News

POST TYPE

EDITOR PICK POST

အင်းစိန်ဗဟိုအကျဉ်းထောင်၏ ထောင်ပိုင်ကြီး ဒုတိယညွှန်ကြားရေးမှူး ဦးမျိုးဦးနှင့် တွေ့ဆုံခြင်း
အင်္ဂလိပ်လက်ထက်က တည်ဆောက်ထားရှိခဲ့သည့် အင်းစိန်ဗဟိုအကျဉ်းထောင်သက်တမ်းမှာ နှစ်ပေါင်း တစ်ရာနှစ်ဆယ့်ငါးနှစ်အထိ ကြာမြင့်ခဲ့ပြီ ဖြစ်သည်။ စတင်ဖွင့်လှစ်ချိန် ၁၈၉၂ ခုနှစ် ဇူလိုင်လမှစ၍ အကျဉ်းထောင်ကြီးကြပ်အုပ်ချုပ်ရေး ယန္တရားတွင် ထောင်မှူးကြီးနှင့် ထောင်ပိုင်မျိုးဆက်ပေါင်း ၉၀ ကျော် ရှိခဲ့သည်။ နာမည်ဆိုးဖြင့် ကျော်ကြားခဲ့သော အင်းစိန်ထောင်မှာ ၂၀၁၀ ခုနှစ် နောက်ပိုင်းကစ၍ အကျဉ်းသားများ၏ နေထိုင်စားသောက်ရေး၊ သောက်သုံးရေ စသည့် အကျဉ်းသားများ၏ အခွင့်အရေး ပိုမိုရှိလာခဲ့ရုံမက တက္ကသိုလ်ဝင်တန်း စာမေးပွဲများကို ဝင်ရောက်ဖြေဆိုခွင့်ပေးသည်အထိပင် ရောက်ရှိခဲ့သည်။ နှိပ်စက်ညှဉ်းပန်းမှုတို့ကို  မပြုလုပ်တော့ပေ။ အင်းစိန်ဗဟိုအကျဉ်းထောင်တွင် လက်ရှိစီမံအုပ်ချုပ်နေသည့် အခြေအနေကို ထောင်ပိုင်ကြီးဖြစ်သူ ဦးမျိုးဦး (ဒုတိယညွှန်ကြားရေးမှူး) နှင့် တွေ့ဆုံမေးမြန်းခဲ့သည်များမှ ကောက်နုတ်ဖော်ပြပေးလိုက်ပါသည်။

Voice : အင်းစိန်အကျဉ်းထောင် အနေနဲ့ လက်ရှိ အကျဉ်းသား ဘယ်လောက်အထိ ထိန်းသိမ်းနေရလဲ။

UMO : လောလောဆယ် ထောင်ဖွင့်ရက်မှာ အကျဉ်းသားပေါင်း ၁၀,၉၉၃ ဦး ရှိတယ်။ အမျိုးသားက ၉၄၃၆ ဦးနဲ့ အမျိုးသမီးက ၁၅၅၇ ဦးရှိပါတယ်။ ဒီအထဲမှာ နိုင်ငံခြားသားအကျဉ်းသား ပမာဏက ၁၂၃ ဦး ပါပါတယ်။

Voice : အင်းစိန်၊ အကျဉ်းထောင် ဖွဲ့စည်းပုံက လူဦးရေ ငါးထောင်လောက်ပဲ ဆံ့တာကို အများကြီး ပိုထားနေရတော့ ဘာအခက်အခဲတွေ ရှိလာလဲ။

