News

POST TYPE

EDITORIAL

နောက်ကြောင်းလှသည့် စွမ်းဆောင်ရှင် လူနည်းတစ်စု (Daily, Vol-5/No-196)
27-Nov-2017 tagged as

မြန်မာ့နိုင်ငံရေးလောကတွင် ဒေါ်အောင်ဆန်းစုကြည်ပြီးလျှင် ထင်ရှားသည့် ပုဂ္ဂိုလ်တစ်ဦးဖြစ်သူ ဦးကိုကိုကြီး ဦးဆောင်သည့် ၈၈ မျိုးဆက်များ ပါဝင်ပြီး အခြားနိုင်ငံရေးသမားများ သာမက နယ်ပယ် အသီးသီးတွင် ကျွမ်းကျင်မှုရှိသည့် ပုဂ္ဂိုလ်တစ်ဦးချင်းစီ စုစည်းထားသူများက လာမည့်နှစ်ဆန်းပိုင်း၌ နိုင်ငံရေးပါတီတစ်ခု ဖွဲ့စည်းထူထောင်ရန် ကြိုးပမ်းလျက်ရှိကြောင်း သိရပေသည်။ ပါတီထူထောင်မည့် ကိစ္စနှင့်ပတ်သက်၍ ဦးကိုကိုကြီး၏ တရားဝင် ထုတ်ဖော် ပြောဆိုထားချက်အရ ၈၈ မတိုင်မီ နိုင်ငံရေး မျိုးဆက်များနှင့် ၈၈ နောက်ပိုင်း (၎င်းတို့ထက်ငယ်သော) နိုင်ငံရေး မျိုးဆက်များ၊ လူမှုရေး၊ စီးပွားရေး၊ ကျန်းမာရေး စသည့်နယ်ပယ်တို့မှ အရည်အချင်းရှိသူများ ပါဝင်မည့် ပါတီတစ်ခုဖြစ်ပုံရပါသည်။ အရည်အချင်းရှိသူ၊ လုပ်နိုင်စွမ်းရှိသူ၊ တစ်နည်းအားဖြင့် “ခေါင်”တွေချည်း စုထားသည့် ပါတီတစ်ခုဟု ယုံကြည်ရပေရာ ဒီမိုကရေစီ အသွင်ကူးပြောင်းရေး သာမက ကျန်ရှိနေသေးသည့် နိုင်ငံတည်ဆောက်ရေး လုပ်ငန်းကြီးအတွက် များစွာ အထောက်အပံ့ ပြုမည့်သူများ ဖြစ်လိမ့်မည်ဟု ဦးစွာ မျှော်လင့်မိပေသည်။ 

ဒီမိုကရေစီ စတင် ကျင့်သုံးလာသည့် ခေတ်သစ် မြန်မာ့သမိုင်းကြောင်း၌ ၂၀၁၀ ပြည့်နှစ်နှင့် ၂၀၁၅ ခုနှစ်ဟူ၍ ရွေးကောက်ပွဲကြီး နှစ်ရပ်ကို ဖြတ်သန်းခဲ့ပြီဖြစ်ရာ ၂၀၂၀ ပြည့်နှစ် ရွေးကောက်ပွဲသည် ဒီမိုကရေစီ ဆယ်စုနှစ် တစ်ခုပြည့်ချိန်၌ ကျင်းပမည့် ရွေးကောက်ပွဲ တစ်ရပ်လည်းဖြစ်ပေသည်။ ဆယ်နှစ်တာ ကာလအတွင်း မည်သူတွေက မည်သည့် အပြောင်းအလဲကောင်းများကို လုပ်ဆောင်နိုင်ခဲ့သည်၊ မည်သူတွေက မည်သို့သော အလွဲအမှားများ လုပ်ခဲ့သည် စသည်တို့ကို မဲဆန္ဒရှင်ပြည်သူများ အနေနှင့် ပါတီတစ်ခုချင်းစီ၊ လွှတ်တော် ကိုယ်စားလှယ် တစ်ဦးချင်းစီ နှိုင်းယှဉ်ကာ ပိုင်းခြား အကဲဖြတ်နိုင်စွမ်း ပိုမို မြင့်တက်လာမည့် အချိန်လည်းဖြစ်ပေလိမ့်မည်။ ပွင့်ပွင့်လင်းလင်းပြောရမည် ဆိုပါက ယင်းရွေးကောက်ပွဲတွင် အမှတ်တံဆိပ်ကိုကြည့်ပြီ့း နျ သမ သြ လုပ်တတ်သည့် မဲဆန္ဒရှင်တို့၏ အလေ့အထသည်လည်း မြင့်တက်လာမည့် အကဲဖြတ်စွမ်းရည်၊ ဆယ်စုနှစ်တစ်ခုတာ အတွေ့အကြုံတို့နှင့်အတူ လျော့ပါး သွားမည့်သဘောတွင်ရှိနေပေသည်။ 

