News

POST TYPE

EDITORIAL

ရခိုင်အတွက် တိုင်းရင်းသားအားလုံးတွင် တာဝန်ရှိသည် (Daily, Vol-5/No-120)
29-Aug-2017 tagged as ရခိုင်အရေး

လက်ရှိ ရခိုင်ပြည်နယ် မောင်တောတွင်ဖြစ်ပေါ်နေသော ဘင်္ဂါလီအစွန်းရောက် အုပ်စု၏ အကြမ်းဖက် တိုက်ခိုက်မှုများနှင့် ပတ်သက်၍ ကုလသမဂ္ဂ အထွေထွေ အတွင်းရေးမှူးချုပ် ကိုယ်တိုင်က စိုးရိမ်ပူပန်ကြောင်းနှင့် မြန်မာနိုင်ငံရော အိမ်နီးချင်း ဘင်္ဂလားဒေ့ရ်ှနိုင်ငံအတွက်ပါ အကူအညီ အထောက်အပံ့များပေးရန် အသင့်ရှိကြောင်း ထုတ်ပြန်ကြေညာလာသည်ကို တွေ့ရပါသည်။ မရှေးမနှောင်းတွင်ပင် ဘင်္ဂလားဒေ့ရှ် နိုင်ငံခြားရေးဝန်ကြီးဌာနမှ အကြီးတန်း အရာရှိတစ်ဦးက ဒါကာအခြေစိုက် မြန်မာနိုင်ငံသံရုံး ယာယီ တာဝန်ခံနှင့်တွေ့ဆုံကာ ဘင်္ဂါလီ စစ်သွေးကြွများကို နှစ်နိုင်ငံပူးတွဲ စစ်ဆင်ရေးဖြင့် နှိမ်နင်းသွားရန် ကမ်းလှမ်းလာသည်။ ဤအတောအတွင်းမှာပင် လူမှုကွန်ရက်များ၌ “Save the Rakhine” “ရခိုင်ပြည်ကိုကယ်တင်ကြပါ”ဟူသော တိုက်တွန်းနှိုးဆော်မှု အမျိုးမျိုး၊ ရခိုင်နှင့်ပတ်သက်သော သတင်းအမျိုးမျိုးကို ဆက်တိုက် တွေ့မြင်လာရပါသည်။ ဆိုရလျှင် ဘင်္ဂါလီအကြမ်းဖက်အုပ်စုတို့ မွှေးသောမီးသည် လောင်အားလွန်စွာကောင်းလာသည်ဖြစ်ရာ ပြည်တွင်းရော၊ ပြည်ပကပါ ယင်းပြဿနာကို အကြောင်းပြုပြီး မီးကူးစက်ခံရမည်ကို စိုးရိမ်တကြီး ဖြစ်နေသည်မှာ သေချာပါသည်။

