News

POST TYPE

EDITORIAL

ဘာသာရေးခေါင်းဆောင်တို့၏ ပါဝါအပျော့ (Daily, Vol-5/No-197)
29-Nov-2017 tagged as

ကမ္ဘာ့ရိုမန်ကက်သလစ် ခရစ်ယာန် ဘာသာဝင်များ အထူးကြည်ညို လေးစားရသည့် ပုပ်ရဟန်းမင်းကြီးဖရန်စစ် မြန်မာနိုင်ငံသို့ ယမန်နေ့က စတင် ရောက်ရှိပြီး ခရစ်ယာန် ဘာသာဝင်များ သာမက အခြား ဘာသာဝင်များ အပါအဝင် မြန်မာနိုင်ငံ၏ ထိပ်တန်း ခေါင်းဆောင်များနှင့်တွေ့ဆုံကာ ကက်သလစ် ခရစ်ယာန်ဘာသာ၏ ထုံးတမ်းအရ ဆုတောင်းမေတ္တာ ပို့သမှုများ ပြုလုပ်မည် ဖြစ်သည်ဟု သိရပါသည်။ ပုပ်ရဟန်းမင်းကြီး မရောက်လာမီကတည်းက မြန်မာနိုင်ငံနေရာတစ်ဝန်း၊ အထူးသဖြင့် တောင်တန်းဒေသများမှ ကက်သလစ်  ခရစ်ယာန် ဘာသာဝင် ထောင်ပေါင်းများစွာ ရန်ကုန်မြို့သို့ ဦးတည်လာခဲ့ကြပြီး အများစုမှာ ချစ်ခြင်းမေတ္တာနှင့် ငြိမ်းချမ်းမှု ဟူသည့် ကောင်းသောဆုလာဘ် ရရှိရေးအတွက် ၎င်းနှင့်တွေ့ဆုံရန် လာရောက်ကြခြင်းဖြစ်ပေသည်။ ယခုခရီးစဉ်သည် ဆယ်စုနှစ်ပေါင်းများစွာအတွင်း မြန်မာနိုင်ငံသို့ ပုပ်ရဟန်း မင်းကြီး လာရောက်ခြင်း ဖြစ်လည်းဖြစ်နေပြန်ရာ မြန်မာနိုင်ငံသား ခရစ်ယာန် ဘာသာဝင်များ သာမက ဗုဒ္ဓဘာသာနှင့် အခြားဘာသာဝင်တို့၏ စိတ်ဝင်စားခြင်းကိုခံရသည့် သမိုင်းဝင် ခရီးစဉ်တစ်ခုလည်းဖြစ်ပေသည်။ 

ပုပ်ရဟန်းမင်းကြီး၏ ယခုခရီးစဉ်သည် ဗုဒ္ဓဘာသာဝင် အများစု နေထိုင်ရာ မြန်မာနိုင်ငံနှင့် အစ္စလာမ် ဘာသာဝင် အများစု နေထိုင်သည့် မွတ်ဆလင်နိုင်ငံဖြစ်သော အိမ်နီးချင်း ဘင်္ဂလားဒေ့ရ်ှတို့ကို သွားရောက်ခြင်းလည်းဖြစ်သည်ကတစ်ကြောင်း၊ မြန်မာနှင့် ဘင်္ဂလားဒေ့ရ်ှတို့သည် ဘင်္ဂါလီဒုက္ခသည် ပြဿနာ ဖြေရှင်းရန် အကျေအလည် ညှိနှိုင်းဆွေးနွေးရသည့် အချိန်ဖြစ်နေသည်က တစ်ကြောင်း ကမ္ဘာ့နိုင်ငံများက အနီးကပ် စောင့်ကြည့်လေ့လာလျက်ရှိသလို နိုင်ငံတကာ မီဒီယာများကလည်း အရေးတယူပြု ဖော်ပြကြပေသည်။ ကမ္ဘာ့ ခရစ်ယာန် ဘာသာဝင်များ လောကတွင် အထူးပင် အလေးပေးခံရပြီး ကိုးကွယ် ယုံကြည်သူဦးရေအရ (၂၀၁၅ စစ်တမ်းအရ) ကမ္ဘာ့အကြီးဆုံး ဘာသာတရားတစ်ခု၏ ခေါင်းဆောင်လည်းဖြစ်ရာ ၎င်း၏ လုံခြုံရေးကို မြန်မာအာဏာပိုင်များက အခြားနိုင်ငံခေါင်းဆောင်များကိုပေးသည့် လုံခြုံရေးထက် မလျော့သော တင်းကျပ်မှုများ ပြုလုပ်နေရသည်ကိုလည်း တွေ့ရပေသည်။ 