ဒီမိုကရေစီကျင့်သုံးသည့် မည်သည့်နိုင်ငံတွင်ဖြစ်စေ ရွေးကောက်ပွဲဟူသည် နိုင်ငံနှင့် လူ့အဖွဲ့အစည်းအတွက် အပြောင်းအလဲလုပ်လိုသော၊ ပိုမိုသာယာလှပ သည့် အနာဂတ်တစ်ခုကို ဖန်တီးလိုသော နိုင်ငံရေးသမားများက ရှေ့လူတို့၏ အားနည်းချက်များကို ထောက်ကာ ယင်းအားနည်းချက်များကို ပြုပြင်ပေးမည်ဟု ကတိကဝတ် အမျိုးမျိုး ပေးကြသော ဆန္ဒမဲတောင်းခံပွဲဖြစ်ပြီး ပြည်သူများဘက်ကကြည့်လျှင် ၎င်းတို့၏ ပကတိလူမှု ဘဝများ ပိုမိုတောက်ပြောင်အောင် လုပ်ဆောင်ပေးနိုင်လိမ့်မည်ဟု ယုံကြည်ရသည့် စွမ်းဆောင်ရှင်များကို ရွေးချယ်သည့်ပွဲဖြစ်သည်ဟု ယေဘုယျ ပြော၍ရပါသည်။ ထို့အတူ အပြောင်းအလဲ ကောင်းများ ဖန်တီးပေးလိုသူများ၏ နောက်ခံ သမိုင်းကြောင်းကိစ္စမှာ လွန်စွာ အရေးပါသည့်နေရာမှ အမြဲပါဝင်လေ့ ရှိသည်ဟူသောအချက်ကို အထူးပြောနေစရာပင် လိုမည်မဟုတ်ပေ။ 

ရုပ်ပိုင်းနှင့် စိတ်ပိုင်းဆိုင်ရာ ပြုပြင်စရာ များစွာရှိနေသေးပြီး ကာလရှည် ဖိနှိပ်မှုများစွာနှင့် ရင်ဆိုင်ခဲ့ရသော မြန်မာနိုင်ငံအတွက် ပြောရမည်ဆိုလျှင် နောက်ကြောင်းရှင်းပြီး သမိုင်းလှသည့် စွမ်းဆောင်ရှင် လူနည်းစုတစ်စုသာ လိုပါသည်။ အနီရောင်ဖြစ်စေ၊ အစိမ်းရောင်ဖြစ်စေ၊ အဝါရောင်ဖြစ်စေ၊ မည်သည့်ဘက်က လာသည်ဖြစ်စေ အမှန်တကယ် နောက်ကြောင်းရှင်းပြီး လက်တွေ့ကျသည့်ရလဒ်များထွက်အောင် ပူးပေါင်း ဆောင်ရွက်နိုင်သည့် စွမ်းဆောင်ရှင်တစ်စု စုစည်းမိရန်နှင့် မြန်မာမှန်လျှင် Team Work ပိုင်း အားနည်းသည်ဟူသောအချက်ကို ပြောင်းလဲပစ်ရန် ယခုကတည်းက ပြင်ဆင်ကြရတော့မည်ဖြစ်ကြောင်း ဖော်ပြလိုရင်းဖြစ်ပေသည်။ 

အယ်ဒီတာ (၂၆-၁၁-၂၀၁၇)

  • TAGS