News

POST TYPE

EDITOR PICK POST

ပဲခူးတိုင်းတွင် ကျောင်းသား ၄၃၀၀ကျော် ဆယ်တန်းမဖြေ

တောင်ငူ၊ မတ် ၈

ပဲခူးတိုင်းတွင် ဆယ်တန်းစာမေးပွဲ မြန်မာစာ မဖြေသည့် ကျောင်းသား၊ ကျောင်းသူ ၄၃၀၀ ကျော်ရှိကြောင်း ပဲခူးတိုင်းဒေသကြီး ပညာရေးမှူးရုံးထံမှ သိရှိရသည်။

ပဲခူး၊ တောင်ငူ၊ ပြည်၊ သာယာဝတီ ခရိုင်လေးခရိုင်မှ ဖြေဆိုရန် စာရင်းရှိ ကျောင်းသား၊ ကျောင်းသူ ၆၅,၀၇၈ ဦးရှိသည့်အနက် ဖြေဆိုသူ ၆၀,၇၁၈ ဦးသာ ရှိကြောင်း အဆိုပါ ပညာရေးမှူးရုံးထံမှ သိရှိရသည်။

အဆိုပါ ခရိုင်လေးခုတွင် ပဲခူးခရိုင်မှ ကျောင်းသား၊ ကျောင်းသူ အများဆုံး ပျက်ကွက်ကြောင်း၊ တိုင်းဒေသကြီး တစ်ခုလုံးတွင် စာစစ်ဌာနပေါင်း ၁၂၇ ခုဖွင့်လှစ် စစ်ဆေးကြောင်း ပဲခူးတိုင်းဒေသကြီး ပညာရေးမှူးရုံးထံမှ သိရှိရသည်။

စာမေးပွဲဖြေရန် ပျက်ကွက်သည့် အကြောင်းအရင်းနှင့်ပတ်သက်၍ အထက(၁) တောင်ငူ စာစစ်ဌာန စာမေးပွဲ အခန်းစောင့် တာဝန်ကျသည့် အထက်တန်းပြ ဆရာမတစ်ဦးက “ဒီစာစစ်ဌာနမှာတော့ ပျက်ကွက်ကျောင်းသားက လာမဖြေတာမျိုးပါ။ အခြား အကြောင်းတွေကြောင့် ပျက်ကွက်တာ မရှိပါဘူး”ဟု ပြောကြားသည်။

ယခု ၂၀၁၆-၂၀၁၇ ပညာသင်နှစ် ဆယ်တန်းစာမေးပွဲကို ယနေ့ (မတ်လ ၈ ရက်) တွင် မြန်မာစာ၊ မတ်လ ၉ ရက်တွင် အင်္ဂလိပ်စာ၊ မတ်လ ၁၀ ရက်တွင် သင်္ချာ၊ မတ်လ ၁၁ ရက်တွင် စိတ်ကြိုက်မြန်မာစာ ဖြေဆိုမည်ဖြစ်ပြီး မတ်လ ၁၂ ရက်(တနင်္ဂနွေနေ့) စာမေးပွဲ နားမည်ဖြစ်သည်။

ထို့နောက် မတ်လ ၁၃ ရက်တွင် ဓာတုဗေဒ၊ မတ်လ ၁၄ ရက်တွင် ရူပဗေဒ၊ မတ်လ ၁၅ ရက်တွင် ဇီဝဗေဒနှင့် ဘောဂဗေဒ၊ မတ်လ ၁၆ ရက်တွင် ပထဝီဝင်၊ မတ်လ ၁၇ ရက်တွင် သမိုင်းဘာသာရပ်များ စစ်ဆေးမည်ဖြစ်သည်။

R - 15