News

POST TYPE

EDITORIAL

မြန်မာကို စိန်ခေါ်လာသူများ (Daily, Vol-5/No-232)
08-Jan-2018

ယမန်နေ့က ARSA အကြမ်းဖက်အုပ်စုက ရခိုင်ပြည်နယ်တွင်း မိုင်းဖောက်ခွဲခဲ့မှုသည် ၎င်းတို့လက်ချက်ဖြစ်ကြောင်း ထုတ်ဖော်ပြောဆိုပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို နိုင်ငံတကာ အသိုင်းအဝိုင်းအား လိမ်ညာသူအဖြစ် ဖော်ပြရုံမျှမက မြန်မာတပ်မတော်ကိုလည်း အကြမ်းဖက်တပ်ဖွဲ့အဖြစ် တံဆိပ်ကပ် စွပ်စွဲထားသည့် ကြေညာချက်တစ်စောင် ထုတ်ပြန်သွားသည်ကို တွေ့ရပါသည်။ စာမျက်နှာတစ်မျက်နှာကျော်မျှ ရှည်လျားသည့် ARSA အုပ်စု၏ ကြေညာချက်တွင် ၎င်းတို့သည် လက်နက်ကိုင် တိုက်ခိုက်ရန်မှလွဲ၍ အခြားရွေးချယ်စရာ နည်းလမ်းမရှိသည့်သဘောမျိုး ဖော်ပြထားသလို ရခိုင်ပြည်နယ်တွင်းဖြစ်ရပ်များကိုလည်း နိုင်ငံတော်က စပွန်ဆာပေးသည့် အကြမ်းဖက်မှုအဖြစ် ဆိုးဆိုးရွားရွားပင် ပုတ်ခတ်ထားသည်ကို တွေ့ရပေသည်။ 

ဘင်္ဂါလီဒုက္ခသည်များ နေရပ်ပြန်ရေးအတွက် မြန်မာနှင့် အိမ်နီးချင်း ဘင်္ဂလားဒေ့ရ်ှနိုင်ငံတို့ စီစဉ်ဆောင်ရွက်လျက်ရှိပြီး ဒေါ်အောင်ဆန်းစုကြည် ဦးဆောင်သည့် မြန်မာအစိုးရက နိုင်ငံတကာ အသိုင်းအဝိုင်း၏ အထင်လွဲမှားမှုများ လျော့ကျသွားအောင် ခဲရာခဲဆစ် ကြိုးပမ်းနေချိန်ဖြစ်ရာ အဆိုပါ အကြမ်းဖက်အုပ်စု၏ ကြေညာချက်ကို ကြည့်မည်ဆိုလျှင် ၎င်းတို့သည် ဒုက္ခသည်များအရေးထက် ၎င်းတို့၏ တရားဝင်မှုနှင့် နိုင်ငံရေး ဦးတည်ချက်ကို မရမက အလေးပေးနေသူများသာဖြစ်သည် ဟူသောအချက်မှာ ပိုမိုထင်ရှားသွားပေသည်။ မပြေးသော်လည်း ကန်ရာရှိဟူသည့် စကားအတိုင်းပင်ဖြစ်သည်။ ၎င်းတို့က နိုင်ငံတကာ ဥပဒေတွင် ပါဝင်သော မိမိကိုယ်ကိုယ် ကာကွယ်ရေးဟူသည့် စည်းမျဉ်းအတိုင်း ဘင်္ဂါလီလူမျိုးများကို ကာကွယ်ရာ၌ နိုင်ငံတကာ အသိုင်းအဝိုင်းနှင့် လက်ချင်းတွဲကာ ပူးပေါင်းသွားမည်ဟု ကြေညာထားပြန်ရာ ARSA ၏နောက်ကွယ်တွင် ကိုယ်ရောင်ဖျောက်ထားသည့် အင်အားကြီးအုပ်စုများ မလွဲမသွေ ရှိနေသည်မှာ အသေအချာပင်ဖြစ်သည်။ 

