News

POST TYPE

EDITORIAL

ရခိုင်ပြည်က မကြားနိုင်သေးသည့် ဂျူးတို့၏ အသံ (Daily, Vol-5/No-182)
11-Nov-2017 tagged as

ရခိုင်အရေးကိစ္စတွင် ပကတိမြေပြင်၌ ဖြစ်ပျက်နေသော အဖြစ်အပျက်များနှင့် ပတ်သက်လာလျှင် အစ္စရေးနိုင်ငံက ကမ္ဘာ့ကုလသမဂ္ဂအဖွဲ့ထက် ပိုမိုသိရှိနားလည်သည်ဟု နယူးယောက် အခြေစိုက် အစ္စရေးကောင်စစ်ဝန်ရုံးမှ ဒုတိယကောင်စစ်ဝန်က သုံးသပ်ပြောကြားသည်ဟူသော သတင်းကိုကြားရသည်မှာ ထူးထူးခြားခြားပင် ဖြစ်နေပါသည်။ အမေရိကန် ပြည်ထောင်စုနှင့် အနောက်နိုင်ငံများ အပါအဝင် ကုလသမဂ္ဂ ကိုယ်တိုင်က ရခိုင်ပြည်နယ်၌ ဘင်္ဂါလီများသည် မျိုးဖြုတ်ရှင်းလင်းမှုများနှင့် ရင်ဆိုင်ကြုံတွေ့နေရသည်ဟု အထပ်ထပ် စွပ်စွဲရုံမျှမက မြန်မာနိုင်ငံအပေါ် အမေရိကန်ပြည်ထောင်စုက ဒဏ်ခတ် အရေးယူမှုသစ်များ ချမှတ်မည်ဟု လေသံပစ်နေချိန်တွင် အစ္စရေးနိုင်ငံက ထိုသို့ ကုလသမဂ္ဂကို ဝေဖန်ရုံမျှမက ဘင်္ဂါလီ အကြမ်းဖက်အုပ်စုများသည်လည်း စစ်ရာဇဝတ် ကျူးလွန်နေသည်ဟု ဆိုသွားသည့်အချက်ကို ကြည့်လျှင် အမေရိကန်၏ အနီးကပ် မဟာမိတ် အစ္စရေး၏ ရပ်တည်ချက်သည် လွန်စွာ တစ်ဖက်စောင်းနင်း မရှိလှသည်မှာ သေချာပေသည်။ ထို့အတူ မြန်မာအပေါ် ထားရှိသော အစ္စရေးတို့၏ သဘောထားနှင့် ဆက်ဆံရေးမှာလည်း မဖြစ်မနေသိထားရန် လိုအပ်သည်ဟု ယူဆမိပါသည်။ 

လယ်ယာစိုက်ပျိုးရေးနိုင်ငံဖြစ်သည့် မြန်မာနိုင်ငံမှ စိုက်ပျိုးရေးပညာရှင် အများစု ယင်းစိုက်ပျိုးရေး ပညာလေ့လာရာ၌ အမှီသဟဲကောင်းအဖြစ် အမြဲပင် ကူညီသင်ကြားပေးခဲ့သော အစ္စရေးနှင့် မြန်မာတို့၏ ဆက်ဆံရေးမှာ တစ်ချိန်က ပါလီမန်အစိုးရ ဝန်ကြီးချုပ်ဦးနုနှင့် ပထမဆုံး အစ္စရေးဝန်ကြီးချုပ် ဒေးဗစ်ဘန်ဂူရီအွန်တို့က စခဲ့သည်ဟု ဆိုရပေမည်။ နှစ်နိုင်ငံအကြား ပထဝီ အနေအထားအရ မနီးစပ်သော်လည်း နီးစပ်သည့် ဆက်ဆံရေးမျိုး ထူထောင်နိုင်ခဲ့သည့် အကြောင်းအရင်းများတွင် ဂျူးနိုင်ငံတော် အစ္စရေး၏ လွတ်လပ်ရေးကို ပထမဆုံး အသိအမှတ်ပြုသည့် အာရှနိုင်ငံများ၌ မြန်မာက ထိပ်ဆုံးကပါခဲ့သလို အစ္စရေးသို့ ပထမဆုံး လာရောက် လည်ပတ်သည့် ပြည်ပ ခေါင်းဆောင်မှာ ဝန်ကြီးချုပ် ဦးနုဖြစ်နေခြင်းတို့သည် ကြီးမားသည့် အကြောင်းတရားများ ဖြစ်နေပေသည်။ 

