News

POST TYPE

EDITORIAL

နိုင်ငံတကာကို ချက်ကျကျ ပြောနိုင်မည့်သူ များစွာလိုသည် (Daily, Vol-5/No-152)
05-Oct-2017 tagged as

ယမန်နေ့က လူသိများသော သမိုင်းပညာရှင်နှင့် စာရေးဆရာလည်းဖြစ်၊ တစ်ချိန်က ကုလသမဂ္ဂ အထွေထွေ အတွင်းရေးမှူး ဦးသန့် (ကွယ်လွန်)၏ မြေးလည်းဖြစ်သူ ဦးသန့်မြင့်ဦး(Thant Myint-U) က မြန်မာနိုင်ငံတွင် ပြန်လည် ဦးမော့လာသော အမျိုးသားရေးဝါဒက မြန်မာ့နိုင်ငံရေး အခင်းအကျင်းသစ် တစ်ခုကို ပုံဖော်လျက်ရှိသည်ဟု ရခိုင်နှင့် ဘင်္ဂါလီ ပြဿနာကို အခြေခံကာ ရေးသားထားသည့် ဆောင်းပါးတစ်ပုဒ် အွန်လိုင်းတွင် ထွက်ပေါ်လာသည်။ သမိုင်းပညာရှင်ဖြစ်သည့်အလျောက် သမိုင်း အချက်အလက်များနှင့် ထောက်ပြသုံးသပ်ထားပြီး အတော်ပင် ရှည်လျားသော အဆိုပါဆောင်းပါး၏ အဖွင့်တွင် “လူမှုကွန်ရက် မီဒီယာများပေါ်၌ အစွမ်းကုန် ရေးသားနေကြသော အစွန်းရောက်သည့် သဘောတရားများကိုကြည့်လျှင် (မြန်မာ)ပြည်တွင်းနှင့် ပြည်ပ အချိတ်အဆက် ပြတ်နေသည်ဟူသော အချက်ကို တွေ့မြင်နိုင်သည်”ဟု ဆိုထားပါသည်။ 

ယနေ့ထုတ် The Voice သတင်းစာတွင် အဆိုပါ ဆောင်းပါးကို ဘာသာပြန် ဆို ထည့်သွင်းဖော်ပြရန် အချိန်မမီတော့သဖြင့် ဆောင်းပါး၏ ဆိုလိုရင်း အနှစ်ချုပ်ကိုသာ အချက်များဖြင့် ဖော်ပြပေးပါမည်။ 

- လူမျိုးဖြုတ် ရှင်းလင်းမှုများ ရှိနေသည်၊ ဘင်္ဂါလီဒုက္ခသည် မြောက်မြားစွာ အစုလိုက် အပြုံလိုက် ဘင်္ဂလားဒေ့ရ်ှထဲသို့ ဝင်ပြေးခဲ့ရသည်ဟူသော စွပ်စွဲချက်များနှင့် ရင်ဆိုင်နေရသော ရခိုင်ကိစ္စ တစ်ခုတည်းကို မကြည့်ဘဲ တစ်ပြည်လုံး အတိုင်းအတာကို ကြည့်မည်အဆိုလျှင် ပြည်တွင်း၌ လူပေါင်းသန်း တစ်ဝက်ခန့်မှာ ပြည်တွင်း၌ ရွှေ့ပြောင်း အခြေချ နေထိုင်နေကြရသည်။ မြန်မာပြည်တွင် တိုင်းရင်းသား လက်နက်ကိုင် တပ်ဖွဲ့ပေါင်း ၂၀ ခန့်ရှိပြီး စစ်မှန်သော ငြိမ်းချမ်းရေး ပေါ်ထွန်းမှု မရှိသေးပေ။ 

- စီးပွားရေး ကောင်းမွန်မှု မရှိသေးသလို ဘဏ်လုပ်ငန်းများ တည်ငြိမ်မှု မရှိသေးပေ။ ရင်းနှီးမြှုပ်နှံသူများ မြန်မာအပေါ် ယုံကြည်မှု ကျဆင်းနေသည်။ လုံခြုံရေး ကိစ္စများအတွက် အခြေခံဥပဒေက တပ်မတော်ကို အရေးကြီးသည့် အာဏာနှင့် လုပ်ပိုင်ခွင့်များ ပေးထားသည်မှာ မှန်သော်လည်း ဒီမိုကရေစီ အစိုးရအနေနှင့် စီးပွားရေးနှင့် ပြည်ပနိုင်ငံများနှင့် ဆက်ဆံရေးကိစ္စများတွင် လွတ်လပ်စွာ ထိန်းချုပ်ခွင့်ရှိထားသည်။ 

- လက်ရှိအချိန်တွင် ရခိုင်ကိစ္စကြောင့် ပြည်သူ အများစုမှာ အမျိုးသားရေးနှင့်ဆိုင်သည့် စိုးရိမ်စိတ်များ ကြီးထွားနေပြီး Facebook ကြောင့် အမျိုးသားရေး ဝါဒလက်သစ် (Neo-Nationalism) အင်အားကောင်းမွန်လျက် ရှိသည်။ ကုလသမဂ္ဂနှင့် အနောက်ကမ္ဘာတို့သည် တိုင်းပြည်၏ ရန်သူများဘက်က ဘက်လိုက်နေသည်ဟု ပြည်သူအများစုက ရှုမြင်လျက်ရှိသည်။

