News

POST TYPE

EDITORIAL

ရခိုင်ပြဿနာက ပေးသည့် သင်ခန်းစာအချို့ (Daily, Vol-5/No-126)
05-Sep-2017 tagged as ရခိုင်အရေး

မကြာသေးခင်က MNTV ရုပ်သံအစီအစဉ်တွင် အစဉ်ထုတ်လွှင့်ခဲ့သည် ဗြိတိန်အခြေစိုက် BBC သတင်းဌာန၏ ဘီဘီစီ မြန်မာပိုင်း ပြည်တွင်းရုပ်သံ ထုတ်လွှင့်မှု ရပ်ဆိုင်းခဲ့မှုနှင့်ပတ်သက်၍ မီဒီယာနယ်ပယ်တွင်း ထင်ကြေးပေးမှု အမျိုးမျိုး ထွက်ပေါ်လျက်ရှိပါသည်။ MNTV မှတာဝန်ရှိသူတစ်ဦးက ဘီဘီစီက ထုတ်လွှင့်သော သတင်းတစ်ပုဒ်သည် မြန်မာအစိုးရက ချမှတ်ထားသော မူဝါဒနှင့် ကိုက်ညီမှုမရှိခြင်းကြောင့် နှစ်ဖက် သဘောတူညီမှုဖြင့် ယာယီ ရပ်ဆိုင်းလိုက်ခြင်းဖြစ်သည်ဟု ဆိုသော်လည်း ပြည်ပ သတင်းဌာန တစ်ခုဖြစ်သော AFP ၏ဖော်ပြချက်တွင် ရခိုင်ပြည်နယ်က ဘင်္ဂါလီမွတ်ဆလင် ဒုက္ခသည်များ အရေးကိစ္စနှင့်ပတ်သက်သော တင်ဆက်မှုပိုင်း၌ ရုပ်သံထုတ်လွှင့်မှု အစီအစဉ်ကို အကျိုးတူ ပူးပေါင်း ဆောင်ရွက်သူများအကြား မပြေမလည်ဖြစ်ခြင်းကြောင့် ရပ်ဆိုင်းလိုက်ရခြင်းဖြစ်သည်ဟု ရေးသားထားသည်ကို တွေ့ရသည်။ 

ဘီဘီစီ မြန်မာပိုင်း ရုပ်သံအစီအစဉ် မြန်မာပြည်တွင်း ထုတ်လွှင့်မှုပိုင်း၌ ခေတ္တ ယာယီ ရပ်ဆိုင်းသည်ဖြစ်စေ၊ အစဉ်ထာဝရ ရပ်ဆိုင်းသွားသည်ဖြစ်စေ စသည့်ကိစ္စတို့ထက် ယခုခေါင်းကြီးပိုင်းတွင် ရခိုင်ကိစ္စအပေါ် ပြည်ပမီဒီယာများ၏ တင်ဆက်မှုနှင့်ပတ်သက်၍ အနည်းငယ် ထောက်ပြလိုပေသည်။ ထဲထဲဝင်ဝင် လေ့လာစောင့်ကြည့်နေသူများ အားလုံး သိထားသည့်အတိုင်း လက်ရှိ အနေအထားတွင် ရခိုင်ကိစ္စနှင့်ပတ်သက်၍ ပြည်ပ မီဒီယာများ သာမက ပြည်တွင်း မီဒီယာများပါ အခင်းဖြစ်ပေါ်နေသည့်နေရာသို့ သွားရောက်ကာ လွတ်လပ်စွာ သတင်းရယူနိုင်သည့် အခြေအနေမျိုး မရရှိသေးပေ။ 

သို့အတွက်ကြောင့် သတင်းများ ရေးသားရာတွင်လည်းကောင်း၊ ရိုက်ကူးထုတ်လွှင့်ရာတွင်လည်းကောင်း မိမိနှင့် နီးစပ်ပတ်သက်မှုရှိသည့် သတင်းရင်းမြစ်များ၏ ပြောကြားချက်၊ အစိုးရက တရားဝင် ထုတ်ပြန်သည့် ကြေညာချက်၊ ကိန်းဂဏန်း စသည်တို့ကိုသာ ဖော်ပြနေရသည့် အနေအထားမျိုးဖြစ်ပြီး ဆန့်ကျင်ဘက်အုပ်စု၏ အခြေအနေနှင့် အမြင်များ ရယူရန် လွန်စွာခဲယဉ်းလျက်ရှိပါသည်။ တစ်နည်းအားဖြင့်ဆိုပါက အုပ်စု A နှင့် နီးစပ်သည့် သတင်းမီဒီယာများက အုပ်စု A အကြောင်း ဖော်ပြကြသည်ကများပြီး အုပ်စု B နှင့် နီးစပ်သူများက B အကြောင်းသာ ဇောင်းပေး ရေးသားနေသလိုဖြစ်ရာ တင်ဆက် ရေးသားမှု အားလုံး ဘက်လိုက်မှုဟူသည့် ချောက်ကမ်းပါးထဲသို့ သူ့အလိုလို ရောက်သွားသည့် ပုံစံမျိုးဖြစ်နေခြင်းပင်။ 