UMO :  အကျဉ်းထောင်ထဲမှာ လူဦးရေ ကျပ်တည်းမှုကတော့ ရှိပါတယ်။ လျှော့ချတဲ့ နည်းလမ်းကတော့ မျိုးစုံဆောင်ရွက်ပါတယ်။ အကျဉ်းဦးစီးဌာန ညွှန်ချုပ်ရုံးက ညွှန်ကြားလာရင် အလုပ်စခန်းနဲ့ ကုန်ထုတ်စခန်းတွေရဲ့ လိုအပ်ချက်အပေါ် မူတည်ပြီးတော့ ပို့ပေးတယ်။ ဒီနှစ်ငါးလအတွင်းမှာ အကျဉ်းသား ၇၀၀ လောက် ပို့ထားပြီးပါပြီ။ နောက်ပြီးတော့ ဒီနှစ်ဆန်းထဲမှာ ပြင်ဆင်ပြီးစီးခဲ့တဲ့ အကျဉ်းသား အိပ်ဆောင်သစ် နှစ်ဆောင် တိုးချဲ့ထားပါတယ်။ ဇွန်လလယ်ဆို အိပ်ဆောင်သစ်မှာ အကျဉ်းသားတစ်ထောင်နဲ့ ၁၂၀၀ လောက် ထားဖို့ စီစဉ်ထားပါတယ်။ အင်းစိန်ထောင်မှာ နဂိုက အကျဉ်းသား အိပ်ဆောင် ၁၀ ဆောင် ရှိတယ်။ အခုအိပ်ဆောင် နှစ်ဆောင်နဲ့ဆို ၁၂ ဆောင် ဖြစ်သွားမယ်ပေါ့။ အကျဉ်းသားတွေအတွက် နေရာလေးတွေ ပိုချောင်ချိသွားပါမယ်။

Voice : အကျဉ်းထောင်ထဲမှာ လူ့အခွင့်အရေး ချိုးဖောက်မှု မရှိအောင် အကျဉ်းသားချင်းရော ထောင်အာဏာပိုင်တွေကိုရော ဘယ်လိုထိန်းကျောင်းပေးလဲ။

UMO :  လူ့အခွင့်အရေးနဲ့ ပတ်သက်လို့တော့ အကျဉ်းသားချင်း နိုင်ထက်စီးနင်း မလုပ်ဖို့ ထောင်ဝါဒါ၊  ထောင်ကြီးကြပ်တွေက စောင့်ကြည့်စစ်ဆေးပေးတယ်။ ခေတ်စနစ်တွေ ပြောင်းလဲလာတော့ အကျဉ်းထောင်ရဲ့ စီမံအုပ်ချုပ်က ပြောင်းလဲနေပါပြီ။ လူ့အခွင့်အရေးကော်မရှင်က အင်းစိန်အကျဉ်းထောင်နဲ့ ပတ်သက်ပြီး လူ့အခွင့်အရေး ချိုးဖောက်မှု ရှိ မရှိဆိုတာ အချိန်မရွေး လာစစ်ဆေးနိုင်ပါတယ်။ အကျဉ်းထောင် ဝန်ထမ်းပမာဏ ကျွန်တော်အပါအဝင် ဝန်ထမ်း ၅၇၀ ကျော်နဲ့ ကွပ်ကဲနေပါတယ်။

Voice : နောက်တစ်ချက်က အကျဉ်းထောင်ထဲကို မူးယစ်ဆေး ခိုးသွင်းတဲ့ ပြဿနာတွေ မကြာခဏ ကြားနေရတယ်၊ ဒါတွေကိုကော ဘယ်လိုကြီးကြပ်စစ်ဆေးမှုတွေ ဆောင်ရွက်နေလဲ။

UMO : မူးယစ်ဆေး ခိုးသွင်းတာ ပြစ်ဒဏ်ကျ အကျဉ်းသားတွေထက် အချုပ်သားတွေ အများဆုံး ကျူးလွန်ကြတယ်။ အချုပ်သားတွေက ရုံးထုတ်တရားရုံး စစ်ဆေးရဆဲဆိုတော့ ပါပါလာတတ်တယ်။ ပိုဆိုးတာက ထောင်ဝင်စာ လာတွေ့တဲ့ မိသားစုက အစားအသောက်ထုပ်ထဲ ရောနှောပေးတတ်တာ ပိုများတော့ အစားအသောက်တွေထဲကို ထောင်ဝန်ထမ်းက သေချာမွှေနောက်စစ်တယ်။ ဘူးဝမှာ အကျဉ်းသားကို စစ်တယ်။ နောက်တစ်ခါ မိန်းဂျေးထဲမှာလည်း ထပ်စစ်တယ်။ ဒါတွေ အဆင့်ဆင့် ဆောင်ရွက်ပါတယ်။ မူးယစ်ဆေး လက်ဝယ်တွေ့ရင်တော့ မူးယစ်မှုနဲ့ ထပ်တရားစွဲဆိုပါတယ်။