တစ်နည်းအားဖြင့်ဆိုရလျှင် ကမ္ဘာပေါ်တွင် ယုံကြည်သက်ဝင်သူဦးရေ အရရော ဩဇာအရပါ အကြီးမားဆုံးဖြစ်အောင် သမိုင်းကြောင်း အဆက်ဆက် ထူထောင်နိုင်ခဲ့သည့် ဘာသာတရားတစ်ခု၏ အရေးကြီး ပုဂ္ဂိုလ်ကို ဧည့်သည်အဖြစ် ဧည့်ခံကြိုဆိုရသည့်တာဝန်မှာ အလွန်ပင် ကြီးမားပေသည်။ ယင်းသို့သော ဩဇာမျိုးရအောင် ထူထောင်နိုင်ခဲ့သည့် သမိုင်းကြောင်းကို ဤနေရာတွင် အထူးဖော်ပြနေရန် လိုမည်မထင်မိပေ။ သို့သော် ဘာသာတရားတို့၏ စစ်မှန်သော အဆုံးအမနှင့် ယင်းအဆုံးအမကို အဓိပ္ပာယ် သွေဖည်မှုမရှိအောင် ဘာသာပြန် ဆို အဓိပ္ပာယ်ဖော်ပေးသူ ဘာသာရေး ခေါင်းဆောင်တို့၏ အသိဉာဏ် အမြော်အမြင်နှင့် စည်းရုံးရေး စွမ်းရည်ပေါ် မူတည်ပြီး နောက်လိုက်ဟူသော ယုံကြည် ကိုးကွယ်သူ ဘာသာဝင်များ မတူကွဲပြားနေကြသည့်အချက်မှာ အထူးပင် စိတ်ဝင်စားစရာ ကောင်းသည်ဟု ဆိုချင်ပါသည်။ မတူကွဲပြားမှုဟူသည် ရှေးယခင်၊ လူသားသမိုင်း အစကတည်းက ရှိခဲ့သည့်အရာဖြစ်ပြီး နောင်လည်း မလွဲမသွေ ဆက်ရှိနေဦးမည်သာ ဖြစ်သော်လည်း မူရင်း အဆုံးအမကို ဘာသာရေး ခေါင်းဆောင်တို့၏ အဓိပ္ပာယ် ဖွင့်ဆိုမှုလွဲမှားချိန်၊ ဘာသာမတူသူများ တစ်ဦးနှင့်တစ်ဦး သံသယဝင်ကာ လောဘ၊ ဒေါသနှင့် အမှန်အမှား၊ အကောင်း အဆိုး ဝေဖန်ပိုင်းခြားနိုင်ခြင်း မရှိသော မောဟတရားတို့ အထွတ်အထိပ် ရောက်ချိန်တွင် ခရုဆိတ် စစ်ပွဲကြီးများအထိ ဖြစ်ခဲ့ကြရသည်ကို ကမ္ဘာ့သမိုင်းက သက်သေခံလျက်ရှိပါသည်။ 

တစ်မျိုးထပ်ပြောရလျှင် ဘာသာတရားတိုင်း၏ အဆုံးအမမှာ ငြိမ်းချမ်းရေးနှင့် မေတ္တာတရားကို အခြေခံသော်လည်း ဘာသာရေး ခေါင်းဆောင်များအပေါ် ကြည်ညိုလွန်းသည့် စိတ်၊ မိမိနှင့် ကိုးကွယ်ယုံကြည်မှုချင်း မတူသူအပေါ် နှိမ့်ချ ခွဲခြားဆက်ဆံလိုသည့် စိတ်တို့ကြောင့် ပခုံးနှစ်ဖက်ကြား ခေါင်းပေါက်တာ ချင်းတူသည့် လူသားများအကြား ရန်ငြိုးထားကာ စစ်မက် အမျိုးမျိုး ခင်းခဲ့ကြခြင်းသာ ဖြစ်သည်။ ပို၍ အရုပ်အဆိုးဆုံးနှင့် အကျည်း အတန်ဆုံးရှိလှသည့် ကိစ္စမှာ ဘာသာတရားတို့၏ ခေါင်းကိုင်ဖခင်များ၏ အမည် နာမတော်များကို အသုံးချ တံဆိပ်ကပ်ကာ လက်နက်ကိုင် စစ်ခင်းကြခြင်းပင်ဖြစ်ပေသည်။ ဆိုလိုသည်မှာ မည်သည့်အယူဝါဒကို ယုံကြည်သက်ဝင်သည်ဖြစ်စေ အကုသိုလ် အလုပ်ကို အားပေးအားမြှောက်ပြုတတ်သည့် လောဘ၊ ဒေါသ၊ မောဟ ဟူသော တရားများနှလုံးသားတွင် ကိန်းဝပ်မနေစေရန် အသိဉာဏ်ဖြင့် ထိန်းချုပ်နိုင်ရေးသည် ငြိမ်းချမ်းမှုနှင့် ချစ်ခြင်းမေတ္တာ ထွန်းကားမှုတို့အတွက် အခြေခံကျသည့် အလုပ်ဖြစ်ကြောင်းနှင့် ဘာသာခြားများအပေါ် “ငါနှင့်မတူ ငါ့ရန်သူ”ဟု သဘောမထားတတ်သည့် ဘာသာရေး ခေါင်းဆောင်နှင့် နောက်လိုက်တို့၏ မေတ္တာဓာတ်ပါသော ပြုမူပြောဆိုမှုတို့ကသာ ၎င်းတို့ဘာသာတရားနှင့် ဘာသာဝင်များအပေါ် ရန်ငြိုးမဖက် မေတ္တာတက်အောင် စွမ်းဆောင်နိုင်မည် ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ (၂၇-၁၁-၂၀၁၇)

  • TAGS