- ဒီမိုကရေစီ အစိုးရရော ပြည်သူ အများစုကပါ ARSA အကြမ်းဖက်အုပ်စု၏ အန္တရာယ်ကို အလေးထားလျက်ရှိသလို အစ္စလာမ္မစ် အစွန်းရောက် ဝါဒီများကိုလည်း ထိတ်လန့်လျက်ရှိသည်။ တရားမဝင် ဒုက္ခသည်များ အကြမ်းဖက်သမားများ ဖြစ်သွားခြင်းသည် ပြည်ပ ကျူးကျော်မှုဖြစ်သည်ဟု ပြည်သူအများစုက ရှုမြင်သည်။ 

- ရခိုင် အမျိုးသားရေးဝါဒသည် ဗမာ အမျိုးသားရေးဝါဒနှင့် တူညီသလောက် ရှိသည်။ ၁၉၄၂ ခုနှစ် ဖက်ဆစ်ဂျပန်တို့ ကျူးကျော် ဝင်ရောက်ပြီး အုပ်ချုပ်ရေး ယန္တရား ပြိုလဲခဲ့ချိန်တွင် ဗုဒ္ဓဘာသာဝင်များနှင့် မွတ်ဆလင်တို့ အကြမ်းဖက်မှုကြီးဖြစ်ပွားခဲ့ရာ ထောင်ပေါင်းများစွာ သေဆုံးခဲ့သည်။ ဖက်ဆစ်ဂျပန်တို့က ရခိုင်ဗုဒ္ဓဘာသာတို့ကို လက်နက် ထောက်ပံ့ပေးခဲ့ပြီး ဗြိတိသျှတို့က မွတ်ဆလင်များကို လက်နက် ထောက်ပံ့ခဲ့သည်။ 

- ဗမာ အမျိုးသားရေးဝါဒ၏ အဓိက ရေသောက်မြစ် သို့မဟုတ် ယုံကြည်မှုမှာ မြန်မာနိုင်ငံသည် တိုင်းရင်းသားအဖြစ် အသိအမှတ်ပြုခံထားရသူများ၏ အမျိုးသားနိုင်ငံဖြစ်သည်။ အခြားသူများမှာ ဧည့်သည်များသာ ဖြစ်သည်။ 

- နိုင်ငံတကာက လူ့အခွင့်အရေးနှင့် လူသားချင်း စာနာထောက်ထားမှု ကိစ္စကို အလေးပေးသည်မှာ မှန်သော်လည်း မြန်မာနိုင်ငံ၏ ပြည်တွင်း သမိုင်းကြောင်း၊ ဒေသခံများ၏ စိတ်နေ သဘောထားနှင့် ရှုပ်ထွေး နက်နဲမှုများကိုလည်း နိုင်ငံတကာ အသိုင်းအဝိုင်းအနေနှင့် သိအောင် လုပ်ထားရန် အထူး အရေးကြီးသည်။

ဆောင်းပါး အဆုံးပိုင်းတွင် မြန်မာနိုင်ငံ အနေနှင့် အာရှတွင် ငြိမ်းချမ်းပြီး ချမ်းသာကြွယ်ဝကာ လစ်ဘရယ် ဒီမိုကရေစီကျင့်သုံး နိုင်ငံဖြစ်လာနိုင်သည့် အခြေအနေထဲတွင် ရှိသော်လည်း နိုင်ငံတကာအနေနှင့် ဖိအားများ အလွန်ပေးနေမည်ဆိုပါက လစ်ဘရယ် မဟုတ်တော့ဘဲ လူမျိုးခြား ကြောက်ရွံ့ မုန်းတီးသည့် အမျိုးသားရေးဝါဒ လက်သစ်တစ်ခု ပေါ်ပေါက်လာနိုင်သည်ဟု သတိပေးထားခြင်းပင်ဖြစ်သည်။ ဆိုရလျှင် သမိုင်းပညာရှင် ဒေါက်တာသန့်မြင့်ဦးက တစ်ကမ္ဘာလုံးနှင့် တစ်ယောက်ပုံစံဖြစ်လာသည့် လက်ရှိရခိုင်အရေးကိစ္စတွင် မြန်မာ၏ မိတ်ဆွေနိုင်ငံများအား ပြည်တွင်းရေးကို ကောင်းစွာ နားလည် သဘောပေါက်အောင် ကြိုးပမ်းကြရန် တိုက်တွန်းခြင်းဖြစ်သည်။ The Voice အနေနှင့်မူ နိုင်ငံတကာ အသိုင်းအဝိုင်း ဟူသည် အဆက်ဖြတ်ပစ်၍ရသော အရာမဟုတ်ပေရာ ၎င်းတို့ လက်ခံယုံကြည်လာအောင် အချက်အလက်၊ အထောက်အထားများနှင့်တကွ ချက်ကျကျ ပြောနိုင်မည့် စစ်မှန်သော နိုင်ငံချစ်၊ မျိုးချစ်ပုဂ္ဂိုလ်နှင့် အဖွဲ့အစည်းများ အထူး လိုအပ်နေချိန်ထဲသို့ ရောက်နေပြီဖြစ်ကြောင်း ဖော်ပြလိုက်ပါသည်။ 

အယ်ဒီတာ (၅-၁၀-၂၀၁၇)

  • TAGS