ထို့ကြောင့်လည်း ပြည်ပမီဒီယာများတွင် ရခိုင်တိုင်းရင်းသား လူမျိုးစုများ၏ ဘေးဒုက္ခထက်၊ ဘင်္ဂါလီတို့၏ ဘေးဒုက္ခ ကိစ္စချည်းကိုသာ တွေ့မြင်နေရပြီး မျှတမှုမရှိသည့် သတင်း ရေးသားတက်ဆက်ပုံမျိုး ပေါက်သွားခြင်းဖြစ်ပေသည်။ နောက်ထပ် ထောက်ပြလိုသည့်အချက်မှာ ပြည်တွင်း မီဒီယာများတွင်လည်း နိုင်ငံတကာ ဘာသာစကားဖြစ်သော အင်္ဂလိပ်ဘာသာဖြင့် ထုတ်ဝေပြီး အနိမ့်ဆုံး ထိုင်းနိုင်ငံထုတ် The Nation နှင့် Bangkok Post ကဲ့သို့ အာဆီယံ ဒေသတွင်းသာမက အာရှတွင် ဩဇာကြီးမားသည့် သတင်းစာမျိုး မရှိသည့်အတွက်လည်း ပြည်တွင်းမှ ပြည်သူများ၏အသံကို ပြည်ပအထိ ကြားအောင်ပြောနိုင်သည့် အခွင့်အရေးမှာ အလိုအလျောက် ဆုံးရှုံးနေရပေသည်။ မြန်မာမီဒီယာ လောကသားများ အနေနှင့် နိုင်ငံတကာ ဘာသာစကားဖြင့် ရေးသားထုတ်ဝေ တင်ဆက်သည့် ပုံနှိပ်သတင်းစာများ သာမက ရုပ်သံသတင်းဌာနများပါ အင်အား ကောင်းမွန်လာအောင် အစွမ်းကုန် ကြိုးပမ်းရန် လိုအပ်နေသေးသည့်အချက်ကို ယခုရခိုင်ကိစ္စက ထောက်ပြလိုက်သည်ကို သတိပြုသင့်ပါသည်။

နောက်ဆုံးပိတ် ထောက်ပြလိုသည့်အချက်မှာ ရခိုင်တိုင်းရင်းသားလူမျိုး ခေါင်းဆောင်များ ပြည်ပ မီဒီယာများနှင့်ထိတွေ့ပြီး ပကတိ အခြေအနေ အရပ်ရပ်ကို ပွင့်လင်းစွာ ပြောဆိုနိုင်ရေးပင် ဖြစ်သည်။ ပြည်ပ မီဒီယာများနှင့် အဆက်အသွယ် ရရှိထားမှသော်လည်းကောင်း၊ ပြည်ပ မီဒီယာသမားများ၏ မေးမြန်းချက်ကို စိတ်ရှည်လက်ရှည် ဖြေကြားနိုင်မှသော်လည်းကောင်း ရခိုင်ပြည်နယ်၏ ဖြစ်ရပ်မှန် (ရခိုင့်အသံ)ကို နိုင်ငံတကာ အသိုင်းအဝိုင်းက အမှန်တကယ် သိရှိအောင် ပြုလုပ်နိုင်မည်ဖြစ်ပါသည်။ အထူး ပြောလိုသည်မှာ လူမှုကွန်ရက်ပေါ်တွင် နိုင်ငံတကာ မီဒီယာများက ရေးသားဖော်ပြချက်၊ နိုင်ငံတကာမှ ပုဂ္ဂိုလ်များ၏ ထင်မြင်သုံးသပ်ချက်များကို ဆဲရေးတိုင်းထွာနေရုံမျှဖြင့် ပြဿနာများ ပြေလည်မည် မဟုတ်သလို မြန်မာနိုင်ငံ၏ ဂုဏ်သတင်းလည်း မည်သို့မျှ ကျော်စောနိုင်မည် မဟုတ်ကြောင်းနှင့် မောင်တောတွင် တောက်လောင်သော မီးပွားကို အခြား ပြည်နယ်နှင့်တိုင်းဒေသကြီးများဆီသို့ ကူးစက်မှု မရှိစေရန် အားလုံးက သတိတရားကြီးစွာဖြင့် ကာကွယ်ဟန့်တားရမည်ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ (၅-၉-၂၀၁၇)