News

POST TYPE

EDITORIAL

ပြောရေးဆိုခွင့်ရှိသူတို့၏ သမ္ဘာ (Daily, Vol-5/No-235)
11-Jan-2018 tagged as

ပြီးခဲ့သည့် တစ်ရက်၊ နှစ်ရက်အတွင်း ဧရာဝတီတိုင်းဒေသကြီးနှင့် ရခိုင်ပြည်နယ်ဝန်ကြီးချုပ်တို့ ရာထူးမှနုတ်ထွက်မည့်ကိစ္စနှင့်ပတ်သက်၍ အတည်မပြုနိုင်သော အမိန့်ကြော်ငြာစာများ လူမှုကွန်ရက်များတွင် ကောလာဟလသဖွယ် ပျံ့နှံ့ခဲ့ပါသည်။ အဆမတန် ကြီးထွားသွားသော ကောလာဟလများကြောင့် နိုင်ငံတော်သမ္မတရုံးမှ ပြောရေးဆိုခွင့်ရှိသူက အဆိုပါကိစ္စနှင့်ပတ်သက်၍ တရားဝင် ထုတ်ပြန်ခြင်းမရှိသေးကြောင်း လူမှုကွန်ရက် စာမျက်နှာကတစ်ဆင့် ဇန်နဝါရီလ ၉ ရက်နေ့ ညနေပိုင်းတွင် အသိပေးခဲ့သလို အမိန့်ကြော်ငြာစာအတုများ ဖြန့်ဝေသည့် လူမှုကွန်ရက်အကောင့်များကိုသိရှိပါက သမ္မတရုံးသို့သတင်း ပို့တိုင်ကြားရန်ပင် ဖော်ပြခဲ့သည်ကို တွေ့ရပေသည်။ 

ထိုသို့ကြော်ငြာချက် အတုများဖြန့်သည့် အကောင့်ကို သတင်းပေး တိုင်ကြားရန်အထိ အသိပေးခဲ့ပြောဆိုခဲ့ပုံကို ကြည့်မည်ဆိုလျှင် အဆိုပါ ဝန်ကြီးချုပ်များ နုတ်ထွက်သည်ဆိုသော သတင်းသည် လွဲမှားနေသည့်သတင်း တစ်ရပ်သာဖြစ်သည် ဆိုသောသဘောမျိုးသို့လည်းသက်ရောက်စေခဲ့ပေသည်။ သို့အတွက် ကြောင့်လည်း အစိုးရအဖွဲ့နှင့်ပတ်သက်သည့် အဆိုပါကောလာဟလများ မှန်ကန်မှုမရှိဟူသောအချက်ကို ပြည်သူများ သိရှိနိုင်ရေးအတွက် ပုဂ္ဂလိက သတင်းစာများနှင့် မီဒီယာအချို့က သမ္မတရုံး၏ ထုတ်ပြန်အသိပေးမှုကို ထပ်ဆင့် ကိုးကားကာ သတင်းအဖြစ် ပြန်လည် ရေးသားဖော်ပြခဲ့ကြပေသည်။ သတင်း အတုနှင့် အစစ်ကို ပြည်သူများ ကွဲကွဲပြားပြား သိရှိနိုင်စေရေးအတွက် ပုဂ္ဂလိက သတင်းမီဒီယာများက အတည်ပြု ဖော်ပြပေးခဲ့ကြခြင်းလည်းဖြစ်ပေသည်။ 

သို့သော် နာရီပိုင်းမျှသာ ကြာသွားပါသည်။ ဇန်နဝါရီလ ၁၀ ရက် နံနက်လင်းအားကြီးအချိန် ထွက်ပေါ်လာသော အစိုးရသတင်းစာများတွင် ဧရာဝတီ တိုင်းဝန်ကြီးချုပ်ကို ရာထူးမှ နုတ်ထွက်ခွင့်ပြုလိုက်သည့် ကြေညာချက်ပါရှိလာခဲ့ရာ ထိုသတင်း အမှန်၊ အမှားကိစ္စကို ဇန်နဝါရီလ ၉ ရက်နေ့ ညနေပိုင်းက အတည်ပြုပေးခဲ့ကြသော ပုဂ္ဂလိက သတင်းစာများနှင့် မီဒီယာများ ပါးစပ်ဟောင်းလောင်းဖြစ်သွားရပေသည်။ နိုင်ငံတော်သမ္မတကြီးကိုယ်တိုင် ထုတ်ပြန်သည့်ကြေညာချက် နာရီပိုင်းအတွင်း(နောက်တစ်နေ့ နံနက်အစောပိုင်းတွင်) အစိုးရသတင်းစာများတွင် ပုံနှိပ်ဖော်ပြပါရှိတော့မည့်ကိစ္စကို သမ္မတရုံးမှ ပြောရေးဆိုခွင့်ရှိသူက သတင်းအမှားများအဖြစ် ခပ်တည်တည်ဖြင့် ဖော်ပြခဲ့သည့်ကိစ္စမှာလည်း လွန်စွာ အံ့အားသင့်စရာပင်ဖြစ်သည်။ အစိုးရသတင်းစာရေးပြီးမှ ပုဂ္ဂလိက သတင်းစာများ ရေးသားခွင့်ပြုမည်ဟူသော ယခင်ခေတ်က အတွေးမျိုး ရှိနေသေး၍လောဟုပင် မေးရမလို ဖြစ်သွားစေသည်။ 