အနောက်ကမ္ဘာ၏ လွန်စွာ အရေးကြီးသော မဟာမိတ်ဖြစ်သည့် အစ္စရေးတို့သည် အမေရိကန်နှင့် အနောက်နိုင်ငံများ ဖယ်ကြဉ်ခဲ့သည့် ယခင် တပ်မတော် အစိုးရလက်ထက်၌ပင် မြန်မာနှင့် ချစ်ကြည်ရင်းနှီးသော ဆက်ဆံရေးကို ထူထောင်ထားခဲ့သည်မှာလည်း ထူးခြားမှုတစ်ခု ဖြစ်သလို ယနေ့အခါတွင်လည်း ဒေါ်အောင်ဆန်းစုကြည်၏ ဒီမိုကရေစီ အစိုးရရော၊ ယနေ့အချိန်အထိ ကြီးမားသည့် အာဏာများကို ရယူထားဆဲဖြစ်သည်ဟု နိုင်ငံတကာ အသိုင်းအဝိုင်းက ပြောဆိုနေသည့် မြန်မာ့တပ်မတော်နှင့်ပါ ဆက်ဆံရေး အထူးကောင်းမွန်နေသည်မှာလည်း ထူးခြားနေသည်ဟု ဆိုရပေမည်။ 

ပို၍ဆိုရလျှင် ခပ်ဆန်းဆန်း ဖြစ်နေသည့်ကိစ္စမှာ အမေရိကန် ပြည်ထောင်စုက ရခိုင်ကိစ္စတွင် ဒေါ်အောင်ဆန်းစုကြည် အစိုးရထက် တပ်မတော်တစ်ခုတည်းကိုသာ မဲလာသည့် အခြေအနေထဲတွင်ပင် အစ္စရေးတို့က တပ်မတော်နှင့် စစ်ဘက် ဆက်ဆံရေးကို ပိုမို အားကောင်းအောင် ကြိုးပမ်းလာခြင်းဖြစ်သည်။ စစ်လက်နက်ကိစ္စ၊ စစ်သုံးပစ္စည်း ကိစ္စများကလည်း မြန်မာ့တပ်မတော်နှင့် အစ္စရေးတို့အကြား ပိုမိုအကျွမ်းတဝင်ဖြစ်စေမည့် အကြောင်းတရားများဖြစ်ဟန် ရှိပါသည်။ အမေရိကန်တို့၏ နှစ်စဉ် ဒေါ်လာဘီလီယံနှင့်ချီသော စစ်ဘက်ဆိုင်ရာ အထောက်အပံ့အပြင် အခြားအထောက်အပံ့များ ရရှိခဲ့ပြီး အရှေ့အလယ်ပိုင်းဒေသဆိုင်ရာ အမေရိကန် မူဝါဒအတွက် အခရာ ကျလွန်းလှသည့် အစ္စရေးတို့က မြန်မာ့တပ်မတော်နှင့် စစ်လက်နက်၊ စစ်သုံးပစ္စည်းဆိုင်ရာ ကိစ္စများရှိသည့်အပြင် ရခိုင်ကိစ္စတွင် မြန်မာအစိုးရကိုရော တပ်မတော်ကိုပါ အခြားနိုင်ငံများလို တိုက်ရိုက်ပြစ်တင် ဝေဖန်မှုမပြုသော အချက်ကိုကြည့်လျှင် အစ္စရေးသည် မြန်မာတို့အတွက် မိတ်ဆွေနိုင်ငံဖြစ်သလို အမေရိကန်နှင့် မြန်မာ့တပ်မတော်အကြား ဆက်ဆံရေးအတွက်လည်း ကြားခံမိတ်ကောင်း တစ်ဦးဟု ဆို၍ရနိုင်ပေသည်။ မြန်မာ့တပ်မတော်အတွက်မူ အစ္စရေးသည် တရုတ်၊ ရုရှား၊ အိန္ဒိယတို့နှင့် မတူတစ်မူ ထူးခြားသော စစ်ဘက်ဆိုင်ရာ အကူအညီ အထောက်အပံ့များ ပေးနိုင်သည့် မိတ်ဆွေ၊ ပွင့်ပွင့်လင်းလင်း ဆိုရလျှင် အကျိုးဆောင်ဟုပင် ဆိုနိုင်ပေသည်။ ဆိုလိုသည်မှာ မြန်မာနိုင်ငံအနေနှင့် အနောက်နိုင်ငံများနှင့် ပို၍ ခိုင်မာသော ဆက်ဆံရေးကောင်းများ ထူထောင်ရန် ကြိုးပမ်းရာတွင်လည်းကောင်း၊ ကမ္ဘာ့အလယ်၌ မြန်မာနိုင်ငံ ကြီးမားသည့် အကျပ်အတည်း ဖြစ်နေချိန်တွင်လည်းကောင်း အစ္စရေးတို့သည် အမေရိကန်၏ ပြိုင်ဘက်များ ဖြစ်သော တရုတ်နှင့် ရုရှားတို့နှင့် မတူခြားနားသော အကူအညီများနှင့် အသံများ ပေးသည့် မိတ်ဆွေတစ်ဦး ဖြစ်နေလိမ့်မည်ဟူသော အချက်ကို ဖော်ပြလိုရင်း ဖြစ်ပေသည်။ 

အယ်ဒီတာ (၉-၁၁-၂၀၁၇)

  • TAGS