News

POST TYPE

EDITORIAL

သစ်မရောက်ခင် ဝါးပေါင်းမကွပ်တတ်သူများနှင့် မြေလျှိုးမိုးပျံအိပ်မက် (Daily, Vol-5/No-199)
04-Dec-2017 tagged as

စီးပွားရေးအရသာမက ကျန်းမာရေးနှင့် ပညာရေးဘက်တွင်ပါ လွန်စွာ အခရာကျနေသည့် မြို့တော်ဟောင်း ရန်ကုန်တွင် မိုးပျံတံတားကြီးများနှင့် မြေပေါ်၊ မြေအောက် လျှပ်စစ်ရထား စီမံကိန်းများ အကောင်အထည် ဖော်နိုင်ရန် သက်ဆိုင်ရာ ဝန်ကြီးဌာနများနှင့် ကော်မတီတို့က ပြင်ဆင်လျက် ရှိသည်ဟု သိရပါသည်။ တစ်နေ့ထက်တစ်နေ့ ပိုမိုဆိုးရွားသော ယာဉ်ကြော ပိတ်ဆို့မှုများနှင့် မြင့်တက်လာသည့် လူဦးရေတို့ကြောင့် အခက်အခဲ အကျပ်အတည်းများ ပိုများလာသော ရန်ကုန်အတွက် အဆိုပါ လမ်းပန်း ဆက်သွယ်ရေးနှင့် ပတ်သက်သော စီမံကိန်းမျိုးများ သာမက အခြား တိုးချဲ့မြို့သစ်နှင့် အိမ်ရာ စီမံကိန်းများစွာလည်း မလွဲမသွေ လိုအပ်လျက်ရှိပေသည်။ 

သိရသလောက် ယခု မိုးပျံတံတားနှင့် မြေပေါ်၊ မြေအောက် လျှပ်စစ်ရထားများ တည်ဆောက်မည့်ကိစ္စမှာ ယခင်သမ္မတဦးသိန်းစိန် အစိုးရလက်ထက်ကတည်းက စတင် အသံထွက်ခဲ့ဖူးပြီး အကြောင်းမျိုးစုံကြောင့် အသံပြန်တိတ်ခဲ့ရာမှ ယခု ပြန်လည် ထွက်ပေါ်လာခြင်းဖြစ်ပေသည်။ ယခုလည်း သက်ဆိုင်သူများ အဆိုအရ ဂျပန်အစိုးရနှင့် ညှိနှိုင်းနေဆဲဖြစ်သလို ချေးငွေကိစ္စ အဆင်ပြေပါမှ ၂၀၂၀ ပြည့်နှစ်ရောက်မှ အကောင်အထည် ဖော်နိုင်မည့်သဘောတွင် ရှိပါသည်။ ထို့ပြင် စတင်နိုင်မည့်နှစ်မှာ ၂၀၂၀ ဖြစ်နေပြန်ရာ လက်ရှိအစိုးရ၏ နောက်ဆုံး အချိန်ကာလရောက်မှ အကောင်အထည် ဖော်နိုင်မည်သာဖြစ်သည်။ 

မြေအောက် မီးရထား စီမံကိန်း၊ မိုးပျံကားနှင့် ရထားစီမံကိန်း စသည်တို့သည် နောင်နှစ်ပေါင်းများစွာအတွင်း တိုးပွားလာမည့်လူဦးရေ၊ ပြောင်းလဲလာမည့် အနေအထားများကို အလေးအနက်တွက်ဆပြီး အကောင်အထည်ဖော်ရသည့် စီမံကိန်းမျိုးဖြစ်ရာ အချိန်ကာလ အားဖြင့်လည်း များစွာ ကြာမြင့်တတ်ပေသည်။ ဥပမာ- ယနေ့မြန်မာနိုင်ငံသားအချို့ သွားရောက်လည်ပတ်ရန် စိတ်ဝင်စားနေကြသည့် ဗီယက်နမ်တွင် မြေအောက်ရထားစီမံကိန်းကြီး အကောင်အထည်ဖော်လျက်ရှိပြီး ယင်းစီမံကိန်းပြီးဆုံးရန် အနည်းဆုံး ၁၀ နှစ်ခန့်ကြာမည်ဟု သိရပါသည်။ ဤနိုင်ငံတွင်မူ ပို၍ပင် ကြာမြင့်လေဦးမည့် အနေအထားအမျိုးမျိုးရှိနေသည်ကို နိုင်ငံသား အားလုံးနီးပါးက သိထားပြီးဖြစ်ရာ မိုးပျံတံတားကြီးများ၊ မြေအောက်ရထားကြီးများ မလာမီ နှစ်ကာလများအတွင်း လတ်တလော ရင်ဆိုင်ကြုံတွေ့နေရသည့် အခက်အခဲနှင့် အကျပ်အတည်းများ လျော့ပါးစေမည့် နည်းလမ်းများနှင့် အစီအစဉ်များကိုလည်း အမြဲပင် စဉ်းစားနေကြရမည် ဖြစ်ပါသည်။ 