မည်သည့် ဒီမိုကရေစီ အစိုးရအဖွဲ့တွင်မဆို အစိုးရနှင့်ပတ်သက်၍ ပြည်သူများ မရှင်းမလင်း ဖြစ်နေသည့်ကိစ္စများ၊ ကောလာဟလများ၊ သတင်းစာနှင့် မီဒီယာများ၏ နားလည်မှု လွဲမှားစွာ ရေးသားဖော်ပြသည့် သတင်းများနှင့် ပတ်သက်၍ Daily Press Briefing ခေါ် နေ့စဉ် သတင်းရှင်းသည့်ကိစ္စကို Case by Case တစ်ခုချင်းစီ အလေးအနက်ထား ရှင်းလင်းပေးကြရသည်ချည်းသာ ဖြစ်ပါသည်။ ထိုသို့ရှင်းလင်းရာတွင် ပြည်သူများနှင့် မီဒီယာများ အကောက်အယူ လွဲမှားသွားစေမည့်၊ တစ်နည်းအားဖြင့် Misleading ဖြစ်မည့် ပြောဆိုမှုမျိုးမလုပ်ရန် အထူးပင် အရေးကြီးလှသည်။ ဤနေရာတွင် အကြောင်းတိုက်ဆိုင်၍ပြောရလျှင် သတင်းစာ ရှင်းလင်းပွဲများ၌ သတင်းမီဒီယာများ မေးမြန်းသည့် မေးခွန်းကိုမဖြေဘဲ အမေးကို အမေးဖြင့် ပြန်တွန်းထုတ်သည့် အလေ့အထမျိုး ဒီမိုကရေစီ ရင့်ကျက်သည့်နိုင်ငံများတွင် မည်သည့်အစိုးရ အရာရှိတစ်ဦးတလေမျှ မပြုလုပ်ကြပေ။ လတ်တလော မဖြေနိုင်လျှင် မေးမြန်းသည့် မီဒီယာကို သီးခြား ဆက်သွယ်ဖြေကြားပါမည်ဟု မေတ္တာရပ်ခံခြင်းဖြင့်သာ ပါးပါးနပ်နပ် ဖြေရှင်းကြပေသည်။ 

ထိုသို့မဟုတ်လျှင် အစိုးရ၏ ပြန်ကြားရေး ယန္တရားအပေါ် ပြည်သူတို့၏ ယုံကြည်မှု လျော့နည်းလာနိုင်ရုံမျှမက အစိုးရအဖွဲ့ကိုလည်း အပြောနှင့် အလုပ် ကိုက်ညီမှုမရှိသူများ ဦးဆောင်နေသည့်အဖွဲ့ဟုသာ ရှုမြင်သွားကြလိမ့်မည်ဖြစ်သည်။ မည်သို့ပင်ဖြစ်စေ ယခု ဧရာဝတီတိုင်းဝန်ကြီးချုပ် နုတ်ထွက်သည့်ကိစ္စ ကဲ့သို့သော အခြား အလားတူ အရေးကိစ္စပေါင်း မြောက်မြားစွာ ရင်ဆိုင်ကြုံတွေ့လာရဦးမည်ဖြစ်သလို အွန်လိုင်းပေါ်က သတင်းတု၊ သတင်းအမှားများ ကိစ္စကိုလည်း သတင်းမီဒီယာများနှင့် လက်တွဲ ဖြေရှင်းကြရဦးမည်ဖြစ်ရာ သတင်းထုတ်ပြန်ရေး အာဏာပိုင်များအနေနှင့် အများပြည်သူ ထင်မြင်လွဲမှားစေမည့် အပြုအမူ၊ အပြောအဆိုများကို အထူး သတိထား ရှောင်ကြဉ်ကြရမည်ဖြစ်ကြောင်း ဖော်ပြလိုရင်းဖြစ်ပေသည်။ 

အယ်ဒီတာ (၁၀-၁-၂၀၁၈)

  • TAGS