News

POST TYPE

EDITORIAL

မြန်မာ့ထွက်ကုန်များအတွက် ရောင်းသူဈေးကွက်ဖြစ်အောင် ဖန်တီးပါ (Daily, Vol-5/No-146)
28-Sep-2017

အိန္ဒိယဝန်ကြီးချုပ် နာရင်ဒရာမိုဒီ၏ နေပြည်တော်ခရီးစဉ် နောက်ပိုင်း မြန်မာ့ပဲဈေးကွက်၏ အခြေအနေကိုကြည့်လျှင် ယနေ့အချိန်အထိ အနောက် (အိန္ဒိယ) မျှော်ဘဝက ရုန်းထွက်နိုင်ခြင်း မရှိသေးရုံမျှမက ကျဉ်းထဲကျပ်ထဲ အခြေအနေမှ ကယ်တင်ရှင်ဟူသည့် ဝယ်လက်သစ်တစ်ဦး အခိုင်အမာ ပေါ်ပေါက်လာအောင်လည်း ဖန်တီးနိုင်ခြင်း မရှိသေးသည်ကို တွေ့ရပါသည်။ ပြီးခဲ့သည့် ဩဂုတ်လဆန်းပိုင်းကစ၍ လာမည့် ၂၀၁၈ မတ်လကုန်အထိ မြန်မာနိုင်ငံမှ ပဲဝယ်ယူမှုကို တန်ချိန် ၂ သိန်းထိသာ ခွင့်ပြုတော့မည်ဟု အိန္ဒိယနိုင်ငံက ကြေညာခဲ့ပြီးနောက် မြန်မာ့ပဲလောကတွင် ပါဝင်ပတ်သက်နေသူ အားလုံး ကမ္ဘာပျက်သလို ဖြစ်ခဲ့ကြရသည်မှာ အားလုံးအသိပင် ဖြစ်သည်။ အကြောင်းမှာ မြန်မာနိုင်ငံသည် အရှေ့တောင်အာရှတွင် ပဲအများဆုံး စိုက်ပျိုးထုတ်လုပ် တင်ပို့သည့်နိုင်ငံ ဖြစ်သလို နိုင်ငံမှထွက်ရှိသည့် ပဲများ၏ ၈၀ ရာခိုင်နှုန်းခန့်ကို အိန္ဒိယက ပုံမှန်ဝယ်ယူခဲ့ခြင်းကြောင့် ဖြစ်ပေသည်။ 

ပဲစိုက်တောင်သူများသာမက ပဲရောင်းဝယ်ရေး ကုန်သည်ကြီးများပါ အထိနာစေခဲ့သည့် အိန္ဒိယ၏ မူဝါဒ အပြောင်းအလဲကိစ္စကို ကြိုတင်ခန့်မှန်းနိုင်ခဲ့မှု မရှိခြင်း၊ အိန္ဒိယ တစ်နိုင်ငံတည်းကိုသာ မှီခိုရောင်းချခဲ့ပြီး အခြားဈေးကွက်များကို ထိုးဖောက်ရန် အစီအစဉ် မရှိခဲ့ခြင်းတို့ကြောင့် ယနေ့အချိန်အထိ မြန်မာ့ပဲလောကသားများ ကမ္ဘာပျက်သလို ဖြစ်နေရခြင်းပင်။ ပို၍ရင်နာစရာ ကောင်းသည်မှာ မြန်မာ့ပဲများကိုဝယ်ပြီး DValue-Added  ခေါ် ထပ်တိုးတန်ဖိုး မြှင့်ကာ အခြားနိုင်ငံများသို့ ပြန်လည်ရောင်းချနေသည့် အိန္ဒိယကိုသာ မှီခိုအားထားခဲ့ရသည့် အနေအထားပင် ဖြစ်ပေသည်။ တစ်နည်းဆိုရလျှင် မြန်မာဘက်တွင် ပဲတင်ပို့ရောင်းချမှုများအတွက် ဈေးကွက်ဆိုင်ရာ မဟာဗျူဟာကောင်းများ ဖော်ထုတ်ကာ အနာဂတ်အတွက် ပြင်ဆင်ထားခြင်းမျိုး လုံးဝမရှိခဲ့၍သာ ပဲပြဿနာမှာ အစိုးရခေါင်းဆောင်လုပ်သူကိုယ်တိုင် ဝင်ရှင်းပေးရသည့် အနေအထားသို့ ရောက်သွားခြင်း ဖြစ်သည်။ အိန္ဒိယဝန်ကြီးချုပ် မိုဒီနှင့် တွေ့ဆုံခဲ့စဉ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပဲဝယ်ယူမှုနှင့် ပတ်သက်သည့် မူဝါဒများ ဖြေလျှော့ပေးရန် တိုက်တွန်းခဲ့သည်မှာ မှန်သော်လည်း ဝန်ကြီးချုပ် တစ်ဦးတည်း သဘောဖြင့် မူလအနေအထားမျိုး ပြန်လည်ရရှိရန်မှာ လွယ်ကူမည် မဟုတ်ပေ။ 