ထို့ပြင် ယင်းကြေညာချက်ကို ဆန်းစစ်ကြည့်မည်ဆိုလျှင် အဓိကဆိုလိုရင်းမှာ ရခိုင်ပြည်နယ်တွင်း အကြမ်းဖက် တိုက်ခိုက်မှုများ ဆက်လက်လုပ်ဆောင်မည့်သဘော၊ တစ်နည်းအားဖြင့် ရခိုင်ပြည်နယ်ကို စစ်တလင်းအဖြစ် သတ်မှတ် ကြေညာမည့်သဘောမျိုး ဖြစ်နေသည်ကို တွေ့ရသလို မြန်မာနိုင်ငံတွင်းရှိ အခြားတိုင်းရင်းသား လက်နက်ကိုင်တပ်ဖွဲ့များကဲ့သို့ စေ့စပ်ဆွေးနွေးပွဲ စကားဝိုင်းသို့ ရောက်နိုင်သည့် Legitimacy မျိုး ရရှိနိုင်ရေးအတွက် နိုင်ငံတကာ အသိုင်းအဝိုင်းကို အသိပေးရန်  ကြိုးပမ်းထားသည်ကိုလည်း တွေ့ရပေသည်။ မြန်မာတို့၏ တိုင်းရင်းသား လူမျိုးများ မဟုတ်မှန်း သိပါလျက်နှင့် ယခုလို Legitimacy ရရှိရန် လုပ်ဆောင်လာခြင်းသည် မြန်မာအချုပ်အခြာ အာဏာပိုင်နက်ကို ပြောင်ပြောင်တင်းတင်း စိန်ခေါ်လိုက်သည့်သဘောသို့ သက်ရောက်သွားပေသည်။ ဤနေရာတွင် မြန်မာအစိုးရနှင့် တပ်မတော်တို့ အပါအဝင် မြန်မာနိုင်ငံသားများ၊ အထူးသဖြင့် ရခိုင်တိုင်းရင်းသားများ အထူး သတိပြုရမည့်အချက်မှာ ယင်းအကြမ်းဖက်အုပ်စု၏ ထောင်ချောက်ထဲသို့ အလွယ်တကူ ရောက်မသွားစေရေးပင်ဖြစ်သည်။ 

နိုင်ငံရေးဗျူဟာနှင့် စစ်ရေးဗျူဟာအတွက် လွန်စွာရေးပါသော Timing ကိစ္စနှင့်ပတ်သက်၍ ပါးပါးနပ်နပ် ရှိလှသည့် အဆိုပါ အကြမ်းဖက်အုပ်စု သာမက ၎င်းတို့နောက်မှ ကိုယ်ယောင်ဖျောက်ထားသူများသည် လူ့အခွင့်အရေးနှင့် လူသားချင်း စာနာထောက်ထားမှုကိစ္စထက် များစွာပိုသော ဦးတည်ချက်များ ရှိနေသည်မှာ သေချာပါသည်။ သို့အတွက်ကြောင့် ၎င်းတို့၏ ထောက်ချောက်များကို အားလုံးက အထူး သတိထားကြရမည်ဖြစ်သည်။ ထို့ပြင် လက်ရှိအချိန်သည် နိုင်ငံတကာ အသိုင်းအဝိုင်းတွင် မြန်မာနိုင်ငံသည် အများနှင့်တစ်ယောက်သဖွယ် ဖြစ်နေသည်ကတစ်ကြောင်း၊ ကမ္ဘာပေါ်တွင် ပထဝီနိုင်ငံရေး ချိန်ခွင်လျှာပြောင်းလဲရန် အင်အားကြီးနိုင်ငံများက စတင်ကြိုးပမ်းလာသည်ကတစ်ကြောင်း၊ ဖွံ့ဖြိုးမှု နိမ့်ပါးသည့် မြန်မာနိုင်ငံကို မြေနိမ့်ရာ လှံစိုက်လုပ်လိုသည့် ကုလသမဂ္ဂ အဖွဲ့ဝင်နိုင်ငံဦးရေ များပြားလာသည်ကတစ်ကြောင်း ဖြစ်နေခြင်းကြောင့်ပင်။ အရေးအကြီးဆုံးမှာ ယခုအချိန်တွင် တိုင်းရင်းသား ညီအစ်ကို မောင်နှမများ သတိကြီးစွာဖြင့် စည်းလုံး ညီညွတ်မှု ရှိခဲ့မည်ဆိုပါက စိန်ခေါ်လာသူများကို အောင်နိုင်ရုံမျှမက အခက်အခဲနှင့် အကျပ်အတည်းများကိုလည်း မုချကျော်လွှားနိုင်ရမည်ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ (၇-၁-၂၀၁၈)