Voice : အကျဉ်းထောင်မှာရော ကူးစက်ရောဂါ ခံစားနေရတဲ့ အကျဉ်းသားတွေ ရှိကြတယ်။ သူတို့ကိုကော ဆေးဝါးအကူအညီအနေနဲ့ ဘယ်လိုစီစဉ်ပေးလဲ။ ထောင်ဆရာဝန်နဲ့ ကျန်းမာရေး ဝန်ထမ်းကကော ဖွဲ့စည်းပုံအရ ပြည့်မီရဲ့လား။

UMO : အင်းစိန်အကျဉ်းထောင်မှာ အကျဉ်းသားတွေကို ကျန်းမာရေး စောင့်ရှောက်ပေးဖို့ တာဝန်ခံ ထောင်ဆရာဝန်တစ်ဦးနဲ့ စုစုပေါင်း ဆရာဝန်လေးဦး ရှိတယ်၊ သူနာပြုက ခုနစ်ဦး၊ ဆေးဝါးနားလည်တဲ့ အကူဆေးမှူး သုံးဦးလောက်နဲ့ ကုသဆောင်ရွက်ပေးနေပါတယ်။ အကျဉ်းထောင် ဖွဲ့စည်းပုံအင်္ဂါရပ်နဲ့ အညီတော့ မရှိသေးဘူး၊ လိုအပ်တဲ့ ကျန်းမာရေးဝန်ထမ်းတွေ ထပ်ဖြည့်နိုင်အောင် ကျန်းမာရေးနှင့် အားကစား ဝန်ကြီးဌာနကို တင်ပြတောင်းခံဖို့ ရှိပါတယ်။ HIV/ AIDS ကူးစက်ရောဂါ ခံစားနေရတဲ့  အကျဉ်းသားက လောလောဆယ် ၃၄၃ ဦး ရှိတယ်၊ သူတို့သောက်တဲ့ ART ဆေးကို လစဉ်ရရှိအောင် မြို့နယ်အဆင့် ပြည်သူ့ကျန်းမာရေးဦးစီးဌာနနဲ့ ချိတ်ဆက်ထားတယ်။ လုံလုံလောက်လောက်လည်း ရကြပါတယ်။

Voice : ထောင်ဝင်စာ လာရောက်တွေ့ဆုံမှုကရော အင်းစိန်အကျဉ်းထောင် အနေနဲ့ ဘယ်လိုစီစဉ်ဆောင်ရွက်ပေးနေသလဲ။

UMO : ထောင်ဝင်စာလာ ရောက်တွေ့ဆုံမှုက နေ့စဉ် ၁၄၀၀ လောက်ရှိတယ်၊ အကျဉ်းသားတစ်ဦးကို ထောင်ဝင်စာတွေ့သူ နှစ်ဦး တွေ့ခွင့်ပေးထားတယ်၊ နောက်ပြီး မိသားစုနဲ့ အဆက်ပြတ်ပြီး ထောင်နှစ်သက်ကြီးတဲ့ ၁၀ နှစ်အထက် အကျဉ်းသားတွေဆို မိသားစ နဲ့ တစ်ပတ်တိတိ Face to Face (မျက်နှာချင်းဆိုင်) လွတ်လွတ်လပ်လပ် တွေ့ခွင့်ရအောင် စီစဉ်ပေးတယ်။ တစ်ခါတွေ့ရင် နာရီဝက်နှုန်းပါ၊ အခုလို ကျောင်းဖွင့်ရာသီဆို အကျဉ်းသားတွေက ကလေးတွေကို ပိုတွေ့ချင်ကြတယ်၊ သားသမီးကို ဆိုဆုံးမစကား ပြောချင်ကြတယ်၊ ဒီလိုအစီအစဉ်အတွက် လျှောက်လွှာသဘောနဲ့  ထောင်ပိုင်ဆီကိုတော့ မိသားစုနဲ့ သီးခြားတွေ့ချင်တယ်လို့ စာတင်ရတယ်၊ ကျွန်တော်တို့က နယ်မြေဒေသ ဝေးတာရယ်၊ ထောင်ထဲမှာ ၉ နှစ် ၁၀ နှစ် မိသားစုနဲ့ ဝေးကွာနေတာရယ် ထည့်သွင်းစဉ်းစားပြီးတော့ စိစစ်ခွင့်ပြုပေးပါတယ်၊ ဒီလိုတွေ့ဆုံမှုမျိုးဆို ကျွန်တော်တို့က အများကြီး လုံခြုံရေး ပိုယူရတယ်၊ အကျဉ်းသားနဲ့ ထောင်ဝင်စာတွေ့သူက ရုပ်ချင်းဆင်လား ဆိုတာလည်း အရမ်းသတိထားရတယ်။