ပဲလောက ပြဿနာတွင် အဆိုးရွားဆုံး ဖြစ်နေသည့် ပဲစင်းငုံပြဿနာ ပြေလည်ရေးအတွက် အကျဉ်းဦးစီးဌာန၊ တပ်မတော်တို့အနေနှင့် ရိက္ခာကိစ္စတွင် ကုလားပဲအစား ပဲစင်းငုံကို ပြောင်းလဲဝယ်ယူရန် ညှိနှိုင်းမှုများ ပြုလုပ်လျက်ရှိသည်ဟူသော သတင်းများ ကြားရသော်လည်း အဆိုပါ ဖြေရှင်းနည်း တစ်ခုတည်းဖြင့် ပဲလောကတစ်ခုလုံး အသက်ရှူ ပြန်ချောင်လာနိုင်မည့် အခြေအနေတော့ ရှိလာလိမ့်မည် မဟုတ်ပေ။ ယမန်နေ့ စက်တင်ဘာလ ၂၈ ရက်က ဂျပန်နိုင်ငံ ကုမ္ပဏီတစ်ခုက ပဲမျိုးစုံနှင့် နှမ်းများ ဝယ်ယူနိုင်ရေးအတွက် အရည်အသွေးများကို လာရောက်ကြည့်ရှုခဲ့ကြသော်လည်း မြေစမ်းခရမ်းပျိုးအဆင့်သို့ ရောက်မရောက်ပင် မသေချာလှဟု ဆိုရမည်။ မြေလွတ်၊ မြေရိုင်းများစွာ ပေါများပြီး ကောင်းစွာ  စိုက်ပျိုးထွန်ယက်နိုင်သောနိုင်ငံ ဖြစ်ပါလျက် လယ်ယာစိုက်ပျိုးရေးကဏ္ဍ ထုတ်ကုန်များ တင်ပို့ရောင်းချသည့် ကိစ္စတွင် ပဲတစ်မျိုးတည်း သာမက အခြားဆန်နှင့် ပြောင်းတို့ပါ ခေတ်အဆက်ဆက် အမြဲပင် မျက်နှာငယ်ခဲ့ရသလို ယနေ့ထိတိုင်လည်း ဆီး(ဇီး)ရွက်ပမာ ဖြစ်နေရခြင်းအတွက် သက်ဆိုင်သူ လူပုဂ္ဂိုလ်နှင့် အဖွဲ့အစည်းများ အားလုံး အဖြေရှာကြရတော့မည့် အချိန်ကျရောက်ပြီ ဖြစ်ပါသည်။ အဓိက ပြောလိုသည်မှာ ပဲတစ်ခုတည်းသာမက မြန်မာ့ထွက်ကုန်အားလုံးကို ပြည်ပသို့ တင်ပို့ရောင်းချရာတွင် ဝယ်သူဈေးကွက်ထက် ရောင်းသူဈေးကွက်ဖြစ်အောင် ဖန်တီးနိုင်သည့် အခြေအနေနှင့် နည်းလမ်းများ မရှိသေးသရွေ့ အလားတူ ပြဿနာများနှင့် မကြာခဏ ဆိုသလို ကြုံတွေ့နေရဦးမည် ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ (၂၈-၉-၂၀၁၇)