ဥပမာ- လက်ရှိ ပြေးဆွဲနေသော မြို့ပတ်ရထား လမ်းကြောင်းဟောင်းတွင်ပင် ရုံးတက်ရုံးဆင်းချိန်မျှသာမက အချိန်ပြည့် ရထားစီးရေ ခပ်စိပ်စိပ် ပြေးဆွဲပေးခြင်း၊ မော်တော်ကားအစား မီးရထား စီးနင်းမှုပိုမိုမြင့်တက်လာစေရန် မြို့တွင်းဘူတာများနှင့် လူနေရပ်ကွက်များအကြား သွားလာရလွယ်ကူအောင်ဆောင်ကြဉ်းပေးခြင်း၊ မြို့ပတ် ရထားနှင့်ဘတ်စ်ကားများ မည်သည့်နေရာတွင် ချိတ်ဆက်စီးနိုင်သည်ဟူသော လမ်းညွှန်ချက်များ လူသိများလာအောင် လုပ်ဆောင်ပေးခြင်း၊ ရထားစီးသူဦးရေ များပြားနေချိန် ကြားဘူတာများ၌ စက္ကန့်ပိုင်းသာ ရပ်တန့်လေ့ရှိသည့် လူမဆန်သော စနစ်များကိုဖျက်သိမ်းခြင်း စသည်တို့ပင်ဖြစ်ပေသည်။ စကားကြုံ၍ဆက်ပြောရမည် ဆိုလျှင် အမျိုးသမီးများနှင့် သက်ကြီးရွယ်အိုများ လူမြင် မကောင်းလောက်အောင် စက္ကန့်မျှသာ ရပ်သည့် ရထားပေါ် ပြေးတက်နေရသည့် မြင်ကွင်းမျိုးကို ကမ္ဘာလှည့် ခရီးသည်များက ဆပ်ကပ်တစ်ခုပမာ ကြည့်ကာ ဓာတ်ပုံမှတ်တမ်းများ တင်နေကြသည့် အဖြစ်မျိုး မကြာခဏ တွေ့မြင်ရသည်မှာ ဗုဒ္ဓဘာသာဝင် အများစုရှိသည်ဆိုသော တိုင်းပြည်တစ်ခုအတွက် အလွန်တရာပင် ရှက်ဖို့ကောင်းလှပေသည်။ 

နောင်အနာဂတ် ကောင်းမွန်အောင် ရည်သန်ပြီး မဟာစီမံကိန်းကြီးများ ရေးဆွဲချမှတ်ကြသည်မှာ အစိုးရကောင်းတို့ မဖြစ်မနေ လုပ်ကြရသည့် တာဝန်တစ်ခု ဖြစ်သလို မျှော်မှန်းထားသည့် သုခမြို့တော်အိပ်မက် အကောင်အထည် မဖော်နိုင်သေးခင် လက်ရှိကာလများအတွင်း အချိန်တိုတိုဖြင့် ပြုပြင်ဖန်တီးနိုင်သည့် အရာများကို စနစ်တကျ ပြုပြင်ပြောင်းလဲပေးခြင်းသည်လည်း အစိုးရကောင်းတို့၏ ဝတ္တရားပင်ဖြစ်ပေသည်။ အကြောင်းမှာ ရန်ကုန်မြို့တစ်မြို့တည်း သာမက မြန်မာနိုင်ငံရှိ နယ်မြို့ အသီးသီးတွင် အချိန်များစွာယူပြီး ပြောင်းလဲရမည့်ကိစ္စ များစွာရှိသလို အချိန်တိုတွင်း ပြောင်းလဲပစ်နိုင်သည့် အရာများလည်း ဒုနဲ့ ဒေး ရှိနေခြင်းကြောင့်ပင်။ ဆိုလိုသည်မှာ သစ်မရောက်ခင်၊ ဝါးပေါင်းကွပ်ဟူသည့် မြန်မာဆိုရိုးအတိုင်း ကြီးမားလှသည့် မဟာအိပ်မက်ကြီးများကိုလည်း မက်ကြရမည်ဖြစ်သလို ယင်းအိပ်မက်ကြီးများ ဖြစ်မလာမီစပ်ကြား ပြည်သူများ၏ လတ်တလော မျှော်လင့်ချက်များကိုလည်း စနစ်တကျ ဖြည့်ဆည်းပေးနိုင်သည့် အရည်အချင်း ရှိထားရမည်ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ (၂၉-၁၁-၂၀၁၇)

  • TAGS