Voice : အကျဉ်းထောင်အတွင်း ပညာသင်ခွင့်ကို ၂၀၁၂ ခုနှစ်လောက် စတင်ခွင့်ပြုပေးတယ်၊ အဓိကတော့ ဆယ်တန်းနဲ့ အဝေးသင် တက္ကသိုလ် အစီအစဉ်ပေါ့၊ လက်ရှိ အဝေးသင်တက္ကသိုလ်မှာ ပညာသင်ခွင့်ရရှိသူ ဘယ်နှဦးလောက် တက်နေပြီလဲ၊ နှစ်အလိုက်လေး ပြောပြပေးပါ။

UMO : အင်းစိန်အကျဉ်းထောင်ကနေ ၂၀၁၆-၂၀၁၇ ပညာသင်နှစ်မှာ ဆယ်တန်းဖြေထားတဲ့ အကျဉ်းသားက ၂၇ ဦးရှိတယ်၊ လတ်တလော အဝေးသင်တက္ကသိုလ် တက်ခွင့်ရတဲ့ အကျဉ်းသား ၁၃ ဦးမှာ ၁၀ ဦးက ဒီနှစ်မှာ ပထမနှစ် စတက်တော့မယ်၊ ဒုတိယနှစ်တက်မယ့် အကျဉ်းသားကတော့ သုံးဦးပါ ပါတယ်၊ စာမေးပွဲဖြေဆိုမှု စနစ်ကတော့ သက်ဆိုင်ရာ ပညာရေး ဝန်ကြီးဌာနက ဆရာ၊ ဆရာမတွေက အကျဉ်းထောင်မှာ စာစစ်ဌာနထားတဲ့ သဘောနဲ့ လာရောက်စစ်ဆေးပေးပါတယ်။

Voice : အကျဉ်းထောင်မှာ နိုင်ငံရေး ဥပဒေပုဒ်မနဲ့ ပြစ်ဒဏ်ကျလာတဲ့ အကျဉ်းသားတွေကျ ဘယ်လိုပုံစံနဲ့ စီစဉ်ထားရှိပါသလဲ။

UMO : နိုင်ငံရေးဆိုင်ရာ အကျဉ်းသားတွေကျ ဘယ်လိုဥပဒေနဲ့ ငြိစွန်းရောက်ရှိလာသလဲ ဆိုတာ  အရင်ကြည့်ပါတယ်၊ အဓိကတော့ သူတို့ စိတ်မွန်းကျပ်မှု မရှိအောင် သဘောထားကိုလည်း မေးမြန်းပါတယ်၊ တချို့ တရားရင်ဆိုင်နေရဆဲ နိုင်ငံရေးပုဒ်မနဲ့ ငြိစွန်းလို့ ရောက်လာတဲ့ အချုပ်သားကျ အချုပ်ဆောင်သီးသန့်မှာ ထားရှိပေးတာတွေ ရှိပါတယ်။

Voice : ဟုတ်ကဲ့ ထောင်ပိုင်ကြီးအနေနဲ့ ဘာများဖြည့်စွက်ပြောချင်တာ ရှိလဲ။

UMO : အင်းစိန်အကျဉ်းထောင် အနေနဲ့ အကြီးဆုံး ထောင်ကြီးတစ်ခုလည်း ဖြစ်သလို ကောင်းမွန်တဲ့ စီမံအုပ်ချုပ်စနစ်နဲ့အညီ ဘက်စုံပြုပြင်ပြောင်းလဲနေပါပြီ၊ အကျဉ်းသားတိုင်း ကျောသားရင်သား မခွဲဘဲ  အုပ်ချုပ်ဆောင်ရွက်နေပါတယ်။

Voice : ဟုတ်ကဲ့ အခုလို ဖြေကြားပေးတာ ကျေးဇူးတင်ပါတယ်။         

အောင်ဇော်ထူး