ယခု ရခိုင်ပြည်က မောင်တော တိုက်ခိုက်ခံရမှုကိုကြည့်မည်ဆိုလျှင် ပြည်တွင်းက မြန်မာနိုင်ငံသားတို့၏ အမြင်နှင့် ပြည်ပမှ အကူအညီပေးလိုပါသည်ဟု ထပ်ခါတလဲလဲ ပြောလျက်ရှိသော အဖွဲ့အစည်းတို့၏အမြင်များ မည်သို့မျှ တူညီကြမည် မဟုတ်ပေ။ ပြည်ပက နိုင်ငံခြားသားများအမြင်တွင် လူ့အခွင့်အရေးနှင့် လူသားချင်း စာနာထောက်ထားမှုဆိုင်ရာ ကိစ္စတို့က ဖုံးလွှမ်းနေမည်ဖြစ်ပြီး ပြည်တွင်းက မြန်မာနိုင်ငံသားတို့၏ အမြင်တွင်မူ အသက်ဖက်နှင့်ထုပ်ကာ ဘင်္ဂါလီ အကြမ်းဖက်အုပ်စုတို့၏ အန္တရာယ်မှ ထွက်ပြေးနေကြရသော ဒေသခံ ရခိုင်တိုင်းရင်းသား ပြည်သူများအား အကူအညီပေးရေးနှင့် တရားမဝင် ကျူးကျော် ဝင်ရောက်လာသူများ ပြဿနာ ဖြေရှင်းရေးတို့က သေချာပေါက် လွှမ်းမိုးနေမည်သာ ဖြစ်ပေသည်။ တစ်နည်း ဆိုရလျှင် ပြည်ထောင်စုကြီး လုံခြုံရေး သို့မဟုတ် အနောက်တံခါး လုံခြုံရေးကို အမျိုးသားရေး စိတ်ဖြင့်မြင်ခြင်းမျိုး ဖြစ်သည်။ ဤသို့လည်း ဖြစ်ကိုဖြစ်ရပါမည်။ လက်ရှိအချိန်သည် ပြည်ထောင်စုဖွား တိုင်းရင်းသား မောင်နှမများအနက် တစ်ဦး အပါအဝင်ဖြစ်သော ရခိုင်တိုင်းရင်းသားများ၏ မောင်တောဒေသ အိမ်နီးချင်း ထိုင်းတောင်ပိုင်းကဲ့သို့ ဖြစ်မလာစေရန် နိုင်ငံ့ခေါင်းဆောင် (စစ်ဘက်နှင့်အရပ်ဘက်)များသာမက သက်ဆိုင်သူ အားလုံးက ကြပ်ကြပ်မတ်မတ် ဟန့်တားရမည့် အချိန်ပင်ဖြစ်သည်။ တိုက်ခိုက်မှုများကြောင့် ဒုက္ခရောက်ကြရသူ ပြည်သူများ၏ အသက်အိုးအိမ်စည်းစိမ်ကို တစ်ဖက်တွင် အကာအကွယ်ပေးပြီး ကျန်တစ်ဖက်တွင် ပြောင်ပြောင်တင်းတင်း သွေးတိုးစမ်းလာသူများ ရှေ့တစ်လှမ်းထပ်မတိုးနိုင်ရုံမျှမက နောက်ထပ်မည်သည့်အခါမျှ သွေးထိုးစမ်းခွင့်မရရှိတော့အောင် ပြတ်ပြတ်သားသား တာဝန်ယူလုပ်ဆောင်ရ မည့်အချိန်ဟုဆိုလျှင် ပိုမှန်ပေမည်။

ရခိုင်အရေးကိစ္စတွင် ပြည်တွင်းနှင့် ပြည်ပ အမြင်များ မည်သည့်အခါကမျှ မတူညီခဲ့သလို ရှေ့ဆက်၍လည်း တူညီနိုင်မည်မဟုတ်ပေ။ ယခင်တစ်ကြိမ်က The Voice က ထောက်ပြခဲ့ဖူးသလိုပင် ပြည်ပမှ အဖွဲ့အစည်းများအနေနှင့် မြန်မာနိုင်ငံ၌ အားကောင်းလာသော အမျိုးသားရေးအယူအဆသည် တစ်ချိန်တစ်ခါက ကမ္ဘာ့နိုင်ငံ အတော်များများကို ဒုက္ခပေးခဲ့သည့် ဟစ်တလာ၏ နာဇီဝါဒကဲ့သို့ အစွန်းရောက် မျိုးချစ်အမြင်မျိုး ဟုတ်၊ မဟုတ်ကိုသာ ဆန်းစစ်ကြည့်သင့်ပေသည်။ ထို့အတူ ပြည်တွင်းမှ နိုင်ငံသားများ အနေနှင့်လည်း တိုင်းရင်းသား ညီအစ်ကို မောင်နှမ အချင်းချင်းအပေါ် အမှန်တကယ် စာနာထောက်ထားနိုင်သည့်စိတ်နှင့် အရေးကြီးလျှင် သွေးစည်းနိုင်သည့်စိတ် ရှိ၊ မရှိကို ဆန်းစစ်ကြည့်ရမည်ဖြစ်ပါသည်။ ဆိုလိုသည်မှာ ယနေ့အချိန်အထိ လျှပ်စစ်မီးမျှပင် မရရှိဘဲ နှစ်ကာလ ကြာရှည်စွာ ဖွံ့ဖြိုးမှုနိမ့်ပါးခဲ့ရသော အနောက်တံခါး ပေါက်ရှိရာနေရာ ဒေသတွင် ရခိုင်လူမျိုးများ ကျန်ရှိနေနိုင်ရေးသည် ပြည်ထောင်စုဖွား တိုင်းရင်းသား အားလုံး၏ တာဝန်ဖြစ်ကြောင်း ဖော်ပြလိုရင်း ဖြစ်ပေသည်။ 

အယ်ဒီတာ  (၂၉-၈-၂၀၁၇)