအမှန်၊ မည်သူအမှား ဆိုခြင်းထက် မိမိတို့ပုံရိပ်ကို ကျဆင်းသွားစေတတ်သည်ကို အထူး သတိချပ်ရမည်ဖြစ်သည်။

ဘာသာရေး ပဋိပက္ခများ ဖြစ်ပေါ်တိုင်း နိုင်ငံတကာ မီဒီယာများတွင် အဖိနှိပ်ခံ၊ အခွဲခြားခံများအဖြစ် ပုံဖော်ခံနေရသူ ပြည်တွင်းရှိ လူနည်းစုများကလည်း မိမိတို့၏ နိုင်ငံသားစိတ်ကို ဖျက်လိုဖျက်ဆီး လုပ်နေသည့်အပြင် အတွင်း အနှစ်သာရထက် အပေါ်ယံအကာများကို ဦးစားပေးလွန်းသူ အစွန်းရောက်ဝါဒီများ စိမ့်ဝင်ပျံ့နှံ့လာခြင်းကို နိုင်ငံသားစိတ် အခြေခံ၍ မိမိတို့ဘာသာ တိုက်ထုတ်ပစ်ရန် တာဝန်ရှိပေသည်။

အထူးသဖြင့် နိုင်ငံသားဖြစ်မှု၊ နိုင်ငံသား စိတ်ဓာတ်၊ နိုင်ငံတော်အပေါ် သစ္စာစောင့်သိ ရိုသေမှုနှင့် နိုင်ငံသားအားလုံးနှင့် တစ်သားတည်း ဖြစ်နေစေသည့် သမားရိုးကျ ဘာသာရေး သင်ကြားမှုမျိုးထက် လွန်ကဲလာသော အစွန်းမလွတ် သင်ကြားမှုများ၊ အများနှင့်မတူ ကွဲပြားလွန်းသည့် ဝတ်စားဆင်ယင်မှုများကိုလည်း အခြေအနေ၊ အချိန်အခါအရ မိမိတို့ဘာသာ ဆန်းစစ်သုံးသပ်၍ သတိဖြင့် ဆင်ခြင် ထိန်းသိမ်းရန် တာဝန်ရှိပေသည်။

ထို့အတူ တစ်မိုးအောက်တွင် နှစ်ပေါင်းများစွာ ငြိမ်းချမ်းစွာ အတူလက်တွဲ နေထိုင်လာကြသည့် နိုင်ငံသား အချင်းချင်းအကြား ရန်မီးပွားစေလိုသူ နှစ်ဖက်စလုံးမှ အစွန်းရောက် အုပ်စုများ၏ ပြဿနာ အစရှာ၊ ရန်မီးမွှေး၊ လောင်ကျွမ်းစေခြင်းမျိုး မဖြစ်စေရန် အုပ်ချုပ်ရေး၊ လုံခြုံရေး တာဝန်ရှိသူများကလည်း ဥပဒေနှင့်အညီ ကြိုတင် ကာကွယ်မှုများ၊ ကိုင်တွယ် ထိန်းသိမ်းမှုများအတွက် အဆင်သင့် ပြင်ဆင်ထားရမည်ဖြစ်သည်။

ဆိုလိုသည်မှာ ဘာသာရေး၊ လူမျိုးရေး နားလည်မှု အလွဲများ၊ ရုန်းရင်း ဆန်ခတ်များ၊ ပဋိပက္ခများ၊ အဓိကရုဏ်းများ၊ အကြမ်းဖက်မှုများ မဖြစ်ပေါ်စေရန်မှာ တစ်ဖက်တည်း၊ တစ်ဖွဲ့တည်းသာမက အဓိက တာဝန်ရှိ သက်ဆိုင်သူ အားလုံး၏ စွမ်းဆောင်မှု၊ ပါဝင်ကူညီမှု၊ စောင့်ထိန်း လိုက်နာမှု၊ ကိုယ်ချင်းစာ နားလည်မှု၊ ငြိမ်းချမ်းရေးကို မြတ်နိုးတန်ဖိုးထားမှုနှင့် မေတ္တာကို အခြေခံသော ကောင်းမြတ်သည့် စိတ်စေတနာများဖြင့် ဝိုင်းဝန်း ကူညီကြရန်လည်း အထူး လိုအပ်ပေသည်။

သို့မဟုတ်ပါက လမ်းခုလပ်ရှိ တမင်ဆွပေးသည့် ရန်ပွဲများတွင် အချိန်ကုန် သွားခြင်းကြောင့် မူလက ဦးတည်ထားသည့် ပန်းတိုင်နှင့် အလှမ်းဝေးသွားခြင်း၊ ပန်းတိုင်ပျောက်သွားခြင်း သို့မဟုတ် လမ်းလွဲသို့ ရောက်သွားနိုင်သည့် အန္တရာယ် ရှိနေကြောင်း သတိပေး ထောက်ပြလိုရင်းဖြစ်သည်။

အယ်ဒီတာ (၃၀-၄-၂၀၁၇)

(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၃၀ - ၄ -၂၀၁၇ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)

  • TAGS